•¦¦•

استفساري هل كتر استعماله ليه تأثير سلبي على الحمل:sick:

عروسة ليبيا;14135597:

F:لعيون عرايس ليبياF:

كوني عروس علاطول وعشان صحتك وجمالك وبشرتك ورائحه فواحه تفوح من كل مسامك

ماهو الزنجبيل؟؟؟

الزنجبيل نبتة من نباتات المناطق الحارة له طهم لاذع ويتمتع بالعديد من الفوائد

لكن يا عرايس الاعتدال مطلوب بدون مبالغه في شربه فنجان متوسط كا بديل للشاهي كويس خصوصا في البرد وايامات الدورة

تجربتي الجديده مع الزنجبيل

طبعا اني نديره شوي ونفوته ولكن هالفتره مركزه عليه

زنجبيل شكله زي البطاطا يباع ف العطار وف الي زي البودره يستعمل بهار

الكويس الي يقولوه اخضر او حب زي البطاطا بزبط وف الي لونه مايل شوي للخضار مش واجد زي بطاطا لما فيه خضوريه

انا نحط ف براد متوسط في اميه ع نار وندير كشيك سكر ونقشر زنجبيل بي قشاره الخيار ونقرضه شرايح رقيقه يعني يكون حبه زنجبيل الي نقرضها تصكر عليها كفة اليد متوسطه ونقرضها ونحطها ف ميه ونقص النار ع الاخر

نخلي يغلي شويه يعني مش اول ما يغلي طول نطفي لا نخلي شويه لين نحس لونه اصبح مصفر شويه وريحته فاحت واجد نطفيه ونغطيه لين يتنقع شويه حتى 10 دقايق وبعدها الفايده كلها تكون ف الميه نصفيه ونشرب

لو برد اشويه نسخنه بعد ما نكون صفيته نسخنه والافضل يشرب ساحن وخصوصا لو في دورة ررررهيب

ووهوا الصراحه فيه طعم حارق شوي ف رقبه زي مغلي الزعتر بس الفايده بتاعه روعه روعه روعه وف احيانا ناس تشربه مع حليب حكيه زي الحليب وشاهي يعني

و معروف له فوايد حتى ف جمال شعر والبشررررررررره والهنود متلا مشروبهم الاول

وانا نشرب منه في فنجان الشاي يعني او مق صغير

يعني كميه ما اضرش وهوا كانهو يضر راهو الهنود منقرضين الي هنا فالامارات هوا مونتهم يفطور عليه ع ريق

وهادي اختصارات من قوقل لعيونكم انتمنى تفيدكم وتستحق التقييم

أهم فوائد الزنجبيل :

1- يخفف من انتفاخ البطن لأنه يساعد على طرد الغازات من الجسم .
2- يعتبر مضاد حيوي طبيعي لأنه يقوي الجهاز المناعي في الجسم .
3- يخفف من نزلات البرد والانفلونزا لأنه يرفع حرارة الجسم .
4- يساعد في تخفيف شدة الغثيان الناتج من الحمل أو من الدوران .
5- يساعد في تخفيف آلام الطمث ( الحيض ) .
6- يساعد على تخفيف الصداع النصفي .
7- يساعد على تخفيف آلام الحلق .
8- معطر ومنعش لرائحة الفم .
......
استعمالات الزنجبيل :
للزنجبيل استعمالات كثيرة فهو يستعمل في الطبخ و في بعض الخلطات الطبية و يستعمل كمشروب يومي مع الشاي الأخضر والحليب .

شرب فنجان من الزنجبيل يومياً يجعل رائحة جسمك عطرة ليس فقط من أنفاسك بل من جسمك ككل .
شرب الشاي الأخضر يطيب رائحة الفم .

تطهير الجسم من السموم
شرب الماء بكثرة مفيد حيث يخرج الفضلات مع العرق ويطهر الجسم والبشرة (ولو تضع به ماء ورد مقطر قطيرات سيكون أروع) .
مزيج من عصير البرتقال وماء الورد والنعناع يعطر الإفرازات الأنثوية

ولعيون عرايس ليبيا

تجنبي هالاكلات خلال اخر شهر قبل عرسك يا عروسه

أطعمة تجعل رائحة الجسم منفرة البصل – الثوم – البهارات – اللحوم – الحلبة – الأندومي – الفجل – الملفوف .

