يارب وفقني مرمر;13965969:
مساا النور عالبنور
بجد ربنا يخليكي ليا وانتي فعلا فهمتي كلامي بالظبط مش هزيد على كلامك حاجه جزااااااك الله خيرا :thumbs_up:F:
التلفزيون انا مصره عشان الفلوس فعلا:Dهو على خطيبي فهو مستحرم يدفع يعني فرق دده في تي في فاما شوفنا الاسعار انحصرت على شارب و هاي سينس و توشيبا و لغينا توشيبا بعد ما قولتوا وحش
و هشوف العروض زي ما بتقولي لو وصل سعرها ل2500 كده يبقى تمام لان دا ماكس بتاعنا فيه و ربنا يسهل ان شاء الله لو حد لقى عرض كده يقول و تسلم يا جميل على النصايح ديF::adore:
اه بطوط كويسه الحمدلله اطمنوا هيا مشغوله مع مامتها و اختها عشان جوازها قرب بس ادعولها كتير بقى و عقبالنا كلنااااااا يا بناويتF:
طب افتحوا فين و اسميه ايه مش بعرف؟؟؟بس انا مش عايزة اتكلم على مصر تحديدا انا قصدي يبقى موضوع نانو لان فكرتها و لفلي دريم لانها بتدي محاضرات في الحوار ده فيبقى كلامها حلو و نتكلم فيه عن التغير تحديدا و كل مرة نحدد حاجات نغيرها فينا و نبدا فيها وتكون من ضمنها نغير حاجات في نفسنا للاحسن و في مصر و فينا دينيا يعني نبدا بالاهم فبقول نانو تفتحه و انا اذكر النقطه دي بقى في الموضوع ولا ايه رايكوا؟؟؟:study:
انا بقول الموضوع احسن من الميل لان مش كلنا هنتجمع ف وقت واحد و لو شويه اتجمعوا الباقي عايز يعرف اللي اتقال ف الموضوع احسن نقرا براحتنا الكلام اللي بيتقال و نرد عليه
و بعد فتره من الموضوع لو بقى تمام و خدنا خطوه حلوة ان شاء الله ندخل مرحلة الميل و شوفوا بردوا انتوا ايه رايكوا كده
بقلكوا سؤال هو البتوجاز مساحته 50 في 80 حلو كده ولا صغيير ؟؟اصل بفكر اجيب الحجم ده ان شاء الله عشان مزحمش الدنيا و هو 5 شعله
مرمر انتوا العمارة اللى حاجزين فيها دى فين ؟
والعقد مافيهوش معاد استلام مثلا ؟ حاولوا تتكلموا مع الراجل وتاخدوا فلوسكم لان بجد حرام اللى بيعمله ده اعملوله بقى مشكلة او فضيحة محضر فى القسم اى حاجة المهم ياتاخدوا شقة يا الفلوس
البوتاجاز انا شايفاه صغير على ال 5 شعلة لكن لو 4 يبقي كويس
لانهم اه 5 بس الحلل مش هتعرفى تحطيها كويس فهتضطرى تستغنى عن واحدة فالاربعة شعلة احسن وهيبقي اوفر
وال 2500 يجيبوا شارب 32 بوصة انتوا ممكن تجيبوا بيهم ال جى 29 او سونى 26 بوصة
هتأكدلك برضه واقولك ان شاء الله
نور84;13966059:
بنات محدش قالي افضل نوع أستانلس هو ايه وبيبقي سعره في حدود كااااااام
حلل المصانع الحربية حلوة اووى وهتلاقيه فى معرض شملا اللى فى 26 يوليو
وعندك الكروكماز تركى بس الاسعار ما اقدرش افيدك
اهم حاجة يكون استانلس 18/10 والقاعدة تكون تقيلة علشان مش تحرق الاكل
mishmishaaa2010;13966443:
مساء الخير عليكم كلكم يا قمرات عروس وكل سنه وانتم طيبين ويارب خلنا ناخد ثواب صيام اليوم ده ان شاء الله ويجعله فى ميزان حسناتنا قولوا امين متشكره اوى بجد ليكو يابنوتات لانكوا رديتوا عليا فى موضوع الكيتشن والحمد لله ربنا وفقنى وجيبته النهارده هو موديل جديد وشكله شيك جدا هو مولينيكس 27 وظيفه وطبعا لان نفسى افيد اى بنوته بتسال عليه انا جيبته من سنتر بورى اللى فى وسط البلد شارع شريف وبالظبط سعره 1295 جنيه وهو موديل ماستر شيف 8000 وهو فيه كل الوظائف فعلا عجان ومضرب وخلاط وكبه وسلاح فرم ومباشر مختلفه وعصاره برتقال وفواكه جافه بس للاسف الحاجه الوحيده اللى مش فيه هى المطحنه الصغيره بتاعت التوابل علشان كده انا قولت اجيب خلاط توشيبا الصغير ومعاه مطحنه وابهدل ده شويه بس بجد شكله جميل والوانه جديده وانا جيبت النبيتى بس المشكله اللى حصلتلى انى بعد ماجيبته ودفعت وكله طلع ضمانه من يوم الشراء لمده سنه وانا لسه هتجوز بعد 10 شهور فلو بجد فى بنوته لسه مش جابته ممكن تجيبه احسن قبل الفرح بشهرين او تلاته علشان الضمان مش يضيع وقولولى بقى ازاى بتحطوا الصور علشان ارفعلكم الصور واوريهولكم سؤالى بقى فى نوع معين او ماركه حلوه لطقم البورسلين ال19 قطعه واشكال حلوه فين ؟ :L:
مبروك عليكي يا جميل وماتقلقيش من الضمان كده كده ان شاء الله مش هتحتاجيه احنا عمرنا ما احتاجنا للضمان بتاعهم اصلا
اما الصور بقى لما تطلعى فوق هتلاقى على ايدك اليمين مركز رفع الملفات دوسي عليه هيوديكي فى صفحة تانية فيها 5 اماكن لتحميل الصور او الملفات اللى انتى عايزة تحمليها من جهازك بعد كده هتدوسي تحميل هيجيبلك صفحة فيها كل صورة وتحتها لينك فى مربع كده تاخديه كوبي وتحطيه هنا ووووبس:)
مدام/اشرى;13967883:
صباح الخيييييييييييييييييير
بقولكوا يا بنااااااااااات
محتاجة صينية تورتة الى هى بتتفتح دى
عايزة اعرف بكام ومنين ؟؟
هتلاقيها فى التوحيد والنور لكن السعر ما اعرفش لانى مش بركز فى الاسعار :D
زهره بريه;13967887:
ازيكم يا بنات وحشتونى والله من زمان مدخلتش ومعرفش لو حد سال عنى ولا لا؟؟
فرحى بكره ان شاء الله ياريت كلكم تدعوووووووووووووووووولى محتاجه دعواتكم جداااااااااااااااا
مبرووووووووك يا زهورة وماتقلقيش وخليكي ريلاكس كده
وان شاء الله يكون يوم جميل وربنا يتمم لك على خير يارب
مدام/اشرى;13967927:
زهرة يا عسل فرحك بكرة الف الف مبرووووووووووووووك وربنا يتمملك بالف خير وتبقى احلى عروسة يااارب
اهم حاجة تبقى هاااااادية وريلكس كدة واقرى قران وكلة هيبق بيس والله
انا يوم فرحى بجد مكنش حد مصدق الى :thumbs_up:انا فية دة هدوء غرررررريب وصحيت الصبح فطرت وخرجت عملت كذا مشوار قبل الكوافير روحت جبت لينسز ومنديل كتب الكتاب من الترزى وبعدين طلعت على السنتر ووكنت رايقة سبحان الله وخطيبى كمان ساعتها كان رااايق بردو وكنا انا وهو فى مود مية مية ولا شدينا ولا اى حاجة خالص والحمد لله هو جالى فى المعاد وانا كنت مخلصة وعقبال كل البنات اللهم امييييين
بنات صح هى كلاسيك اتجوزت؟؟
اه يا اشرى كلاسيك اتجوزت السبت اللى فات
.. Hopes;13968357:
ازيكم يا بنااااات
انا معنديش اسئله ومش عارفه اجابات بصراحه علي اللي سألوا :o
بس بجد بحبكم في الله اووووي :L::L:
سؤال بقا للمخالفه
انا جبت 4 دست شماعات وماما عماله تزعقلي تقولي كفايه وانا حاسه انهم مش هيكفوا :lol:
اجيب تاني ولا ايه؟
وحشتينا يا هوبس والله :adore:
بصي الشماعات كده كده ما بتخسرش خالص وكمان بيتكسروا
لو احتاجتى تانى ابقى اشترى
ريناد@;13968748:
انا بقى مش هشترك معاكوا تانى وشكرا اوى عشان عماله اسال ومحدش بيجاوب سلام ومش داخله تانى هنا نهائى هروح اسال بره احسن
ليه بس كده يا ريناد
يابنتى كلنا بنقول اسئلة مليون مرة وماحدش بيرد عليها لان اكيد ماحدش يعرف اجابتها او ماحدش اخد باله وفى بنات هنا فى كليات وشغل يعنى مش قاعدين على طول فمش بيدخلوا غير بالليل ومش بيلحقوا يقروا الرغى ده كله :D
انتى اوام لحقتى تزهقى مننا ولا ايه :D
يابت تعالى اقعدى معانا دى اللمة حلوة والله :D وعيدي سؤالك تانى واللى يعرف هيجاوبك ان شاء الله
