التجمع الرابع لحوامل شهر فبراير 2011

مساء الخيرات

الله يشافي نحول ويقومها بسلامة ويبعد عنا وعنها كل مكروه يارب.

دكتورة انا بعد شوفيلي تاريخ ميلادي 26-1-1986 واخر دورة 22-5-2010 مع انه اثنين مستشفيات اكدولي الجنس بنوتة بس بشوف شنو يطلع لي .

ايه بنات صدق الحركة احس انها مو مثل قبل احس انه يدور واحس بارتفاعات وانقلابات خخخ ماادري كيف والترفس قل قولت ان شاء الله موعدي بكرة راح اطمن اكثرر

يسلمو عبوثة *_^ على المعلومة

نبض بنتش حليوة ربي يحفظها ليش...

أم مــــــلاك;14080598:
ميقات, ما يخلون الرجول واقفة في الهوا هههههههههه يحطون شي تعلقين رجايلش عليه يعني لا تخافين ما بتتعب رجايلش

هههههههههههه
يعني اكيد بيعلقونها واني ما اقدر اتحمل هههههههه احس دمي كله ينزل تحت احس الرجول تصير يابسه يعذبوني خهههههههههههه

فتون11;14080770:





اي والله فكره حلوه .. خساره شريت لحافات كفايه خخخ ما لي خلق ازيد اللسته مسرع ما اشطب شي ..

اااهاا عيل بكره بروح اقول الى الخياط وبودي اليه الللحاف لاني شريت لحاف عادي ساده فيه شريطه وناعم مره ولونه بيج

العروسة الناعمة;14081039:
هاااااااااااااااي دشيييييييييييييييت بالخشة :) مااقدر مااقدر ماادش <<< توحشوووووووووووووني

يازعم قاعدة من الصبح كلش بقعد اعييد على اللي دررسته قعدت سيدة على عرووووووووووس عشاان اوتعي من النومة عدل خخ بعديين ارووح للكتب

امتحاناي الظهر 3:30 أدعوووووووووووووووووووووووووووووووووولي بلييييييييز قولوا ان شااء الله فل مااااااااارك هههع احلامي كبيرة:( خااااااااايفة بس والله درسست واااجد تعبت حراام مااجيب الفل ماارك
يالله كلكم تدعووووووووووون لي دعووات صادقة من القلب عشان اجيب فل مارك ... لاتنسوووووووني !!!!!

عروسة زين سويتين دخلتين علشان تتغير الحاله قبل الامتحان

الله يوفق اليش وتجيبين النتيجه الي تبينها وتفتكين من محاته الامتحانات

فتون11;14081168:
الجزء الثاني من ولادتي لنمبر تو من الاولاد...خخخخخخ .. القصه طويله
خخخ خبركم احب الهدره .. جيبوا وياكم نفيش وعصير
تحذير :الرجاء لبس الكمامه والسبب سيعرف لاحقا ...ههههههههههه

