20 مرة نقول يا تري بتعملي الأكله دي ازاي؟ ( مبدعات مصر القمرات ) شهر محرم 1432

على فكره فى الرجيم فى الاول بننزل كتير اوى بعد كده كيلو بالعافيه
انا اختى بتعمل رجيم اول اسبوع نزلت 6 كيلو تانى اسبوع 1ونص وتالت اسبوع نص كيلو وكانت متابعه مع دكتور بعد كده بقى سفرت وسيبتها وه سابت الرجيم
هههههههههههههههههه

ازيكم ااحلى بنات وحشتونى


بتكلموا على الرجيم اهىء نفسى اعمله بس للاسف مش عارفه بس ان شاء الله هبتدى فيه وانا حامل سالت الدكتور وقالى عادى بس مش عارفه مالى اصل على طول جعاااااااااااااااااااااااانه

عملت انهارده كنتاكى وطلع اعاااااااااااااا ناشف اوى اوى جوزى بيقولى العيش اللى فوق الفراخ دا طعنه حلو ااااااااااااااااااوى

هتتغذوا ايه بكره لانى زهقت

Boody we zady;14114371:
نوووووووووووووووووووووووووور يا بتاعه الزهايمر قلقانة منك ههههههههههههههه يا تري يا هل تري تفتكري من يومين اتفقنا علي ايه و الا كله ضاااااااااااااااااااااااااااااااااااع هههههههههههه

تصدقي كنت ناسية ههههههههههههههههههههههههه كويس فكرتيني عشان الحق اروح الكوافيرة :lol:
باذن الله لسه على معادنا لا تقلقي

أم ياسين العسل;14114387:
انا جيت تانى يا حبايبى وحشتووووووووووونى والله

وانتي وحشتينا خااااااااالص

بقولك ايه يا بسبس فكرتيني
انا عملت كيك الطبقات دي تاني مرة اعملها
بس مش عارفة ليه حاساها مكتومة كده فاهماني مش هشة يعني مع ان هي هي نفس طريقة الكيكة المعتادة ده بقى يرجع بسبب ايه؟؟؟
على فكرة عملتها بالسكر والقرفة طلعت واااااااااااااااااااو خطيرة قوي

كتكت الكسكسى الحادق والمسكر انا بحبهم

الحادق بيعملوه فالبلد عندنا مع البط وكدا بس انا بحبه مع اللحمه وهو بدل متحطى سكر بينحط تقريبا سمنه وشوربه

فكرتينى بيه بقالى كتير ماكلتوش

وعلى فكره كمان فى حاجه تانيه اسمها مخروطه بتكون عجينه وبتتقطع شرايح زى المكرونه العريضه وانا بموووت فيها

حد يعرفها

BntMoslema;14113852:
سلام عليكم,

كل سنه و انتو طيبين يا بنات .. وحشتونى جدا جدا و فى ناس كدا مش عارفه فاكرينى ولا لا بس واحشنى اوى ,,, واحشانى يا سوسى جداااا انتى و ام بودى .. و اللى مفتقداها اوى بجد ناى فيبس ... انا مش عارفه انتى فين بقالك فتره بس بجد وحشتينى و بتعلم منك كتير وكل ما اعوز حاجه ادور فى مشاركاتك واتعلم :) تبارك الله عليكى ...وبالمناسبه دى عايزه كيكه ال 3 ألبان ..قلبت الدنيا عليها مش لاقياها خالص .. ياريت تفيدونى

وعليكم السلام ياقمر الكيك ده تقريبا سوسى كانت عاملاه اماتيجى هتقولك باذن الله

Boody we zady;14114356:
عاملين يا يا مضاريب علي رأي رشروش هههههههههههههه

النهارده سمك حبيب هارتي ههههههههههههه نفسي في سينابون اعااااااااااااااااااااااا

النهارده وزنت لقيتاني نزلت بس نص كيلو مش عارفه ليه :( حماتي بتقولي معلش في لاول بتنزلي بسرعه و بعد كده واحده واحده

