20 مرة نقول يا تري بتعملي الأكله دي ازاي؟ ( مبدعات مصر القمرات ) شهر محرم 1432

manyaa;13888164:
يااااااااااخبر.. دا انتوا ايه ما صدقتوااااااااااا... يومين الاقي 18 صفحة أقراهم امتى ددول؟؟؟؟!!!!!!!!!!!
سارة و دندونة حبيبتي.. تسلموا على الاقتراحات يا قمرات... و ناني.. كويس ان انت كمان عندك عزومة عشان تشجعيني بقى :) انا كنت بفكر فعلا اعمل محشي ورق عنب بس تفتكري الكمية قد ايه تكفي العدد ده؟؟؟
المهم مبدئيا كدا حعمل صينية فراخ مشوية بالبطاطس.. و رز بالشعرية و محشي ورق عنب (عشان فيه سعوديين في الموضوع و مبيحبوش اللحمة البقري و انا و جوزي مش بناكل الضاني .. فأي اختراع باللحمةالبقري مش حياكلوه :( ) و عايزة أعملهم أكل حلو كدا :) ...مش عارفة بقى و كفاية الفراخ بس وللا لازم اجيب لحمة جنبها ؟؟ نفسي في مكرونة باشميل بس حاسة النشويات حتبقى كتيرة أوي .. وللا عادي ؟ و هي اللحمة المفرومة الضاني بتكون حلوة يا بنات وللا عمها بشع زي اللحمة الضاني؟؟
الحلو بقى حعمل مهلبية بالكريم شانتيه زي ما قلتوا عليها هنا .. و يارب تطلع حلوة معايا :)
ايه رأيكم كفاية كدا؟؟
ممممم...حعمل سلطات بقى زي ايه ؟؟ اكيد سلطة خضراء و ممكن سلطة زبادي بالخيار .. حلو كدا ..

بصي يا منايا اعملي جلاش باللحمة المفرومة حلو جنب الأكل و أو سمبوسه جبنة أو لحمة بيحبوا كده أهل الخليج

بلاش المهلبيه دي ملهومشي فيها و كمان انتي أو مرة لسه حتعمليها !! لالا أقولك تعملي ايه هاتي كنافه السنبله و اعماي الكنافه بتاعتي اللي بالفاكهة دي حتطلع روعه و هما بيموتوا في الكنافه عامه أنا طبعا بنصحك من خبرتي معاهم يعتي

ماشاء الله بكرة هاجي الاقي 40 صفحة جديدة

تصفح الموضوع حالياً: 13 (13 من الأعضاء و 0 من الزوار) ‏safa34*, ‏Bird amore, ‏أم مازن*+, ‏فراشة الإيمان, ‏amatalrahman237, ‏زدنى, ‏أم جوجو(lolaaaa1985), ‏salad, ‏مشمش ام محمد+, ‏nanoo99

بمناسبة التجمع الجميييل ده

مع دنو نهاية عام 1431هـ .. هذه رسالة أبعثها لكم ..
تجديدا للنفوس .. وغسلا للذنوب .. معتذرة عن كل ما بدر مني من إساءة ..
بقصد مني أو بغير قصد .. علمتها أو لم أعلمها .. فاعفوا عني عفا الله عني
وعنكم .. أجمل ما في عام 1431 هـ .. أني أملك أحبابا غاليين
مثلكم أسأل الله أن يهبكم قطرة من مغفرته لا تبقي لكم ذنبا .. ونظرة من
رضاه لا تترك لكم عيبا .. وقبضة من خزائن رحمته لا تبقي لكم هما ولا غما

مانياا
انا كنت عامله هنا عزومه لمواطنين ومبياكلوش ال الضانى بردو
وصممت ادوقهم اكلنا عملت محشي كرنب ومحشي ورق عنب ومحشي كوسا ولحمه موزه من العاديه البقري بتاعتنا عجبتهم جدا جدا وبئوا يسالوا جوزي عن ايه اللجمه دي
اعملي اكلكم انتواا وخلوهم يجربوا ليه لا

