20 مرة نقول يا تري بتعملي الأكله دي ازاي؟ ( مبدعات مصر القمرات ) شهر محرم 1432

[QUOTE=بيرق أمل;14107319]ممكن يا قمر دى مقادير كيك عادى ولا تورته اصل مش فيها اى سوايل زى اللبن او عصاير ف حبييت اتأكد انصلى اعمل كيكه وتظبط معايا دايما كسفانى
اه ف حاجه كمان معلش انا م ساعت ماجيت التجمع ده وانا بحول اقرأ اسمك مش عرفه يعنى ايه بيرق دى وبتنطق ازاى معلش الفضول هياكلنى ولو فيها زعل بلاش تقولى وربنا يرزقك كدا بابن حلال عسل زيك:):)


TE]
:adore:ياااااه انا كدا هديت كان لازم اعرف ايه بيرق دى ع العموم ربنا يحقق املك ويسعدك ياااااارب
وفعلا اسم مميز جدا
طب قولوليلى ازاى اقيم مشاركه وتكونى اول وحده اقيمها;) عشان عجبانى انت يا اسكندرانى انت
المشكله ان انتو بتجرو ف الصفحات ماشاء الله رهوان وانا النت عندى مزفت مش بلحق اكون معاكو اول باول8o| ما علينا هحاول ال فات بس ف سؤال عشان منضربش
لما نجى نسلق الكرنب بنحط ايه ف ميه السليق غير الملح :confused::confused:

nanoo99;14126193:
بنات بالله عليكم ادعو لاخويا بالشفاء والتحاليل تكون النتيجه كويسه ومش يحتاج للغسيل من تانى انه يتم عمليته على خير وبسرعه
اه قلبى وجعنى ااااااااااااااااااااااوى عليه بجد مش مستحمله خالص بالله عليكم مش طالبه غير الدعاء

الف سلامة عليه ..ربنا يشفيه
ربنا يطمنكم عليه
بصي خليه يشرب بقدونس مغلي مفيد جدا
بصي اعمليه كشري غلي الحاجة بيضيع فايدتها والزيوت المفيدة اللي فيها

*Om Mo3az*;14125991:
السلام عليكم
ازيكو كلكو وحشتووووووووووووني

ما شاء الله ايه الصفحات دي كلها مش هلحق اقرا حاجه
انا جوزي كان عامل حادثه بس الحمدلله رب العالمين هو كويس بس كان جسمه واجعه وفيه كدمات بسيطه كده
الحمدلله
بس خلاص نزل الشغل الحمدلله وبقى كويس


نووووووووووووووور كنت عاوزة طريقة الرز بالجمبري بتاعك عشان هعمله بكره ان شاء الله
واي حد يقول طريقته اهو تغيير برضو عن طريقتي

الف سلامة علي زوجك يا ايمي ربنا يعافيه

لما نجى نسلق الكرنب بنحط ايه ف ميه السليق غير الملح

حطي معلقة كمون

CuTie KaTkOoTa;14126675:
انا كمان كنت داخلة اسأل بردو الاتنين كيلو لبن يعملوا كام سلطانية من بتوع الفروت سلاد دول او الخشاف مش كاسات عشان انا عايزة اعمل كتير عشان جايلنا ضيوف ومش عارفة اقدر اد ايه الكمية، رورو قللي الرز خالص خالص، لنه بجد لما بيستوي ويشرب اللبن بياخد مكان كبير وانتي مش حباه كتير ولو حسيتي انه كتير بعد ما استوي قرب الاخر يعني زودي لبن تاني

ايوه صح ياكتكت هعمل كده باذن الله تسلميلى الله يحميلك جودى :adore:

sosiii-cat;14126531:
لا حول ولا قوة الا بالله ربنا يشفيه يارب ويعفو عنه ان شاء الله التحاليل تكون كويسة زي الفل ومش يحتاج غسيل تاني وربنا يطمنكوا عليه ويفرح قلبكوا ياااااارب :(





عنده نزلة شعبية ربنا يشفيه
ونورين الحمدلله كويسة بنصلب فيها او بنلصم فيها علي رأيك يا شيخة نور هههههههههه






