التجمع الرابع لحوامل شهر فبراير 2011

الله يسلمكم
باقول لكم تقريري عن امس

بدى زوجي يصبغ الغرفة .. خلص امس من البرايمر وانشالله اليوم بيبتدي في الصبغ
انه بديت اجهز شنطة بيت ابوي
وفكرت في الاغراض اللي باحطهم في شنطه المستشفى لان بصراحة بدت تزيد علي الالام
واخاف اولد باي لحظة وانه مو مجهزة روحي :(

المهم بالنسبة لشنطة المستشفى >>> شنحط فيها من اغراض ؟؟؟

طلعنا عالساعة 7:30 >> ادري متأخر بس على ما خلص ريلي من البرايمر
رحنا مخبز دلمون واخترت الكاكو اللي قلت لكم عنه وتاخرنا شوي >> على ما غير لنا لون القراطيس الى سلفر
عقب رحنا تايلوس .. خذيت 4 صواني للضيافة >> طبعا باشتغل عليهم وازينهم لين فضيت
ودقت في راس ريلي الا يبغي يشوي !!!
شرى منقله صغيره وفحم

رحنا عقب محمصة الجزيرة >> خذيت منهم بيض الصعو

مرينا عالمنتزه عشان يكمل ريلي اغراض الشوي :) >> حسيته متفرغ شوي فديييته وانه داااااااايخه حد حددددددي

وصلنا البيت عالساعة 9:30

حاولت ارقد ولدي واهو مو راضي
وريلي العزيز راح فوق السطح يشوي بروحه >> جنه هوم الووون

ما رضي يرقد ولدي الا عالساعة 11:30
دوخني معااااااااااه

عقب برزت اغراض العشى من طماط وخيار وكاتشب ومايونيز وهالخرابيط
وتعشينا عالسريع
ما صدقت حطيت راسي عالمخدة ورحت في احل نومه

وطول الليل ما غيرت رقدتي >> رقدت عاليمين وقعدت عاليمين :) ما كان فيني شدة اقلب :)

واليوم بعد شغل شداااان ينطرني عقب الدوام :(

حلوين الصور

سوى من النوعين سقاني
على تور وبدون

وحطي صور الغراش مال العطر عشان نقول لج شتسوين فيهم

ما فهمت سقاني

شالفرق بين الاثنين؟

بسألكم

الحين عقب ما نطلع من غرفة الولادة
نلبس لبس الاستقبال ؟؟؟
والا بيجامه وعقب ما نريح شوي نلبس جلابية الاستقبال ؟؟
نسيت :(

ويييه فديتج

اخذي ازرق بارز وفكي روحج
...

مافي وقت حق تغليف :)

او مثل ما قالت فتون

اخذي كاكو ذهبي وحطي الكرستالة والشريطة زرق

بس اذا الستاند مالج ذهبي >> خذي كاكو ازرق احلى :)