اعمليه ياام بودى حلو اوى ف الشتا مع كوب شاى بحمشها ف دماغك هههههههههه:p

أم ياسين العسل;14114387:
انا جيت تانى يا حبايبى وحشتووووووووووونى والله

وانتى كمان يابسبس اخبار اخوكى وجدك ايه

نانو اعملى كبدة ومكرونة عملتهم النهاردا كانوا وااااااو بصراحه
او بانيه ومكرونة

انا بقى عندى لحمة مكعبات وكنت متبلاها معرفش ليه اعملها ايه ؟؟؟؟

ان شاء الله يوم التلات ده حأخليه يوم الفري حأعمل محشي و واحده أعرفها حتعزمني علي حاجة حلوة ههههههههههههههههه

انوس هوه انتم من الصعيد المخروطه دي جوزي بيحبها بس عمري معملتها ولا شفتها

crazy ananas;14114759:
كتكت الكسكسى الحادق والمسكر انا بحبهم

الحادق بيعملوه فالبلد عندنا مع البط وكدا بس انا بحبه مع اللحمه وهو بدل متحطى سكر بينحط تقريبا سمنه وشوربه

فكرتينى بيه بقالى كتير ماكلتوش

وعلى فكره كمان فى حاجه تانيه اسمها مخروطه بتكون عجينه وبتتقطع شرايح زى المكرونه العريضه وانا بموووت فيها

حد يعرفها

انا برضه باحب المخروطة باحبها قووووووووووووي

Boody we zady;14114933:
ان شاء الله يوم التلات ده حأخليه يوم الفري حأعمل محشي و واحده أعرفها حتعزمني علي حاجة حلوة ههههههههههههههههه

الله مش تعرفيني عليها تعزمني معاكي :lol:
وابقي هاتيلها طبق محشي هههههههههههههههههه

CuTie KaTkOoTa;14110605:
طيب خليكي في الحاجات المعروف انها تنفع للأطفال وحلوة ليهم، يانسون كراوية بابونج كاموميل كده يعني بلاش البيبي درينك فعلا، لأ خليكي في المصدر الاساسي احسن

ايمي جزاكي الله خير للأسف مكانش عندي اي حاجة من دول عملتلها نعناع وخلاص

عالم سمسم;14111240:
صباح الخير

بنات بالله عليكم اللي تقرا كلامي ده تدعيلي
ان ربنا يتمم امر جوزي علي خير ياااااااااارب ويبعد عنه اي تعطيل ويفرح قلبه وقلوبنا بالله عليكم الدعاء بظهر الغيب مستجاب

انا هقوم البس متنسوش تدعو وربنا يكرم كل واحده تدعيلي في اولادها او جوزها وعليتها

عشان المخالفه طريقه الكنافه بالمهلبيه

عالم سمسم;14111256:
سوسي علي السريع اللمون احلي مطهر طبيعي بس اخاف علي نورين لانه حمضي عليها معلش خليكي في انتينال
وربنا يشفيها يارب ويطمنك عليها

جزاكي الله خير يا هوبا وربنا يتمم امر جوزك علي خير ويفرح قلبكوا يارب
والكنافة بالمهلبية بتعملي مهلبية عادي وتحشي بيها الكنافة وتسويها عادي وتسقيها الشربات بارد والاحلي زي ماقالتلك نور اللي بالباستري كريم روعة جداااا

@زهرة دبلانة@;14112686:
ازيكم يابنات واقدم عزائى لكل اهل اسكندرية والله الواحد كان مهموم امبارح من كتر اللى سمعه وشافه
قال صلى الله عليه وسلم "من عادى زميا فهو خصيمى الى يوم القيامة"
"من قتل نفسا فكانما قتل الناس جميعا "
"نفس" يعنى حتى لو حيوان او نبات ولم يقل انسان ..............؟؟؟؟؟
"المسلم كالنخلة المثمرة يقذفها الناس بالحجارة فيعطيهم من ثمره"
شبه المسلم بالعزة وكالنخلة التى فيها الثمار اذا قذفها الناس بالحجارة وقعت التمر اللى فيها وادتهالهم
فى عهد عمربن الخطاب رضى الله عنه وجد رجل يسال الناس فقال له لماذا تسال الناس وبيت المال موجود؟قال له اصلى انا يهودى قاله وايه يعنى ؟؟؟واعطاه من بيت المال بتاع المسلمين
ف عهد عمر ايضا رضى الله عنه كان عام من الاعوام فيه جفاف ولم ينزل المطر منع الجزية عن المسيحين لان مافيش زرع ولا فلوس هيجيبوا منين ؟؟؟؟؟