في ولدي الثاني كنت بعد بالجامعه .. اذكر اني اخدت مواد كثير باول فصل
على اساس ثاني فصل اخد ماده وحده بس.. وهذا الاصار .. مع انه هالماده ثقيله كتبها يمكن اربع وكل واحد يقول الزود عندي من الحجم..
واخدت ماده وحده بس بالفصل الثاني لانه بتكون ولادتي وقت الامتحان ..
في هذي الحمل كنت ولله الحمد ادعي كثير واصلي ركعتين من اول ما حملت عشان الله ييسر لي الحمل والولاده و اجيب معدل حليو.. وترى هذا يا بنات سر عظيم
سهل علي بالولاده الثانيه ..
المهم بالاضافه كنت بعد اكرف بالبيت ما ارحم روحي و باليل ادرس والصبح اهتم بولدي.. خخخ مسكين ولدي كنت كله اشرب كوفي .. عشان اقدر اواصل وهذا خطأ
بس ال بالجامعه يعرفون مقدار التعب
تعبت بس الله سهل علي..سبحان الله هالقوه جبتها كلها من الدعاء.. الحمد لك يا رب..
في بدايه الكورس .. رحت للدكتوره في الفصل وكلمتها على بصوت نازل وقلت ليها اني حامل ويمكن اولد بتاريخ كذا... ما اشوفها الا تبطل عيونها 360 درجه تقول هااااااااااااااااه حامل ..خخخخخ فضحتني كل البنات قاموا يطالعون
قامت تقول لا ما اصدق فتحي عباتك بشوف.. خخخخ الحمد لله والشكر الدكتوره خرفت ...واني منحرجه ومنصدمه معها.. اقول ليها لااااا يمكن عباتي واسعه
المهم ما كان يبان علي الحمل بطني صغير.. وفضحتني ..
صرت كل ما ادخل الفصل البنات يطالعون فيني..خخخ بس اهم شي انهم كان محد يقعدعلى الكرسي الا كنت اقعد عليه حتى لو تاخرت خخخخخخ محترميني..
هذا المقرر فيه كويزات و2 اسايمنت .. الحمد لله قدمت الكويزات .. و واحدةمن الاسايمنت .. ثاني واحد نزلوه متأخر واني كنت قريب بدخل التاسع .. 35 اسبوع..
واول ما نزل حليته وكل يوم اعدل فيه شوي..
احنا بالجامعه كنا نسلم الواجب بموقع الجامعه وبعد نعطي الدكتوره نسخه من الواجب .. وكان فيه وقت معين بلنك تسليم الواجب واذا خلص الوقت يتسكر وما نقدر نسلم الواجب .. المهم في ثاني واجب ما فتحو اللنك ..
وصلت لــ 36 اسبوع وكنت توني مخلصه تنظيف ..وكان تاريخ 25 -4-2007
المغرب على الساعه 6 تقريبا .. حسيت انه نزل شي على رحت اشوف طلع انه دم .
عرفت ان الولاده قربت .. .. نزلت ولدي تحت مع الخدامه قلت ليها قولي لماما اني أنا بيجيب بيبي خخ .. عمتي خافت ويه عليه وركبت فوق تشوفني.. تقول لي بتروح فيش عوار واجد .. بتروحين بيت ابوك .. ولا المستشفى ..خخخخ اجابتي كانت تضحك .. قلت ليها فيني عوار بساقدر استحمله بروح اكمل الواجب وبطرشه للدكتوره ..خخخخخخ حدي متفرغه ..نزلت عمتي على طول رحت اكمل اخر سؤال بالواجب.. خخخخخ متفرغه ادري.. وخلصته .. واتصلت للدكتوره وقلت ليها شلون اوصل ليك بولد.. هي خافت خخخخخ تقول صدق بتولدين قلت ايه.. احسها تقول هذي متفرغه بتولد وتفكر بالواجب.. قالت طرشيه على الايميل قلت ليها اوكي واذا وصل ليك سوي لي رنه .. طرشته ليها.. وست لي رنه .خخخخ اهم شي..
لا المضحك بالسالفه كان عندنا واجب الاول خلاص انتهي مده تسليمه وسلمته وكان صعب .. اني بعد ما سلمته منقهره منه .. قمت اعدل فيه ويوم اتصلت ليها اقول ليها يصير اطرش بعد الواجب الاول لانه عدلته..خخخخ وافقت الظاهر كسرت خاطرها
مع انه ممنوع.. المهم رحت اجهز اغراضي واتصلت بزوجي عشان اروح بيت الوالد .. كانت طلوقي قريبه من بعض ..وصلت بيت الوالد حاولت انام ما قدرت قمت رحت صليت ودعيت ان الله يسهل عليه.. كنت طول الليل اتقلب.. سبحان الله زوجي ناااااام خخخخخ ( يجيهم الولد بسهاله).. واني تعبانه قعدت ادعي ربي
انه يسهل علي وانام شوي.. وصدق قدرت انام شوي..!!
الحمد لك يا رب .. الظهر خلاص كنت انتفض كل دقيقه وكنت بالمجلس ادور فيه و زوجي كان يجود يدي ويساعدني اني امشي.. كان يقول خلنا نروح المستشفى شكلك تعبانه قلت ليه لا مو الحين .. ابغي اروح متأخر .. بعدين قال ترى يمكن ما تلاقين سرير بعدين..خخخخ خفت ورحت معه و وصلت لمستشفى جدحفص.. فحصتني النيرس طلعت متوسعه 4 سانتي..قلت ليها بروح البيت بيتنا قريب كلها 10 دقايق وبعدين برجع.. قالت لا طلقك منتظم وما راح تتأخري واجد و اذا رحتي ما بتلقين سرير لانه فيه سرير واحد الباقي كلهم فيهم حوامل.. ضليت بالمستشفى ودخلوني
الغرفه.. هذي المره دخلوني غرفه مشتركه فيها وحده.. لاحظت ان النيرسات متقرفين ..
اني يوم ولادتي كنت مريضه حدي كحه وزكام ووووو وما كنت اشم شي ..
خخخخخخخخخخخخخخخ مو قلت ليكم
تحذير :الرجاء لبس الكمامه والسبب سيعرف لاحقا ...ههههههههههه
عاد الا ما لبس كيفه

