20 مرة نقول يا تري بتعملي الأكله دي ازاي؟ ( مبدعات مصر القمرات ) شهر محرم 1432

تسلمو يا عسولات
بكرة بفكر اعمل شوربة عدس هههههه

اوك يا جميل تسلم ايدك

ام معاذ وشاكي وديو الاكل شكله حلو اوي تسلم ايديكوا وايه فرة العدس اللي في التجمع دي
النهارده عندنا محشي كوسه وورق عنب وشوربة لسان عصفور ولحمه محمره

رشرووش;13946625:
مشروب الموكا الساخن

المقادير

كوبين من الحليب الدافئ + ملعقتين كبيرة من السكر
...

ملعقتين من بودرة الكاكاو المرّه,

ملعقة من النسكافيه

ملعقة من كل من صوص الكراميل ,صوص الشوكولاتة هيرشي
ملعقة كبيرة من الشوكولاتة المجروشة جرش خشن



الطريقة

يسخن الحليب مع السكر حتى يصبح يذوب السكر ثم نضع في خلاط العصير بودرة
الكاكاو والنسكافيه وصوص الكراميل والشوكولاتة ويخلط جيداً في الخلاط ثم نرجعه ونقوم بتسخينه جيدا حتى يفور ,نكون قد جهزنا الكأس وقد وضعنا فيه
نصف ملعقة من الشوكولاتة المجروشة وبعض صوص الشوكولاتة والكراميل ثم نبدأ بسكب مزيج الحليب السابق ببطء في الكوب ثم أخيراً نرش ماتبقى من
الشوكولاتة المبشورة على رغوة الوجه ويقدم ساخناً..

تسلمى ياشروش هجرب واقولك

*Om Mo3az*;13946924:
ممكن كانت خفيفه يا نانو
مش عارفه بصراحه انا كانت بتبقى معايا كده الاول بس بقيت مش بحط بطاطس وبتظبط
بس رشروش قالت لي انها بتحط بطاطس ومش بتسقط منها

مش عارفه والله ياايمى انا بعملها على طول بطاطس وبتكون مظبوطه مش عارفه ايه السر

*Om Mo3az*;13946930:
غدانا انهرده
اتفضلو

تسلم يايك يالا قولى الطريقه

du;13946932:

العدس

وااااااااااااااااو شكله يفتح النفس اوى

دموع اشتياقي;13946989:
انا برده بعمل حمص الشام بيبقي روووووووووعه بنقعه من بليل الحمص والصبح احطه في حله مع بصله وفصين توم و2 طمام واخليه يستوي ولما اجي اصبه بقي اعصر لمون وشطه وملح في الكبايه واصبه بيبقي احلي من بتاع الشارع

كنت لسه هسال على الطريقه طرقتك سهله ااااااااوى

Bird amore;13947038:
غدايا النهاردة بيكاتا للحمه

تسلم ايديك ياشاكى حلوه ااااااااوى

فراشة الإيمان;13947057:
دموعى اشتياقمى انا بعمله من غير بصل

بنقعه من بالليل وبحطه الصبح فى ميه يتسلق ولما الاقيه دخل فى السوا بكون مقشره كام فاص توم محترمين يجى عشره كده ادقهم واحطهم عليه

واسيبه يغلى وازود ميه ولما الاقيه نص سوا اكون عاصره طماطم كتييييييييييير يعنى الربع كيلو حمص بحط عليه نص الخلاط وزياده شويه طماطم مضروبه

واسيبه بقى يكمل سواه فيها وازود ميه لو احتاج ولما الاقيه استوى خلاص

احط ملح ومعلقه كمون

ولما اجى اصبه فى الكوبايت بحط شطه وليمون حسب الرغبه


وكلى احلى حمص الشام فى حياتك


اخو جوزى اول ماينزل من السفر يقولى واحد حمص الشام وزود الشطه لو سمحت ياعم ههههههههههههههههههههههههههههه

اقوله ماشى ياعم



جربى دى كده وهاتدعيلى كل اللى يدوقه ياخد الطريقه

وااااااااااااااو حلوه ااااااااااااااوى ان شاء الله هعمله لانى نفسى فيه اوى

طريقة فراخ تكا اهي يا نانو

http://forums.3roos.com/showthread.php?t=540542

بنات عملت الرز بلبن بكريم شانتيه ملهووووووووووش حل لازم تجربوه وتسووه فلبن علي طوووووووووووووول

