تجمع حوامل وامهات قطر لشهر محرم لعام 1432 ه ؛ ديسمبر 2010 م

باندا

نوم العوافي حبيبتي

بليزا

انا بخير الحمدلله
عرفينا على نفسج
:)

بنت النور

اي نحطها على عدالها
بس اول ينقون حبوب الحسو من الشوائب
وعقب ينقعونه قبلها بليله
وبس باقي الطريقه ناسيتها ><

مشكووورة بسوومة عالرد ماقصرتي

مرحبا



مبروك الجزء الجديد ويعطيج العافية ام الغاليين



وألف مبروك لكل اللي ولدوا واللي حملوا




لافندر

مبروك النك نيم الجديد

مبرووووك التجمع اليديد

ما قريت الي طافني ، منبطه جبدي بنتي ما رقدت العصر قعدتها من الظهر لين 10 في الليل ويوم رقدت قلت خلاص لين الصبح ، بس قعدت من شوي وما تبي ترقد.

مبرووك عليكم الجزء الجديد
والله يجعله فال خير على الجميييييع

لولوه
هههههههه اهم شي تنابله السلطان
صج اليهال الحين مايتحركون كلش:sمدري ليش فيهم عيز من صغرهم

كامي
سوري حبيبتي كنت اتكلم في الفون وتسكر اللاب من نفسه



حيوره
اييييي اذا ماخليتي الياهل يطلع ويلعب في الحوش ويراكض من اول ما يخطي قولي عليه السلام ..



باندا
وانتي من اهل الخير
كنت ابي ارد عليج في شي ونسيت وشو ..




بسومه
لووووووووووووووووووووووووولز
مارضت القياده العليا لوووول
يقول بتصيرين نفس الشباب في المجلس عيونهم مايرفعونها من البي البي لووووول
وغير بعد يشوف اخته اشلون كللللللللللللللللللش مدمنه من قلب
قال لي اصبري عليه شوي وهذاني ناطره <<كنه قص علي
والله يسلمها يارب وشحتني الخايسه




ليلوووه
غلط لا تخلينها ترقد بدري
سويتها قبلج وقعدت
تدرين احنا لازم نطفي الليت ونسوي روحنا نايميين بترجع تنام
وانا دوووووم على حظي اكون اتابع فيلم في التلفزيون وابي اشوفه فيخترب رقادها ..

سوري لهيت مع اليوتيوب
لقيت تشانل حق مكياجي
فيه دروس حلوة

الي له خاطر يشوف

يكتب بروم كوين في السيرج ويتفرج :)

يالله تصبحوون على خير

وانتي من اهل الخير بس بس



انا بعد شكلي بروح


تمسون على خير

بنات ابي رقم وحده تسوي سشوار وتظبط البـاف ..

ام الغاليين
يعطيج العافية على الافتتاحية يالغالية
وانشالله يكون فال خير ع الجميع
دلوعة حبيبي
الحمدلله ع السلامة وتتربى الحلوة بعزكم
بنات بخصوص النقابات
مثل ماقالت دوحانية الشامل انا ورفيجاتي دووووم ناخذ من الشامل في مدينة المرة
صج نقاباته زينة ..
بدور
اسم الله على رشودي فديته

ابي محلات غير مونسون او مواقع لفساتين نعومة حق البنات ابيهم لعرس

قطرية :
سمية
و جربنا ريم اللي قالت عنها فجر استشوارها حلو لكن مادري عن البف


النوري :
شوفي المحل اللي في الرويال بلازا







من موقع alexandalexa

السلام عليكم

رقدت وتوني قاعدة ابي ارد ارقد مب قاااادرة:(

سوري بنات ع اللخبطة اللي صارت
انا حاطه ف بالي ان بكرة اول السنة الهجرية
تراها الاسبوع الجاي
تبون نرجع للموضوع القديم ونفتح هاذي الاسبوع الجاي ولا نكمل؟؟؟

على راحتج ام الغاليين..
انا اقول خلاص بما انج فتحتيه خل نكمل عليه..


اليوم رحت سوق واقف على اساس بشوف النقابات عند ام عبدالله..
بس للاسف مسافرة ومطولة.. وانا رادة الامارات ان شا الله عالاسوع الياي..

كان خاطري بخبز رقاق بالجبن من كم يوم .. كلته في السيارة واحنا في الطريج خخ..
أمي سألت الحرمة اللي تخبز اذا تجي بيوت تخبز..
قالت اي.. ب 700 يوم قلنالها ان البي بالدفنة..

عقب رحت رويال بلازا .. باريس غاليري..
خذت لريلي ساعة هدية ماركة اغنر.. ريلي ستايله كلاسيك .. خذت وحدة مربعة وفضية وسيرها جلد بني.. ب 3700 وشي عقب الخصم 2500 << زين :)
طلعت نفس ساعة اخوي يايبينله هدية مالت الحج خخخ < عادي..
وامي خذت لريلي بعد هدية تقول خاطري اخذ له شي.. خذت له بعد ساعة.. ماركة جيفنشي< قلتلها مادري اذا بيلبسها ههههه قالت ياويله بشوفها بايده خخخ

ام الغالين
بالعكس دام فتحتيه خلاص
خل نكمل فيه

صباااااااااااحكم ورد
مبرووووووووووووك التجمع الجديد
يعطيج العافيه ام الحلوين على الافتتاحيه الرائعه الي دوم احنا متوقعينها منج يالغاليه

وكل عام وانتو بخير مقدما;)

معليش معليش تاثيرات البروجسترون على المخيخ تسبب تفهي في الوعي المستنبط من عمليه الايض خخخخخخخخخخخخ

صباحكم ورد F:


ومبروك التجمع الجديد ،، يعطيج العافيه ام الغاليين ويهون عليج ياااارب



دوحانيه - حيور

انا ما عندي ادوات للطبخ كلش
بس عندي طقم صحون ، قلصات وهالسوالف
يعني اقصد الاغراض اللي بستخدمها وانا اطبخ ،،



لولوه الدوحه

انا بعد مجكنم ،، وما كنت مفكره اطبخ فيه لان احس بيحتكر المكان بالريحه :confused:
بس في خاطري اسوي شي والملل بعد له دور ،،
وفديتها الشوش انا معاااج 100&#1642; انتي تعلمين شي وغيرج خربه بدون قصد
عن نفسي مستحيييييل اعطي بنات عماتي او خوالي شي بدون ما اسالهم امك عادي عندها
او اسالها هي ،،
وعن المبيت اول ماتزوجت كنت ما ابات بس الله يخلي الرحلات ;)



آم الغاليين

اهم شي يكون سهل ،،



الماميز

اللي ردوا علي بخصوص رشودي الشر مايجيكم حبيباتي ،،

صباح الخير

شخباركم

اطل عليكم قبل ما ابدأ شغل
ابي اعرف وين يفصلون البالطو الطويله
مادري شفيه ريلي مصنف نروح لندن في عز البرد نهاية 12
وبنتي اخذ لها جاري اريح لنا
متوهقه والله