1

2

3
.. المهم قالت لي النيرس تبغين حقنه قلت اكيد... ما اشوفها الا هي و وحده ثانيه تصفق خخخخخ متونسين استغربت تقول لي انتي مدام واجد زين واجد شاطر.. اتاري السالفه ان الا صوبي الباكستانيه الا بتولد موصخه الدنيا..ووووع وهذا غير ريحتها على قوله النيرس صاكه الممر كلها وجايبه لهم صداع وغير هذي مو نظيفه مو منظفه روحها من الشعر!!
تقول لي النيرس ما فيه يشم. قلت لا.. خخخخخخخ الحمد لله اني مريضه وما اشم شي ابدا .. المهم خلتني اشرب باقي حبوبي وعطتني اكسجين عشان الولاده .. اني احسه خفف عليه العصر خلاص وصلت 10 سانتي و ولدت ..
الحمد لله الخياط كان اقل من ذيك المره وكنت شوي اقدر اتحرك مو مثل ذيك المره
ما اقدر..
في اول ولاده لي جاني على قوله الحريم عقبان( عاده يحصل للي ولادين كثير 5 او اكثر) وجع يصيدك بعد الولاده كانك تمرين بمراحل الطلق كلهااااااا!!!
ثاني ولاده بعد جاني اخ يا قلبي .. بس هالمره الله يسر علي وعرفت وحده من اهلنا ونصحتنا باعشاب وخف علي..
يوم ترخصت .. احس ان ولدي كله نايم!!! خخخخ قلت اكيد الله هادي من كثر ما ادعي كنت ارضعه ووينام.. واحاول اقرأ في الكتب شوي .. هذا الكلام بعد 10 يوم من الولاده .. قلت لابوه مو كانه اصفر شوي مو واجد بس شوي .. قال ايه خلنا نوديه نشوفه مع انه شكله بيروح عنه لانه مو واجد..
وديته وطلعت فيه جدحفص و الممرضه انصدمت فيه تقول ليش مخلينه كل هالوقت
وطلع ابو صفار مرتفع عليه اني انهبلت .. رحنا السلمانيه شفته في الاضاءه بغى يغمى عليه.. زوجي توهق يجودني والله يجود ولدي.. كان ولدي اصفر لونه واضح كله اصفر!!!
بيت الوالد ليتاتهم صفره فما كان يبان عليه شي!! ولما رحت السلمانيه جفته حسيت ان قلبي انخلع على هبالتي.. وطلع ابو صفار مرتفع عليه لــ 22 ونص.. وجدا خطر على صحته كان ممكن يأثر على سمعه وووو.. يمه بسمله على ولدي .. واني اقول ليش كله نايم!!
حطوه بيده سيلان تخيلو واني قمت اصيح وهو ميت من الصياح.. والناس تطالع فينا راحمتنا ..دخلوني غرفه وهو في الشيشه وضليت معه تعذبت ما انام .. لانه النيرس قالت لي انتبهي ليه يشيل الرباط عن عيونه لانه يضره عينه .. طبعا طلع من عيني النوم الا نمته كله من قبللا اوديه المستشفى .. خخخ وقمت كله اسهر بالكثير ساعه انام واقول لزوجي اذا جا ينتبه عليه.. طبعا هلكت واني احاتي واسهر واشوف شلون يعذبون ولدي لما يشوفون نسبه الدم واني اتعذب معاه .. كانت صوبي وحده تخلي ولدها ولا تهتم وتروح البيت كم ساعه وترد ترجع .. واحيانا ما كانت ترجع الا اليوم الثاني!!! وتقول للنيرس انتبهي لولدي!!
بصراحه كنت كاني جايبه اثنين مو اوحد انتبه لهذا ولذاك لانه النيرسات ما يهتمون كثير .. تغربلت بس ان شاء كله اجر.. مو عشان امه الا ما اعرفها لا عشان قطعه هاللحمه المرميه !!
الزبده ولدي وبعد فتره صار زين ورخصوه .. وكان ليه موعد تجيك دم بعد كم يوم عشان يشوفون كم النسبه .. وعذبوني وعذبوه مو محصلين عرق .. واني ابكي واني ساكته .. الحمد لله عدى الموضوع على خير ..

