قصة ولادتي بالجازي
كان يوم الأربعاء تاريخ 1 ديسمبر 2010 رحت مع زوجي ستي سنتر ومشيت مشي يمكن ساعتين، وعقبها تعبت ورجعت بيت أمي ، حسيت بشي نفس الرطوبة، قمنا ورحنا السلمانية عشان نستفسر، قامو النرسات اللي هناك فحصوني وقالو لي مو مفتوحة ولاسانتي بس بداية تقلصات وطلق، ورجعت البيت.
ابتدا عندي الطلق من الفجر يوم ثاني، قمت من الرقاد على ألم قوي، ورحت الحمام وشفت شي بني فاااتح، خفت وايد.:-o
تاريخ 2 ديسمبر اللي اهو يوم الخميس، قامت أم زوجي وعطتني ماي ورد وزعفران، ورحت أمشي في الفريج من الصبح، والعصر رحت ممشى عالي ومشيت ساعه بعد، رديت في الليل رحت السلمانية قالو لي للحين روحي ورجعي عقب 8 ساعات.
4 ديسمبر 2010 يوم السبت من الصبح نزل علي افرازات بنية مع دم خفيف، قام زوجي وداني مع أمي مستشفى الأمل، وقالت لي الدكتورة الهندية الدبة أن الراس نازل ولازم احين احين أولد قيصرية ولاطلق صناعي بأسرع وقت وخرعووووني وسوو لي تلفزيون .... فقمنا ردينا بيتنا وزوجي هني حده مرتبك وخايف ويحاتي، رحنا الساعه 3 السلمانية مع امي وزوجي وام زوجي،، كالعااااادة قالو لي مافي شي ومفتوحه نص سانتي ورجعي البيت وهذي طلق دلاعه :thumbs_down:،،، لكن انا فيني طلق قوي وألم مو محتمل. حى كان استقبال بنت خالتي لكن ولا رحت ولا احد راح.
5 ديسمبر 2010 يوم الأحد عشت يومي في طلق عند أمي، ماقدر اقعد كله في الحمام، رحت مشيت مع أمي لي البرادة ورجعت، وكل ماتييني الطلقة أتصل حق زوجي او أسوي له رنة عشان يحسب لي اذا كان الطلق منتظم أو لا،، الالم حزتها زاااد علي صار كل نص ساعه وعقبها كل ربع ساعه، اتصلت حق زوجي وقلت له خلاااص ماصبر وبروح اولد لكن مو في السلمانية بروح مستشفى المحرق للولادة.
المهم 6 ديسمبر 2010 على الساعه 3 الفجر رحنا كاااااااان يومها ضبااااب ولا ينشاف الطريج ، ورحت المحرق للولادة ودشيت ولاااعت جبدي ومن الخوف راحت الطلقه مني، وبين ان مافيني طلق، وقالو لي صبري بتيييج الدكتورة الروسية، لكن انا شرررردت وقلت لهم بسررعه عشان مايودوني مابيهم يشوفوني، صج صج صج وسااااخه هالمستشفى.
قام زوجي قالي خلاص ماردج البيت انتي تعبانة وايد، بوديج مستشفى البحرين التخصصي، وانا اقوله لا خلاص مافيني شي راح الطلق،، لكن انا فيني :lol: .
6 ديسمبر 2010 يوم الأثنين الفجر على الساعه 4 ونص، دخلت مستشفى البحرين التخصصي، فرق السما والأرض في المعاله، وياو سوو لي تخطيط النرسات مابين ان طلق منتظم، راحت النرس تنادي الدكتورة، ويوم نادتها تفاجأو أن يه لي طلق وبين لهم، قامو وفحصو علي وقالو لي ان متوسعه 2.7
عقبها راح زوجي يكمل الأجراءات، وودوني غرفة خاصة وسوولي تمارين مشي وبالكرة الصفرة،
وعلى الساعه 1 الظهر ركبو الطلق الصناعي وكنت متوسعه 3، وراحت معاي مرت اخوي داااخل العمليات ولبسوها نفسهم وكانت تهديني وتساعدني مسكيييينة.
ولدت على الساعه 6 ونص، وعقبها خيطوني، تألمت في الخياطة واااااااااااايد.
وعقب دشوا علي كل اهلي وانا مو مستوعبه كنت مخدرة، وعلى الساعه 7 ونص ودوني غرفتي.
