التجمع الثالث لحوامل شهر فبراير 2011

بس يوصل براويكم ولا يهمكم بس خله يوصل هو ههههه احلى شي في الدنيا الهدايا

ههههههه \\ صادقه ,,

يا الله تصبحون على خير ,, اشوفكم باجر ان شاء الله ,,

يا الله ان شاء الله باجر نفتح التجمع الرابع !!

وانتي من اهله خيوو

مي توو بقوم انام ..

مع السلامه

شخباركم حبيت اسلم عليكم على السريع لاني تعبانة حدي وماشاء الله عليكم الصفحات كثرت من البارح زادو 11 صفحة بقرا الواجب بكرة بس حبيت اسلم لاني توي جاية من بيت اهلي رحنا اليوم البر وبعدين كملناها شوي ببيت اهلي والحين ميتة تعب بروح انام واشوفكم بكرة
باييييييي

هنوفه : حلوين الثياب , الله يجيب حمود بالسلامه ويهريهم هري

موجه : زين والله
الحين بتحصلين طقم زياده ,, ان شاء الله عاد شغلها يعجبج

والقماطات انصحج لاتتنازلين عنهم , حلو انج تستخدمينهم لولدج
امي الله يهديها وزعت كل أغراضي << << إهئ أهئ

شكلي بقوم انام او على الأقل بحاول انام
الارق كريه والثقل كلما جا له ويزيد , وظهري احسه بينقص بالنص

تصبحون على خير واشوفكم بكره

الفرقد 23;14033834:
ام ملااك \\ يووو ,, اني اصلا خفت على البيبي ,, اذا اكح احس صدري بينبط ,, واحس اتشقق حلقي من الكحه ,,
قلت بشرب كل صاخن ,, واذا ما خف بروح المستشفى ,,

جمال الزهره \\ اي والله من الحرة ويش نسوي ,,

الكحه ماتصلح اشربي اشياء تخففها


ترى ممكن تأثر على المشيمة وممكن تولدي<<بترعبها هههههههههههههه


لا جد لاتنفتح المشيمه اشربي اشياء تخفف الكحة

---------------------------------

هلا صبايا


اليوم تغديت بيت عمي وبعدين رحت بيتنا للساعة سبع وشوي


ورحت حسينية عمة صديقتي وسوينا حملة للصحة


قسنا الضغط(اني ووحده)والسكر والوزن والطول وحسبنا كتلة الوزن ونصحناهم وهيك


وناسه بس تعب ضهري مسكين من القعدة



وبعدين رجعت بيت عمي وجلسنا هدره ومارجعت الا وحده الا ربع


ههههههههههههههههههههه


والله بموت من النعسسسسسسسسسسسسسسسسسسسسسسسسسس


من 10ونص الصبح قاعده

----


الموهيم مااذكر وش الهدره بس يالله شكلي بنطبن


بايو

جموله وانتين من اهله


هنوفة يتنهى البيبي بيهم


نسيت وش بقول بعد


باي لا اخرف اكثر

شخباركم

ياربي ما الحق عليكم صايرين سريعين وايد

الهنوف عليه بالعافيه البيبي الاغراض وايد حلوين عجبوني ثياب طابا والهرم

يالله حيا يالله حيا

نبي نسولف كلكم راقدين

دكتور \\ لا تخوفيني خخخخ بكبري خايفه !!
يعني ويش اشرب يخفف الكحه ولا يضرني ولا يضر البيبي !!
بصراحة مالي زاغر مشتسفيات كلللش ,,

ميقات \\ كل تجين متاخره هههههه !!

صباح الخير يا حلواااااات.. بفتح تجمع جديد...خخخخ حايمه بجبدي خاطري افتح التجمع

صباااح النووور \\ خخخ يا الله افتحي ,,

خل نفتتحه من صباحة الله خير مافي الا اني وانتين !!

خخخخ اوكي قاعد ادور صور حلوه احطها بالموضوع واشياء مفيده خخخخ
عيب اسوي كله انسخ من موضوع نص دكتوره

ههههه \\ شاطرة ,,

صباحو
و جمعة مباركة
شخباركم كروشات، عساكم جميعاً بصحة و عافية
زين ما هدرتون واجد لا أذبحكم<< يا خوفي فتحوا تجمع جديد و أني خبر خير
هنوف, ما شاء الله مشترياتش روووعة، على حمود بألف عافية
دكتورة, الله يعطيش العافية
البارحة طلعت و كملت باقي أغراض النونو و أحس ألحين براحة عجيبة و رضى نفسي، باقي بس أغراضي

صباح الخير .. تعبت انكسر ظهري ..خخخ اخر مره اتبرع وافتح موضوع

هذا هو التجمع الجديد لا احد يهدر هني ..خخخخخخ اذبحكم صار لي ساعه ونص واني ادور
معلومات مفيده واسوي هالتجمع

http://forums.3roos.com/showthread.php?p=14038786#post14038786

ام ملااك \\ بالعاافيه ,,
يا الله عاد مو حزة مفاجأت حطي الاغراض بنشوفهم ,,

فتوون مشكووورة والله يعطيش الف عااافيه ,,!!