وطلعت نسبته زينه .. ورجعت بيت ابوي.. وصار لي اكشن ثاني.. اختي ولدها معاه ابو شنيتر( جدري الماء) وونقلت العدوي لولدي علي وهو عمره 3 سنوات .. اخ يا قلبي .. انقهرت منها عدل عدل لانها جت البيت و ولدها للحين ما صار زين ..
.. اني تعبانه وللحين نفاس وعندي امتحانات وغير ولدي الصغير تبهدلت .. فصرت افصل ما بينهم .. كنت انيم الصغير وقلبي متقطع على الكبير لانه يبكي يقول لي بطلي الباب ماما تعبان كنت اقفله اخاف يعدي اخوه .. لانه خطر على ينعدى الاطفال الرضع بهذا المرض .... اقول ليه الحين ماما بقوم ولما ينام اروح للثاني مسخن وجسمه يحكه وبلاعيمه .. اخ يا قلبي .. ولما يهدا وينام .. اقوم الحمام
اسبح وابدل .. اخاف العدوى تنتقل للصغير .. كنت كثير ابدل واسبح ..
. وهذي حالي كل شوي مع واحد .. خخخخ والكتب على الرف الا صوبي زينه..
ذكرتوني بالذي مضى ...
بعثوا لي مسج البنات انه فيه رفيو كلاس قبل الامتحان وكنت مخلصه بس كتاب واحد من 4 كتب رحت وكان هناك كوردنيتر يشرح .. وسالنا كل واحد وصل لوين عاد اني قلت ليه .. خخخخخ قال اذا عدتين الامتحان زين.. قلت ليه ما راح اعدي الامتحان بس راح اجيب الــA ..
طبعا بقى اسبوع على الامتحان ..وعلوي الحمد لله صار زين .. فقمت ادري وبيتنا شوي يجودون الصغير .. حاولت قد ما اقدر .. وجاااااااااااء يوم الامتحان وكنت توني طالعه من الاربعين
كان الامتحان طويل طويل بمعنى الكلمه ومختارين اصعب اسئله حتى فيه بنت يأست بقت ربع ساعه وطلعت ما كملت الامتحان.. وفيه كم بنت تصيح ..خخخ
مأساه كان ..
قولوا
ماشاء الله ولا حول ولاقوه الا بالله
ماشاء الله ولا حول ولاقوه الا بالله
قولوا ماشاء الله ولا حول ولاقوه الا بالله

لكن اني حالي غير الحمد لله جاوبت على كل الاسئله!!
طبعا هذا من فضل ربي علي ومن الدعاء وكنت اجتهد من قبل قد ما اقدر..
واني طالعه بعد 3 ساعات كتابه تخيلو .. امتحان 3 ساعات !!
البنات يطالعوني وكم بنت تسال هذا ويش اجابته..خخ اني ما احب اغشش احد بس كسروا خاطري .. كنت واني امشي واني اعطيهم شويه اجابات ...
طلعت شافتني المدرسه قالت ويش سوتين قلتها تمام التمام وانشاء الله اجيب A
قالت لي ويش جبتين قعدت افكر ..خخخخ نسيت قلت ليها بنت خخخخ بعدين
قلت ليها لا ولد .. خخخخخ كنت حدي تعبانه ونسيت كتاب واحد عندها.. خخخخ للحين منقهره قيمته 50 دينار..
والحمد لله وماشاء الله وماشاء الله ماشاء الله جبت الـ A
وكنت الوحيده الا جابتها .. صلوا على النبي .. وما خليت بقلبي راويت الكوردنتير خخخخ اني قد التحدي ..

خخخ وبعد التعب هذا طحت مريضه;)
وخلصت الحكايه .. واجد طولت صح ..خخخخخخخ

فتون الحمد لله كانت ولادتش سهله والله يسهل علينا وعليش يارب
بس كله في كوم والكمامه في صوب ههههههههههه هذي خيست المكان ومن رحمة الله انش ما تشمين شي

والله كسر خاطري ولدش يوم تقولين ما تدرين عنه فيه ابو صفار يالله هالمره خلي بيت ابوش يبدلون ليتاتهم ويسونهم بيضان احسن علشان ما توسوسين

والثاني بس اشلون اتخلينه انجان خليتينه في بيت عمش احسن من يظل وياش كانت مجازفه مع انش بعدتينهم عن بعض

يالله اللهم صل على محمد وال محمد وعليش بالعافيه A

هنوف المملكه;14081682:

ميقاتوو
معذورة >>> حامل
بس ما اوصيج .. اذا صار وافتحوه صج.. عطينا خبر
عشان نفتتحه وياج :)

جفتي شلون يلعبون علينا هالمستشفيات
عذبونا عذااااااااااااب
يالله نعطيج صورة عشان ما تخافين >>> بس تموتين من الخوف :)
و ليش انتي ما تبين السلمانية ؟؟ في أي مستشفى ناوية تولدين؟؟

اايي الحجي يقول بيفتحونه 15\1 او 5\1 ما ادري بالضبط نسيت ههههههههههه
ايي والله لاعبين على الكل

خوفتوني من الولاده قاعده احاتيها واتخيل شكلي هههههههه
ما امبي اروح السلمانيه ولا اطبها خخخخخخخخخخ عقدوني في 4 اطراحات انواع العذاب والخوف الله لا يعودها ايمان كرهتهم وحتى علاجهم ما امبيه بولد في جدحفص ان شاء الله اذا عاد الدكتوره ما قالت بترقدني هناك علشان الولاده لان اني اروح لها بس العياده وتالي تتتابعنا في الولاده لازم السلمانيه

سقاني من قربه الالم;14082338:
باجر عندي موعد بشوف كم صار وزني لان البنات يقولون لي متنتي شوي يطنج الحين يبين

اقولهم انا في الثامن لازم يبين

بنات انا وايد خايفه على البيبي والحين عاد قاعده واوسوس

بسم الله على عيالكم

بنت اخو زوجي طلع عندها مرض وراثي نادر

الحين عمرها 5 شهور ومن انولدت وهي بالمستشفى

ودوها المانيا وامس رجعو مثل ماراحو قالو مافي لها علاج

وبتم في المستشفى على طول على الاجهزه

مسكينه والله معوره قلبي

والحين انا ميته من الخوف على البيبي

الله يشفيها

الله يشافيها ويفرج اليها يا رب
سقاني لا تخافين ولا توسوسين الله يبعد عنكم الشر ان شاء الله

سقاني من قربه الالم;14082365:
انا الحين لا اقدر اروح سينما ولا اقدر اروح مكان مع شيطانو عبودي

ولا اقدر اخليه في بيت ابوي يجنن امي

الله يهديه

كان وايد هادي يوم صغير من مشى وهو صاير حركي

امس صرخت عليه حسيت لوزي بتطلع من مكانها متعلم يركب فوق الكراسي ويناقز

اخاف يطيح ويتعور

يبي له احد 24 ساعه عينه عليه

واذا نزلت معاه تحت عنده جدته يغافلني ويبطل الباب ويطلع ركيض الحوش ماغير انا ودبتي اركض وراه

الله يساعدش سقاني يلعوز امه الياهل اذا طلع حركي

ان شاء الله البيبي الجاي يصير هادئ وايد

الفرقد 23;14082370:
يووو\\ ما تشوف شر ان شاء الله \\ الله يقومها بالسلامة !!
شنو هالمرض يعني ؟!

اني اليوم ماحسيت بحركة البيبي طول ما اني نايمة كلش ما حسيت بصراحة خفت \\\
الان شربت حبوب عطتني اياه امس الدكتورة عشان الكحة وصرت اوكي الحمد الله ,,
بس ما تحرك البيبي \\ توه من شوي بس حسيت وارتحت !!

الله يساعدش فرقوده يمكن الكحه دوخت البيبي

الله يشافيش يارب

سقاني من قربه الالم;14082571:
بنات انا الحين خلصت كل تجهيزات البيبي

بس باقي لي شي واحد

شي سخيف صج بس مهم

شنو تتوقعون خخخخ

كبوس بيج حق المستشفى هع

دورت في بيبي شوب ماحصلت

وين ممكن احصل ؟؟

زين زين سقاني خلصتين
ومأسات القبعه البيج اني بعد مو امحصله ما خليت مكان ابغي وحده ساده علشان الخياط يطرز عليها مع المفرش وما حصلت اقول لو ما ابغيها بشوفها مفلوته بكل مكان
حتى دكاكين الهنود دخلتها ابغي وحده وما حصلت شكلي بدور اذا رحت السعوديه ابغي بيج فاتحه وبيج اغمق بشوي الى فراشيين ودخت ما حصلت ولو احصل عليهم رسمه دب او اي شي وما يصير برسمه لان ابغي اطرز عليها

موجة غرام;14083565:

الميداليات الي قلت بسويهم للتوزيعات جهزو بس صورة صوره على السريع الى جم شكل ..