رورو انا بحبه زيك مهلبية كدة مش رز كتير بس ماعرفتش ارد عليكي علشان للأسف مابعملهوش بمقادير انا بحط معلقتين اتنين بس مليانين رز او 3 بالكتير وهو بينفش واللبن بقي مش بمقدار كان نفسي افيدك والله يارورو

عارفة ياحبيبة قلبى نفسى ابقى كده زى الستات الكبار من غير مقادير :D
ربنا يشفى نورين اه بنسى اقولك دايما ارقيها ياسوسى وماتنسيش اما تنام خالص حطى ايديكى على جسمها كله وارقيها :adore:

لوتس ربنا يوفقك وحشانا :adore:

@زهرة دبلانة@;14127334:


لوتس ربنا يوفقك وحشانا :adore:

تسلميلي يا رورو :o ادعيلي لحسن معايا دور برد :sick: علي اكمل ما يكون ومبعرفش اذاكر :'(

...............

عايزة مشروبات حلوة تروق الاعصاب عشان المذاكرة زي النعاع .. حد يعرف

...........................

حد جرب شوربة الفريك

ام معاذ الف سلامه على جوزك ربنا يحميه من كل شر ويخليهولكم يارب

نانو
الف سلامه على اخوكى وان شاء الله يبقى زى الفل وميحتجش اى حاجه ان شاء الله

ربنا يكرمكو يا بنات يارب ويبارك لكو


بنات محدش ليه استخدامات للمشروم
عندي علبه ف التلاجه ومستخسراها اعمل بيها ايه

لوتس بصراحة انا مافيش حاجة كانت بتظبط دماغى ايام الجامعه الا الشاااااااااااااااااااى كان ادمان ف المذاكرة بالمج كده
واللى هيهدى اعصابك وانتى بتذاكرى الطرابيزة بتاعتك او المكتب بتاعك لازم يبقى مرتب وعليه مادة واحده بس وعليه بقى كل الحاجات الشامله للمادة من سكاشن ومحاضرات والكتاب وكمان مذكرات والمصحف ادام عنيكى محطوط وعلى الجمب مج شاى سخن بنعناع بقرنفل زى ماتحبى وياحبذا لو ساندوتش جبنه بالشيبسى بجد هتبدعى ههههههههههههههه ف المذاكرة
لقيتى نفسك بتنامى قومى اغسلى وشك وياحبذا لو غسلتى القصه بتاعت شعرك كمان ههههههههههههههههههه
فكرتينى بالذكريات راحت لحالها ههههههههههه
مسخره انا ايه ههههههههههه

وربنا يعافيكى من دور البرد ده ودفى نفسك كويس
\

ايمى معرفش والله انا مالياش انا والكل ف الماشروم نهائى

*Om Mo3az*;14126398:

تسلمي يا نور
ربنا يجزيكي خير يااااااااااااااااااارب ويبارك لك
تسلمي على ردك يا حبي

الله يسلمك يا قلبي ومنتحرموش من بعض كلنا ابدااااااااا

sosiii-cat;14126531:

عنده نزلة شعبية ربنا يشفيه
ونورين الحمدلله كويسة بنصلب فيها او بنلصم فيها علي رأيك يا شيخة نور هههههههههه

يا حبيبي ربنا يشفيك ويعافيك يا زياد ياااااااااااارب
وحلوة شيخة نور خافو مني بقى بعد كده ههههههههههههههههههههههه المرة الجاية هاجيبلكم مصيبة في البلد :lol:

كريز;14127124:
[QUOTE=بيرق أمل;14107319]
:adore:ياااااه انا كدا هديت كان لازم اعرف ايه بيرق دى ع العموم ربنا يحقق املك ويسعدك ياااااارب
وفعلا اسم مميز جدا
طب قولوليلى ازاى اقيم مشاركه وتكونى اول وحده اقيمها;) عشان عجبانى انت يا اسكندرانى انت
المشكله ان انتو بتجرو ف الصفحات ماشاء الله رهوان وانا النت عندى مزفت مش بلحق اكون معاكو اول باول8o| ما علينا هحاول ال فات بس ف سؤال عشان منضربش
لما نجى نسلق الكرنب بنحط ايه ف ميه السليق غير الملح :confused::confused:

هههههههههههههههههههههههههههههههههه انا اسمي كان عامل ازمة للدرجة دي :confused:
بصي يا جميل هقولك التقييم ازاي
مثلا مش الاسامي اهي على اليمين
هتلاقي الملف الشخصي بعدين التقييم بعدين المزاج
امشي تحت برضه على نفس الصف بس لنفس العضو هتلاقي ميزان صغنون لو وقفتي عليه بالماوس من غير ما تدوسي هتظهرلك جملة (إضافة تقييم لـ بيرق أمل) دوسي عليه
هيطلعلك مستطيل اكتبي فيه اللي نفسك فيه او سيبيه فاضي عادي براحتك ودوسي اوك
يلا تقيمي دلوقتي حالا هههههههههههههههههههه

بصي في ناس بتحط كمون احنا بنحطو ملح بس عشان مش بنحبو الكمون في المحشي
الموضوع يرجع للاذواق مش اكتر

*Om Mo3az*;14127829:
ربنا يكرمكو يا بنات يارب ويبارك لكو


بنات محدش ليه استخدامات للمشروم
عندي علبه ف التلاجه ومستخسراها اعمل بيها ايه

بصي انا مش باحب المشروم بصراحة بس البيت حبوه معادا انا وبابا
عملو بيه بيض زي البسطرمة شوحوه في حتة زبدة ورشة فلفل اسمر وفقشو عليه البيض
لو هتعملي مسقعة شوحيه مع البصل
لو هتعملي مكرونة بالصلصة عادي شوحيه برضه وانزلي عليه بالصلصة
المهم من الاخر ان المشروم طعمه مش بيظهر الا لاااااااااازم يتشوح
لكن تحطيه كده بعد ما تحطي صلصة ولا في الاخر مش بيدي طعم خالص
وفي واحدة كنت قريت طريقة عجبتني فكرتيييييييني بيها اهو هقولهالك
جابت فلفل شرائح وبصل شرائح رفيعة بس بصل اخضر اللي بناكلوه مع الفسيخ ده والعدس
وفي طاسة برضه زبدة وشوحت المشروم كتير لحد ما اتغير لونه بشوية فلفل اسمر بعدين شوحت معاه الفلفل الرومي والبصل لحد ما دبلو وبعدين حطت طماطم مقطعة مكعبات اتسبكت ونشفت وعملت سندوتشات بتقول حلوة خالص
وممكن تضيفية مع سلطة البدنجان عارفاها برضه في التشويح

اخلى حاجه شوربه
بيكاتا

وساعات ماما بتجيبه فريش وتحمره فى زبده بفص توم وملح وفلفل وتاكله كده

*Om Mo3az*;14127829:
ربنا يكرمكو يا بنات يارب ويبارك لكو


بنات محدش ليه استخدامات للمشروم
عندي علبه ف التلاجه ومستخسراها اعمل بيها ايه

اعملي رز بالمشروم والجزر او بيتزا او شوربة كريمة بالفراخ والمشروم او حطيه مع اللحمة مش شرط تكون فيها كريمة، او نجرسكو بالفراخ والمشروم والجبنة، مممم ايه كمان انا بحبه اوي



ام بودي هو ينفع اعمل عجينة البيتزا بالمضرب الكهرباء بالجزء بتاع العجين اللي ناني قالتلي عليه ده ولا استخدمه في ايه؟
اللي هو ملولو كده

ربنا يكرمك يابنات وياااااااااارب يستجيب منكم ياااااااااااااااااارب
موضوع خويا دا ماثر عليا نفسيا اااااااااااااوى وخصوصا انى مليش اخوات غيره ربنا يششيفه ويخليه لينا يااااااااارب

عند سلق الخضراوات ذات الرائحة والنكهة القوية مثل الكرنب والقرنبيط، ضعي ملعقة كبيرة من الخل في ماء السلق ،، ذلك يخفف من الرائحة، كما يمكنك اضافة ملعقة كبيرة من الكمون المطحون.


