مشمشة.;13978380:
soshe
الف سلامة على خطيبك ياقمر وربنا يشفية
بنات حد جرب قوالب الكيك السيلكون اللى بيذوعوا عنها فى التي فى
وسؤال تانى هى السلة الدوارة اللى بتحطط فى المطبخ لزمتها اية يعنى احط فيها اية
البنات اللى من امبابة حد يقولى على واحد كويس ومتجرب بيعمل مطابخ الوميتال
انا جربتها قوالب الكيك بس حساها مش خدعة يعنى و ساعات تلزق و ساعات لاء
tota_10;13972639:
السلام عليكم ورحمه الله وبركاته
ازيكم يا بنات
جزاها الله كل خير اللى دعتلى يفرج همى ويفك كربى سواء كتبت او دعت بلسانها او حتى بقلبها
ربنا يجازيكم خير ويحفظكم من كل سوء
انا داخله اقولكوا حاجه ومش قصدى انى انكد عليكوا
بس المشاركه دى لكل البنات اللى فى لحظه بتتخنق من خطيبها او جوزها وتتخانق معاه وتولع الدنيا حريقه عشان خاطر شويه حاجات تافهه
ايوه تافهه
لما كل واحده تتخانق مع جوزها او خطيبها اللى بتحبه وماتقدرش تعيش من غيره على شويه حاجات ماديه
موبيليا ولا فلوس ولا دهب ولا غيره
وتوصل الامور للنكد والخناق و احيانا تقرب على الانفصال
كل ده مايسواش حاجه لو لاقدر الله حاجه حصلت لحد فيكوا
انا قلتلكوا من فترة ادعولى ربنا يفرج همى عشان الناس اللى حوالينا بتخرب علينا
والمشاكل اللى كنا فينا واللى بسببها بتعوق ارتباطنا فى الحلال كانت مشاكل تافهه كلها على الفلوس والماديات ولحد النهارده المشاكل دى مستمرة
بس والله ولا انا ولا هو لينا يد فيها
دول اللى حوالينا الله يسامحهم
ده غير عيون الناس والأر
منهم لله
النهارده خطيبى عمل حادثه بشعه بعربيه الشغل والعربيه اتعجنت بمعنى الكلمه
والحمد لله ربنا نجاه وحفظه واصاباته بسيطه
يعنى من الاخر خرج منها بمعجزة وبيقولى شاف الموت بعينه
وانا هموت اكتر لأنه مش هنا جنبى ولا قريب منى
ده فى حته بعيد فى الصحرا
يعنى هموت وابقا جنبه ولا اشوفه حتى ومش قادرة
وانا قبل الحادثه دى ما تحصل كنت مكلماه يدوب قبلها بنص ساعه
وبعدها بكام ساعه بكلمه بالصدفه قاللى الكلام ده وقالى ماتقوليش لأهلى بس طمنى عليه
انا من ساعه ما سمعت وانا هموت ومش قادرة اتلم على اعصابى وعماله اتخيل لو كان بعد الشر حصله حاجه
تغووووووووووور الفلوس والماديات والأرف اللى بيتخانقوا عليه ده ولا انه يتأذى ولا يجراله حاجه بعد الشر
انا قولت الكلام ده لنفسى وجيت اقوله لكل واحده بتفتكر انه اسوأ حاجه فى الدنيا شويه الخلافات دى ان حاجه بكام ولا مش على ذوقها ولا معرفش ايه
ادعولنا يا جماعه ربنا يحفظنا ويرحمنا من الحسد والأر اللى نازل علينا ده
ويبعد عننا عين الناس اللى مش عاوزة ترحمنا دى
للمخالفه اجيب كوبايات شاى منين ؟
ربنا يبعد المشاكل و الحسد عنك يا توتة يا جميلة و يا ريت الناس تفهم الكلام اللى بتقوليه ده
meramia;13972784:
ياساتر ياتوتا الحمد لله انها جت علي قد كده
بس ربنا يسامحك والله العظيم اول ماقولتي مش عايزه أنكد عليكم االدموع ملت عيني حسيتك هتقولي حاجه وحشه لاقدر الله
والله ماعارفه اتلم علي أعصابي
ربنا يسامحك
معلش ياتوتا ربنا يابنتي بإذن الله معاكم وهيتملكم عل خير
بس ماتبطليش دعاء
صلي ياتوتا كل يوم بعد العشاء وسنته صلاه الحاجه
وإدعي وقولي ربنا يعملكم الخير
وربنا بإذن الله هيبقي معاكم
عقبال يارب مانفرح بيكم ويتملكم علي خير ياااااارب
وبجد ميرسي قوييي يانانو
إنتي الوحيده اللي علقت علي إقتراحي ده
وأنا والله كنت لأقصد بيه بس إن الحاجه ممكن تبدأ صغيره وأكيد هتكبر
معلومه جديده بقي
عارفين يابنات إن الرسول صلي الله عليه وسلم وصي بإننا نهتم بالشعر ونسرحه
ونكرمه
قال عليه الصلاه والسلام (من كان له شعر فاليكرمه )
عليه الصلاه والسلام شاف راجل شعره منكوش أمره يسرحه ويعتني بيه
ولما الراجل رجه محسن من مظهره
قال(أليس هذا أفضل من أن يأتي أحدكم ثائر الرأس كأنه شيطان )
وعارفين كمان إن نتف الشعر الأبيض حرام
لأنه قال الرسول عليه أفضل الصلاه وأتم التسليم
(لا تنتف الشيب فإنه نور المسلم
مامن مسلم يشيب شيبه في الإسلام إلا كتب الله له بها حسنه)
وطبعا أكيد عارفين إنه مفروض نصبغ الشيب بأي لون ماعدا الأسود والأبيض
لقوله
(إن اليهود والنصاري لايصبغون فخالفوهم)
لأن الرسول شاف والد أبو بكر الصديق وكان شعره كلللله أبيض
فقال
(إذهبوا به إلي بعض نسائه فالتغيره بشئ وجنبوه السواد)
عايزه بقي أسألكم سؤال يابنات
دلوقتي أنا عندي الريسبشن مستطيل 8*3.5متر ونفسي أعمل نصه مستوي أعلي بسلمتين وأحط فيه الأنتريه
والمستوي الأقل أحط سفره
هو كده هديق الريسبشن ولا عادي
وسؤال المخالفه بقي
هو الغساله الأوتماتيك إديال أحلي ولا وايت وييل
اه وسؤال تاني هو سخان غاز المصانع لسه بيتباع
ولو اه هلاقيه فين
سخان المصانع موجود انا جيباه هما لهم اماكن بيبعوا فيها خاصة بيهم انا كنت جايبة بتاعى من الهرم مش عارفة انت عاوزة تجيبى منين