انا عاوزة طريقة النجرسكو


وكمان عاوزة اسأل ام بودي هي البسيمة بتاعتك بتتسقي بالشربات بعد ما تتخبز ولا لأ؟

واعمليلهم شوربة حب
بيموتوا فيها يا مانيا مع السمبوسه اللحمه هيقعدوا ياكلوا الاتنين دول وينفضوا للباقي وشوربه الحب ببتتعمل بشوربه الكبسه والحب المجروش بتاعهم ده الي هي الغله المجروشه بس على كبير شوياا زيتقطع فيها قطع لحمه مكعبات صغنن بتكون تحفه ام معاذ وبيرد تسلمولي حبايبي
واتفضلوا يا قمرات وبالنسبه للكفته الي كانت في الطبق الي فات
انا جبتها جاهزه الصراحه المره دي من كارفور قسم اللحوم بيكونوا متبلين المفروم كده على انه يتعمل كفته مشويه جبته وصبعته بالطماطم المبشوره كده وحطيته في الاسياخ ودخلته الفرن وعملت فحمايه وحطتها وسطها وعملت تش كانت تحفه بصراحه ولو الطريقه نفسها الي بعملها في البيت يبئا مية بصل وكزبره خضرا ماقطعه ولحمه وتوابل وفلفل اسمر وملح وبس ونفس الطريقه اصبعها وعلى الفرت

لالالا يا صفا بس نصيحة اسقيها أفضل لو ليكم في الحلو كويس ههههههههههههههه زي جوزي هههههههههه

بنات انا عايزه اعرف طريقة الرواني مش عارفه هي اسمها كده ولا ايه
صينية روانى هي بتكون زي كيكه كده وبتكون فيها شربلات كيكه مبلوله يعني باين عايزه الطرلايقه بالضبط

ام بودي انا مش لسة قايلة لك عايز هابي ميل وهدية طقم صيني وحلل فينهم :mad:
بنات ينفع اعمل رقاق بالكاستر حد جرب كده زي الجلاش بالكاستر وابله باللبن
ولا كده هتبقى يا ليلة اغمقيتي ليه هههههههههههههه

اعتقد يا بيرق هتكمون بعكوكع وعجينه الغ يالفكره واعملي كاستر بالجيلي

ماشي يا نور من عنيا بس الهابي ميل عندي مش ب 15 جنيه لالا ب 1500 جنيه ههههههههههههههههههههههه

مشمش فيه موضوع بالتفصيل في فتكات عن الرواني

du;13884563:

بسكوتهههه الكيك لما حطتيه ف الفريزر منشفش كده ولا ايه ؟؟؟

لا انا غطيته ببلاستيك الاكل وخرجتها من الفريزر تفك شويا وزي ماهي بس غطيها كويس اوي وابعديها عن مصدر التبريد
ووممكن التلاجه تقضي انا عملتها مرتين مره كنت مستعجله خلتها ساعه بس ومشي الحاااااال بس الفراوله ماتحطيهاش لما تيجي تقدميها عشان ماتدبلش او لما تخرجيها من الفريزر

Boody we zady;13883739:
شاطرة يا بسكوته داخله بأحلي طبق هههههههههههههههههه

مايونيز;13883748:
حلوه اوي اوي يابسكوته ماشاء الله

ربنا يخليكم F:

sosiii-cat;13883838:
كل سنة وانتم طيبين وكل جزء واحنا بخير وبنحب بعض علي طول يااااااارب
بسكوتة ماشاء الله ايه التورتة الجامدة دي تسلم ايديكي
انتي عاملة اللي بالفراولة ولا اللي تحت ؟

