التجمع الرابع لحوامل شهر فبراير 2011

سقاني \\ اوووف سكتي ,, اني مو طايقه شقتي بكبرها ,, مالي خلق اقعد فيها واحس روحي متملله ومتضايقه حدي ,,مسكين زوجي بيروح الشغل مو مخلتنه
ههههههههه اقول له لا تروح اقعد ويايي محد يسولف ويايي متمملله بروحي !!

وعلى الشغل ,, اني ما افضل ان الوحده تشتغل اذا عندها اولاد ,, يعني يبي لهم تربيه و قعدة وحاله ,, يبى لهم وقت ,, والشغل يبي له وقت \\ ما يسوى تجي من الشغل تعبانه واهي تبي تقعد ويا اولادها

بس الحياة صعبه ,, تخلي الواحد ضروري يشتغل ,, حتى لو مومحتاج ومثل ما قلتون الحمد الله ازواجنا مو مقصرين علينا بس الوحده تحب ان يكون راتبها في ايدها \\ وغير هالشي اذا كانت متعودة على هالشي ,, يعني الحين انتون ما شاء الله تشتغلون من فترة وتعودون ان الراتب في ايدكم اي شي تبونة اكو عندكم الراتب !!

بس الوحده وش تسوي ,, تربية اولادها اهم من هالاشياء !!

اني من اول ما انخطبت قلت له اني ابي اشتغل وكنت احن على سالفة الشغل واهو مو راضي كلش ,, يقول انا مقصر عليش في شي ؟! طلبتين شي وما عطيتش؟!

كلامة صح \\ بس اني بعد كنت ابي اشتغل ,,
ولمى تزوجت \\ خالي فتتح له محل صغير يبيع فيه جي بي اس وشاشات حق سيايير وهالسوالف جذي ,, وكان يبي احد ثقه يشتغل وياه ,,
وخاصا ان توه فاتح المحل وهو عنده دراسه وسفر وجذي ,, وقال لي عن الشغل وخبرت زوجي وقال مدام ويا خالش اوكي مافي مشكلة ,,

كثر ما كنت احن على الشغل وابيه ,, يوم صارت الصدقيه على قولتهم كرهت السالفه \\ قلت ما ابي اشتغل ,, بس كسر خاطري خالي خخخخ
قلت يا الله ماعليه بتعود على الشغل وثانيا هاذا الي اني ابيه \\ ,, بعدين اشتغلت فترة بس وحملت خخخخ \\ جى الفرج ,, جان اقول له خلاص ما بشتغل
تنسيت على المحل ,, كرهته عدددل \\ ما احب احد يجيب طاريه تلوع جبدي ههههههههههه


قلت قصة حياتي خخخخ

صج انا تعودت على الشغل ساعات لما اخذ اجازة اتملل

وبيبني وبينج نفتك شوي من حنه اليهال خخخ

بس شالفايده انا هني وقلبي وياهم طول الوقت احاتي حتى لو انهم مع امي فديتها
ماتقصر وياهم

بس بعد لي متى مسكينه تتعب معاهم

بفنش لي كبرو عيالي عقب برجع اشتغل

ولكم باك

سقاني من قربه الالم;14149305:
بقولج صج ان الشغل احسن من القعده في البيت بس حالتي انا صعبه خخ

دوامي وايد طويل من 7 لي 3

وبعدين الراتب قليل بالنسبه للأماكن الثانيه

وبعدين مافي تعديل في الاوضاع انا صار لي فتره اشتغل ولا زادو راتبي ولا شي

والاهم ولدي صاير شيطان ويبي له احد يتفرغ له غير ان رقاده للحين مب منتظم ساعات اجي الدوام وانا مب نايمه الا يمكن 3 ساعات

والظهر نفس الشي مايرضى ينام واذا نام ماقدر انام انا لان لازم ماخليه يرقد اكثر من ساعه عشان ينام لي فالليل من وقت

وغير اني طاقه جبدي منهم مايراعونا يبونا نكرف كرف الحين انا حامل والشغل كله علي مافكرو يجيبون لي احد يساعدني

يعني بالعربي فراقهم عيد

وغير ان المكان خلط وريلي مايحب هالشي ومن اول ماتزوجت وهو يبيني افنش بس انا مب راضيه اما الحين قالي خلاص بعد الولاده ماتقولين لي شغل جابلي عيالج احسن

