•¦¦•

رد مخالف لعروستي:

ليدي ون مليون الحق اليوم كيف شميته وحسيته سمح

برغم ان مش نوعية الي نفضلها عشنها ثقيلة وقوية بنسبة ليا

وانا الي نحبهم الهاديات وفروتي وبرتني سبيرس عشقي

هو شانيل باذن الله نبي ناخذه ست كامل ونبي ناخذ ثاني

عطر عارفة خاااااااااااااااااااااايال روعة هو هذا اليوم قررت اني ناخذه للعرس

عجبني وبنته بين قوي وخفيف وهادي وناعم يعني عجبني وناخذه ست

وون مليون هو لي ممكن نحطه اخر حاجة وناخذ بداله رتشي رتشي عشان حلو

وحق عطر متاعك احمر لعند توه ماشمتيش شميت اضني بودري بس

وحنشوفه احمر بلكي نظم للقائمة يقولوا ماتكثريش عطور شنو رايك ؟

ماشاء الله ماشيين شوووووووووووط.
اللى شارييت لبس جديد مبروووووووووووووووووك واللى حاطين صور ربي يهنيكم

سؤال المخالفة

نبي الرد اللى فيه نصايح نرجوسة ابتاع الزفة وييييييييييييييييينهم ز دوخت وانا انددور فيهم .

زووووروني في موضوعي الجديد علي مسكات الورد
http://forums.3roos.com/showthread.p...0#post14143440

ليالي2009;14140194:
سؤال مخالف

بنات خيركم مارديتو عليا ؟؟ نبيكم تفيدوني شني العطر اللي نستعمله في ليلة الدخلة
ونبي ماركات مكياج كويسة

انى ننصح بتشانس من شانيل الحق تهبببل وانى درتها فى عرسى هههه هادا باش .. او جادووووغ من ديور تهبل حتا هيا

رد مخالف:

بالنسبة لملكة فى مملكته شنى تبى تنظفى المعدة قصدك تاكلى شىء معين ولاتنظيف من الخارج يعنى البطن؟؟؟
كان بتاكلى ننصحك بالسنامكى وتلبينة الشعير..والخارج بالنسبة ليا احلى شىء حمام الصابون المغربى مع منتجات بودى شوب.
مع محبتى:L:

رد مخالفة لانجولة..
بالنسبة للكب كيك شفت قاناش اتدير فيهم كيكات ومعاهم كب كيك نفس الشكل شوفي البيج متاعهم على الفيس بوك تلقي الصور ورقمهم..
وبالنسبة للكونتينير اني شفتهم في سوق المرجان وتلقيهم ممكن في سوق التلات في جيهة الفويل والبلاستيك ..وجربي حتي الدغري وباذن الله كان شفتهم مرة تانية نعطيك علم

ملكة في مملكته;14141937:
سؤال مخالف
نبي شي ينضف الجسم من داخل ... ومنبيش خل ...
نبي شي زي غسيل معدة ..؟؟؟!!!

حبيبة فيه نظام غذائي يديروا فيه لتنظيف الجسم سمعت بيه قداش مرة جربي ديري سيرش في النت..لكن نصيحة كتري فواكه وخضرة والياف وصيمي واشري امية على قد ماتقدري ويكونو عندك باذن الله امعاء زي الفل واجهزة الجسم كلها تبي مجرد اكل صحي ومعنويات عالية وتخدم كانها جديدة

طرابلس+بنغازي;14141140:
استفساري هل كتر استعماله ليه تأثير سلبي على الحمل:sick:

لالا حبيبة اصلا كويس للوحم تشربي منه على الريق الصبح وينصحو بيه الدكاترة غير ماتكتريش لان كل شي لما يزيد عن حده يضر

ليالي2009;14140194:
سؤال مخالف

بنات خيركم مارديتو عليا ؟؟ نبيكم تفيدوني شني العطر اللي نستعمله في ليلة الدخلة
ونبي ماركات مكياج كويسة