ف عهد عمر ايضا رضى الله عنه كان فيه بلد مش عارفه هيا ايه ؟بس قريبه من اوربا ولى حاكم مسلم عليها فجاء اليه وفد من الرجال واشتكوا من هذا الحاكم فقال لهم ماذا تريدون ان اولى فقالوا له على رجل وكان مسيحى فولاه لهم لشكوتهم من الحاكم المسلم ومعاملته

وغيره مش عارفه اسرد ؟؟؟كان ف كل الفتوحات الاسلامية منع محاربة الشيخ والاطفال والمعوقين وغيرهم من المسيحيين والذميين

صلاح الدين الايوبى كان بيبعت الدوا لريتشارد قلب الاسد عشان يعالجه وكان ريتشارد يحب معاملة صلاح الدين وفخور بيها

ااااه احيانا فيه تشدد ف بعض المسيحيين بس انا ليا بالظاهر لكم دينكم وليا دين ؟؟؟؟ليه كده؟؟

معلش ياام بودى مالقيتش منفذ اصب فيه اللى جوايا غيركم بجد كان محروق دمى امبارح
واسال الله ان يلهمنا رشدنا ويفهمنا الصواب
وسامحونى على اخطائى اللغوية وعدم الاتقان ف الكلام واللفتات العاميه بس انا جبت من قلبى على طول عشان يوصل لقلبكم على طول


ده كلام مش كبير ده فعلا اكيد واقع ياسوسى ربنا يهد كل ظالم يشتت بين الناس


مبارررك على شهادة التقدير تستاهلىF:




انا برده جوزى مسافر وربنا يصبرنى انا وانتى ياام بودى :(



وانتى كمان ليكى وحشة ياشوشو ووالله اتبسطت ان جوزك جاى الحمد لله ربنا يهنيكى ويسعدك
وهجرب طريقتك مع انى جربتها قبل كده وهقولك متحرمش من ردك ومن زوقك:adore:



جوعتينى ياسوسى تحفة الاكل والله تسلم ايديكى :adore:



:lol::lol::lol::lol::lol::lol:يخربيت شيطانك يابوسى ضحكتينى زى الكل عندنا
عموما بالف هنا :adore:



انتى وحشانى موت والله وبرده فرحت جدا ان جوزك جه ويارب يقر عينك عن قريب وتفرحينا بقى ويرزقكك الخير :adore:



انا عن تجربة النعناع تحفة بصراحة حاولى تشربهولها وربنا يشفيها ويعافيها يارب



دعيتلك ياهوبا ويارب ترجعلنا باخبار حلوة :adore:

انا هطبخ كبدة ومكرونة اسباجيتى وسلطة

رورو عندك حق في كل كلمة قولتيها طبعا وربنا يرجعلك جوزك بالسلامة يارب انا عملتلها نعناع فعلا تسلميلي يارب

فراشة الإيمان;14112824:
كبيره قد ايه لو مقاس 30 يبقى ضاعفى المقدار وعلشان تعرفى مقاديرك مظبوطه على المقاس لازم الكيكه توصل لتلتين الصينيه

بس نصيحه اعملى فى صينيه صغيره بتكون احسن فى تزويقها بتتحكمى فيها كويس وجربى فى مقدار قليل احسن ولوعملتى اللى قلتلك عليها هاتطلعى تورتين ان شاء الله وتتحكمى فى التزيين صح:thumbs_up:


