سيمفونيه;14008677:
الله يعين ياغناتي
زين عطيتيني فكره
بحاول اطلع ويا ابو محمد بس اكيد ليلة خميس او جمعه
نصرف حمود لان ماقدر اخليه بوحده في البيت
انا الله يسلمج تزوجت بنفس الشهر حملت ماشاء الله وولدت الحمد لله ولا فيني الا العافيه ..
بصراحه انا ماعمري فكرت اخذ موانع وخرابيط ومستحيل افكر فيها اصلاً وطبيعتي اموت على الجهال ،وزوجي الحمد لله نفس تفكيري ويحب الجهال الحمد لله ،وحالنا ميسور وبحالنا ساكنين في بيت ملكنا
والله منعم علينا بالخير والعافيه ,,,
يعني خليتها على الله وكنت ابي اولد وعادي احمل مع ان كنت صغيره يوم اجيب حمود يعني توني 18 سنه وخليتها على الله ,,
وماصار حمل طبعا سنه سنتين وقلنا خل نراجع المستشفى ويوم اراجع قالو عندي هرمون الحليب وبدت رجلة العلاج من هرمون الحليب الى تكيسات على المبايض الى ضعف في التبويض ,,,
تعبت وتعذبت من العلاجات واحيانا تصير عندي اكثر من بويضه ثلاث واربع ووضعي ممتاز والله مايريد ومايصير حمل وصبرت ..
العام خلاص تعبت وقلت لزوجي ابغى اسافر اروح الى الامام الرضا ورحنا انا وياه وخلينا حمود هنيه وجيت ورحت العراق بعد والحمد لله رب العالمين ..
ويوم الله اراد الله كتب وحملت طبعا لاعلاج ولاشي حتى ماصدقنا وخفت ماخبرت الا امي بس وسكت ولا تكلمنا الا يوم دخلت الشهر الرابع لان وحمي متعب وتغيرت نزل وزني والكل مستغرب والترجيع 24 ساعه ..
والحمد لله رب العالمين مرة التسعة الاشهر بخير ولله الحمد والمنه
والحين الكل ينتظر بفارغ الصبر متى ربي يااذن لي بساعة سهاله وسلامه لينا وليكم
وهذي قصتي طبعاً,,
وحتى الحين بعد الولاده على خير ان شاء الله ماراح استخدم لاموانع ولا شي وبخليها على رب العالمين .. حتى لو تعب بس لعيال نعمه من عند الله وربي لايحرم احد ويرزق المحرومين بحق محمد واله
انتي مثلي حامل من اول شهر بعد الزواج
وبعدها مااخذت موانع كنت ارضع طبيعي وماتجيني دوره وبعد 9 شهور جاتني الدوره وبعدها ب 4 شهور حملت وبنتي عمرها سنه وشهر
بس افكر بعد هالحمل اخذ مانع سنتين ونص وبعدها ربي يرزقنا