حبيبة العطور اذواق وكل حد يشمها بطريقة
اني في عرسي استعملت غيرلان اتسولانس ولتوا يعجب فيا هلبة وحتي قوتشي انفي قنين ومش تقيل هلبة..والحق العطر الوحيد اللي عجب راجلي وهو من النوع اللي يكره العطور عموما هو فيري سكسي من فيكتوريا سيكرت
وبالنسبة للمكياج احسن كريم اساس وبودرة عندي غيرلان وديور الصراحة النوعين هادم روعة وكل مرة نجرب منهم حاجة لان هما هلبة انواع ولازم تعرفي شن يناسب بشرتك ..ولطلعات كل يوم نحب نستعمل اي نوع يكون ميسكد اساس وباودر في نفس الوقت زي دريم ميبيلين قنين وديور عندهم واحد هكي غير مش متفكرة اسمه
والاي شدو اقوي حاجة ماك الصراحة احسن الوان واكتر الوان تابتة

مرج حمام;14141012:
جواب للمخالفة

فيكي لحفلة تخرج زوجي بإذن الله ، قولت اندير شيكلاته فريرو في هادو ، والبوكسات اندير فيهم مكسرات، شن رايك

الف مبروك على زوجك..شوفي اني لو مكانك اندير التيم اسود وابيض زي روب التخرج ..ونحاول ندور حاجات على التيم هدا وحطيتلك صور زي الحاجات اللي نقصدها في المرفقات وراهم متوفرات على النت ويشحنهوملك لاي مكان..ولو انتي خلاص شريتي البكوسات ومصرة على الفيريرو ..فمن رأيي تلفي الفيريروا بتول ابيض متلا وتربطيها بشريط اسود تجي مناسبة اكتر للتخرج ..والمكسرات حلو البوكس اللي حطيتي صورته ولو مافيش منه الوان لفي حتي الشكلاطة بنفس الالوان وديري ملونة تجي حلوة..المهم اعتمدي نفس الالوان للشكلاطة والمكسرات نحسها احلي من انك تديري الشكلاطة كلاسيك ودهبي تغليفها والمكسرات باكواتهم فنكي وملونات..وهذا رأيي حبيبة وديري اللي يريحك وربي يكمل عليك

صباح الخير

أشكر كل من رد عليا وبارك الله فيكم

جواب للمخالفة

لالا قاعدة ما خديتش لانه هو في شهر 3 بإذن الله الحفلة ، وأمس طلعت لقيت حاجات تخرج حلوة ولقيتهم هادو ، وفي اشياء حلوة ايضا ، وتوة نستقر عليهم ونصورهم

( البوكسات درتهم في عزومة فقط )

Ghado;14141092:

هـــــــــلا حبيبـــاتي

أول شيء

انضمت لينا عروسة حلوووة اسمها: soso122010

و هي شخص عزيز على قلبي هلبة .. و طبعاً عروسة الصيف الجاي
(ان شاء الله كان ربي سخرلها الحال)

و مني زيها يا عم .. 2 عراس واحد في ليبيا و واحد في تونس

نبيكم ترحبوا بيها و تساعدوها .. و تحطوها في عيونكم

****************************************

أنجولة

كراميلا مش حلو أبداً .. و عارفة انه مش حيعجبك لانه حسيت ذوقك راقي هلبة

و تبي حاجة بيرفكت (طعم و شكل) لانه تحسيهم ناس مبتدئة

ممكن في المستقبل يتحسن مستواهم

و هذا رأي شخصي طبعــاً

****************************************

بنــــات

شفت هلبــة منكـم معلقيــن على بايج مركز لادونــــا في الفيس بوك

و معجبين بخدماتهم و تشكروا في مستواهم

فسؤال المخالفة حيكون:

تشكروا فيهم على أي أساس؟؟؟؟

من تجربة شخصية ؟؟ ولو من تجربة شخصية شاركونا بيها خلي نستفيدوا معاكم....

