رد خااااص لدلوعه انوووشي ولكل عروس مسااافره من خلال تجربتي المتواضعه
انوشي بما انك تجهزي ومسافره زي ماعرفت من اللمه انك بتسافري طووول بعد الفرح ل امريكا وانا زيك اجوزت وسافرت علي طول شووفي ياستي شن ممكن تحتاجي اول شي بنبدا بحاجات المطبخ
بما انك ماشه لامريكا لازم ترفعي معاك
1/ كسكااااااااااااس
ضروري جدا لاني ماقابلونيش في امريكا ابدا الا في محل واحد اسمه الولمارت ولقيته ب 27دولار ولكن الكسكاس فتحاته كبار جدا كان
2/ قهوه عربيه
كان تحبيها وتشربي فيها لان غادي مافيش
وطبعا طقم طواسي متاع القهوه العربيه وبكررررج
وارفعي معاك شنتروين نايلوا الي ينحطوا في الصفره مافيش غادي وارفعي المكنيسه الفالحه الصغيره عرفتيهااا مهمه راهو مش ابسط حاجه بتولعي الكهرباييه هههههه
3/ ارفعي معاك مغررررف كانك من هواه العصيده والبازين
تقريبا هده اهم حاجات غادي مافيش وطبعا ماتخمميش في الكسكسي غادي متوفر لاني شفت مدامات جايبين معاهم كسكسي:confused:
كانش تحبي جو البسيسه والحاجات هدي طبعا تجيبي معاك
4/ جيبي معاك بخااارتك وبخوورك
وانا عن نفسي شريت حتا الفحم متاع الارجيله الي يجي مكيس قلت لعل وعسي مانلقاش غادي او مانعرفش الفتره الاولي وين يبيعوا فيه لكن نفعني ومشالي ووووقت
اللبس
اشري ماتسمعي كلام حد ويقولولك انت مسافره وشن تبي فيه:thumbs_down:بالعكس خودي لبسات حجاب قنينات وركزي علي لبس الطلوووع بما انك بتقري واكيد كل وقتك لبره
حسب ماقلتي انك جايه شهر اربعه وتقريبا تقريبا مافيش تخفيضات تبيلها لي سته او سبعه حطي هالشي في بالك وماتعبي بالشرا من اول مره لان بلاد غاليه شويه
5/ كانك من هواه الحنه حيبي معاك لصقه حنه
وحنه وزيت شيح
6/ ملابس النوووم كتري منها لانها صغيره في الحجم وماتاخدش وزن في الشنطه وتحتاجيلها واجد
7/ الدهب
ماانننصحكش بيه لا تكركري معاك لاشي كانش كانش طقم خفيف الي ديما في رقبتكوالبااااقي ديريه في شنطه وعطيه لماما اتدسه ليك
8/لبسه مناسبات ارفعي وحده ماتكتريش
لعل تجيك مناسبه او عيد زواج او عيد ميلا دوماتكونيش فاضيه بيش تشري او ماتصادفكش حاجه تعجبك
٩/ وشاحات بالوان ساده لعلك تشري لبسه وماتلقيلهاش وشاح
اممممم توا هدا الي مدكراته وكان شن اتدكرت تاني تفيدك
الي ماننصحكش ترفعيه
1/ لاب توب ماننصحكش لان في امريكيا احسن واررررخص بواجددددددد
2/ زي ماقتلك الدهب
3/ اللبس متاع المناسبات واللمات حتا هو ماعتقدش حتستحقيله اصلا غادي مافيه وقت للمات بكل نا لاهيه واللاحتياط زي ماقتل خودي وحيده او تنين
4/ العبايات ماننصحك بيهن مالهن لزمه غادي كانش انت ستايلك تلبسي فيهن حتا في الشغل والقرايه الحق فيه الي يلبسوا فيها يوم العيد لان نصلوا في جامع غادي
٥/ الاستشوار ماترفعيش وماتعبيش روحك لان الضي متاعنا مايركبش علي ضيهم للاسف اي حاجه كهرباييه ماترفعيش تعرفي انا من ما في الاوتيل مازال ماخدياش حتا حوش اول حاجه شريتها استشوار مانقدرش بلاه هههههه
تقريبا دا الي مدكراته توااااا وكان شن عندك سوااااال تفضلي وربي يهنيك:L:
