•• تجمع أمهات نوفمبر 2010 لشهر محرم••

red ro0ose;13976443:



في بالي بسأل عنش صار لش كم يوم مختفية
وصدق الوقت يمشي ركيض ويا هالجهال

عالية المقام;13975553:

السلااااااام عليكممممم

شخباركم؟؟

حبيت ابشركم اني ولدت بتاريخ 25-نوفمبر ويبت خاالد

ربي يحفظه

تنهدات محامية;13970591:
مرررحبا ..

برد على اللي اتذكره من الواجب ..

جحة .. ما يشوف شر السيد و طمنينا عنه

بقوي .. كيوت توزيعاتش و نعوميين



اما اني ولدي مسكين مزكم و صدره ذابحنه كأنه خرخشانة .. وديته المستشفى .. عطوه بس قطور لخشمه .. و مسكين البلغم نازل له في صدره و متغربل


و يوم اللي رخصوني من المستشفى .. جت الدكتورة مالت الاطفال تفحص حمودي علشان تقولي اذا هو رخصة او لا .. اشوفها تحوس و تحوس فيه و تسولف ويا اللي وياها .. عقب الا تقولي عنده صوت في قلبه و تعالي موعد عقب اسبوع .. و رحت له الموعد و جيكه الدكتور قالي الصور للحين موجود تعالي موعد بعد 10 ايام .. و اذا ما اختفى الصوت بيحولني السلمانية عيادة الاطفال ..

و الحين موعده تاريخ 22 .. دعواتكم انه يكون الصوت اختفى و ولدي ما فيه شي ..

ام شهد11;13986018:
مرحبا بناااات

شخباركم واخبار جهالكم

اني ماني قادره اتنفس او احك شعر راسي احس مسئوليه واجد علييي ... اتجيني الصيحه على روحي بس احمد ربي ..

تنهدااات
ولدي بعد قبل لا يرخصوني قالو لي صوت في قلبه وخفت قلت ليها يعني خطر قالت لا بس هذا طبيعي الاطفال اول ماينولدون لازم هالصوت يكون موجود ويروح بعد كم يوووم وعطوني موعد اراجعهم على شان يجيكون بس اني طنشتهم واللي عطاني اياه بيحميه ليي واهل... مايخيبون احد ..

حبك حياتي;13986127:

سلااام عليكم

شخباااركم؟؟ وشخبار بيبيااتكم؟؟

اني كلش تعبااانة وية برهوم ماينام ليي بالليل كلش:'(
البارحة دموعي قامت اطيح من كثر التعب وماني عارفة شلون اتصرف وياه
وطول الليل يتعصور من بطنه مسكيين
ووهاليوميين مايمششيه بطنه الا بالغصب عقب ماعطيه ادوية

وعمتي تحلطم عليي تبيني ارجع البيت :hysterical:
مادري متى برجع لارض ديااري

وفوق هذا المعهد واشغاله مو مخلصة باقي علي الاسايمنتات وتست2 بنقدم 6 امتحانات كلهم تقريبا خلال اسبوع!!

ياارب اسالك اللطف

ام شهد11;13986262:
هلا حبك
احمدي ربش عندنا وعندش خير
اني ولدي باليومين مايمشيه بطنه وماينام كلش متواصل ويصيح ويتعفرت
واليوم الصبح سويت اليه خيار الشمبر وحطيت فيه نباااااااااااات واشوف المغرب سواهاااااا واكو نام

سوي الى ولدش هالطريقه يمكن تفيد واىذ سواها بيرتاح وبيناام ومايشوف شر برهوووووم

واذا عمتش تساعدش وبتجود ولدش ارجعي الى ارض الديااار واهي بتتكفل ابه اذا رحتين المعهد اذا ما وراها شي :)

ام شهد11;13986448:
ام برهوووم

اذا سويتون ليه خيار الشمبر وحطيتينه في المرضعه حطي وياه نبااااااااااااااااااته واجد زين

أم زهاري;13986778:
سلام
شخباركم؟
اخباري الحمدلله تمام..
كوكوتي هي يومين زايدة عليها الغازات ..
تقعد من نومها تتعسور..