رايكم بصراحه شغل ايد ترى :)
الصوره في المرفقات لانها مارضت تتنزل :thumbs_down:

بس باقي لي اركب الميداليه بشوف وين يبيعون وبركبهاا واكون انتهيت من اول حاجه :D

موجه وايد حلوين طلعتين فنانه ها ولا تعلم بعد

الميداليات شفت منهم من زمان في خمس دوائر وشفت في رامز بعد

نبض_قلبه;14083866:
اهليييييين كرووووشات شلوونكم شخباااااااركم؟؟

وسعوووووووووولي شوي وغصغصوني وياكم ادري توني متفرغه جايه بس التربية منسيتني حتى اسمي..

انا كنت اتابع وياكم من البداية بس حسيت انه التجمع يمشي بطيء فقمت ما ادخل مادري شدخل بس يالله..

العام هالوقت بعد كنت حامل في بنتي وكنت من ضمن تجمع حوامل يناير 2010 وهالسنة 2011 فبراير.. الحمدلله على كل شي..

عاد بما اني جيت خلاص لازم ما تسكتوووون ونفتح تجمع جديد قبل ما نووولد اتفقنا ;)

سلملم

هلا والله نبض قلبه
حياش الله بينا وان شاء الله نخلص هالتجمع ونفتح جديد قبل الولاده بس لازم يهمون روحهم البنات اشوي

نبض_قلبه;14083960:
سكتي فرقووووود لا تساليني هالسوال لو سألتيني قبل اسبوعين جان قلت لش فيني صبي..

بس ذاك الاسبوع رحت المستشفى داشة الطوارىء بسم الله عليش من كثر ما اروح البر صادني شلل في نص وجهي لفحني هوا لانه حضرتي راكبة الجبل

المهم جان اشووف صديقتي ما شفتها من 4 اسنين الا مني مناك قالت شنو فيش قلت الدكتوره قالت لي صبي.. الا تقول ترى ما عليش منها تخورها هذي ساعات..

ومن وقتها فيني خووووووف ورعب مو طبيعي انه مو ولد وانا شارية كله ثياب صبيان وازرق وهالالوان :( الله يسامحها شوشت مخي الحين كل ليله احلم فيني بنيه.. دخلت على الدكتوره قلت لها راويني سامانه راوتني بس خفت انه الحبل السري.. الله يسسسستر بس


بيه قلت قصة حياتي بس كنت احتاج اعبر لاحد ههههههههه

نبض قلبه الله يتمم لك على خير ولنا

ذبحتيني تبين تشوفين سامانه هاااااا هههههههههههههههههههه;)
ان شاء الله ولد ولا تحاتين

هلووو كروشات ,,
ما اشوفكم ,, صايره ادخل نص الليل كأني من بعض الخفافيش خخخخخخخخخ
ما شاء الله عليكم شطااار ونشيطين , ان شاء الله يمديني اقرا الواجب

نص دكتورة;14085992:
بنات ادعو لنحول


صادها نزيف والله يعافيها منه ويحفظها هي مع البيبي

وي عليها نحوله ما تشوف شر صدق واني اقول ما اشوفها

والحين شخبارها وشخبار البيبي الله يتمم اليها على خير يارب

عبث طفلة;14086028:
الله يسهل عليكم وتولدون في وقتكمويسهل علينا ونولد حركة البيبي تقل هذا بالتاسع تقل اكثر بعد

الله يسهل على الجميع يارب

جمال هلا والله
انتين وين تروحين قولي لي ما اشوف كتابتش الا اخر الوقت بعد الرد على الواجب

المهم دكتوره ما عليش امر شوفي لي اني بعد شنو فيني مع ان قالوا لي بنت بس نبي نشوف
21\12\1983
اخر دوره
15\5\2010

آم روآن;14083748:
هااااي كرووشات

كيفكم وكيف نونواتكم ؟

اتمنى انكم تدعوون لاختي الله يصبرها ويمسح ع قلبها ياااارب

اختي كان كل شي في حملها طبيعي ولما راحت عشان تولد قالوا لها الجنين متوفي وولدته متوفي

قدر الله وماشاء فعل

الله يصبرها ويمسح على قلبها .. عورت قلبي اختك

نبض_قلبه;14083866:
اهليييييين كرووووشات شلوونكم شخباااااااركم؟؟

وسعوووووووووولي شوي وغصغصوني وياكم ادري توني متفرغه جايه بس التربية منسيتني حتى اسمي..

