استفسارات وتساؤلات الامهات الجزء الثامن فيدى واستفيدى

يا سمينا هم الموز و المانجو مش دلوقتى الموز على 6 شهور مش عشان حاجة بس عشان الحساسية و المانجو برده هو الهيرو ده مكتوب عليه سن كام؟؟؟ممكن يكون عنده حساسيه طبعا و خصوصا الترجيع
بلاش مانجو و هى مش مفيده اوى يعنى دى كلها املاح
انتى ممكن تعمليلوه الخضار المسلوق

0مع انى مش من مشجعين الاكل قبل 6 شهور)
وممكن سيريلااك رز و كوسة و الجزر مش كل حاجة حجات مسكرة لانى بعانى مع جودى بتحب المسكر بس
و اسالى الدكتور على الترجيع و الحبوب
و ليوسفى انا كنت سالت عليه البنات قالولى تقيل

لؤلؤة عروس البحر;14189296:
هو في تطعيمات تاني بعد 9 شهور غير بتاع سنة يعني في اضافي؟

لأ مفيش إلا لو نزل اي جرعة تنشيكية للشلل مثلا وبيعلنوا قبلها لكن مفيش حاجة لأ


بوسي صح كده الكلام، ما كنت لسه بقول مش كل البرطمنات بتاعة هيرو تنفع لأي سن، الدكتور محددلي انواع معينة منها وبس التانيين لسه وحاولوا مش يبقي عالطول فعلا عشان طعمهم حلو وكده هيغلبوكم في الاكل بجد، انا باخدهم بس لو خارجة ومش دايما مرة خضار ومرة فاكهة.

الموالح والحاجات اللي هي حمضية ممنوعة لسه، المانجو والفراولة والكيوي والمشمش والنوعية دي

بس الموز مش حلو كترته عمتا

صوت العيون ʚϊɞ ام سندس ʚϊɞ;14193998:
بس الموز مش حلو كترته عمتا

اه انا مش بزود عن موزة واحدة في اليوم

يا قمرات حد جرب بامبرز كوتشي اسمه بيبيكو؟ هو تركي بردو

كل يوم واحد يا كتكت كتير
بالكتير اوى واحده او اتنين فى الاسبوع

ام ادم جربت كوتشى سليبى وهو تركى برده كل كوتشى تركى وحلو ما شاء الله

هينار عندها رشح وخنفرة اديها ايه

طيب انا دلوقتى بسمع كلمه هيرو كتير فى الاكل قولولى بقى هو ايه زى السيريلاك ولا ايه فهمونى وايه اللى منه بالفواكه

وكمان ايه رايكم فى بامبرز السعودى اصل جبته ولسه مش استخدامتة ؟

وكمان هو احلى ولا البامبرز الابيض؟

حاجة كمان معلشى انا هنا لقيت الميلوبا ايه رايكم فيها اللى هى بتتعمل زى السيريلاك ؟

ياريت تردوا على كل الاسئلة لو حد يعرف وربنا يكرمك يارب

هيرو جربت السيريلاك منه سئ جدا
لكن البسكويت حلو ما شاء الله
البامبرز السعودى برده جميل جدا

أم سندس أنا جربت سليبي حلو بس كان بيسرب علشان جبت أول مقاس ذي ما كنت بجيب في سانيتا بامبي طلع صغير عليه بس مش لقيت النهارده بقي جبت بيبيكو بس فعلا سليبي احلي.. فيه كمان كوتشي توجور تحفة تحفة فعلا بس مش لقيت منه ثاني هنا.. بنات اللي من اسكندرية حد شاف كوتشي في المنشية أو الرمل؟ و فين بالظبط ضروري؟

أم هينار حطيلها اوترفين بيبي سالين ونظفي انفها كويس علشان تعرف ترضع ألف سلامة عليها.. أم سندس أنتي جربتي هيرو بايه؟ رز ولا قمح ؟

سالى البامبرز الأبيض احسن من السعودي من غير كلام لانه قطن خالص وكمان منتجات ميلوبا حلوة انا جبت منها البسكوت اللى بيدوب فى اللبن وسريلاك الرز لانه مكتوب عليهم من 4 شهور يعنى كل حاجة مخصصة

ازيكم يا بنات وحشتونى
محمد تعبان وعنده دور برد بس مش عارفه مش راضي يروح ليه
انا كان عندى ظروف نزلت بيه مصر 10 ايام ورجعت تانى بيه وبصراحه اتبهدل مني هناك بسبب الجو وتغيره وكده ودلوقت مناخيره مسدوده دايمه وسايحه بديله نقط رينو ستوب واوترفيني بيبي سالين وبردو لساا مخنفر اعمل ايه

ألف سلامة عليه يا مشمش فيه اسبراى حلو أوى احسن من النقط اسمه tonimer baby دا أحسن من المحلول الملحى وخلي بالك منه وبلاش تحميه كتير وان شاء الله يكون أحسن