لا انا عامله الي بالفراوله والي تحت دي هيا نفسها من غير تزيين زي ماهيا

safa34;13884418:
انا عاوزة نفس السؤال بس يطلع طري مش ناشف

وبالنسبة للتورتاية دي اسمها ايه سميتوها ايه؟

\سميها بقى تورتايه بسكوته :D

بيرق أمل;13888461:
ام بودي انا مش لسة قايلة لك عايز هابي ميل وهدية طقم صيني وحلل فينهم :mad:
بنات ينفع اعمل رقاق بالكاستر حد جرب كده زي الجلاش بالكاستر وابله باللبن
ولا كده هتبقى يا ليلة اغمقيتي ليه هههههههههههههه

انتي عايزة تعملي ايه بالضبط ؟ ههههههههههه قوللي مكوناتك و أنا أخترعلك حلو ههههههههه

مشمش ام محمد;13888476:
اعتقد يا بيرق هتكمون بعكوكع وعجينه الغ يالفكره واعملي كاستر بالجيلي

معنديش جيلي وعايزة لما اروح اخترع حاجة بالرقاق والكاستر اللي عندي

Boody we zady;13888522:
ماشي يا نور من عنيا بس الهابي ميل عندي مش ب 15 جنيه لالا ب 1500 جنيه ههههههههههههههههههههههه

مشمش فيه موضوع بالتفصيل في فتكات عن الرواني

هههههههههههههههههههههه هو ليه غالي كده يمكن الكاتشب، الغي الكاتشب مش عايزاه :p
وايه الرواني ده؟؟ طيب ينفع تحطي اللينك من غير الكوم والدبليو

Boody we zady;13888525:
انتي عايزة تعملي ايه بالضبط ؟ ههههههههههه قوللي مكوناتك و أنا أخترعلك حلو ههههههههه

عندي رقاق وكاستر، وعندي شيكولاتة خام
عندي فانيليا ولبن
ها اخترعيلي اعملهم على بعض واحدفهم من الشباك :worn_out:

du;13888290:
ايمي انت قصدك الكريب ؟؟
اصل البان كيك بيكون حلو مش حادق

لا يا غدير، ما انا عارفة انه بيبقي حلو وتحطي عليه صوص اي حاجة بردو وممكن من غير، بس لأ والله اصلي عملته قبل كده وعارفة عملنا به ايه انا وجوزي اكلنا به عسل وجبنة وحاجات كتير وكان حلو اوي :lol::lol::lol: والله وهو اصلا كان في مكوناته جبنة، وفيه طبعا من غير، فانا عايزة اعمله بقي العادي ده بس سكره مفيش او شعرة بس عشان الطعم مش يبقي مسكر ويلا زي بعضه طريقة المسكر بردو لوحده طمع بقي

safa34;13888431:
انا عاوزة طريقة النجرسكو


وكمان عاوزة اسأل ام بودي هي البسيمة بتاعتك بتتسقي بالشربات بعد ما تتخبز ولا لأ؟

مكرونة نجرسكو

المقادير:
كيس مكرونه شرايط وممكن اسباجتى عريضه
1/4 كيلو صدور فراخ
...1/4 كوب مرقه
1/2 كوب لبن
بصله صغيره مفرومه ناعم
2 معلقه من الدقيق
2 معلقه من السمن
بهارات وملح وفلفل

الطريقه:
نسلق المكرونه بالطريقه العاديه
ثم نضع البصل فى وعاء على النار مع اضافه السمن ثم نضيف اليه الدقيق ونقلب حتى يبدا لون الدقيق بالتغير نضع اللبن ونحرك سريعها ونضيف البهارات والملح ونحرك حتى يسمك القوام ثم اخففه باضافه المرقه
فى وعاء اخرنضع ملعقه سمن وعليها معلقه بصل مفروم ومعلقه ثوم ونقلبهم حتى يصير لونهم اصفر نضع صدور الدجاج المقطعه بعد تتبيلها بملح وبهارات ونحرك الفراح لحد ما تتشوح ثم نضع عليها معلقتين من صلصله البشامل الى عملناها قبل ثم نحركها