ام شهودة
شخبارك
اخبار عبود..
عنا وعندك خير هالغازات الا ماليها حل..
يقولون في الشتا الطفل يجيه غازات اكثر من الصيف..

ام برهوم
شخبارك
الله يطمن قلبك على برهوم

حبك حياتي;13986604:

رحت اليوم مجمع الرفاع اشتري لبرهوم ثيااب

طلع اكثر الثياب مخلصين
كنت بشتري له فانيلة وصروال
زين حصلت له بدلة بالغلط اخذت مقاس نيوبورن
وكبيرة شوي عليه بعد

عقب رحت سيدجنيد وحصلت العطر الي كان خاطري فيه لبرهوم عطر لمسة اطفال:adore:

ابي اشتري ليه كرسي الي يقدون فيه

وين احصل في حليوين واسعارهم منااسبة؟

أم زهاري;13986778:
سلام
شخباركم؟
اخباري الحمدلله تمام..
كوكوتي هي يومين زايدة عليها الغازات ..
تقعد من نومها تتعسور..

ام شهودة
شخبارك
اخبار عبود..
عنا وعندك خير هالغازات الا ماليها حل..
يقولون في الشتا الطفل يجيه غازات اكثر من الصيف..

ام برهوم
شخبارك
الله يطمن قلبك على برهوم

أم زهاري;13986835:

هلا بيش ام برهوم

الحمدلله احنا بخير
وبناتي عال العال..
نحمده ونشكره
هكي داخت كوكوتي من الصياح ونامت بس مالفيتها عشان ماتطول لي ..
عشان بعدين ابدلها وسيدة تنام ..

بكتب قصة ولادتي دامها نايمة

أم زهاري;13987318:

ام شهودة

حمري سكر شوي وخلطية بماي واعطيه عبود

اشوف العجم يسوون هالحركة ويمشي البطن

أم زهاري;13987298:

طبعا كانت تاريخ ولادتي بحساب الدورة 30/11 وبحساب السونار 1/12 جا تاريخ 30 واني مافيني بوادر ولادة كلش قلت :: اووه شكلي بعوشر هالمرة لان بزهور قدمت وهالمرة جا موعدي ولا ولدت وخفت اني اتاخر واجد بعدين يخلون علي طلق صناعي..