بصوا بقى انا اشتريت ايه



واخيرا استريحت من دوخه المعايير بالجرام

وجبت دى كمان وانا استخدمت اصغر مقاس فى القلوب وعملت القلوب اللى كانت على التورته

بس هما اصلا قطاعات بسكويت

ماشاء الله تتهني بيهم يارب

Bossy22;14113167:
تصدقى يا نور انى على طول اقرا اسمك بريق امل بيرق ده ايه
سوسى بيعجبنى فيكى الشياكة و الاناقة فى اكلك ما شاء الله اكيد لبسك شيك بردو:D:thumbs_up:

هههههههههههه ربنا يخليكي يا بوسي يا قمر :lol:

BntMoslema;14113852:
سلام عليكم,

كل سنه و انتو طيبين يا بنات .. وحشتونى جدا جدا و فى ناس كدا مش عارفه فاكرينى ولا لا بس واحشنى اوى ,,, واحشانى يا سوسى جداااا انتى و ام بودى .. و اللى مفتقداها اوى بجد ناى فيبس ... انا مش عارفه انتى فين بقالك فتره بس بجد وحشتينى و بتعلم منك كتير وكل ما اعوز حاجه ادور فى مشاركاتك واتعلم :) تبارك الله عليكى ...وبالمناسبه دى عايزه كيكه ال 3 ألبان ..قلبت الدنيا عليها مش لاقياها خالص .. ياريت تفيدونى

ازيك يا قمر وحشانا والله فينك :)
بصي انا علشان كنت جربتها مرة من زمان فعندي الطريقة كنت واخداها كوبي اهي يا قمر



نص كوب زبدة وكوب سكر ونخلطهم مع بعض كويس وبعدين نضيف 5 بيضات ومعلقتين فانيليا وبعدين نضيف كوب ونص دقيق ومعلقة بيكنج بودر وكوب حليب وندخلها الفرن على 180 درجة تقريبا 25 دقيقة
ولما تطلع تسقيها حليب مبخر على حليب مكثف على كريمة مقادير متساويه من التلاته

Bird amore;14114113:
اممممم تسلم ايدك يا قمر عملتى كفتة الفراخ ازاى؟؟

الله يسلمك يا شاهي هاكتبهالك تاني يا قمر
صدور فراخ بقطعها صغير واحطها في الكبة مع بصلة وكام فص ثوم وملح وفلفل وشطة وبهارات فراخ وبقدونس بس انا محطيتش المرة دي وتفرمي وتصبعيها وتدخليها الفرن متغطية بفويل علشان ماتنشفش ولما تستوي شيليه وبس كدة

ماردتيش انتي عليا بقي جبتي الويسك بكاااام ؟؟؟

CuTie KaTkOoTa;14114256:
هقتلك يا نور علي الزهايمر بتاعك ده، انا اللي كنت بسأل عليها وسعرها كده حلو اوي بجد، وانا اللي سألت بردو علي الجيلاتين وجيلي التلميع :lol::lol:



بقولكم ايه انا عمري ما دقت الكسكسي، هو انهي احلي في الطعم المسكر ولا الحادق؟

الاتنين احلي من بعض يا ايمي والكسكسي الحادق كمان ليه طريقة مخصوص للطبيخ بتاعه علي الطريقة الفلسطينية او الليبية مش فاكرة بيسموها حتي طبيخة :) احنا بنعملها علي طول تحففة جدا

Boody we zady;14114356:
عاملين يا يا مضاريب علي رأي رشروش هههههههههههههه

النهارده سمك حبيب هارتي ههههههههههههه نفسي في سينابون اعااااااااااااااااااااااا

النهارده وزنت لقيتاني نزلت بس نص كيلو مش عارفه ليه :( حماتي بتقولي معلش في لاول بتنزلي بسرعه و بعد كده واحده واحده

بصرة يا ام بودي النهاردة برضو سمك بس لسة هانتغدي الساعة 11 بالليل هههههههه

ومعلش يا حبيبتي الريجيم عايز صبر طبعا واهم حاجة ماترهقيش نفسك فيه اوي علشان مش كويس يعني اعملي اللي تقدري عليه وبس

