لمتنا السورية اهلا وسهلا فيكم لشهر محرم1432

دمشقية اهلين حبيبتي الله يسعدك يارب اسفة كنت فاتحة وعم اركض ورا يوسف لرضي ياكل ما انتبهت لكتابتك النا عودة

يسعد صباحكم جمييييييييع ويارب الكليكون بخير وعافية

كاتي القمر كيفك اليوم وكيف النفسية جوووود ولا :| ... وياربي يشفيلك تالا ويحميها ربي حتى تكوني انتي وهي بخير وعال العال:thumbs_up:
دخلك البنت عنيدة طالعة لمييييييييين:rolleyes: اعترفي ... صعب العند وخاصة وقت المرض والتعب
والله يبعتلك الخلقة التامة وكل شي من الله يامحلاه F:
قلتيلي كمان خوافة يحرء حريشك ... هلأ انا مابخاف يعني عندي شجاعة بس مابحب الرعبات ابدااااا بقى زوجي من ايام عرسنا عطاني كم درس بالشجاعة وعطيتو اللي بدو ياه وبطل يخوفني خخخخخخ:mad: ويعمل حساب لكل حركاتو :D
ونعيما على الزفة خخخخخ من بنت حماكي يالله مو خبرتوها ... فاعتقد هلأ الكل عارف وعنده علم ياستي الله يتمم بالخير واللي ربك كاتبه بصير

وههههه قلتيلي انتي متلي مابتقدري تخبي صدقيني انا اليوم مو ضامنة حالي بقى الله يستر ولا تخافي قبلة الحياة مضمونة بكل الاحوال :o

وياحبيبة قلبي عوافي على المحاشي ان شالله هنا يارب انا من كم يوم خلصت من عندي
وبخصوص اللزانيا فطريقتي مابتختلف ابدا عن طريقتي بمعكرونة البشاميل :D
يعني بسلق اللزانيا وبمدها بالطول بالبايركس وبدهنها خفيف بشاميل وبعمل طبقة تانية وفوقها كمان بشاميل ... طبقة خفيفة يعني مابحب اكثر بشاميل والطبقة التالتة بحط الحشوة
انا قليت قطع صيغيرة دجاج مع مكعب ماجي وبهارات ولما استوى الدجاج كنت مقطعة سلايسات فلفل رومي وجزر وبحطهم فوق الدجاج وبحط كمان فطر وشوية حبات درة وبحركهم تمام وبس...
بحط الحشوة على طبقة اللزانيا وبغطيهم بباقي اللزانيا وبسكب باقي البشاميل عليهم
ورشيت فوقهم جبنة موتزاريلا وعندي نوع تاني جبنة بودة بارميزان وبس على الفرن
وعوووافي يارب ههههه ... الطعم جنان والشكل روووعة لان بتطلع معك طبقات بس هالمرة انغشيت بنوع اللزانيا سلقتها اكثر من نصف ساعة وبقيت مجلدة شوي مابعرف ليش مع ان النوع اجنبي والله بقى خلينا على حمارتنا العرجة العفو يعني .. ولا سؤال اللئيم خخخخخخ

وصحة وعوافي على المكدوس ههههه .. ويالله شدي حيلك واعمليلك مرطبان مخلل للازمات ... لان والله اعلم وحامك راح يكون على الحامض هههههه
هي مخللات سورية خلصو وراح تجيني حصتي اليوم على بارد المستريح الله يرضى عليها ... هههه

***************
لولوة لك مية اهلا ومية سهلا نورتي ... والحمد لله انك بخير يارب دوم والحمد لله اللي خلصت الكبسة .... هههههه الله يحمل معك يارب
والله يخليلك يوسف واخواته ....

صباح الخير
مع كل هالبردات والطقس عنا كتير ضباب من شان هيك مارحت ع الشغل

انا سيرة الحب عندي ما بعرف لاني ماني طابخة اليوم معزومة عند ماما

CATS_ANGEL;14060056:

ههههههههههه شكلو ما حدا اتهنى بيوم الخميس حلت علينا لعنة يوم الخميس و ينك يا مونو تيجي تفكيها ( مونوووووووووووووووووووووو :( عن جد طولتي علينا )