السلمانيه وما اداراك ما السلمانيه خخخخخخخخخخخخخخ
اليوم رحت لهم بس الساعه ثنتين ونص الظهر
سهده كلش مافيييه حد
:lol: حسيت انه الوضع عادي
نــور العمــر;14002648:
كلنا نعاني
والله يسهل علينا يا رب
ويسهل على الجميع يارب
طباخة فنانة;14002829:
شخباركم
تعبت ادعو ليي موعدي طاف وببتدي اروح تخطيط
الله يسهل علينه كلنه
اللهم يسر ولا تعسر
الله يسهل علينا اجمعين
أنا و هو;14003164:
سلالالالالالالالالالام بنااااات
شخباركم
مبروك للي ولدوا
وعفبال الباي يقومون بالسلامه ان شاء الله
بما إن أحمدي نايم شويه
بقول لكم قصة ولادتي مع انها عاديه جدا ما فيها شي مميز:)
يوم الاحد بتاريخ 21 كان عندي موعد في التخصصي وكان كل شي تمام وسووا لي تخطيط ما كان في اي بوادر طلق او ولاده
ومر اليوم عادي وفي المغرب طلعت تعشيت ويا زوجي وعقبها مشيت شوي
ورجعت البيت وما زال كل شي عادي على الساعه 1 كنت ابي انام وحسيت بلآلام طلق وما قدرت انام
رحت خذيت شاور ساخن وقعدت في ماي ساااااااخن وكان الالم يجي كل 5 دقايق ما ابتدأ بوقت طويل كل 5 دقايق ونطرت في البيت الى الساعه 4 الا ربع الفجر وعقب رحت المستشفى فحصوني طلعت متوسعه 7سم ما شاء الله
وعلى طول ولاده الساعه 5 الفجر ولدت بالسلامه
وهذي كل قصتي:biggrin:
حمدلله على سلامتج .. الله يرزقنا بالولاده الميسره
روح المعالي;14004079:
السلام عليكم
شخباركم كروشات؟؟؟؟
الله يسهل عليكم وتقومون بالسلامة ويا بيبياتكم
نسيت ماخبرتكم وش جبت
جبت بنوته حلوة وسميتها شيخة
بس لما دزيت المسج لتذكر كنت طالعة من عملية إزالة المشيمة والبنج لاعب فيني فماخبرتها شنو جبت
راجعه لكم قريب بقصة ولادتي ومعاناتي
عاشت الاسامي شيوخه
الله يخليها لج
عبث طفلة;14005885:
مبروك للي ولدو
تذكر ربي يسهل عليش يارب
ماعليها شر العيناويه
ويسهل على الجميع يارب
فراشه بين الزهور;14006122:
تذكر ان شاء الله ينتظم عندج الطلق الليله و هايومين
والله يسهله عليج يارب
الله يشفيها يارب ام احمد
امن يجيب لمضطر اذا دعاه ويكشف لسوء
امن يجيب لمضطر اذا دعاه ويكشف لسوء
امن يجيب لمضطر اذا دعاه ويكشف لسوء
امن يجيب لمضطر اذا دعاه ويكشف لسوء
امن يجيب لمضطر اذا دعاه ويكشف لسوء
امن يجيب لمضطر اذا دعاه ويكشف لسوء
الله يسمع منجج
ام حمود وبرور;14007868:
باجر بعد تاريخ حليووو
21-12-2010
يالله مييين بتتشطر؟؟
ايه حلو :lol: بس اللحين مافتكر في التواريخ وايد
وقت ما يحين وقت الولاده انا مستعده :D حتى لو التاريخ موب حلو
سيمفونيه;14007964:
عليكم السلام والرحمه
هلا ام حسين
سلامتج حبيبتي
وش هالاخبار ؟
اتوقع يبون يولدونج احسن ماتصير مضاعفات
ومدام الرحم مفتوح عندج اشربي لج دارسين او ينسون
وحاولي تمشين وان شاء الله ماتحتاجين حبيبتي
والعيناويه الله يفرج عنها
وي علي شنو صار لها لاحول الله
استغفر الله لايكون بس عين
امممم ايه متوسع سانتي صار له اسبوعين موب راضي يزيد
واهما يبون يولدوني يعني شنو بيحطون لي طلق صناعي حتى لو ما جاني طلق
امممممم بس انا في حملتي الاولى ما ستجاب جسمي مع الطلق
اممممم ان شاء الله ياربي يجيني الطلق قبل لا اروح لهم
سيمفونيه;14008243:
اللهم صل على محمد وآل محمد
سكتي بس انا الوسواس مدوخني هههه
لان تعسرت بولادتي الاولى
وولدت بطلق صناعي وعند الطلق بارد وتعبت والبيبي تعب
واخر شي دخلوني غرفة العمليات وجهزوني مره
بس سبحان الله يوم شافوني تعبت حيل قالو حرام يفتح الرحم كامل ولا تولد طبيعي
ومره على اخر لحضه حاولوا وولدت بس طلعت روحي والله
وانا الحين عشر سنوات انتظر هالطفل وخايفه بصراحه عليه
بس ان شاء الله متوكله على الله واهل البيت ومابيخيبوني بحق هالايام الفضيله
اذكري ربج وتوكلي عليه
وكثري من القران
ربي يسهل علينا جميعا