(♥)◦--׀|׀

ههههههههههههههه طولها 12 تي شوفي يلي لوطا يابنت مش الفوقي ههههههههههههههههههه
عادي عادي حتى تولي طوله هو مش مشكله
سؤال مخالفه فددنا *_^
كيف موديل فيلوك ؟
حطيلنا صوره قريبه منه لو مافيش ازعاج

السلام عليكم ورحمه الله وبركاته

حيو وانجل ماشاء الله ربي يهنيكم يارب

سؤال مخالف لانجل :

ممكن نعته بزبط ديون من فضلك ؟

صباح الخير

سؤال للمخالفة

يا بنات شن رايكم في العجانة ماركة براون كويسة وإلا لا ؟ ياريت يلي تعرف تقولي

(جواب مخالفه)

مرج الحمام لاسف معنديش فكره عليها بس انا بناخد مولينكس يعني مضمونه وعن تجربه

Angel Heart 89;14060882:

حبوبات اليوم خطمت علي ديون بالصدفة لان ملكة قتلي جايب كنادر بيض القيت كندرة اتجي لي فيلو وخديتها هادي صورتها قولولي شن رأيكم

طول الكعب 5 سم وجربت 37 و38 لان عندي مشكلة مرات 37 اتجيني ضيقة و 38 اتجيني واسعة فا ناخد في هادوا طروف باش يثبتولي رجلي واتجيني كويس 38 ، سعر كندرة 225

وطروف اعطوهملي من غير بيع،،،،شن رايكم يا حلوات؟

ما شاء الله حلوة يا جيجي \.البسيها في الحوش هلبة واتدربي عاالرقص بيها . ربي يهنيك ويسعدك يارب .


جيجي انت او هايلة ياريت تحطولنا صورتها الكندرة نفسها من الموقع بش نشوفوا عاالابيض كيف طالعة . مع انى حاستها على هاالللون اوف وات حلوة واحلى من الابيض .

روح الوليد;14067092:
ما شاء الله حلوة يا جيجي \.البسيها في الحوش هلبة واتدربي عاالرقص بيها . ربي يهنيك ويسعدك يارب .

سؤال المخالفة

جيجي انت او هايلة ياريت تحطولنا صورتها الكندرة نفسها من الموقع بش نشوفوا عاالابيض كيف طالعة . مع انى حاستها على هاالللون اوف وات حلوة واحلى من الابيض .

تصدقى يا روح تمت هههه :D
امس موجودة واليوم لا تخايلى فيسع ماتمت لان كانو مدايرين عليها تخفيض ... :clock:

سؤال المخالفة

جارى البحث عن


مضرب كهربايئ ماركة مولينيكس +مقلاة بيض تيفال حجم متوسط +سفر تقديم تلاتة احجام حاجة نازكة +مترد كريستال عالى زى الكاس حجم كبير (ينفع شوكولاتة أو مكسرات فنفس الوفت ).......................بالله عليكم يا حلوات اللى تشوف حاجة من هادم تقولي .

(جواب مخالفه لروح)

بلنسبه للطاوات . تلقيهم في تيفال بن عاشور بجانب ايوان انا شريت من غادي

اما السفر انا خديتهم من سوريا دهبيات فخمات تلقي زيهم في محل الاصيل حي الاندلس

اما المضرب تلقيه في مولينكس في حي الاندلس محل الذروه مقابل الاستقبال للاثاث

بلنسبه للكرستال تلقي محلات كرستال في حي الاندلس شوفي فيهم

جمال الروح 1;14077771:
(جواب مخالفه لروح)

بلنسبه للطاوات . تلقيهم في تيفال بن عاشور بجانب ايوان انا شريت من غادي
اها تعرفي دورنا في الغول اللى مقابل ايوان القادسية مالقينا شي . ...اوكى توا انشوفه الى جنبه .

اما السفر انا خديتهم من سوريا دهبيات فخمات تلقي زيهم في محل الاصيل حي الاندلس
وين جاى يا حلوة الاصصيل وزعما بكن تتوقعى السفر .

