استفسارات وتساؤلات الامهات الجزء الثامن فيدى واستفيدى

ايمى انا فعلا انا وباباها بنزهق جداااااااا والله وبنعد نتعازم مين هيشيلها فينا وانا لما بروح محل او بنده بحطها فى عربيه الاكل بتعد عادى بس بعديها بشويه بتزهق فانا متوقعه تعمل كدا برضوا فى العربيه بس مش مشكله نبقى على الاقل ارتحنا شويه

بنات انا عايزة حد يقولي اعمل مهلبية اللبن و الفواكه ازاي بالضبط... انا جربت اعملها باللبن ليوسف لقيت اللبن بتاعه قطع و باظ على طول مش عارفة انتو بتعملوها بلبن الاطفال ازاي؟؟؟ كمان يوسف بيرجع بعد ما اشربه مية بلغم كتيييير و الدكتور مش عايز يديني حاجة للبلغم؟؟ بيقولي عادي اهو بيرجعه و خلاص.. حد يعرف اعمل ايع علشان البلغم ده يروح؟؟

صح سيتال القطارة بقا ضعيف دلوقتى
بعد 6 شهور بيبقا سيتال الشرب

يا حبايبى انا كنت بدى لجودى نان1 ف ال6 شهور الاولى ودلوقتى من يومين غيرتة لنان 2 بس مش عارفة حاسة اللبن بيكلكع جدا غير نان 1 حدجربة منكم ولا اغير لابتاميل 2 قولولى رايكم تانى سوال ضرورى تجاوبونى لانة عامل مشكلة بينى وبين جوزى موضوع الحموم لجودى بتحموا اولادكم كل اد اية ف البرد دة

اعلى الجنان;14173342:
يا حبايبى انا كنت بدى لجودى نان1 ف ال6 شهور الاولى ودلوقتى من يومين غيرتة لنان 2 بس مش عارفة حاسة اللبن بيكلكع جدا غير نان 1 حدجربة منكم ولا اغير لابتاميل 2 قولولى رايكم تانى سوال ضرورى تجاوبونى لانة عامل مشكلة بينى وبين جوزى موضوع الحموم لجودى بتحموا اولادكم كل اد اية ف البرد دة

انا بحميها كل ما ريحتها تتطلع ههههههههههههه:lol::lol::lol::lol:لا ياستى بحميها كل اسبوع مرة

انا بحمي يوسف مرة في الاسبوع الصراحة لان الجو برد اوي حرام ميستحملوش

بصي يا قمراية انا ماشية على اس 26 و ان شاء الله اغيره لما يتم ال 6 شهور للمرحلة الثانية منه ابتاميل ان شاء الله حاساه احسن نوع الصراحة

اعلى الجنان;14173342:
يا حبايبى انا كنت بدى لجودى نان1 ف ال6 شهور الاولى ودلوقتى من يومين غيرتة لنان 2 بس مش عارفة حاسة اللبن بيكلكع جدا غير نان 1 حدجربة منكم ولا اغير لابتاميل 2 قولولى رايكم تانى سوال ضرورى تجاوبونى لانة عامل مشكلة بينى وبين جوزى موضوع الحموم لجودى بتحموا اولادكم كل اد اية ف البرد دة

انا بردو نان 2 كلكع معايا مش عارفة ورجعت لابتاميل تاني الحمدلله، والحمي مرة في الاسبوع حلو اوي في الشتا بس لو لقيتيها عرقت او في ريحة او كده قبل اسبوع يبقي حميها او حتي تشطيف سريع كده، ولو برد اوي خليها بقطنة او قماشة مبلولة مية دافية وكده ويعدها لوشن بقي

صوت العيون ʚϊɞ ام سندس ʚϊɞ;14166709:
صح سيتال القطارة بقا ضعيف دلوقتى
بعد 6 شهور بيبقا سيتال الشرب

انا بقي الدكتور بقي يكتب لجوجو تمبرا وحلو الحمدلله اوي، هو شراب وبطعم العنب

انا جبت امبارح نوعين كوتشي بس بالواحدة كده عشان اجربهم واشوف لو حلوين ابقي اجيب منهم، واحد كوتشي العادي مش عارفة اسمه والتني اللي هو كوتشي بيبيكو بس مش بيبيكو نفسه لأ ده وحش لكن الكوتشي بتاعه حلو لغاية دلوقتي، والبنت قالتلي دول درجة اولي وكله بيشكر فيهم.

