20 مرة نقول يا تري بتعملي الأكله دي ازاي؟ ( مبدعات مصر القمرات ) شهر محرم 1432

lifedrop;13909410:
انا طبعا مش ملاحقة بس بحب اتفرج على الصور
وكلو احلى من بعضه
تسلم ايديكو
انا بقترح انكو تعملو جروب على الفيس بوك وتجمعو الصور دى فيه
او لوتس تكمل موضوعها
لان الموضوع دة بقى موسوعة ما شاء الله


انتى يا حاجة
انا قريت الطريقة بس كنت حقوم اروح السلخانة اجيبلى كارعين تلاتة كدة افطر بيهم على غير ريق
نفسى فيها اوى هيا وكل كماليات العجل من ممبار ومخ ومش عايزة اقول كرشة عشان مضربش

بس سؤال ذكى لو لا قدر الله يعنى لاقيتى فيها حاجة كدة ولا كدة تعملى ايه فيها؟؟؟
بتشيليها ازاى؟؟
بجد نفسى فيها اوى
مش قادرة

والله يا بنتى لو كنتى قريبه منى كنت عملتلك صنيه وبعتهالك والله العظيم بجد لحسن الواد يطلع فى قفاه كارع ههههههه تبقا فضيحه وبالنسبه للحاجه اللى كده ولا كده انت فهمتى اييه انا بتكلم على شعريتين تلاته كده ساعات بلاقيهم كده وحماتى قالتلى اكحتيهم بالراحه بالسكينه مطلعوش يبقا على النار بقا على خفيف كده او بالملقاط وطبعا بيبقا بتاع الحاجات دى بس انا بقا جوزى بيموت فى الكوارع والكرشه والطحال والفشه والحاجات دى كلها انا مش بحب غير الممبار بسسس
بالمره بقا معندكيش طريقه للطحال حلوة زيك كده يا حبى :D

Bird amore;13909475:
عدس و علية بصل منقوع فى خل

تسلم ايدك يا شاهى حلو اوى بالف هنا وشفا

مايونيز;13909640:
حلو العدس ده ياشاكي انا ساعات بعمل عدس مع العيش كده عالنار لما مش بحب اكل معاه رز زي فكرة الفته بتشوحي العيش عالنار وبعددين اما يحمر شويه تضيفي شوربة العدس ولحد مالعيش يطري وتاكلي بقي من غير رز

عملت النهارده سبانخ كانت جميله اوي ماشاء الله خلصت كلها

جميله اوى تسلم ايدك بالف هنا وشفا

عملت الخيار المخلل جمييل اوى بس وانا بحط الكمون اتلخبط وحطيت فلفل اسمر مش عارفه ازااى رحت شيلت بالمعلقه بسررعه اللى على الوش وحطيت كمون وحطيت ورقتين نعناع اخضر بحب طعمه بيدى طعم لذيذ كده مع الخيار

بكره بقا قررت اعمل صنيه بطاطس فى الفرن لانى بجد نفسى فيها اوووى وبقالى كتيير مش عملتها مع رز مفلفل وفراخ فى الفرن وسلطه خضرا والحمد لله تمام اوى كده

وحشتونى يابشر

معلش مشغوله شويتين عندنا فرح عقبالكوا

ماشاء الله كله حلو اوى وخصوصا الرز بلبن ياسوسى
شكله تحفه
بس ليه بتسلقوا الرز الاول انا بسويه فى اللبن على طول

أم مازن*;13910309:

بس ليه بتسلقوا الرز الاول انا بسويه فى اللبن على طول

كنت جاية احكلكم علي حاجة بخصوص موضوع تسويتة ده، وانتي فكرتيني بيها.

بصوا يوم العقيقة بتاعة جوجي، الشيف كان قايلنا قبلها طبعا الحاجات اللي هيحتاجها عشان لما يجي يطبخ هنا يومها، المهم المفروض كان يجي بدري عشان الرز بلبن يتعمل ويسقع وكده قبل الاكلن بس محصلش، فاحنا اللي عملنا بنفس مقاديره وطنط سوته باللبن عالطول بس الغريب بقي انه فضل يحتاج لبن كتير وتزود وتقلب وتزود وتزود والله ضفنا كتير اوي زيادة عن المقادير رغم ان الرز كان اقل من اللبن بكتير طبعا زي المفروض، فساعتها قالتلي يمكن نوع الرز ده بيشرب اللبن بسرعة؟