اما المضرب تلقيه في مولينكس في حي الاندلس محل الذروه مقابل الاستقبال للاثاث

بلنسبه للكرستال تلقي محلات كرستال في حي الاندلس شوفي فيهم
النعتة النعتة يا غزالة باالزبط الزبط

سؤال مخالف:

عندي فرح قريب........
نبي فساتين سواري ..........
محل في طرابلس أساعرى مناسبة؟؟؟؟؟؟؟

(جواب مخالفه لروح)

اول شيء تيفال يجي الصفه المقابله الغول لما يكون الغول علي ايدك اليسار يجي تفال قبله بحاجه بسيطه

اما الاصيل تلقيه في بداية حي الاندلس مقابل المكتبه العربيه وبجانب الاصيل تلقي المسلاتي للاثاث وابو حجر للسجاد قريب منه
الاسعار معنديش فكره مسئلتش الحق لاني عندي منهم

اما الدروه تلقيه بعد الثامنه هارون امشي القدام شويه تلقي الاستقبال علي يدك اليمين والدروه علي اليسار

(جواب مخالفه لمنتظره )

شوفي محلات اول سبتمبر اسعارها مناسبه وتلقي عندهم قطع حلوه بس لفي عليهم كلهم لان في محلات غادي

بضاعتهم مش حلوه بكل

جمال الروح 1;14078002:
(جواب مخالفه لمنتظره )

شوفي محلات اول سبتمبر اسعارها مناسبه وتلقي عندهم قطع حلوه بس لفي عليهم كلهم لان في محلات غادي

بضاعتهم مش حلوه بكل

شكرا.............:thumbs_up:
جمال الروح,,,,,,,,

سؤال مخالف:
ماقلتليش كيف أسعارهم؟؟؟؟؟؟؟؟؟؟؟؟

جواب المخالفة
بالنسبة للاسعار الاصيل غالي بصراحة لكن حاجاته واااااااااااااااااو
وعندك بوزودة حتى هو عنده سفر دهبيات يهبلو وعنده كرستال حاجات تحفة
خديت منه 6 كيسان كرستال اسود ودهبي ب 275 اتحسيه غالي
والله روح تبي الحق مافيش كرستال مش غالي الا ممكن الدرجة التانية زي اللي عند عبدالله تلقي عنده حاجات رخصية
وربي يهنيك

جواب المخالفة
الننس شوفي باناش يدير في حاجات تهبل

دلوعة بيشو;14044892:
جواب المخالفة
حيو حاجاتك يهبلو اتبيديهم بالهنا ياغالية وتم التقييم ياسمحة
سؤال المخالفة
انى شريت غسول ....لافام ....لو ممكن تقولولي كم مرة مفروض نستعمله ؟؟؟
لان لقيت كدا مرة البنات يشكرو فيه قولت نجربه...!!

نصيحة حبيبة باعدي عن الغسولات عموما واغسلي بالصابون العادي حتي الديتول لا وجففي كويس بس..لان اغلب الغسولات تسبب التهابات..تعرفي عندي اختي ديمة ننصح فيها وماتسمعش في الكلام وتشري في غسولات وتستعمل فيهم وعلى اساس انواع خفيفة اللي تشري فيهم والله جتها التهابات فظيعة قبل عرسها بشوية وعالجت في امريكا وقالتلها الدكتورة اللي غادي نفس الكلام كله من الغسول ونصحتها معاش تستعمل اي نوع لانهم يقتلو في البكتيريا المفيدة اللي في المنطقة ويخلو فرصة للانواع الضارة

السلام عليكم ورحمة الله وبركاته

اول امس كانت حفلة اختي واتمنيت لو كلكم حضرتوها ..صورتلكم مقتطفات من الحفلة اول ما نرتاح شوية انزلهم لعيونكم
وهادي فكرة عامة عن تفاصيل الحفلة
الصالة
قصر الهناء مرياج الصراحة الخدمات روعة ومنظمة هلبة والمشرفة بسم الله ماشاء الله وداروا مشرفة للصغار شدتهم في طاولة واحدة وسيطرت عليهم طول وقت الحفلة بجديات الصالة حقها فيها وتستاهل واختي اختارت الديكور على الابيض والدهبي وكان روعة
التقديم
اول حاجة درنا باكو شكلاطة باتشي على كل طاولة وبعدها عصر كوكتيل من هافانا واكلة حلوة من رانيا تو انزلكم صورتها المرة الجاية ..وبعدها حلاوات تلاتة انواع ومالحة من فضيلة قرادة الصراحة كانو تحفة واحلي حلويات نذوقهم في حياتي الصراحة خدمة نظيفة والشكل حاجة تانية قدمناهم في متارد اجرناهم من طارق بركة وخسارة لضيق الوقت ماقدرناش نزينو المتارد ولفيناهم بالنايلو الشفاف بس بس شكل المترد كان تحفة ومش محتاج والحلاوات بروحهم منظرهم حلو
العشي
السلاطات والخبزة التركية والشاورما والشيش طاووق من مطعم ازمير في قرقارش
الطعم كان روعة وخدماتهم حلوة بس العيب الوحيد ان احني طلبنا صحن سلاطة مشكل مستقل لكل شحص ودفعنا على الاساس هدا بس لما بيحطو العشي جت المشرفة اللي باعتها المطعم وفاجئتنا ان السلاطات شوية وحطونا قدام الامر الواقع وقدمنا تلاتة صحون سلاطة مشكلة لكل طاولة..
الرز بالخلطة وفخدة دجاجة مشوية وشريحة اللحم ( بيكاتا ) كانو من الراقي والصراحة كلمة روعة شوية فيهم والله الكل عجبوهم هلبة وسألو عليهم وباذن الله اي مرة تانية نبي عشي من برا حنتعامل مع الراقي لان الاكل بنة وطعمةو الاسعار اقل من معقولة ربي يعطيكم الصحة اروتا ويباركلكم لانكم تستاهلو
شربة العدس من مطعم الشادن التركي وكانت تحفة
والتقديم كان خبزة وسلاطات وبعد شوية قامو السلاطات وحطو الشربة وبعدها رفعو الشربة وحطو المشاوي والرز ..