بس احنا بنحط كمون بس



بنات هو ممكن استخدم الكرنب بتاع الكول سلو ده في ايه كمان غير كده؟

رشروش عملت حواوشى ومعرفش لييه طلع معايا ناشف ايه السبب جوزى بيقولى قراقيش باللحمه المفرومه بس بيقولى اللحمه المفرومه هى السبب منزلتش ميه تطرى العيش او العجينه صح ولا ايه لا انا عملت حاجه غلط

ببببببببببببببببخ
حطيتى زبادى او لبن
وممكن تكونى معجنتيهاش كويس
وممكن تكون اللحمه بس اللحمه مش شرط العيب فى العجينه

بصى حطيت تلت معالق زبادى وانا فعلا معجنتهاش اوى يعنى هو ده السبب

ازيكم يا بنات عاملين ايه انا الحمد لله بقيتاحسن شويه ربنا يخليكوا بس فعلا الصحه دى نعمه مش بيحس بيها غير المريض فعلا قبل ما اتعب كنت بتضايق اووى لما احس انى عاوزة ادخل الحمام بالليل وانا نايمه تحت الباطنيه كده دلوقتى ببقا قاعده عادى ومش قادره اقوم من الدوخه اللى فيا الف حمد وشكر يااارب

المهم قولولى طريقه حلوة للسبانخ عشان ان شاء الله لو قدرت اعملها بعد بكره باذن الله

@زهرة دبلانة@;14127334:
ايوه صح ياكتكت هعمل كده باذن الله تسلميلى الله يحميلك جودى :adore:



عارفة ياحبيبة قلبى نفسى ابقى كده زى الستات الكبار من غير مقادير :D
ربنا يشفى نورين اه بنسى اقولك دايما ارقيها ياسوسى وماتنسيش اما تنام خالص حطى ايديكى على جسمها كله وارقيها :adore:

لوتس ربنا يوفقك وحشانا :adore:

ربنا يكرمك يا رورو يا حبيبتي حاضر هارقيها فعلا انا مش عارفة ليه دايما بنسي الموضوع دة مع انه مهم فعلا كلنا المفروض نرقي ولادنا علي طول

ام عمر افندى;14129696:
ازيكم يا بنات عاملين ايه انا الحمد لله بقيتاحسن شويه ربنا يخليكوا بس فعلا الصحه دى نعمه مش بيحس بيها غير المريض فعلا قبل ما اتعب كنت بتضايق اووى لما احس انى عاوزة ادخل الحمام بالليل وانا نايمه تحت الباطنيه كده دلوقتى ببقا قاعده عادى ومش قادره اقوم من الدوخه اللى فيا الف حمد وشكر يااارب

المهم قولولى طريقه حلوة للسبانخ عشان ان شاء الله لو قدرت اعملها بعد بكره باذن الله

سلامتك يا جميل
بصي أنا بعمل السبانخ بدون تقليه بيقولوا في ناس بتعملها بتقليه ........ المهم بعد ما تكوني غسلتيها كويس و نزلتي الرمله اللي فيها تقطعيها و معاها كزبره خضرا حزمة من بتوع مصر يعني و تركنيها علي جنب و تسلقي اللحمة و في نص وقت السوا تحطي الطاطم المعصورة و متقلب فيها م كبيره صلصه عشان اللون يعني و تسيبيها علي النار تتسبك و طبعا انتي حاطة بصله في الشوربه و بعد كده لما تستوي اللحمة حطي السبانخ و قلبي مرة و حطي علي الوش 2 م كبيره رز و مش تقلبيه عشان حينزل تحت و يتحرق سيبيه لما يبدأ يستوي بتقلبي و شوفي ملح و فلفل و لحد ما يستوي الرز و طفي عليها و بالهنا و الشفا


كيوتي ممكن تستعمليها في الأول في العجن لحد ما تلاقي العجينة بقت تقيله و المضرب بيتحرك بصعوبه يبقي ستوب و كمللي عجن بايديكي