المهم لما جه الشيف بقي ماما كانت معترضة علي موضوع انه يتسوي في اللبن عالطول وقالت ازاي مفروض يتسلق الاول وبتقول كده يعني عادي وهو سمع ، فقام معلق تعليق بطريقة مستفة اوي غاظتني لأنه مش مفروض يقول كده ويبقي لبق شوية، المهم قال معلش اللي بيسوه الاول في المية دول اللي مش محترفين، لكن هو مفروض باللبن عالطول وده الصح، فانا مش عارفة هو شرب لبن كتير اوي ساعتها كده ليه عشان اتسوي في اللبن عالطول قبل المية صح؟

أم ياسين العسل;13906526:
ازيكم يا بنات وحشتونى والله

انهارده هلكت بجد

انهارده عملت محشى كرنب و ملوخيه وفراخ تكا وشوربة لسان عصفور وكانوا حلوني اووووووى الحمدلله اتنسفوا :)

بنات انا من عيد الاضحى وانا عندى برد واخدت لك حاجه ولسه زةى ماهو بس زايد عليه ضغط عالى كمان

ادعولى يخف لحسن تعبت اوى وياسين مش راحمنى

ايه دة يا بسبس لسة واخدة بالي دلوقتي
الف سلامة عليكي يا حبيبتي ومن ايه الضغط العالي دة ؟؟؟
ربنا يشفيكي ويعفو عنك يارب

أم مازن*;13910309:
وحشتونى يابشر

معلش مشغوله شويتين عندنا فرح عقبالكوا

ماشاء الله كله حلو اوى وخصوصا الرز بلبن ياسوسى
شكله تحفه
بس ليه بتسلقوا الرز الاول انا بسويه فى اللبن على طول

وانتي كمان وحشتينا اوووووووي يا شيمو والله ايه الاخباااااااااار :)

الرز بلبن والله مش عارفة ليه بنسلق الرز الاول فعل انا واخدة الطريقة كدة من ماما من زمان وبنعملها كدة بس عمرنا ماجربنا نسويه في الرز هابقي اجرب المرة الجاية بإذن الله

CuTie KaTkOoTa;13910556:
كنت جاية احكلكم علي حاجة بخصوص موضوع تسويتة ده، وانتي فكرتيني بيها.

بصوا يوم العقيقة بتاعة جوجي، الشيف كان قايلنا قبلها طبعا الحاجات اللي هيحتاجها عشان لما يجي يطبخ هنا يومها، المهم المفروض كان يجي بدري عشان الرز بلبن يتعمل ويسقع وكده قبل الاكلن بس محصلش، فاحنا اللي عملنا بنفس مقاديره وطنط سوته باللبن عالطول بس الغريب بقي انه فضل يحتاج لبن كتير وتزود وتقلب وتزود وتزود والله ضفنا كتير اوي زيادة عن المقادير رغم ان الرز كان اقل من اللبن بكتير طبعا زي المفروض، فساعتها قالتلي يمكن نوع الرز ده بيشرب اللبن بسرعة؟

المهم لما جه الشيف بقي ماما كانت معترضة علي موضوع انه يتسوي في اللبن عالطول وقالت ازاي مفروض يتسلق الاول وبتقول كده يعني عادي وهو سمع ، فقام معلق تعليق بطريقة مستفة اوي غاظتني لأنه مش مفروض يقول كده ويبقي لبق شوية، المهم قال معلش اللي بيسوه الاول في المية دول اللي مش محترفين، لكن هو مفروض باللبن عالطول وده الصح، فانا مش عارفة هو شرب لبن كتير اوي ساعتها كده ليه عشان اتسوي في اللبن عالطول قبل المية صح؟

ممكن فعلا يا ايمي اصل لما بنسلق الرز في المية الاول بيشرب المية علشان يستوي وبعد كدة بنضيفله اللبن فطبيعي ان لما نسويه في اللبن يشربه برضو ويحتاج تاني مش عارفة والله

CuTie KaTkOoTa;13910556:
كنت جاية احكلكم علي حاجة بخصوص موضوع تسويتة ده، وانتي فكرتيني بيها.