بعد العشي درنا بكلاوة بالشكلاطة من معازيم ونافورة شكلاطة من السوسي..وخسارة احني طلبنا اكبر نافورة ولما اختي الصغيرة مشت بتخلص ماقرتش العقد واعطوها الحجم المتوسط مش عارفة هل كانت غلطة ولا عطو الحجم الكبير لحد تاني ..المهم لما اكتشفنا الغلط ماكانش فيه وقت نصححوه
الزمزامات
فاطمة الطرابلسية المعروفة بالحمصة
الصراحةكلمة روعة شوية فيهم بجديات تستاهل فلوسها وخلت جو الحفلة حاجة تانية على قد مانقوللكم انها حلوة شوية فيها لدرجة خلتني نرقص ونغني معاها واني هادية ومش متاع هياجة بكل لكن غصبا عنك تنشطي معاها
التصوير
بهاء الدين بعرة
تعاملهم كويس والنقل المباشر كان حلو والشاشة عرضها حلو بس العيب الوحيد كان الريبورتاج الصراحة كان مش حلو بكل ..وكان شخص مبتدئ داره هو احني لضيق الوقت ماقدرناش نجهزوا الصور والاغاني كويس ..بس اعطيناهم كم صور لاباس بيه ورتبناهم واعطيناهم كام فيديو ما استعملوهمش اصلا لان ماعندهمش وينودز ميديا بلير في الجهاز مابوش يفتحو وقالولنا حيتصرفو ويفتحوهم لكن اتفجانا بعدين انهم ما استعملوهمش اصلا..اتخيلو العرض كان عبارة عن صور تابتة تمر وراء بعضها من غير اي خدمة ولاحركات والاغاني ممكن تلاتة اغاني..الصراحة اسوأ ريبورتاج نشوفه لبهاء كان متاع اختي ..ويارب الصور يطلعو كويسات ..
بالنسبة للعروسة
الفيلو كان كلاسيك حرير وذيله طويل تحفة ومن غير كريستال بكل وطلعت فيه اختي زي الاميرة الصراحة
والمكياج كان عند نادية الجزائرية وتسلم ايدياتها الصراحة والله طلعت اختي روعة هي صح اختي قنينة لكن بيضا هلبة هلبة وديما كنت نحس المكياج مايمشيش معاها لكن نادية ابدعت فيها طلعتها حاجة تانية ومع ان اختي كان في وجهها حب طلعلها من الشمع من فترة وعلى قد ماعالجت ما اتنحاش بعد المكياج ماكانش فيه اثر ليه اصلا لدرجة اني نسيته لين اختي قالتلي شوفي كيف الحب اختفي الصراحة روعة واختي تشكر في معاملتهم هلبة هلبة

هذا ملخص للحفلة واي اسئلة اتفضلو وباذن الله حنزلكم صور المرة الجاية
وبشكل عام الحفلة كانت روعة وكل الناس جبتهم لدرجة الزمزاماة قالتلي ان العشي كان احلي عشي اتذوقه في حفلة وان جو الحفلة من احلي الحفلات اللي حضرتهم ..ويارب كل بنية تجيها حفلته كيف ماتتمني والتخطيط يلعب دور كبير في نجاح الحفلة لكن التوفيق من عند الله لان فيه حاجات هلبة ما تخططيلهاش وتجي حلوة وحاجات تخطيطيلها هلبة وماتجشيش كويسة,, اعطوني رايكم واي اسئلة اتفضلو