انا كنت اتابع وياكم من البداية بس حسيت انه التجمع يمشي بطيء فقمت ما ادخل مادري شدخل بس يالله..

العام هالوقت بعد كنت حامل في بنتي وكنت من ضمن تجمع حوامل يناير 2010 وهالسنة 2011 فبراير.. الحمدلله على كل شي..

عاد بما اني جيت خلاص لازم ما تسكتوووون ونفتح تجمع جديد قبل ما نووولد اتفقنا ;)

سلملم

خخخخ حياش عيوني نرحب باهل القرقر هنا .خخخخ تراني بعد هداره بس نومي معتفس من جدي ما ادخل ..خخخخ

نبض_قلبه;14084072:


لااااااا بتحصلين بجامات قدش ترى محد انفجر كثري كلكم كتبتون متنتون حدهم 12 كيلو انا اول حمل متنت 22 كيلو عاد في وين مادري.. نقصت منهم 11 اول يوم ولدت وبعدين وصلت 15 والحين حملت ما زدت الا 7 يمكن.. بس انفجرت وهذاني شريت لي بجامات 3 مو واجد خخخخخ.. اووه لا تنسين بعد امم ماعرف شتقولون بس حمالات الصدر للرضاعه اخذي من ماكس ترى زينين حدهم حدهم..

اييييييي شطوووره زين سويتي اصلن كل ما تحتاجين نزلي السوق واخذي احسن من ما تكاودين.. بس تدرين هالمره بعد شريت بالهبل لانه صبي لكن طلبتهم من برة ووصلوا امس كل السايزات احس غلط الجواتي صغار :( الحين عندي له 13 جوتي الله يعزج هذا يازعم مخففه :-#

خخخخخخخخ خلاص بنات الا عندها وزن الزايد تعطيه نبض قلبه بما انها اقل وزن هني ..خخخ تعالي 13 جوتي وكل هذا تنصحينا لا نشتري اشياء واجد خخخخ

ثياب الجهال ما تتقاوم

نبض_قلبه;14084345:


انا الله يسلمش تقدرين تقولين منامية

حيا الله ببنات فريقنا.. ترى اني بعد مناميه ..

حبيبة لولو;14084359:
مساااء الورد

كيفكم حوووامل

انا اليوم ان شاء الله بروح الرياض لاني بولد عند اختي الكبيره..
وزوجي مساافر بعمل..

البيبي بخير بس احس الحركه اخف كثير عن اول ؟؟؟؟؟؟
صرت اخااف وانتظر الحركاات
كثير يقولو عشان كبر البيبي وصار المكان ضيق عليه!!

ان شاء الله بحاول مااحاتي كثير والله يتمم لي ولكم ع خير

اميــــــــــــــــــــــــــــــــــــــــــــــــــــــــن

الله يتم ليك على خير وتولدين بالسلامه يا رب.. وتحملي بروحك وطمنينا عليك هناك اذا رحتين لا تنسينا..
وعن حركه البيبي شي طبيعي تقل لكن لازم تكون على الاقل 10 حركات في10 ساعات واذا قلت كثير تروح تتطمنين

نبض_قلبه;14085110:
انا خذيت لي من ماكس بعد مريحين وزينين ولا تغيروا.. لازم اروح اخذ ثنتين بعد اهئ اهئ

ايي اييي كاني يوم قريت فهمت انش من عالي.. انا لا بس ساكنه في عالي في شقة..

عاد على حافة عالي شوي وينعيش في الهاي واي..

افااااااا رحتين :( سوري رحت ادرب بنتي على المشي

سي يووووووووو

يووووووه اني هالمره شريت من ماكس اول مره اجربهم مريحين واخدت بعد من مذكير
بس احس مال مذكير اثبت شوي للصدر..
خخخخ تعالي انتين مناميه وبعد ساكنه بعالي..خخخخخ مي تو نفس الحال

موجة غرام;14085237:

اني بعد احس بحركات بدون رفساات .. حتى مكان الي يتحرك يترفع :D بس ماقلت الحركه في حركه وايد بس بدون رفساات:L:

هههههه صح عرفتين توصفين اني بعد جدي

نص دكتورة;14085992:
بنات ادعو لنحول


صادها نزيف والله يعافيها منه ويحفظها هي مع البيبي

الله يقومها بالسلامه ويحفظها هي وجنينها

عبث طفلة;14086028:
الله يسهل عليكم وتولدون في وقتكمويسهل علينا ونولد حركة البيبي تقل هذا بالتاسع تقل اكثر بعد

الله يسهل عليك عيوني وتولدين بالسلامه خلاص هانت ما بقى عليك شر
ما اوصيك خيو كل يوم امشي ترى الحركه زينه وادعي الله ييسر عليك الولاده

نوادر العرب;14087780:
مساء الخيرات


دكتورة انا بعد شوفيلي تاريخ ميلادي 26-1-1986 واخر دورة 22-5-2010 مع انه اثنين مستشفيات اكدولي الجنس بنوتة بس بشوف شنو يطلع لي .