بصوا يوم العقيقة بتاعة جوجي، الشيف كان قايلنا قبلها طبعا الحاجات اللي هيحتاجها عشان لما يجي يطبخ هنا يومها، المهم المفروض كان يجي بدري عشان الرز بلبن يتعمل ويسقع وكده قبل الاكلن بس محصلش، فاحنا اللي عملنا بنفس مقاديره وطنط سوته باللبن عالطول بس الغريب بقي انه فضل يحتاج لبن كتير وتزود وتقلب وتزود وتزود والله ضفنا كتير اوي زيادة عن المقادير رغم ان الرز كان اقل من اللبن بكتير طبعا زي المفروض، فساعتها قالتلي يمكن نوع الرز ده بيشرب اللبن بسرعة؟

المهم لما جه الشيف بقي ماما كانت معترضة علي موضوع انه يتسوي في اللبن عالطول وقالت ازاي مفروض يتسلق الاول وبتقول كده يعني عادي وهو سمع ، فقام معلق تعليق بطريقة مستفة اوي غاظتني لأنه مش مفروض يقول كده ويبقي لبق شوية، المهم قال معلش اللي بيسوه الاول في المية دول اللي مش محترفين، لكن هو مفروض باللبن عالطول وده الصح، فانا مش عارفة هو شرب لبن كتير اوي ساعتها كده ليه عشان اتسوي في اللبن عالطول قبل المية صح؟

أنا كمان بسلقه في مية الأول.. بس جايز عشان يتسلق في اللبن لازم يكون منقوع في المية فترة طويلة أوي... الأول فهل انتوا عملتا كدا؟؟؟ مجرد تخمين يعني..


بسبس ألف سلامة عليكي يا قمر.. شافاكي الله و عافاكي..
حقوم بقى اشوف اللي ورايا :) الجميل في الموضوع ان العزومة تقلص عدد المعزومين الى فردين فقط :celebrate:
سلااااااااااام

ايه ده هى ندى لايف دروب حاااامل؟؟؟؟؟ عموما مبروووووووووووك و عقبال البكارى ههههههه

بت يا ندى حامل يا مجرمه ن ورانا مااشي ماشي انتم السابقون يا ستي الله يسهلوو ههههههههههه ربنا يباركلك فيه يارب
بوسي بيعجبني فيكي انك بتجيبي الكلام من مابين السطوور وتسالي عنه لماحه يا جدعان لماحه هي الصيين بتعمل كل ده ههههههههههه
تسلمو ا يبنات ان البووووريك عجبكم
وطريقته كالتالي
عملت عجينه ناني بتاعت البيتزا خميره ودقيق ومعلقتين زيت وذره ملح وشويه حليب نونو وعجنتها كتييير
وبعدين سيبتها تخمر
في الوقت ده عصجت لحمه مفرومه بالبصل وبعد ما استوت قلبت عليها سلطه طحينه متسالوش ليه ولا ازاي عشان امي طول عمرنا بتعملها كده وبحبها اووي منها وتكتر الفلفل الاسمر فيها
وبعدين كوورت العجينه دواير وحشيتها اللحمه ام طحييينه دي ياام بودي عرفتي الطحينه فين؟
وقفلتها عادي وجبت بيضه ربيتها وعليها فلفل وملح ودهنت وشهم وشويه حبه البركه ودخلتها الفرن مغبتش 10 دقايق بس طلعت جمييله والله احلى من فطاير الجبنه والحاجات التانيه والله اصل انا احب الهبببر الحقيقه يعني ههههههههههه


انا حاليا بعمل سوبانخ باللحمه لو طلعت في الجون هصورها وانزلها اصل مايونيز جرت ريقي عليها اووي بس هي مايونيز حاطه فيها ايه فريك ده ولا رز؟؟
انا بحبها بالحمص بس للاسف مفيش حمص عا عا عا

أم مازن*;13910309:
وحشتونى يابشر

معلش مشغوله شويتين عندنا فرح عقبالكوا

ماشاء الله كله حلو اوى وخصوصا الرز بلبن ياسوسى
شكله تحفه
بس ليه بتسلقوا الرز الاول انا بسويه فى اللبن على طول