الف سلامة عليها راما و هالاطافيل بحزنو بالمرض ما بتعودي تعرفي شو تعمليلها غير انو بنزل عليهم الحب بحزنو اكتر تالا بتضل تحكيلي حبيني يعني اضمها :'( هو الرشح و الالتهاب و السعلة عند الكل بهالفترة الله يعين الجميع
انا تتحسن تالا و اوضاعي كلها بتهون و بتتحسن ان شاء الله بس اشوفها مبسوطة بنبسط مهما كنت مريضة او تعبانة و بس تمرض بمرض معها :sick: و ان شاء الله تبقي رايقة على طول و نطمن عليكي و طمنينا على راما :adore:

الف صحة و هنا شهيتيني على الفطاير بس فطاير ماما لاني ما بعرف اعملهن طيبين متلها بدي نزلها على قائمة الاسبوع الجاي للطلبات :rolleyes: شو هيدي فطاير موز و قرفة كيف بتعمليها صوريلنا اياها اذا بتعمليها كمان مرة :!!:
برنامجكن حلو بالعطلة الله يهنيكن على طول و يل بلشي اربطي على راسك لتحضري مع الاولاد للفحص الله ينجحهن يا رب

برغل بفول اول مرة بعرف هيك شي :rolleyes: متل الفول برز بس بدالو برغل و لا كيف :!!:

صباحو يا قمر كيف اليوم
شو بدنا نعمل لما يكون فيه ولد صغير بيغيرلك مشاريعك حتى لو كان يوم خميس
الله يعافيها لتالا يارب بيبة قلبي الاطفال ما بيتحملو
انا علمتني لولوة طريقة عجينة روعة للفطاير ومشان فطاير الموز والبرغل ببقا بكتبلك ياهن هلق اجا جوزي لناخد راما عالدكتور

أحم أحم يسعدلي مساكم جميع رجعتلكم بس معي هدية بتجنن هي










هي








هي سالم أجاني سالم غانم الحمد لله من فضل ربي بسم الله ماشاءلله


ومتل ما تمنو بيت حماي ولدت وانا عندن يوم الجمعة وهنن يلي نقلوني عالمشفى وطبعا أنا من لما قالولي بالمشفى ولادة حاكيت أهلي جابولي أغراض البيبي وأغراضي وأجو يعني سبحان الله كان صارلي فايتة بشهري 15 يوم بس والكل قللي بكير بس هيك ربنا أراد وبتعرفو هالتعب يلي تعبتو مو قليل بشغلي وبالركض بوراقي و التعصيب من الطلاب وهو السبب بتسريع ولادتي وكانت طبيعية من فضل الله صحيح اجا سالم ضغنون بس أكيد ألف الحمد لله تذكرتكم ودعيتلكم كلكم صحيح مو دعوات خاصة لكل وحدة منكم بس دعيت لكل رفقاتي الله ييسرلهم أمورهم

أنا كنت عم اتمغوص من قبل بيومين بس مالي عرفانة أنو هي أعراض الطلق بتعرفو ماعنا خبرة بالموضوع بس سلفتي خريجة معهد طبي صارت تعيرلي عالمغصات طلعو منتظمين وطل 5 دقايق كانت تجي المغصة وقالتلي 100% انت رح تولدي اليوم وانا مستبعدة الموضوع والله رايحة عالمشفى ومتوقعة يقولولي رجعي بعد شي جمعة

ان شالله يارب عقبال عندك يادمشقية وياسمينة الله ييسرلك حملك وولادتك أنت وكاتس وكل الحوامل وربي بيطعم كل يلي بنفسها بيبي يارب ولا يحرم حدا من هالنعمة

اوها اشلحي الماسك اوها وحطيه على راسك اوها مو فرحتنا بالصبي فرحتنا بخلاصك لي لي لي لي ليش
الف الف مبروك حبيبتي شامية يارب يربى بدلالك انت وابوه ويارب يجعله من الصالحين

اوووووهــــــــــــا ولدت شامية وقـــامت
اوووووهــــــــــــا وعلى فراش الهنا نامت
اوووووهــــــــــــا وإلك الحمد ياربي
اوووووهــــــــــــا اللي ماشمت فيها شامت
وللللللللللللللللليييييييييييييييييييييييييييييييييييييييييييييييييييييييييييييييييييييييييييش