وبعدها نضيف اليها المكرونه المسلوقه ونقلبهم ببعض ونضيف معلقتين بشامل الى المكرونه ثم نضع المكرونه فى صنيه مدهونه ونضع باقى البشمل على الوجه ونضيف على الوجه جبن رومى مبشور او صفار بيضه وتدخلها للفرن 10 دقائق
وممكن تضيفي للفراخ وهى بتستوى معلقه مسطردة

ممكن إضافة زينو أسود حلقات مع الفراخ




ندي بمووووت في الرواني دي وفعلا اللي يعرف طريقتها يقول

SmSm27;13884181:

اخيراااااااااااااااااااااااااااااااااا

اول مرة الحق الجزء من اولة
بسم الله ماشاء الله عليكم ربنا يباركلكم يارب
هافتح ملف ورد واحفظةعندي علي الجهاز
يمكن انفع في يوم واعرف ابقي طباخة شاطرة كدا
كنت عايزة اسالكم علي حاجة

ينفع اصب الكيك هنا واسوية في الفرن ولا الورق دا يتحرق

انتى بتجيبى الورق ده منين يا قمر؟

طيب هي فين في فتوكه يا ام بودي وزلا ابحث عنها في جوجل ولا يه

معينفعش يا نوووووور أحط لينك مخالف يعني الناظرة شوفتيها في يوم بتخالف ههههههههههههه

روحي فتكات و اكتبي في البحث كلمة الرواني و حيطلعلك ان شاء الله

بصي يا نور روحي نامي بالمكونات اللي عندك ههههههههههه و الا أقولك اعملي كاكاو باللبن و ادخلي تحت اللحاف ههههههههههههههه

cat lolo;13888636:
انتى بتجيبى الورق ده منين يا قمر؟

موجود في السوبر ماركت جنب الفويل ومناديل المطبخ والحاجات دي





بنات عايزة اكل تشيري باي ااااااااااه شكلها حلو اوي الست نيرمين هانم دي بتجننني، انا اصلا بموت في الكريز اوف بقي، النهاردة عملت دي وبراونز وتشيز كيك بالكابيتشينو يعني كلها حاجات تحفة وقالت علي طرق تبطين الصواني بتاعة الكيك حسب نوع كل كيكة

هاحاول افتكر اى حاجه من اللى قريتها
لانى بلا فخر ماعملتش اى اقتباس نسيت

مبدايا تسلم ايديكو كللللللللللللللللللللكووووووووووووووووو نفر نفر ونفرايه نفرايه

ثانيا بقى
ام معاذ سئلت عن حاجه تقدمها لخطيبة اخوها

حلوه كيكه النيدو او كيكة التمر
مع بسبوسه زى ماام بودى قالت
مع مينى بيتزا قطعيها بالفنجان القهوه تبقى صوغننه كده
واعملى عصير جوافه باللبن ومعلقتين كريم شانتى خام وعلقتين سوبيا وحوالى خمس تمرات كده لكل كوبايه وماتحطيش سكر ودوقى احلى عصير
وممكن تستبدلى الجوافه بالموز وهمممممممممممم بصراحه
وقدمى شاى مع الكيك والبسبوسه


كمان احب اقول لام بودى ربنا يخليكى للشعب وتسلم ايديك على الهابى مييييييييل يادمييييييييييييل


ايه كمان

بسكوته التتورته روووووووووووعه ماشاء الله

رورو حبيبتى

عصير الفراوله تمام زى ماقالولك كده

ايه كمااااااااااااااااااان هابص بصه واجى اكمل رد

@زهرة [EMAIL="دبلانة@;13886079:
نانى"]دبلانة@;13886079]نانى[/EMAIL]
ازيك ؟؟ممكن تقوليلى طريقة الملوخية بالجمبرى
وانا عندى جمبرى كتير قليلى طرق ليه؟وبتتقدم جمب ايه ؟؟
وممكن صورة المالتى كويك بتاعك لو ينفع وبكام ؟