لانه لاحظت انهم جايبين حاجات جديدة مهمة زي الكولاجين .. و أقنعة تبييض ... الخ.

رد مخالف:

والله انا جربت عندهم ماسكات لشعري و اشهد انهم عالجولي شعري و لاحظت الفرق من اول جلسة
مكان اول حاجة مريح نفسيا جدا و هادئ و الناس محترفين في تلوين الشعر و علاجه
انا مازال ما جربتش البشرة بس تلاقيت مع سيدة قالتلي انهم شالولها اثار حرق في وجهها من تقشير داراته في اوباجي
و بعدين اسعارهم عادية جدا جدا يعني ارخص من فيكي و من واحة الجمال و المواد اللي يستعملوا فيها تشمي ريحتها الطبيعية لانها من باريس
هدا رائي الشخصي و الله حرام النقد اللي مش في محله مفروض نشجعوا الحاجة الباهية لاننا محتاجين ليها:L::thumbs_up:

رجاء جدة;14149015:
رد مخالف:

والله انا جربت عندهم ماسكات لشعري و اشهد انهم عالجولي شعري و لاحظت الفرق من اول جلسة
مكان اول حاجة مريح نفسيا جدا و هادئ و الناس محترفين في تلوين الشعر و علاجه
انا مازال ما جربتش البشرة بس تلاقيت مع سيدة قالتلي انهم شالولها اثار حرق في وجهها من تقشير داراته في اوباجي
و بعدين اسعارهم عادية جدا جدا يعني ارخص من فيكي و من واحة الجمال و المواد اللي يستعملوا فيها تشمي ريحتها الطبيعية لانها من باريس
هدا رائي الشخصي و الله حرام النقد اللي مش في محله مفروض نشجعوا الحاجة الباهية لاننا محتاجين ليها:L::thumbs_up:

روح الوليد;14143346:
ماشاء الله ماشيين شوووووووووووط.
اللى شارييت لبس جديد مبروووووووووووووووووك واللى حاطين صور ربي يهنيكم

سؤال المخالفة

نبي الرد اللى فيه نصايح نرجوسة ابتاع الزفة وييييييييييييييييينهم ز دوخت وانا انددور فيهم .

بنات كيف حالكن ؟؟؟؟؟؟؟؟؟ نصيحة ع الطاير ::
1- ما تكترنش بيجامات ستان و حرير لانكن مش حتلبسهن و تستعملنهن واجد و هن بصدق مش مبردات واجد يعني 2 سادات...
2- ما تكترنش شباشب حوش و الله حتوحلن فيهن وحلة سوداء و راهو القول مش كيف التطبيق توا تجوزن و تشوفن خاصة الي زي حالتي ما تقعدش في حوشها واجد او تحمل من اول مرة راهن ايديرن زحمة في الحوش مش عادية ...
3- خوذن ارواب قطنية قصيرة و بيجامات حتي لانهن عمليات و يساعدنك وقت الحوسة ...
4- ما تسهن ع القميتشات راهن موهمات خاصة القطنيات منهن توا انا انقولك ليش اولا هن يمسكن العرق ابتاع الجسم تانيا وقت ما بتلبسي جلبيات او عبايات مطرزة لو فيهن وسعة بسيطة تمسكها لك و ترفع الجلبية و الاهم من هك ساترة يعني جسمك ما يقعدش واضح تحت الجلبيات .... و هن بجد مبردات بكل تقدري تلبسيهن حتي في الحوش و تقعدي بيهن ...
5- مش كل غالي سمح و لا كل رخيص ما ينفعش و هضا عن تجربة و في النهاية الراجل لا يدور و لا ايدقق و لا بيعرف ان كان هضا غالي او رخيص ... المهم حاجة تعجبه و خلاص ....
6-ما تكترنش مكياج ...
7- ما تكترنش كريمات راهو مش حتلقي وقت انك اديريهن و الكل عارف انه الكريمات لهن صلاحية ووقت معين والله حرام تشريهن و يقعدن هكي لانك مش حتفضي عشان اديري خاصة في اول شهور راكن توا قاعدت في النظري بكرة بعد يبدا التطبيق اتبهتي في الحاجة و تقولي و الله حرام توا هذي شاريتها و ما نستعملش فيها ...
في الختام ربي يوفقكن كلكن و تعيشن حياة حلوة و يرزقكن كلكن بالذرية الصالحة امين يا رب .