تسلم ايدك يا ايمي بالهنا والشفا
في الخطه الجايه ان شاء الله
بس الواحد ما بيصدق يخلص مواعين الغدا ويشطب المطبخ ههههههههههههههههه
الميه بتبقى تلللللج ومش بحب اشتغل بميه سخنه




بنات عندي ماشروم
حد يقول لي اعمل بيه ايه بس طعمه يتوه في وسط الاكل مش يبقى باين اوي يعني

فراشة الإيمان;13947094:
لا ياجميل هو كده شوربه وانتى هاتشوفى تقله بنفسك

بعد كده ممكن تعملى شعريه محمره وتحطيها فيه وتشربيه بالمعلقه او من غير شعريه او تعمليه فته براحتك

بس مش بيبقى تقيل اول لما تضربيه فى الخلاط وتحطيه على الطماطم المتسبكه لو لقيتيه تقيل تزوى مايه للتقل اللى انتى عايزاه ومتنسيش مكعب فاين فودز اوا:thumbs_up:تنين

تسلميلي جاري التنفيذ
ديو وشاهي وايمان تسلم ايديكو
شاهي اللحمه مقطعها مكعبات مش كده يعني مش لازم شرايح


بنات هي الكريمه اللباني ممكن نستبدلها بوش اللبن ولا لا

بنااااات تسلم ايدكم كلكم
وربنا يخليكم بجد
هو العدس وانا بعمله ماما قالتلي سيبيه يغلي كذا مره عشان احنا بنحبه تقيل كده وكان جميل اوي بجد انا عملته بطريقه ام بودي ربنا يخليهالنااا
ايمان انزلي بطريقه الرز بالبن
انا اصلي اليومين دول موقفه دايت عشان عند المحروسه دي اللي بتيجي كل شهر هههههههههههههههههههههههههههههه

بصي يا جميل جبت ك رز كوبايه يعني وحطيت عليهم كوبايتين لبن وكل ما يحتاج لبن بزود عنار طبعا بعد ما استوي حطيت السكر والفانليا وبعدين ظربت كيس كريم شانتيه وحطيته وقلبت احتاج يتقل دوبي نشا في حبه لبن نونو وحطيهم وقلبي ولما يبقي السمك الي انتي عيزاه اغرفيه بجد ملووووووووووووووووش حل

ازيكو يا حلوين
شاهي
البيكاتا تجنن تسلم ايدك
النهاردة عملت بصارة بالخضرة
جوزي قالي جميييييييييييييييييلة
بس دي مش بصارة:'(:'(:hysterical:
بيقول من غير ملوخية ناشفة مش بصارة:p

لا بلملوخيه النشفا عملتها قبل كده معجبتنيش بس عجبت جوزي جدا لانه متعود عليها بلملوخيه الناشفه احنا بقي بنعملها بلخضره احلي طبعاااااااااااااااااا

دموع اشتياقي;13948199:
لا بلملوخيه النشفا عملتها قبل كده معجبتنيش بس عجبت جوزي جدا لانه متعود عليها بلملوخيه الناشفه احنا بقي بنعملها بلخضره احلي طبعاااااااااااااااااا

ايوة ياايمي
ماهي فكرة هو متعود علي ايه؟تلك هي المشكلة
انا مشكلتي اني مكلتهاش قبل كده فمعنديش ريفرنس للطعم فعجبتني
بس ان شاء الله حجربها بالملوخية واقرر:)

لو سمحتوا يابنات ردوا عليا ضروري انا بسوي محشي الكوسه في الفرن حاليا واما الشوربه غلت عليه نقلته في الرف الوسطاني كده صح ولا انا لخبط اصل اول مره اعمله في الفرن

انا بعمل الباستا فلور هخلصها وانزل الصور
يارب تنجح

طيب اعمل رز بالبن ولا بطاطا بالباشاميل ؟؟؟

رشرووش;13946625:
مشروب الموكا الساخن

المقادير

كوبين من الحليب الدافئ + ملعقتين كبيرة من السكر
...