احنا علطول بنسوي الرز في اللبن علطول اول مره اعرف انه بيتسلق الاول من هنا

مشمش ام محمد;13911050:
بت يا ندى حامل يا مجرمه ن ورانا مااشي ماشي انتم السابقون يا ستي الله يسهلوو ههههههههههه ربنا يباركلك فيه يارب
بوسي بيعجبني فيكي انك بتجيبي الكلام من مابين السطوور وتسالي عنه لماحه يا جدعان لماحه هي الصيين بتعمل كل ده ههههههههههه
تسلمو ا يبنات ان البووووريك عجبكم
وطريقته كالتالي
عملت عجينه ناني بتاعت البيتزا خميره ودقيق ومعلقتين زيت وذره ملح وشويه حليب نونو وعجنتها كتييير
وبعدين سيبتها تخمر
في الوقت ده عصجت لحمه مفرومه بالبصل وبعد ما استوت قلبت عليها سلطه طحينه متسالوش ليه ولا ازاي عشان امي طول عمرنا بتعملها كده وبحبها اووي منها وتكتر الفلفل الاسمر فيها
وبعدين كوورت العجينه دواير وحشيتها اللحمه ام طحييينه دي ياام بودي عرفتي الطحينه فين؟
وقفلتها عادي وجبت بيضه ربيتها وعليها فلفل وملح ودهنت وشهم وشويه حبه البركه ودخلتها الفرن مغبتش 10 دقايق بس طلعت جمييله والله احلى من فطاير الجبنه والحاجات التانيه والله اصل انا احب الهبببر الحقيقه يعني ههههههههههه


انا حاليا بعمل سوبانخ باللحمه لو طلعت في الجون هصورها وانزلها اصل مايونيز جرت ريقي عليها اووي بس هي مايونيز حاطه فيها ايه فريك ده ولا رز؟؟
انا بحبها بالحمص بس للاسف مفيش حمص عا عا عا

انا عملاها بالفريك يامشمش


انا عندي فريك يابنات او برغل يعني هوا في فرق بينهم ولا هما واحد اصل عندي كيس بحاله ومش عارفه اعمل بيه ايه ادوني شوية وصفات كده من بتاعتكم الجميله دي:D

بت يا ندى يا توحفة سوبانخ و سنكوتش ههههههههه شوفتينى يا بنتى سابقة سنى ازاااى هههههههههههههههه اصلى متعوده اقرا ما بين السطور من ايام الدح بتاع المدرسة و الكلية و انا حاليا طلعت صدور فراخ و قطعتها مكعبات و حطيت عليها بصل مبشور و توم و جزر مبشور و صلصة و كارى و فلح و ململ و فلفل حامى و صويا صوص و خل و لمووون و شوية لبن هههههههههههههه كل اللى لقيته حطيته و شكلى هدخلها الفرن و لما نشوف هتطله ايه على الله ما تفشلش


مايوو اعملى طاجن الفريك بتاع بسبس بيقولو روعة نفسى اجربه اعتقد فى فرق بين الفريك و البرغل و لو طلع برغل اعملى كبيبة و بيعملو بيه سلطات باين

Bossy22;13911145:
بت يا ندى يا توحفة سوبانخ و سنكوتش ههههههههه شوفتينى يا بنتى سابقة سنى ازاااى هههههههههههههههه اصلى متعوده اقرا ما بين السطور من ايام الدح بتاع المدرسة و الكلية و انا حاليا طلعت صدور فراخ و قطعتها مكعبات و حطيت عليها بصل مبشور و توم و جزر مبشور و صلصة و كارى و فلح و ململ و فلفل حامى و صويا صوص و خل و لمووون و شوية لبن هههههههههههههه كل اللى لقيته حطيته و شكلى هدخلها الفرن و لما نشوف هتطله ايه على الله ما تفشلش

هوا ايه فلح وململ دي بهارات نزلت الاسواق مجددا ولا ايه ؟

وعلي فكره ماتستبعديش بالحاجات اللي انتي حاظها دي كلها الفرخه تكاكي في الفرن ولا حاجه بهزر معاكي ان شاء الله هاتبقي اكله تحفه

قوليلي علي استحدمات البرغل والفريك بقي يابوس بوس ياحبيبي

صباح الخير يا بنات

ايه يا ام بودي الحاجات الجامدة دي لا وبتقولي شعر كمان :D

Bird amore;13909547:
لا يا روشة دا مش شوربة دا اللى بيتاكل بالعيش تغميس يعنى

جوزي بيحبه كدة اوي اوي بس انا مش بحب العدس بكل اشكاله فمش بعمله حاجة هههههه

مايونيز;13909640:
حلو العدس ده ياشاكي انا ساعات بعمل عدس مع العيش كده عالنار لما مش بحب اكل معاه رز زي فكرة الفته بتشوحي العيش عالنار وبعددين اما يحمر شويه تضيفي شوربة العدس ولحد مالعيش يطري وتاكلي بقي من غير رز

عملت النهارده سبانخ كانت جميله اوي ماشاء الله خلصت كلها

يا نهار ابيض ايه الجمال دة

مش قادرة ريقي جري

بالف هنا وشفا

انا بقالي كتير جدا مكلتهاش اكتر من سنه نفسي فيها اوي

manyaa;13910819:
أنا كمان بسلقه في مية الأول.. بس جايز عشان يتسلق في اللبن لازم يكون منقوع في المية فترة طويلة أوي... الأول فهل انتوا عملتا كدا؟؟؟ مجرد تخمين يعني..