طبعا يوم 30/11 طلعت اتمشى مع زوجي كان راجع من اول ليل طلعنا ممشى عالى تمشيت ساعة ورجعنا ونمت ولا كان في عندي بوادر ولا الم كلش..
يوم ثاني كان تاريخ 1/12 قعدت الصبح كعادتي كل يوم تريقت مع زهرتي وطلعت الدجاج سويت الغدى وكان زوجي موصي علي من اللليل ااذا ماتقدري لاتطبخي..قلت لا مافيني شي خلني اطبخ..
سويت الغدى وتغدينا ودخل ابونا يرقد شوي لان في الليل بيروح اخر ليل ..
واني قعدت على الكمبيوتر شوي.. للساعة 5 قريب الاذذان جاني الم كان يجيني من قبل ريح الاستقبال نفس كل مرة..
ماتوقعت ان خلاص حانت اللحضة وقربت اشوف كوكوتي..
دخلت سبحت وصليت وقعدت اكل خرابيط والالم كل ماجى ليها يزيد شوي ويصير نوعا ما منتظم يعني كل 10 دقايق..
قعد زوجي بعد ماصلى قلت ليه شكلي بولد الليلة..اتصل في الشغل يشوفون واحد بدلك يروح على الشفت ....
وقمت لبست ولبست زهرتي رحنا الانوار ناخد هدية لزوزو على اساس انها من كوكو ..
واني في الانوار الالم كان يروح ويجي وركبت على الدرج مرتين وانزل احس الالم قاعد يزيد ..
قلت لزوجي خلنا نرجع مااقدر ..
شرينا لزهور هدية وطلعنا..
رجعنا قال لي زوجي شنو تبين عشا ؟؟
واني من الالم قلت ليها مافي خاطري شي..
بس طلبت عصير اناناس فرش لان يجمي الطلق...
رجعنا وتعشينا وشربت شوي من العصير الا الالم قام يتزايد ..
حتى ماكملت العصير جتني لوووعة..
ودخلت سبحت بماي دافي شحنت البانيو وقعدت فيه لمدة ربع ساعة ..
بعد السباحة شربت ماي وزعفران شوي .. وسويت لي بخورة ..
من تبخرت حسيت بالثقل تحت كلش وكان شي بيطلع ...
والالم قام يروح ويجي كل 5 دقايق وبقوة..
وكل ماتجيني الهبة ( الطلق) اقعد في وضع السجود كنت ارتاح شوي ..
واتعسور زوجي كل حين يقول لي قومي بوديش لاتولدين علينا..
واني اقول ليه اصبر لان مانزل علي لادم ولا ماي !!
وتميت اصارع ويالالم ..لين الساعة 10 قلت ليه قوم لان الالم قام يجيني كل 5 دقايق واقل ..
مريت على مرت اخوي..
لان امي مستحيل تروح ويايي لان تخاف كلش ..
ولا قلت الى عمتى ..
وصلنا زهور بيت ابويي ومريت على مرت اخوي ورحنا ...
وصلنا ساعة 10 ونص وجاب لي ويل جير لان ماقدرت امشي من الالم واحس الجاهل بيطلع كلش..
دخلت وفحصتني النرس الا توني 3 س
قلت شكلي بطول ..
وبدلت ودخلوني حجرة الولادة..
جوا يسالوني كم ولد عندش وياش ضغط ومادري شنو واني اتعسور من الالم..
اقول الى السستر الم واااااااجد الا تقول ايي اذا في الم واجد يعني بسرعة تولدين ..
وجوا بيحطون علي السيلان واني اتعسور من لالم اقول ليهم بدف خلاص ..
تقول لي السستر لاااا توش 3 سانتي ..
قلت ليها الم عدل واحس انه بيطلع الا تقول برد افحصك..
فحصتني الا 7 سانتي وبطت الكيس ..
قالت لي كل ماتجي الالم اخدي نفس ..
واني كلش وااصلة احسه بيطلع ماسمعت كلامها اقول ليها بيطلع تقول لااا صبري..
جت بحرينية فحصتني الا 10 سانتي قالت ليهم ولادة ..
قاموا يتراكضون عشان يجيبون العدة ..
ماتوقعوا اولد بهالسرعة وهم يجهزون العدة..
اقول ليها بعصر بيرطلع تقول لي اخدي نفس واني كلش مااهتميت الى كلامها..
لان ديك الحزة كان الراس فعلا تحت وبيطلع واعصر مرة مرتين وتطلع وردتي للدنيا ..
نظفوها وخلوها على صدري ..
بعد مانظفوني تقول صادني تمزق شوي وسوني غرزتين من داخل بس الحمدلله ماسسوني سيم من برى كلش..
وتميت فترة واني انتفض من البرد اقول يهم بندوا التكييف بردانة محد يرد علي ولا خبروا زوجي وطلعوني برى ليه بعد ماكلمته..
وماتوقع اني ولدت هو ومرت اخوي يقولون لي شلون ولدتين بهالسرعة .!!
حتى اني مومصدقة
بس حمدت ربي الف مرة اول ماطلعت وردتي على التساهيل وعلى اني ماولدت في البيت ..

لان لو تميت في البيت جان ولدت ..