يتبع;)

جواب مخالف لغدو ..
حبيبتي ... لادونا صح غالية .. لكن نتايجها ملموسة .... انا ماما ادير معاهم في جلسات بشرة
وانا كدا مرة مشيت درت شعري .... الحق الحق ينقال غالي هلبة .. لكن بس لانه وكيل
معتمد من فرنسا .... بعني لما تجي تشوفي الاسعار الي يخدموا بيها برا .... اغلي من هادي
ب الضعف ... وهي منها ليها لما اتشوفك زبونة مرات اتنحي حتي 10 جنيه ..... انا الحق حبيتها
وحبيت خدماتها ,... والناس الي فيه بشوشين ...
خلينا من سلبيات ان المكان صغير ... ومرات موعدك يفوت وووو الــــــــــــخ ويصير في كل مكان
هالشي ... انا عمري ماحد قدر يديرلي شعري بالطريقة الي انا نبيه وطلع حلووو ...
انا درت باديكور ومانيكور مرا .. الحق الفرينش مش حلوو ويتنحي بسرعه وعلقت كدا مرا علي
هالموضوع ... وقتلي بنجيبوا بتع سالي هانسن ....
خاطري نمشي اندير بروفا بتع عروسا ... وان شاء الله انروح حنديرها غير كان ماما
متوقفش فيها .. بس بالمجمل انا حبيت لادونا برغم غلي سعرها ... !!!!

جواب مخالف لغدو
في الاول دارت تنضيف وبعدين نضارة وتوا مش عارفه شنو ادير

مرج حمام;14141012:
جواب للمخالفة

فيكي لحفلة تخرج زوجي بإذن الله ، قولت اندير شيكلاته فريرو في هادو ، والبوكسات اندير فيهم مكسرات، شن رايك

رد لسؤالك طالما حفلت تخرج فى بنبونيرات على شكل قبعة تخرج درتهم حفل الماجستير ابتاعى لونهم اسود والشريط ذهبى ومن جو حطيت فيم فريرو روشيه عارفة كانت حاجة حلوة بكل ممكن تلقيهم انا مش عارفة انتى تقريبا فى الادرن انا درتهم عند بن زبلح ومكنوش غالين بس منذكرش سعرهم كم بالزبط :L::L:

جواب لمخالفة

بيسا ما فيش في عمان لفيت وشفت لقيت افضلهم وأخفهم هادو
وين جيي زبلح هذا في طرابلس باش نقول لاهلي يبعتلولي منها حسيت حلوة وافضل

جواب مخالف لمرج
بن زلبح محل معرووووووووف في سوريا والاردن
اسئليه عليه غادي
وهو موجود في طرابلس في شارع قرقارش

سؤال المخالفة بنات ليش متحطن فى صور تجهيزاتكن

مرج حمام;14141696:
جواب لمخالفة

بيسا ما فيش في عمان لفيت وشفت لقيت افضلهم وأخفهم هادو
وين جيي زبلح هذا في طرابلس باش نقول لاهلي يبعتلولي منها حسيت حلوة وافضل

انا الى نعرفة فى بنغازى فى شارع الحدائق واهى ملوكة جابتلك الخلاصة وفعلا بضاعتة من سوريا ويتعامل مع محلات درجة اولى فى الصين

سؤال مخالف
نبي شي ينضف الجسم من داخل ... ومنبيش خل ...
نبي شي زي غسيل معدة ..؟؟؟!!!

جواب للمخالفة
حبيبتي ملكة اني ما نعرفاش في الاردن وتوة نسئل عليه كان موجود

جواب مخالف لبيسا
اول مانروح من عيوني حنصورلك كل تجهيزاتي :)
بتع رحلتي هادي

ملكة في مملكته;14142068:
جواب مخالف لبيسا
اول مانروح من عيوني حنصورلك كل تجهيزاتي :)
بتع رحلتي هادي

نجيهاااااا يا ربى تسلمى حبيبتى اصلا حاجاتك كلهن وردية وانا انموت فى اللون الوردى

رد مخالف بنسبة لعطور :

انا الي عجبني ونبي ناخذ منهم

بس مارستيش ع اين واحد هو الي للعرس



La Perla JAime



والي عندي حاليا












حي عليا اكتشفت توه اني واخذه واجد

خلاص نبي نزيد اثنين و 3 وخلاص

خاطري في




chanel chance


واي نصيحة يابنوتات ماتحرمونيش

رد مخالف : لعروستي الغالية

شنو رايك في اول عطرين للعرس؟

اه وشانيل نمووووت فيه بناخذه بس مافكرتيش في للعرس؟

وسكادا موف عندي يهبل بكل