ملعقتين من بودرة الكاكاو المرّه,

ملعقة من النسكافيه

ملعقة من كل من صوص الكراميل ,صوص الشوكولاتة هيرشي
ملعقة كبيرة من الشوكولاتة المجروشة جرش خشن



الطريقة

يسخن الحليب مع السكر حتى يصبح يذوب السكر ثم نضع في خلاط العصير بودرة
الكاكاو والنسكافيه وصوص الكراميل والشوكولاتة ويخلط جيداً في الخلاط ثم نرجعه ونقوم بتسخينه جيدا حتى يفور ,نكون قد جهزنا الكأس وقد وضعنا فيه
نصف ملعقة من الشوكولاتة المجروشة وبعض صوص الشوكولاتة والكراميل ثم نبدأ بسكب مزيج الحليب السابق ببطء في الكوب ثم أخيراً نرش ماتبقى من
الشوكولاتة المبشورة على رغوة الوجه ويقدم ساخناً..

انا بموت فى الموكا هجربها

تسلم ايد كل البنات و الدنيا تلج و مش قادرة أكتب حاجة ههههههههههههههههههههه

العدس عجبك يا دو الحمد لله يا قمر شكلي حأعمله بكرة ان شاء الله عشان معنديش حأشتري بقه .

و الله يا غاده أنا عمري ما عملت محشي في الفرن دي جديده عليا يعني مش حأقدر أفيدك.

بفكر أقوم أعمل كيكه نتدفا بيها هههههههههههه

بنات صحيح انتوا بتسمعوا بتوع الأنابيب زي زمان و الا بجد في أزمة ؟؟؟؟؟؟؟؟؟ أصلي خايفه الأنبويه تخلص و منزله التانيه عند البواب من يوم الأربعا اللي فات و لحد يومنا هذا محدش جه أنا خايفه أحتاس في الموضوع ده

du;13948411:
طيب اعمل رز بالبن ولا بطاطا بالباشاميل ؟؟؟

رز بلبن ايه في البرد ده !!!!!!!!!! اعملي كيكه البطاطا ههههههههههههههه

بمناسبه البصاره حماتي بتعملها برضه بملوخيه ناشفه بس أنا أكلتها لجوزي بالخضرة أي نعم مش زي اللي هو متعود عليها بس أنا مليش دعوة أنا مش بحب الملوخيه الناشفه أساسا يبقي هو يأكل اللي بالخضرة بقه هههههههههههههه

بنات تسلم ايديكوا الاكل كله تحفة


بصوا بقى

انا عندي عزومة بكرة ل 6 افراد منهم 5 رجاله ههههههههههههههههههههه


بفكر اعمل صينية بطاطس بالفراخ ورز معمر

بس محتارة اعمل البطاطس بيضا ولا بالصلصه ؟


وهعمل حلة ورق عنب بالريش

وعرق روستو


عايزة اعمل حاجة كمان ياترى ايه اللى يليق مع الحاجات دي ؟

عندي شويه ممبار ينفع احطهم ولا كدة يبقى رز كتير ؟

طيب لو مش ينفع يبقى ايه الباديل؟


وهعمل سلطة خضرا وسلطة زبادي


والحلو بفكر اعمل كب كيك عندي علبه بيتي كروكر بالشوكليت شيبس بفكر اعملها كب كيك وخلاص

ايه رأيكوا ؟

ناني فيبس;13948490:
بنات تسلم ايديكوا الاكل كله تحفة


بصوا بقى

انا عندي عزومة بكرة ل 6 افراد منهم 5 رجاله ههههههههههههههههههههه


بفكر اعمل صينية بطاطس بالفراخ ورز معمر

بس محتارة اعمل البطاطس بيضا ولا بالصلصه ؟


وهعمل حلة ورق عنب بالريش

وعرق روستو


عايزة اعمل حاجة كمان ياترى ايه اللى يليق مع الحاجات دي ؟

عندي شويه ممبار ينفع احطهم ولا كدة يبقى رز كتير ؟

طيب لو مش ينفع يبقى ايه الباديل؟


وهعمل سلطة خضرا وسلطة زبادي


والحلو بفكر اعمل كب كيك عندي علبه بيتي كروكر بالشوكليت شيبس بفكر اعملها كب كيك وخلاص

ايه رأيكوا ؟

اعمليها بيضا يا ناني و اعملي سمبوسه أهو نوع من المقبلات حلو و خفيف ممكن تجبيه جاهز علي القلي أسهلك