بسبس ألف سلامة عليكي يا قمر.. شافاكي الله و عافاكي..
حقوم بقى اشوف اللي ورايا :) الجميل في الموضوع ان العزومة تقلص عدد المعزومين الى فردين فقط :celebrate:
سلااااااااااام

فعلا هو لازم يتنقع الاول قبل ما يتسوا في لبن على طول لان الرز لما يستوي في اللبن بياخد كميه لبن اكتر من كميه الميه لو هيتسوا في ميه الاول

مايووو الفلح و الململ دوول بالعربى الملح و الفلفل بس انا عشان كنت مدارس انترناشيونال فتلاقى الانجليزى بتاعى قوى شوية
:D

أزيكو يا شيفات
من كام يوم شوفت على فتافيت طريقة تورته أدوار تحفه بفكر اعمل زيها فى عيد ميلاد يوسف
وهعمل بيتزا نونو
أعمل ايه تانى؟؟

اعملي كب كيك وعليه كريمة ملونه وفارمسيله ملونه

واعملي كلب سندوتش بالتوست بس قطعيه صغير زي السيلزونات

اعملي خبز الصاج زي ام بودي واعملي خلطة فراخ بالمايونيز والدرة واعملي رول وقطعيه حلقات وامسكيه بخله

بعجينة البف باستري افرديها ولفيها حوالين صوابع السوسيس ولما تستوي بردوا قطعيها حلقات صغير

ناني فيبس;13911702:
اعملي كب كيك وعليه كريمة ملونه وفارمسيله ملونه

واعملي كلب سندوتش بالتوست بس قطعيه صغير زي السيلزونات

اعملي خبز الصاج زي ام بودي واعملي خلطة فراخ بالمايونيز والدرة واعملي رول وقطعيه حلقات وامسكيه بخله

أنا فعلا هعمل كلوب ساندويتش بتوست أبيض وأسمر
حلوه فكرة الرول انا بعرف أعمل عيش الصج

يا افكارك يا ناني
يا بنات انا واقعه في ورطة جامده بعمل سبانخ دوقت
وعندي كزبره وبقدونش ه يالمفروض يتحط عليها كزبره وانا بئاااا متلخفنه بين الاتنين اخر لخفنه مش عارفه افرق بين طعم دي ودي وبين يوبينكم اتلخفنت قبل كده وعملت السبانخ بالبقدونس وكان طعمها ههههههههههههه مقولكوش اكله جديده خالص كانت ........ يلا خير فحد ينقذني بئا ويقولي الفرق بسرعه دلوقت قبل ما جوزو يجي من الشغل وياكل سبانخ بالبقدونس تاني

وبالنسبه لململ والفلح ان شاء الله هتطلع اكله ميه ميه يا بوس بوس

خدي المعلومة أهي
طبعا ده يعتبر أعشاب مش توابل ..... بيختلف عن البقدونس انه الورق مش بيكون لحد تحت في الساق و باين في الصورة . جميل جدا مع الأسماك و السلطات


و دوري علي صورتها في النت و شوفي الفرق بينها و بين البقدونس

شبه بعض بردو يا ام بودي عااااااااااااااا

أنا بفطر كبده بتلو رهيبه رهيبه هههههههههههههههههه كلت الطبق بالشوكة و عليه ليمون كتيييييييييييييييييييير رهيب و الله رهيب

تسلمو يا بنات ربنا يخليكم ليا و أكلاتكم حلوة جدا و نودي المجرمة الحامل مبروووووووووووووووووووووووك شوفتوا التجمع ده بيفتح نفسكم علي كل حاجة ههههههههههههه عقبال الباقي يا رب

توداي و تومورو أنا عند حماتي ان شاء الله

مشمش ام محمد;13911809:
شبه بعض بردو يا ام بودي عااااااااااااااا

مستحيل يكونوا شبه بعض عشان البقدونس عشان العرق بتاع البقدونس بيكون ورقه نازل لحد تحت في الساق لكن الكزبره لالالالا

شوفي صورهم في الموقع بتاعي