هو صج احسن ان يكون راتبج عندج متى ماتبين تصرفين حتى لو ريلج مايقصر عليج بعد غير ان تكون عندج فلوس بيدج

بس في اشياء اهم صح

بدور لي شغل مكان ثاني احسن يكون الدوام خفيف

ويييييييه تعب صج تعب ما يسوى عليك
اني بعد ما احب الخلط بيني وبينك اشتغلت يوم بس مع زوج اختي وشردت واصلا ولا عرفت اسوي شي كله لانه مستحيه خخخ
ما يصلح لي الا مجال التدريس .واتمنى اصير دكتوره بالجامعه باقي علي مشوار طويل بالدراسه عشان اصير دكتوره بشيب خخ
الحين بعد ما اولد ان شاء الله بقدم ماستر بجامعه البحرين

الله يوفقج فتون

اوب اوب طلعت المواهب مانقدر

وايد حلو والله

سويت فيه تعديل بسيط مادري جوفي جي اوكي ولا لا
اغربي ياشمس واسطع ياقمر
بشروهم عن وصول احلى خبر

مولودنا ( محمد ) للدنيا حضر
سميناه على جده .. ولنا كل الفخر

عاد اي جد فيهم ابوج ولا عمج


صج بيستانس لي ولدتي طرشي له المسج

اي والله كلامكم صح \\
فتون الله يوفقش ان شاء الله \\ عادي لمى تشيبين هههههه مافي مشكلة !!

هنوف \\ حليو المسج \\ واحلى شي ان انتنين اا مالفتنه خخخخ اني دورت في النت ولا ادري ارسي على شنو للحين ما قررت شنو اكتب

كتبت لي اثنين في التلفون احتياط ,, واذا حصلت غيرهم بعد بكتبهم


باركو لي يا حضور
بعد مامرت الشهور
الله رزقني بـ ؟؟؟؟
خلى \\ خلت حياتي كلها نور

هاذا حسيته احلى

سبـحان ربي الي أمر
وعـطاني اول هدية بالعـمر
؟؟؟؟ احلـى من القـمر


!!!

باركو لي يا حضور
بعد مامرت الشهور
الله رزقني بـ ؟؟؟؟
خلى \\ خلت حياتي كلها نور

الله يخليه لج انا خاطري اسمي على ابوي بعد

بس المشكله ان كل اليهال اللي انولدو العام والسنه اسمهم علي

يعني عيال اخو زوجي وعيال خواته وولد اخوي كلهم بنفس الاسم

ف قلت خل يكبرون هذيلا ولي حملت عقب بسمي علي خخخخ

حتى ريلي يقول وايد مكرر الاسم ف بنغير

يتصفح الموضوع حالياً: 4 (4 من الأعضاء و 0 من الزوار) ‏هنوف المملكه, ‏الفرقد 23, ‏بـنـت الـشـيـوخ, ‏سقاني من قربه الالم

احنا الحين مقررين ان نسميه تميم بس شوفي لي ولدت كلن بيدخل

ليش ماسميتيه على مادري من وليش ماتسمينه جي وليش وليش

عشان جي مابي اعور راسي بسالفه الاسم

لحد الحين ريلي يقولي تميم بس انا عارفه لو الاسم ماعجب ابوه بنغيره

ف كيفهم انا بطرش المسج بسم تميم واذا يبون عقب يغيرونه يغيرونه

لانهم من النوع اللي يزعلون لو ماسميتي على كيفهم

لما يسألوني اقولهم مادري ابوه بيسميه سواء بنت ولا ولد

على العموم اغلب اسماء الاولاد حلوة

هنوف \\ يسلموو
عادي خليه مسج خخخ مافي مشكلة !!
حلو اسم فيصل بعد !!

سقاني \\ هههههه صح \\ اذا اسم مكرر واجد ما احس حليو يصير ,,
حليو يكون اسم مميز \\ عاد احنا عائلتنا ماعدنا جهال واجد ,, يعني اي شي بسميه مافي مشكلة ههههههه

بنشوف عاد اذا السلطات العليا بتوافق ولا لا

خاطري اشوفه ان شاء الله يشبهني مب نفس عبود الهيس كله ابوه مب ماخذ مني شي

حتى شطانته نفس ابوه