امانى الف سلامة على جوزك ربنا يتم شفاه على خير
بصى اعمليله شوربة و فراخ اللى عامل عمليه مش بيبقى قادر ياكل رز و طبيخ مرة اعملى لسان عصفور مرة شوربة خضار و الفراخ و شوية بقى و دخلى الرز و الطبيخ العادى و من غير زيت و اسالى كريزى اناناس لانها عملت عملية المرارة ان شاء الله تفيدك
نانووو ربنا يسفى اخوكى و يتم العمليه بخير و ميحتجش غسيل تانى يارب
اتاوتاا
ميرسى على ردك يا قمر ربنا يخليكى
نووور عايزة طريقة بردو السمك السنجارى
رورووو انا بقى عكسك كان لازم اول ما اصحى الصبح فنجان القهوة المتين مع الفطار و بعده عىلى طول شاى هههههههههههه دماغ دماغ يعنى ولازم بقى ازاكر على المكتب و جنبى على السرير مفروش عليه كل ورق المادة ميبقاش فى مكان لحد يقعد على السرير هههههههههههه ايااام فكرتونى باللذى مضى

at2ota;14123609:
هقولك طريقة حلوة اوي لتتبيلة كل الي كلو بيها عجبتو حتي جوزي مكنش يحبو دلوقتي واللة هو الي بيطلبو بصي تملي شفشق الخلاط ماية علي اد كمية السمك و تحطي فيها ملح كتير وتوم وكمون وخل و طمطماية صغيرة ولمون كتييييير و اضربي الماية دي و ضفيها علي وسبية منقوع ساعتين انا بسيبو من بليل و تاني يوم بصفية و اقلية بيبقي روعة و السمك الصنية بحطو في صنية واقطع علية فلفل و طماطم وتوم و ملح و كمون واعصر لمون كتيييير و احط معلقة او اتنين خل و اسيبو من بليل و الصبح اسوية بيبقي روعة بردو و يارب اكون قدرت افيدك ‏‏
م
‏موني الف حمداللة علي سلامة جوزك

حلوة قوى طريقة تتبيل السمك دى جزاكى الله خيرا

ام جودى القمر;14123845:
بنات عايزة منكم طلب سخيف شوية ممكن كل واحدة تقول وزنها كام

ليه الأحراج انا كنت فى التسعينات بقيت فى السبعينات

فراشه فى بيتها;14123874:
انا عملت كارثه من يومين ونسيت اقولكو عليها

اخدت طريقة الكشك بتاع نانى ربنا يباركلها ويرزقها الذريه الصالحه وعملته

طبعا اول غلطه انا عملته بزبادى لاكتيل كلاونى و بعد ماعملته افتكرت انها بالفراوله :confused:

طبعا لكو ان تتخيلو كشك بالفراوله:cool:

تانى غلطه وانا بحمر البصل ريم كانت بتعيط والبصل اتحرق:|

تالت غلطه انه كان عجيب عامل شبه الباشميل بطعم الفراوله:o

رابع غلطه انى حطيته قدام زوجى وقلتله اكله جديده ها تعجبك اوى:study:

طبعا اول لقمه وشه احمر وودانه احمرت وطقطقت وقالى انا شبعت:confused:

وانا اقوله ده جميييييييييل وهو يقولى مانا عارف بس انا شبعان:woo:

بس احلى حاجه انه عجب ريم:D

ههههههههههههههههههههههههههههههه المهم انه عجب الأميرة ريم

Boody we zady;14124712:


كباب حله بمعلقه واحده زيت



أنا أخدت اللحمة و حطيتها علي طبق سلطة كبير و م ك مايو لايت و طلعت وااااااااااااااااااو


روروووووووووووووووووووو الكهربا قطعت يا جميل و لسه جايه معلش

فراشه ليكي مني أحلي تقييم بس ميزانك يوافق هههههههههههههه ابعتي النمرة يللا قبل الساعه 6 نلحق نرغي شويه هههههههههههه

ماينفعش المايونيز خالص حتى لو لايت ده كلام الدكاترة بس فكرة السلطة تحفه انا بعملها كل يوم طبق سلطة وأقطع عليه البروتين
جربيها بقى بشاورمة الفراخ تحفه


*منايا ألف سلامة على جوزك