بس فيه طريقة وانتى بتحطيه هتشوفيها على النشرة اللى معاه

تسلميلي رجائي قوليلي الدوا ده هنا في الامارات؟؟؟

ايوة انا جيباه من هنا فى الامارات

~OM-ADAM~;14196400:
يا قمرات حد جرب بامبرز كوتشي اسمه بيبيكو؟ هو تركي بردو

انا جربت 3 وحدات منه وكان حلو وجربت بردو نوع تاني من كوتشي بس من غير اسم وراه وحلو بردو، بس لسه مش عارفة استقر علي ايه لأنه مش متوفرين عالطول ولا في اي حت ونفسي الاقي جنبي حد بيبيعه

صوت العيون ʚϊɞ ام سندس ʚϊɞ;14196982:
كل يوم واحد يا كتكت كتير
بالكتير اوى واحده او اتنين فى الاسبوع

الدكتور قالك كده ؟؟
ده ماما بتبقي ساعات عايزاني اكلها اتنين وانا برفض وازعق كل ما تقولي كده، هو من كام شهر الدكتور اصلا مكنش عايزني اديها موز بس لما قلتله عليه دلوقتي معلقش يعني مرفضش، ممكن نسأل ام سيمو كمان

om_hienar;14197005:
هينار عندها رشح وخنفرة اديها ايه

روحي الموضوع ده يا روجي بس بفضل تروحي لدكتور يكشف احسن
http://forums.3roos.com/showthread.php?p=14194304&posted=1#post14194304

sally2007;14197028:
طيب انا دلوقتى بسمع كلمه هيرو كتير فى الاكل قولولى بقى هو ايه زى السيريلاك ولا ايه فهمونى وايه اللى منه بالفواكه

عارفة جاربر ده البرطمنات هو زيه بالظبط، اكل مهروس حلو اووووي والاطفال بيحبوه كمان والدكتور هو اللي قاللي عليه بس مجربتش بقي منتجاته وفي منه عصاير بردو ومجرتهاش انا جربت الاكل سواء خضار او فاكهة وفي انواع وتشكيلة كبيرة جدا

مشمش ام محمد;14197344:
ازيكم يا بنات وحشتونى
محمد تعبان وعنده دور برد بس مش عارفه مش راضي يروح ليه
انا كان عندى ظروف نزلت بيه مصر 10 ايام ورجعت تانى بيه وبصراحه اتبهدل مني هناك بسبب الجو وتغيره وكده ودلوقت مناخيره مسدوده دايمه وسايحه بديله نقط رينو ستوب واوترفيني بيبي سالين وبردو لساا مخنفر اعمل ايه

الف سلامة يا نودي ادخلي هنا

http://forums.3roos.com/showthread.php?p=14194304&posted=1#post14194304

يا جماعة انا تعبت من التسلخات وقريت انها ممكن انها تيجى من المشروبات الحمضية ذى البرتقال وانا بدى لجودى عصير برتقال صح الكلام دة تانى حاجة تكون كويسة معظم اليوم واول ما تتبرز تلتهب خالص مع انى ف لحظتها بغيرلها وحتى البول بغيرلها اول باول عشان متلتهبش وعملتلها تحليل براز الحمد لله كويس مش عارفة اية السبب بتروح وتيجى متكملش حاجة

اعلى الجنان;14197646:
يا جماعة انا تعبت من التسلخات وقريت انها ممكن انها تيجى من المشروبات الحمضية ذى البرتقال وانا بدى لجودى عصير برتقال صح الكلام دة تانى حاجة تكون كويسة معظم اليوم واول ما تتبرز تلتهب خالص مع انى ف لحظتها بغيرلها وحتى البول بغيرلها اول باول عشان متلتهبش وعملتلها تحليل براز الحمد لله كويس مش عارفة اية السبب بتروح وتيجى متكملش حاجة

بتدهني كريم زنك او كريم مرطب بعد كل غيار ولا لأ حتي لو مفيش التهابات، عشان هو بيعمل وقاية وطبقة عازلة، وجربتي تغيري نوع البامبرز؟

مظنش خالص موضوع البرتقال اول مرة اسمعه ومش حساها منطقية، كنت هقولك ممكن بكتيريا في المعدة بتنزل مع الكيكي بس انتي قلتي حللتي، مش عارفة جربي كده تغيري الانواع اللي بتستخدميها وشوفي في فرق ولا بردو

بنات انا بنتي عندها 8 شهور ولسه لغايه دلوقتي مطلعتش ولا سن ولا زحفت بس بتقعد دقيقه او اتنين لوحدها وبعدين تقلب على ورا والناس اللي حواليا مقلقني اوي في تأخيرها ده
في حد حصل معاه كده ولا هيا فيها حاجه وأعملها ايه عشان تزحف يعني أدربها أزاي ولا أعمل ايه مش عارفه