ام عمر افندى;14030439:
ازيكم يا بناااات
النهارده بجد كان يوم بششششششششع8o| متعب اوى مع انى كنت عامله شوربه عدس هههههههه اه والله بس بعد كده بقا خرجت جبت طلبات ورجعت شيلتها وعملت مكرونه بشاميل صنيه كبيييره عشان تكفى يومين وكان عندى نص فرخه متبله هسويها بكره معاها وتبلت لحمه مفرومه وصبعتها وشيلتها فى الفريزر احتياطى لاى يوم اتزنق فيه وباقى اللحمه عصجتها وحطيت للمكرونه اللى يكفيها والباقى حطيت عليه بقدونس وحشيت سمبوسه وعلى الفريزر برضوا هههههههه8o|8o|ومش اسكت بقا واقعد اتهد لااااا عملت رز باللبن بس طلع رهيييييييب احلى مرة اعمل فيها رز باللبن وهقولكم الطريقه فى الاخر مفيهوش افتكاسه بس مش عارفه طلع حلو ليه كده ماشاء الله وبرضوا مش اقعد واتلم لاااااا :mad::mad:مسكت الشقه كنس ومسح وتنضيف زى ما يكون العيد بس مش اوووى يعنى وبعدين اخدت دوش وانى انااام ابدا مش قاادره :worn_out::worn_out::worn_out::worn_out:قاعده بلوكلوك معاكم اهووووو ههههههههههههههه
بصوا بقا الرز باللبن بالمقادير 9كوبيات لبن عارفين المج الشفاف بتاع الشاى العاادى دا خالص هوا دا اللى عيرت بيه ماشى عليهم ربع كوبايه رز مغسول بس مش منقوع ولا حاجه اول لما اللبن يسخن انزلى عليه بالرز وقلبى كويس تماام كده سيبيه شويه لحد ما الرز يستوى بعد ما يستوى انزلى عليه بعلبه قشطه انا حطيت المراعى العلبه الصفيح دى وقلب قلب قلب وبعدين حطيت سكر وانا بحب السكر قليل شويه فانت حطى ودوقى اول لما تحسى انه اتظبط يبقا تمااام وبعدين نص كوبايه نشا نفس كوبايه اللبن وحطيت عليها حبه لبن دوبت النشا فيه ونزلت على الحله بسرسووووب نونه وانا بقلب لحد ما تقل وطفيت وغرفت وبس
فى بقا ملاحظات عاوزة اقولها اولا الرز فى فرق بين رز جديد ورز قديم القديم بياخد وقت فى السوا كتييييييييييييير اوى فدا متهيالى يتنقع احسن ماشى
تانى حاجه انواع النشا بتختلف انا استخدمت نشا العلالى يعنى ممكن نوع تانى تحتاجى كميه اكتر او اقلل
تالت حاجه اللى كان ناقصه بجد المستكه وانا للاسف مكنش عندى بس لما بحطها بحطها من الاول خالص مع اللبن بطحنها بين معلقتين براحه حوالى 6فصوص وبتدى طعم رووووووووووعه للرز باللبن
عاوزة بقا بعد اللت والعجن دا كله اسال على حاجه عندى خضار مشكل عاوزة احشى بيه السمبوسه اعمله ازااى مجرد تشويح بس كده مع بصله ومكعب ماجى وبهارات ولا فى طريقه تانيه قولولى عشان اتسلى عليها بكره عاوزة اخلص السمبوسه كلها حشو وارميها فى الفريزر ابقا اطلع منها اى وقت
ام معاذ بجد بجد السندويتش روووعه تسلم ايدك وانت عامله زى جوزى مش موجود يبقا مفيش طبيخ مش عارفه لييييه كده مع اننا لينا نفس برضوا بس هوا كسل وانتخه هههههههههههههههههههه
رشا بجد بيعجبنى فيكى تحميرك للبطاطس ههههههههههههههههههه لا بجد ماشاء الله عليكى الله اكبر كل ما تحمرى بطاطس بتجرى ريقى عليها مع انى مش بحب اعملها كتير عشان لما بعملها يبقا لااازم بيبسى وكاتشاب وعيش فينو واعييييييييييش بقا رغيفين تلاته على لتر ولا لترين بيبسى عادى يعنى فغاااالبا مش بعملها الا كل تلات اربع شهور مره ههههههههههههه لان لو كل يوم من دا على القعده الممله اللى الواحد فيها هعدى ال100 كيلو وانا حاطه رجل على رجل هههههههههههههههههههههههه
فى بنوته كانت عامله لازنيا ورستو معلش نسيت الاسم خالص قطقوطه باين مش فاكره ههههههه تسلم ايدك بجد الاكل تحفه اووووى
سوسى ربنا يكرمك يااااارب وتحققى كل اللى فى بالك ويرزقك من وسع امييين يا رب
مين اللى كان عاوز الكسكسى وببلاااااااااااااااااش قرب قرب قرب تعالى واتفرج كله ببلاااااااااااااااش ههههههههههههههههههههه :lol::lol::lol:بصوا بقا وركزووو اوى معايا
اولا هتجيبى مثلا كوبيتين دقيق وترشيها ميه كده رش خفيف اوى متعمليهااش عجينه لاااااااا هيبقا دقيق مفروك كده اقعدى افركى فيه كله بقا مع وبعدين هتكونى مجهزه حله فيها ميه مغليه وعليها مصفى هتحطى الدقيق المفروك دا فى المصفى وتغطيها كويس اوووووووووووووووى بقماشه نضيفه ةتخلى بالك القماشه من النار يعنى اربطيها كويس ومتخليهاش مدلدله وبعدين غطيها بالغطا وسيبيها بتاع نص ساعه كده ساعه الا ربع وبعدين شيلى الغطا والقماشه وحطى الدقيق دا فى الكبه وبعدين بقا تانى على الحله بس المره دى عشر دقايق ربع ساعه كده يعنى وبعدين هاتيه حطى عليه بقا سمنه وقلبيه كويس وبسسسسس عاوزة بقا تعمليه حلو هتحطى معلقه سمنه فى طاسه تسيح وتحطى عليه الكسكسى ورشه قرف وسكر وقلبى كويس وبس كده الحادق بقا معروف
ملحووووظه ماما كانت بتعمله كده انا عمرى ما عملته انا كنت بشوفها وهيه بتتعذب فى عمايله بسس :rolleyes::rolleyes::rolleyes:ههههههههههه ومن ساعتها قلت وماله الجاهز اللى فى علب زى الفل
شاهى مقدرتش مردش الكب كيك حلو اوووى تسلم ايدك بجد انت عاملاه بطريقه مامت لقاء ولا انهى طريقه
سوسى معقوله مكلتيش مربى جزر فاااااتك كتييير دى يا سلام عليها بالقرنفل ووشيه عصير برتقال يدولها مزازة يااااااااه نفسى فيها اووووى
