التجمع الثالث لحوامل شهر فبراير 2011

هنوف المملكه;13801893:

مساكم ورد

شخباركم جمييييعا دون استثناء؟

الحمد لله بخير وانتي شخبارش؟

هنوف المملكه;13801995:

بالنسبة لتخفيضات مجمع الرفاع

انه دريت عنها بالصدفة
وحده ويانه في الشغل قالت لي انهم مطرشينلها مسج
بس قلت لها ان هاي التخفيضات من زمان وما تسوى صراحة
ولما طلعنا في الليل مع ريلي قلتله ماعليه نمر مجمع الرفاع يقولون ان فيه تخفيضات
الا يقول لي تونا رايحين ما عندهم شي

الله لا يراويكم المنظر لما وصلنا
زحمة ما تنوصف والناس على بعض ... اتاريه كان اول يوم للتخفيضات
عاد صاحبتكم ما جذبت خبر ... خذيت كل اللي خاطري فيه
مع اني ما خذيت راحتي بسبة ولدي الله يهداه ... بس لي رجعه انشالله
باسوي جرد عالاغراض اللي عندي عشان اكمل الناقص وافتك واتفرغ لتجهيز روحي

هذا باختصار بالنسبة للتخفيضات وانشالله اذا سمحت الفرصة بآصور المشتريات

هلا هنوف

عليكم بالعافيه الاغراض ونبي نشوف الصور في اقرب وقت ممكن

أريـــن;13802892:
اهلين كروشات كيفكم ..


بنات وش ناويين تسوون تغييرات ان شاء الله اذا ربي اعطانا عمر بعد الولادة ..

يالله كل وحدة تقول لنا وش لون شعرها ووش طوله حاليا ووش ناوية تسوي بعد الولادة ؟

اتفاعلوا ..

بالنسبة لي ..

شعري لونه بني غاااامق او اسود ..

طوله اقصر من نص ظهري شوي ..

وناوية ان شاء الله اقص قصة على طوله بعد النفاس ..

واصبغه هاي لايت ذهبي معجب زوجي .. ولاقد صبغت هاي لايت من اتزوجت

يعني بيكون نيو لوك بالنسبة لزوجي واهله ..

بنات وش رايكم بقصة فرزاتشي حقت البنات من عندها صورة لها ؟

هلا ارين اني ما ادري ويش اسوي صراحه
كان شعري الى تحت طويل ومصبوغ هايلات ذهبي ونزلت الصبغه تقريبا ربع الشعر والحين رحت ققصيته الى فوق نص ضهري بعيد الاضحى وتحسفت وايد وحتى صورت شعري على الارض في الصالون وكان يعور القلب طيحت اكثر من النص يالله الحمد لله والصبغ حاولت اطيحه كامل لاني مليت منه وابغي لون شعري الطبيعي وفعلا قصيت اللون كامل بقى الاطراف فيها القليل ويالله الحمد لله على كل حال

يعني ما بقدر اغير شي بعدين

منهي الي منخشه يالله تعترف وتطلع

سلاام عليكم بناات شخباركم ؟؟!!

سلاااام عليكم بنااات شخباركم عساكم بخير
اني مزكمة واليوم بزايدة صاير قالت لي بنت خالتي لازم اروح المستشفى لانه يضر بالحامل
لكن قريت معلومة في الانت من دكتور يقول لاعادي ماله اثر
لازم اروح او مايحتاج اروح؟؟

عليكم السلام خيوو \\
ما عليش شر ان شاء الله .. اذا تحسين روحش دايخه روحي احسن
بعد مو زين تضلين تعبانه والبيبي يتعب وياش !!

بنااااات حدي مستانسه اني دشيت السابع ههههه
مابقى شي ان شاء الله ..
والله يسهل علينا يااارب

مراحب كروشات اخباركم


بالنسبه لي التغيرات اللي راح اسويها

قلت بقص شعري ناويه احشه لاني تمللت منه طويل وكل لافته ولو انه ناعم وحلو ومايهون علي بس حلو التغيير

وبصبغه لون واحد بس ماعرف وش اللون بس اكيد ما بيكون فاتح

سويت قبل بعد ولادتي بعبودي هاي لايت ودمر لي شعري عشان جي ماراح اسوي هاي لايت

بالنسبه لجسمي الحمدلله بعد الولاده يرجع نفس ماهو

بس يسمر عندي البطن

كنت قبل اسوي خلطات وخرابيط وامي كانت تقولي ان بعد الاربعين هاي كله بيروح

وفعلا راح بس الحين افكر اسوي حمام مغربي واتحنى طبعا عقب ما اخلص الاربعين

وبس

هلااااااااا كروشات
مبروك افتتاح التجمع الجديد << مغبره حدي !!
صرت جم يوم في بيت ابوي والنت خربان عندهم
وحشتونـــي ,, ان شاء الله كلكم بخير وبيبياتكم بعد

فرقوده : ألف مبروووك دخولج السابع ,, والله يعدي باقي الفتره
ويقومنـــا كلنا بالسلامـــة

احنا بخير انتي طمنينا عنج

بالنسبــة للتغيرات بعد الأربعين ,, أبدا ما أفكر اصبغ شعري
الصبغ يعدم الشعر ,, وشعري مو ناقص تقصف .. يعني بس بقصــه

وعن الرجيم وهالخرابيط ترى كلها ما تطلح بعد الولاده ,, لأن الرجيمات تخلي الوحده تمشي على نظام ويمك هالنظام يحرم الجسم من بعض الفيتامينات والبروتينات
والوحدة اذا حامل يبي لها تعوض واساساً تكون نفسيتها مفتوحــه وتحس بالجوع دائمــاً

يتصفح الموضوع حالياً: 3 (3 من الأعضاء و 0 من الزوار)
‏جمال الزهره*, ‏سقاني من قربه الالم, ‏هنوف المملكه

سقانـــي : الحمد لله بخير , والبيبي يسلم عليكم :022:

أمون

جمال الزهره ماقلتي لنا شنو فيج بنت ولا ولد ولا مفاجاه