اه انسيت ما حكيتش ع شنطة الكوفير ....
هضكي اليوم يوم عالمي تقعدي ع نار ياربي ازعمك كيف نطلع كيف حيكون اطلعني بدري او خري و التلفونات يرنن بس سبحانة الله ع قصاد النية كل شي يمشي حلو و ربي يسهل الامور من عنده
المهم خوذي يا حنة شوية النصائح هذين :
محفظتك الي فيها الفلوس و نقالك راك تسهي عليهن هذين في يدك خليهن و خلي المرافقه امفتحه عيونها الي معاك لانه في ناس استغفرالله يسرقوا عيني عينك فيعني حافظي و ما تامنيش
2- خوذي حذاء الفيلو
2- صندوق حذاء فارغ فيه من جوا اكسسوارات الفيلو و التاج عشان ما يقعدنش ضايعات في الشنطة و تب
ي ادوري هضا في الشنطة في مكان معروف .و بالمرة تكوني محافظة انهن مش حينخدشن او يتكسرن ..
3-الملابس الداخليه ابتاع الفيلو
4- كريمة الجسم و بودرة الجسم
5-الفرشة و المعجون و اللبان
6- فلوس احتياط ما تندريش شن ينقصك فجاة او يصير معاك
7-عطرك و بدي لوشن اي حاجة انتي تستعملي فيه للتعطير و تحسي روحك تريحي لريحته
8-عصائر بس ما تكتريش منهن واجد لانك تقعدي بتخشي للحمام و راهو كوفير و حمامه ايخشله العالم كله
9- ما تنسيش الممه(الاكل) عشان اتقوي بها لانه يوم طويل و سهرة صباحي كيف ما يقولوا
10-الفيلو و البرنوس خلي حد من هلك ايجيبه لك قولي قبل ساعتين يعني مثلا ايجبه لك الساعه 06:00 او 06:30 عشان ما يقعدش مطوح في دار العروس لانه احيانا ايكون في عرايس و زباين و يخشن و يطلعن علي هالدار و مرات وحدة تعفسلك عليه او يتمرمد و انا هضا الي شفته فخليه في الحوش و بعدين ايجيبوه لك في الكوفير خير
11-المونيكير راك تنسيه في عروس نست ما جابتش و قعدت هك لولا انا عطيته لها فركزي في الموضوع
12- الشنطة هذي خلي فيها الحاجات الخاصة بالكوفير بس لا اكثرلا اقل عشان ما تقعدش عصيدة و زحمة و تنسي حاجة ..
13- الحاجة الي تحوليها تاخذها المرافقة طول و تحطها في شنطتك الخاصة عشان ما تنسيهش في الكوفير ...
انا دوتي واجدة و نركز حتي ع التفاصيل الصغيرة بس كله عشان تفطنن و تمشي ليلتكن حلوة ...بالهناء للجميع ...

( سؤال مخالفه )

بنات من فضلكم نبي النعته متع جاناش لاني منعرفهمش نلاحظ انكم تشكرو فيهم هلبا فنبي نشوف خدمتهم

وانا منبيش الفيس لاني مش مشتركه غادي يعني العنوان او الويب سايت متعهم وشكرا

جمال الروح 1;14150122:
( سؤال مخالفه )

بنات من فضلكم نبي النعته متع جاناش لاني منعرفهمش نلاحظ انكم تشكرو فيهم هلبا فنبي نشوف خدمتهم

وانا منبيش الفيس لاني مش مشتركه غادي يعني العنوان او الويب سايت متعهم وشكرا