F:

اهلا يا رورو حبيبتي

الملوخيه بالجمبري بجيب الحله واشوح فيها نص بصله وفص توم وعليهم الجمبري يتشوح بس دقيقة وبعدين احط الشوربه تسخن واسقط فيها الملوخيه واظبط الملح واعمل التقليه وبس كدة

والجمبري ممكن تعمليه بانيه سندوتشات مع سلطة طحينه او مع رز

ممكن تعمليه كفته جمبري وليها موضوع انا منزلاه

ممكن تعملي مكرونه بالجمبري والوايت صوص موجود عند ام بودي

اسهل طريقة للجمبري شوحيه مع بصل وتوم كتير وفلفل الوان بيبقى حلو وبيتاكل مع رز ابيض

دموع اشتياقي;13886361:
مبرووووووووووك الجزء الجديد يا بنات

دي فته باذنجان عملتها علعشا بليل



ودي الريش بطريقه ام بودي تسلم ايدك تحححححححفه

واااااااااو تسلم ايدك

وللاسف جيت اقيمك ميزانك رفض

مكرووونة;13886842:
ازيكم يا بنات
الرز البسمتى دايما بيعجن منى حد يقولى طريقة من الاخر
بالمقادييييييييييير
و فى بردوا حالة عجيبة بتحصل فى الرز العادى لما اجى اعمله و احط عليه كارى يعجن و مش يبقى مفلفل اوى زى الرز بشعرية

حد عنده علاج للاعراض دى ؟ ههههههههه

و عاوزة اعرف يعنى ايه رز مسلوق و بيتعمل ازاى ؟

دايما اي رز قلبيه في زيت لحد ما تلاقيه بيلزق في بعضه كدة تضمني انه هيطلع مفلفل يعني افضلي قلبيه على النار بعد ما تحطي زيت معلقتين مثلا لمدة 5 دقايق تقريبا

والميه جربي تحطي كوب وربع لكل كوب رز ولو احتاج في النص زودي تاني عشان ممكن يكون النوع اللى بتجبيه مش بياخد ميه كتير

الرز المسلوق دة بيكون من غير تحمير ومن غير زيت

يا تسلقيه في ميه كتير زي المكرونه وتصفيه من الميه يا تسخني ميه في الحلة على قد الرز وتحطيلها الملح وتسقطي فيها الرز وتغطي عليه وتهدي النار وتسبيه يستوي زي الرز العادي

Bird amore;13886947:
امممممممممم يمى تسلم ايدك ممكن طريقة الفتة دى يا قمر ؟؟


يلا جبتلك طبقى النهاردة فراخ تكا.. حلو اووى و خفيف

يمي يمي تسلم ايدك حلوة اوي

أم ياسين العسل;13887025:
يا جماعه سؤال بيلح عليا الحاحااااااااااااااااااااااا


هو ايه الفرق بين زيت الدره وزيت عباد الشمس وانهى احسن؟؟

الاتنين زيت نباتي بس زيت العباد ممكن تقلي بيه بيتحمل حرارة اكتر بس زيت الدرة طعمه احلى للطبخ

Boody we zady;13887361:
بودي قاللي عايز هابي ميل !!! قلتله هابي ميل و أنا موجوده في البيت أنا أعملهالك من عنيا ههههههههههههههه

عجنت العيش و خبزته و عملت الهامبرجر و حمرت البطاطس و حطيتله كل حاجة في العلبه و معاها كمان لعبه هديه هههههههههههههههه مش تتصوروا مبسوط قد ايه

ايه رايكم أنفع هههههههههههههههههه

تحفة بجد بجد

وميزانك الرخم دة لازم تشوفي صرفه معاه لان بيغظني جدا لانك بجد استاذة وتستحقي 100 تقييم