ازيكوا يابنات
كنت عايزة اسال فية حد جرب لبن بيبى لاك2 او بيبيلاك 2 هما الاتنين واحد بس فية ناس بتكتبة كدة وفى ناس بتكتبة كدة
وسؤال كمان مالك ان شاء اللة كمان 10 ايام هيتم 7 شهور ماشاء اللة ينفع اديلة جبنة كيرى ولا تبقى تقيلة علية اللى جربها مع ولادة يقولى اية النظام
وميرسى مقدما لكل اللى هيرد عليا

البنوته اللى كانت بتسال على الاكل بتاع هيرو انا جربت المكرونه واللحمه والرز بالفراخ وكمان جربت الرز بلبن بتاعها وحلو مشاء الله

رازمينا طبعا الكيرى تقيل جدااا على مالك دى لانها جبنه قشطه
انا بردوا بجيب هيرو جميييل ومره كنت فى المستشفى مع جوزى ولاقتهم ادونى فى المستشفى علبه فيها منتجات هاينز للاطفال كانوا حاطين بسكوت تسنين وسريلاك وفواكه مهروسه كانوا السراحه كلهم جمال عجبت جوجو جدا الفاكهه لكن السيريلاك لا محبتوش
عايزه اسالكم سؤال جوجو بقالها شهر مش حبه السيريلاك خالص ده عادى ولا ايه؟؟؟
هو المفروض السيريلاك ده لحد امتى؟؟

ام فارس2010;14179726:
البنوته اللى كانت بتسال على الاكل بتاع هيرو انا جربت المكرونه واللحمه والرز بالفراخ وكمان جربت الرز بلبن بتاعها وحلو مشاء الله

ماهي بلاش الانواع اللي فيها لحمة ولا لبن، انا لسه كنت عند الدكتور امبارح وسألته اديها لحمة او مفروم حتي او البرطمنات قاللي لأ، هو علملي بس علي نفس الحاجات الفراخ مع الخضار والارز مع الخضار وده الفترة دي مكنش من الاول كمان والتلات فواكه والتفاح والفواكه المشكلة، قاللي اللحمة مش قبل سنة، بصي وجوجو اكبر كمان.

doaaes;14180368:

عايزه اسالكم سؤال جوجو بقالها شهر مش حبه السيريلاك خالص ده عادى ولا ايه؟؟؟
هو المفروض السيريلاك ده لحد امتى؟؟

هو عادي براحتك في اطفال كبار كمان بس مش اوي يعني بياكلوه بس بيكون بالمعلقة وتقيل، انا بقالي فترة كبيرة اوي مش بجيب ومش بدي لجودي، قلت مادام الاكل الاصلي دخل بقي وفي تنويع كتير الحمدلله فملوش لزوم دلوقتي إلا لو اتزنقت مثلا في مرة يبقي اوكي وكمان عشان ميتخنهاش بقي ، لأن اللبن الصناعي نفسه بيتخن كمان، فممكن توقفيه دلوقتي وتخليه كل فترة كده ومش كتير، او لو مش هتدي في اليوم ده حاجة نشوية جنب الخضار والبروتين مثلا يبقي ادي سريلاك عشان تكون اخدت العناصر كلها نشويات وبروتينات وفيتامينات وكالسيوم

CuTie KaTkOoTa;14154171:



منورانا يا جميلة، اه البياض لسه بس الصفار عادي ومتكتريش عن واحد في اليوم ومش كل يوم يعني مرتين او تلاتة في الاسبوع وبس.
والسمك ممكن مسلوق او مشوي، انا بسلقه في مية ومعاه جزر وبجيبه طبعا فيليه بلطي او قشر بياض.
والفراخ بردو بجيب مخلية او عادية اي حاجة صدور وبسلقها مع جزر او جزر وبطاطس بس مش بديها الشوربة عشان متبقاش تقيلة عليها.

وبحط السمك مع الخضار المشكل كده واحط كمون وبديهولها لكن لو مشوي بديهولها لوحده

الف شكر لكي ياغاليتي ع جوابك F:

ازيكم يا قمرات ... انا دلوقتى مستمرة مع ابنى وجبتين فى اليوم سيريلاك رز او خضار مشكل والبسكويت فى الفطار أدخل ايه كمان ممكن اعمله تفاحه مسلوقة ولا استنى شوية

رجائي رضا ربــــي;14183323:
ازيكم يا قمرات ... انا دلوقتى مستمرة مع ابنى وجبتين فى اليوم سيريلاك رز او خضار مشكل والبسكويت فى الفطار أدخل ايه كمان ممكن اعمله تفاحه مسلوقة ولا استنى شوية

التفاح المسلوق طبعا ينفع فى سنه
التفاح والموز والجوافة والكمثرى والكوسة والجزر والبطاطس والبسلة
بس وجبتين يعتبر كتير شوية على ابنك فى سنه ده
هو على 6 شهور ياخد 3 وجبات فطار وغدا وعشا
دلوقتى كفاية وجبة واحدة او اتنين بالكتير فطار وعشا مثلا او براحتك يعنى
حاليا اللبن اهم من الاكل
الدكتور كان قايلى ابدأ الاكل على 6 شهور بوجبة واحدة اثبت ميعادها .. وبعدها باسبوعين تلاتة ادخل وجبة تانية واثبت ميعادها وبعدها باسبوعين تلاتة ادخل الوجبة التالتة واثبتها . هيكون تم 6 شهور تقريبا وتاخد 3 وجبات فى اليوم