الف الف مبروك شامية لك تؤبشي قلبي على هالخبرية الحلوة.... الحمد لله على سلامتك وسلامة سالم وعلى الولادة الطبيعية ويارب عقبال فرحتك فيه قولي امين... والحمد لله ربي سهلها عليكي عقبال عند كاتي وسمورة بخير وسلامة وكل حامل
شفتي سبحان ربي ماكنتي متوقعة تولدي بكير ولا احتى نحنا توقعنا ... انا اريد وانت تريد والله يفعل مايريد
يالله انتبهي على حالك وعلى البيبي وعقبال مايجيكي زوجك بخير وسلامة
وتسلمي حبيبة قلبي على الدعوات الحلوة ربي يتقبلها منك

اهلين سمورة صحة وهنا على اكلات امك والله يخليلك ياها يارب
ومحلا الشتا ومحلا اجوائها بتجنن الله يبعت الخير بس علينا وعليكم يارب

************************

سلام يا بنات
لولوة هلا حبيبتي نورتي الشات الف حمد لله عالسلامة وسلامة قلبه يوسف
بالله شي تعويذة من مونو شو قصة هالمرض الله يعفو عنا ويجيرنا
اليوم اخدت راما عالدكتورة ووصفتلا انتي بيوتك اقوا من الي اخدته المسكينة ملحوشة من الحرارة :sick: مالها حيل تعمل شي بتزعل وخصوصي هي حركتها ما شاء الله عليها وهلق مشلينة يارب الشفا والعافية للجميع

دمشقية كيفك حبيبتي لا تشيلي هم بعوضله ياها لزوزي اكيد ما بزعله ولا بخلي شي بنفسه :):o
اما عن الشوق فحدثي ولا حرج :016: لولو مو بس توأم روحي هي النفس الي بتنفسه يارب يجمعني فيها على خير:086:
وخفي شوي على كاتي حرام المخلوقة موححمة تعد تجي بعين الولد خطي :038:
ياسمينة حلوة التنبلة وخصوصي بالبرد ماله حيل الواحد يقوم من الفرشة:019: الله يخليلك امك ويارب تتهني بزيارتك

دمشقية انت هون ولا هونيك ههههههههههههه

اهلين شامة الله يخليلك زوجك يااارب بعرفك معدلة مابهون عليكي فيه واكيد عوضتيلوا ياها خخخخخخ
الله لا يحرمكم من بعض يارب ويخليلك ربي ولادك.... والف سلامة على بنتك والله من هالجو ياشامة البيوت دافية والجو بارد او العكس متلنا احنا بيوتنا باردة بسبب المكيفات وبرا الدنيا شوب ورطوبة بقى الحمد لله على كل حال

والله يخليلك لولوة ويجمعكم ببعض يارب ويخلصها ويخلصنا من هالغربة على خير وسلامة يارب

هووووووووووووووووووووون هون مو هونيييييييييك خخخخ
يسعدلي الشامات كلهم انا طمنيني عنك اليوم وكيف الجو عندك

سلام ياحلويين كيفكم انتوا هون ولاهونيك ههههههههههههههههههه

لك اهلين سورية تقبري قلبي يالله قومي بواجب شامية عالسريع خليني بيض وشي فيكي :D

شامية ان شاء الله الف مبرووووووووووووووووووووووووووووووووووووووووووووك
واووها زقزقة العصفورة واووووووووها وفتحت المنتورة واووووووووووووووووووها والك الحمد ياربي
واووووووها يلي جبرت بخاطر المكسورة وللللللللللللللللللللللللييييييش
الف الحمدلله على سلامتك ياربي ومبارك مااجاكي وان شاء الله بيربى بعزك انتي وابوه وربي يجبر بخاطرك على الدعوات وكرمالك رح ساويلها للدمشقية كراوية ونحتفل بقدوم سالم الله يحميه

لك شو نمتووووووووووو على الكيبورد يحرء حريشكم طفشتوني
سورية لا تنسي تجيبلها العباية لبنتي لانها صرعتني ... ولا تجيبي ورق التغليف لان ماعاد الو لازمة ههههههههههه

بعيد الشر عنك تقبريني والله فرحتلها وماتوقعت تولد هلأ يالله الف الحمدلله وعقبال كاتس وسمورة ياااااااااااااااااااااااارب

يييييييييييييي لك يؤبشني الموجب انا اييييييييييييه
ياعيني ياعيني راح ناكل كراوية على جية سالم .... سورية حليهم ها بحبها حلوووووة متلك