ايه بنات صدق الحركة احس انها مو مثل قبل احس انه يدور واحس بارتفاعات وانقلابات خخخ ماادري كيف والترفس قل قولت ان شاء الله موعدي بكرة راح اطمن اكثرر

يسلمو عبوثة *_^ على المعلومة

نبض بنتش حليوة ربي يحفظها ليش...

خخخخخخ اي والله الاول جدي الحركه بس الحين لانه نزل راس البيبي عشان جدى ما نحس
نفس قبل .. تكون الحركه بس من تحت وفوق

ميقات العمر;14088237:
فتون الحمد لله كانت ولادتش سهله والله يسهل علينا وعليش يارب
بس كله في كوم والكمامه في صوب ههههههههههه هذي خيست المكان ومن رحمة الله انش ما تشمين شي

والله كسر خاطري ولدش يوم تقولين ما تدرين عنه فيه ابو صفار يالله هالمره خلي بيت ابوش يبدلون ليتاتهم ويسونهم بيضان احسن علشان ما توسوسين

والثاني بس اشلون اتخلينه انجان خليتينه في بيت عمش احسن من يظل وياش كانت مجازفه مع انش بعدتينهم عن بعض

يالله اللهم صل على محمد وال محمد وعليش بالعافيه A

هههههههههههههههههه اي والله من رحمه ربي اني ما شميت شي..
يووووووه اندمرت نفسيا ذيك الحزه يوم شفت لونه بالمستشفى ههههههه خليتهم كلهم يغيرونهم تعقدت .. ما قدرت اخليه ببيت عمتي لانه عندها بنات بالجامعه ما جاهم ابو صفار
وما احب اثقل على احد ..

اي وهذي الـA كانت احلى علامه جبتها خخخ لانه فيها اكشن

اما هذي الولاده بصير بروحي لا تذكريني فيني الصيحه .. لانه امي تعبانه ما تقدر تسوي شي .. يدها ورجولها ويه عليه يالله تحركهم ادعوا لها بنات تكسر خاطري ومعوره قلبي..
وما ابغى اروح بيت الوالد .. ابويه هو الا يساعد امي .. وهو من زمان طبعه جدي حتى قبل ما تتعب امي فديت الوالد حنون وكان مدلعني يوم كنت ببتنا ما يخليني اسوي شي يخاف علي
و اذكر الصبح هو الا يسوي لي ريوق ويقول لي امري من وين اشتري ليك او ويش اسوي ليك ريوق .. طباخه حلو ابويه .. هو الحين مصر اروح ويحاتي ويه عليه ولادتي يقوم لازم تجين
عندنا.. قلت ليه لا انت روحك تعبان .. مع اني بجيب خدامه بس بعد اعرفه ابويه ما بيريح
نفسه اذا جيت يوم شلون اذا بقيت مده اطول....

ميقات العمر;14088455:
زين زين سقاني خلصتين
ومأسات القبعه البيج اني بعد مو امحصله ما خليت مكان ابغي وحده ساده علشان الخياط يطرز عليها مع المفرش وما حصلت اقول لو ما ابغيها بشوفها مفلوته بكل مكان
حتى دكاكين الهنود دخلتها ابغي وحده وما حصلت شكلي بدور اذا رحت السعوديه ابغي بيج فاتحه وبيج اغمق بشوي الى فراشيين ودخت ما حصلت ولو احصل عليهم رسمه دب او اي شي وما يصير برسمه لان ابغي اطرز عليها

ميقات حصلت بمذكير جونير مجمع مارينا مول فيه واجد هناك

سقاني من قربه الالم;14082951:
هنوف بسألج الحين ان شاء الله بعد ماتولدين شكثر مفكره تقعدين بيت ابوج ؟؟ فتره الاربعين كلها ؟؟

آنه ناوية عالاربعين كلها انشالله :)
اذا ما صارت اعتراضات من سي السيد ;)