DodyCat;14112799:
ازاى أعرف مقاس صينيه مش مكتوب عليها المقاس؟

دودى هقولك بس مش تضحكى عليا
الصينيه المدورة اقلبيها وقيسي قطرها بالمازورة او المسطره اى حاجه يعنى انا ربتها مرة ونفعت


بنات ما شاء الله الاكل كله تحفه الف هنا وشفا ليكوا وسوسى المحشي والكفته واو تسلم ايدك

بنات عايزه طريقه المسقعه بلحمه المفرومه بس تكون طعمه كده وحلوه

انا زعلانة منكم ماردتوش على سؤالى صفحة 307

meshmesh 2009;14115378:
دودى هقولك بس مش تضحكى عليا
الصينيه المدورة اقلبيها وقيسي قطرها بالمازورة او المسطره اى حاجه يعنى انا ربتها مرة ونفعت


بنات ما شاء الله الاكل كله تحفه الف هنا وشفا ليكوا وسوسى المحشي والكفته واو تسلم ايدك

الله يسلمك يا مشمش يا قمر

دموع اشتياقي;14115777:
بنات عايزه طريقه المسقعه بلحمه المفرومه بس تكون طعمه كده وحلوه

هاتقلي الباذنجان والفلفل عادي يا ايمي وبعدين تعملي عصاج لحمة مفرومة وتحطي عليه عصير الطماطم ومعلقة صلصة وملح وفلفل وشطة وبعدين ترصي الباذنجان والفلفل وبعدين عصاج ولو عايزة اعملي طبقة باذنجان كمان وطبقة بشاميل ورشي رشة قرفة فوق الوش ودخليها الفرن

ميرا
بالهنا والشفا
على المسقعة
:)

فراشة اليمان
مبروووووك على الحاجات الجديدةيا عم :)


النهاردة عملت قرنبيط بانيه بطريقة نور
طلع جميييييييييييل اوي
بجد تسلم ايدك يا نور
اضافة البقدونس دي خلته تحفة
واداله قيمة غذائية
ثااااااااااااااانكو كتير يانور

ام هينار والله مش عارفة يا قمر الكيكة دي عمري ماجربتها بصراحة

تسلميلي يا سوسي يارب هوه انتي كاتبه ليه كده فتوقيع خير

CuTie KaTkOoTa;14110514:
ع


كنت داخلة اسأل عليكي انتي وغدير عشان بقالكم فترة مختفيين، وحشتيني يا ميرا، وحمدلله علي سلامة جوزك يارب يحققلك اللي في بالك يارب

كتكوته حبيبتى
وحشاااااااااااااااااااانى و ازاى جوجو حبيبتى بوسيهالى بوسه كبيره كبيره

وربنا يخليكى يا حبيبه قلبى كفايه بس انك فكرانى كده ربنا يكرمك ياحبيبتى يااارب

والله يسلمك يا حبيبتى هو جه و سافر الحمد لله
و ربنا يستجيب منك ياااااااااارب دعوااااااااااااااااااتك يااارب سهل

عالم سمسم;14111240:
صباح الخير

بنات بالله عليكم اللي تقرا كلامي ده تدعيلي
ان ربنا يتمم امر جوزي علي خير ياااااااااارب ويبعد عنه اي تعطيل ويفرح قلبه وقلوبنا بالله عليكم الدعاء بظهر الغيب مستجاب

انا هقوم البس متنسوش تدعو وربنا يكرم كل واحده تدعيلي في اولادها او جوزها وعليتها

عشان المخالفه طريقه الكنافه بالمهلبيه

ربنا ييسر امر زوجك يااااارب و يفتحها فى وشه و يقضى له امره ان شاء الله

بيرق أمل;14112283:
مش عارفة ليه حاسة انك قريتي اسمي ابريق ههههههههههههههه براد أمل :lol:
وانا يا جميل كلمة حب سابقا ... كان سابقا بقى الحمد لله

ميراااااااااااااا ازيك يا قمر عاملة ايه وحمد الله على السلامة وكل حاجة حلوة يعني :L:
وربنا يرجعلك جوزك بالسلامة يا جميل

اF:

بجد انتى كلمه حب سابقا
اصلى كنت بشوف الاسم ده قبل كده
والحمد لله انا كويسه يا حبيبتى و ربنا يكرمك يا حبيبتى على الدعوه و اللهم امين يارب العالمين :):):)

@زهرة دبلانة@;14112686:
[B][COLOR=Purple]ا

انا برده جوزى مسافر وربنا يصبرنى انا وانتى ياام بودى :(






انتى وحشانى موت والله وبرده فرحت جدا ان جوزك جه ويارب يقر عينك عن قريب وتفرحينا بقى ويرزقكك الخير :adore:

ازيك يا رورو
انتى لسه برضو زهره دبلانه غيريها بقى خليكى شطورة

وجزاكى الله خيرا على المعلومات اللى كتبتهالنا
ربنا يحفظ مصر من كل سوء يارب
وازاى جوجو عامله ايه و انتى فى الشهر الكام دلوقتى ما شاء الله و هتولدى فى السعوديه و لا فى مصر
ربنا يقومك بالسلامه يارب

CuTie KaTkOoTa;14114256:
هقتلك يا نور علي الزهايمر بتاعك ده، انا اللي كنت بسأل عليها وسعرها كده حلو اوي بجد، وانا اللي سألت بردو علي الجيلاتين وجيلي التلميع :lol::lol:



بقولكم ايه انا عمري ما دقت الكسكسي، هو انهي احلي في الطعم المسكر ولا الحادق؟

انا مكلتش الحادق بصراحه خالص
وبحب المسكر اوووى بس من غير لبن :o:o:o

أم ياسين العسل;14114387:
انا جيت تانى يا حبايبى وحشتووووووووووونى والله

اهلا اهلا
ازيك يا بسبس وحشانى
هو انتى كمان مكنتيش بتيجى و لا ايه
يارب خير يارب

nanoo99;14114571:
ازيكم ااحلى بنات وحشتونى



عملت انهارده كنتاكى وطلع اعاااااااااااااا ناشف اوى اوى جوزى بيقولى العيش اللى فوق الفراخ دا طعنه حلو ااااااااااااااااااوى
اهلا اهلا
ازيك يا نانو عامله ايه يا جميل
هو انتى كمان مكنتيش بتدخلى ؟؟؟

هو فى ايه يا بنات حاسه ان فى ناس مكنتش موجوده برضو يارب خير يارب

و ضحكتينى على العيش اللى فوق الفراخ ده :lol::lol::lol::lol:
هتتغذوا ايه بكره لانى زهقت

عمتو بيتو;14115935:
ميرا
بالهنا والشفا
على المسقعة
:)

ر

الله يهنيكى يا حبيبه قلبى
ازيك و ازاى ندى و جوجو عاملين ايه
سلميلى على ندى :L:

بنااااااااااااات حبايبي ربنا يكرمكم علي لدعاوي دي
الحمد لله جوزي الرساله بتعته اتقبلت الحمد لله فضل من ربنا ونعمه
انا مش مصدقه والله بجد الموضوع كان صعب اوي وشغال فيه من زمان الحمد لله ربنا مضيعش تعبه
تسلمو كلكم يارب وربنا يبارك فيكم

الف مبروك يا جميل لزوجك
الحمد لله ربنا مش بيضيع مجهود اى شخص الحمد لله
الف مبرررررررررروك

بنات ما شا ءالله اكلكم كله تحفة جدا تسلم ايديكم
ام بودى و سوسى و بسبس و ميراميرو و كتكوتة و دودى و نانو و هوبا ومانيا و ام مازن و باقى البنات ازيكم عاملين ايه وحشتونى جدا و الله
فراشة الايمان كنت عايزة اقولك انى عملت عدس و فتة عدس بطريقتك و طلعت تحفة اوى ميرسى ليكى يا قمر و ربنا يباركلك فى ابنك
كنت شايفاكم بتتكلموا على اعياد الميلاد كنت عايزة اسألكم لو حد عمله فى مكان بره يتكلف كام تقريبا؟
وكنت عايزة كمان طريقة البطاطس الكروكيت