اعلى الجنان;14173342:
يا حبايبى انا كنت بدى لجودى نان1 ف ال6 شهور الاولى ودلوقتى من يومين غيرتة لنان 2 بس مش عارفة حاسة اللبن بيكلكع جدا غير نان 1 حدجربة منكم ولا اغير لابتاميل 2 قولولى رايكم تانى سوال ضرورى تجاوبونى لانة عامل مشكلة بينى وبين جوزى موضوع الحموم لجودى بتحموا اولادكم كل اد اية ف البرد دة

الدكتور احسن واحد يقولك ايه انسب نوع لبن لبنتك
بس عن نفسى احسن حاجة جربتها كانت اس 26 المرحلة الاولى وفى المرحلة التانية الامتداد بتاعه بيوميل جولد

انا بحميها كل 3 ايام بالكتير قوى 4 ايام بالنهار فى الدفا

dandona om jou;14174900:
انا بحمي يوسف مرة في الاسبوع الصراحة لان الجو برد اوي حرام ميستحملوش

بصي يا قمراية انا ماشية على اس 26 و ان شاء الله اغيره لما يتم ال 6 شهور للمرحلة الثانية منه ابتاميل ان شاء الله حاساه احسن نوع الصراحة

المرحلة التانية من اس 26 اسمها بيوميل مش ابتاميل

*pippo*
التفاح المسلوق طبعا ينفع فى سنه
التفاح والموز والجوافة والكمثرى والكوسة والجزر والبطاطس والبسلة
بس وجبتين يعتبر كتير شوية على ابنك فى سنه ده
هو على 6 شهور ياخد 3 وجبات فطار وغدا وعشا
دلوقتى كفاية وجبة واحدة او اتنين بالكتير فطار وعشا مثلا او براحتك يعنى
حاليا اللبن اهم من الاكل
الدكتور كان قايلى ابدأ الاكل على 6 شهور بوجبة واحدة اثبت ميعادها .. وبعدها باسبوعين تلاتة ادخل وجبة تانية واثبت ميعادها وبعدها باسبوعين تلاتة ادخل الوجبة التالتة واثبتها . هيكون تم 6 شهور تقريبا وتاخد 3 وجبات فى اليوم

شكرا يا بيبو انا مش بعملها وجبة وبلغى اللبن البسكوت بتاع الفطار بيدوب فى نفس الرضعة بتاعته والعصر لما بعمل سيريلاك رز بعمله باللبن وبخليه يكمل المهم انا معتمدة على اللبن
طيب يعنى اجرب كل نوع كام يوم ورا بعض ولا انوع يوم سيريلاك رز ويوم خضار مشكل؟

ممكن اعرف بتعملوا الشوفان ازاى ان شاء الله

روح النرجس;14182320:
الف شكر لكي ياغاليتي ع جوابك F:

تسلمي يا جميلة

صوت العيون ʚϊɞ ام سندس ʚϊɞ;14184504:
ممكن اعرف بتعملوا الشوفان ازاى ان شاء الله

بتغلي المية يا مورو او اللبن حسب يعني وتحطي فيها الشوفان لغاية ما يستوي وينفش وتحليه بقي، ده اللي انا قريته لكن مجبتوش

ام فارس2010;14179726:
البنوته اللى كانت بتسال على الاكل بتاع هيرو انا جربت المكرونه واللحمه والرز بالفراخ وكمان جربت الرز بلبن بتاعها وحلو مشاء الله

شكرا ام فارس
بس انا جربت التلات فواكة وجربت موز بالمناجو وموز بالخوخ وفواكة مشكلة وكمان جربت حاجة باليوسفي كدة
بس سؤال يابنات اعرف ازاى ان عندوة حساسية من حاجة اصل اكلتة دول كان بياكل عادى بس لما اكلتة الموز والمناجا دة فضل يرجع طول النهار وفية حبوب كدة في وشة بس مش عارفة دة من الناموس ولامنة

وكمان سؤال
انا بأكلة هيرو بيبي دة فواكة بس يعنى اليوم بيعدى عليا وهو بياكل بس فواكة مهروسة وطبعا مسكرة وخايفة علية ل مش يحب الاكل العادى بتاعنا لانى لما جيت اكلة سيرلاك فضل يعيط علشان مش فية سكر هو لازم اكلة خضار مهروس ولا عادى مش دلؤتى
انا خلاااااااااااااااااااااص دماغي هتنفجر من كتر التفكير في حكاية الاكل دية خايفة علية اووووي حد يابنات يقولي اعمل ايييية :badly:

هو في تطعيمات تاني بعد 9 شهور غير بتاع سنة يعني في اضافي؟