التجمع الثالث لحوامل شهر فبراير 2011

عفست وما نزلت الصور بجرب بالليل احط الصور ..

في البحرين .. باول طفل ذبحتني بالخياط .. طلعت من الاربعين ولسه فيني ما طاح كله
ولما خيطت صار لي نزيف.. كانت القابله بحرينيه بصراحه غربلتني وبعدين صار لي التهاب

توني شايفه من كم يوم موضوع عن الخياطه وطلع اول اني اول ولادة لي الخياطه كانت
درجه ثالثه مدري رابعه .. واجد شقتني رغم انه البيبي قريب بيوصل 3 كيلو بس
وغير هذا غصبتني ادفع .. والمفروض فقط الدفع وقت تحسي بانك تدفعي .. وقالت البيبي تعبان!! كذابه!! .. وبسبب كذا صار لي مصايب .. حتى رحت مستشفى خاص قالت لي انت كم طفل عندك!! قلت ليها واحد ..قالت الا يشوفك كانك جايب عشره!! قالت طريقه الدفع كانت غلط الله لا يوفقها جربت فيني حتى وعذبتني

ثاني طفل كانت القابله هنديه وبصراحه صبر ت علي و مو واجد عذبتني بالخياااااااط ..


تبغون اقول ليكم فيلم اكشن عن ولااااااااادتي .. خخخخخخخ بس اخاف تخافون

فتون \\ هههههههههه اي مستشفى ولدتين ؟!!
اي ايي اكتبي قصه ولادتش
هههه اني احب اقرا قصص ولادة مال البنات اهني

هذي كيكه عندي مسوتنها من زمان .. عجيب طعمها .... بس التزين على قد الحال

حياااااااكم.. يالله وحده من الكروشات تجيب الشاي والعصاير وياها

ما طلعت الصوره هههه .. خخخخخخخ الحين بكتبها ليكم مسلسل مكسيكي

هههههه \\ يا الله ننتضر ,,
تصدقين خااطري في كيكة هههه

هذي صوره الكيكه مره ثانيه

شهيتيني على كيكة هههههههه طرشي قطعه

الفرقد 23;14003943:
يارا \\ يعني انتي الحين في السعوديه و زوجش في كندا ,,

سقاني \\ هههههههههه حزة الولادة عاد لا تنسينه في البيت !!
اني بعد سمعت بنات يقولون ان يرشون بنج قبل الخياط بس ما يأثر هههه الالم قوي
ههه الله يعين

زوجي يروح ويجي حاليا موجود معاي وبكرة بيروح ايران :'(:'(:'( ومابياخدني لاني بالثامن ومدارس

يتصفح الموضوع حالياً: 4 (4 من الأعضاء و 0 من الزوار) ‏الفرقد 23, ‏العروسة الناعمة, ‏هنوف المملكه, ‏فتون11

اهاا \\ يرجع بالسلاامة ان شاء الله !!
ايي صعبه عليش الحركة وانتي بالثامن الحين
وغي المدارس على ماقلتين
يا الله خيرها في غيرها

اخليكم الحين بروح اودي عيالي عند امي وبروح عندي موعد وسونار وادا جيت اقول لكم شصار
باااي

الله وياش \\
ننتضرش !!

اففففففف على طاري الاجازة الا خلصت .. باجر قعدة من الصبح وطيران عالجامعة :( مااشبعت اجاازة

اني بعد خااطري في كييييييييييييييييييييييك حلوووو وكلللللشي كلشي :)

الاحداث هذي في مستشفى جدحفص .. الله يعينكم على المسلسل المكسيكي طويل هههههههه

اما انا فكانت تجيني طلوق من الشهر الثامن لانه معي التهابات..الدكتوره قالت لي اني راح اولد قبل موعد ولادتي

وكل ما يجيني وجع كان زوجي ... يترووووع ويقوم يعمل لي حليب بالزعفران... عشان يحمي الطلق... وهذي سالفتي معه من يوم كنت بالثامن الين وصلت بدايه التاسع 36 اسبوع

كان احيانا يتصل لي يقول لي ها ما فيك طلق!!!

اختي و زوجه اخوي وبنات عماتي و صديقاتي و اخواني... الكل كانوا كل شوي يدقون علي من دخلت التاسع يسالون اذا فيني طلق او لا...

انا من زود ما يسالوني يأ ـست وطفشت وشلت هم فوق الهم الا عندي... كانه الولاده بيدي على كيفي...
اخرتها صارت نفسيتي زفت وقمت بعد اسبوع ( 37 اسبوع)

صكيت التلفون .. و زفيتاخر شخص سألني ( طاحت بر اس اختي) ...وقلت لهم ما ابي اولد الحين((( هههههه كذابه ميته ابي اولد)

المهم بطلت امشي ...وبعد 5 ايام ...اتصلت زوجه خاله زوجي..وقالت لي امشي كثير واكيد بتولدي..مدري ليه تشجعت وقمت ومشيت اكثر من ساعتين...وهلكت بعدها...واستلقيت على الاريكه( احسن يا لغه).. زوجي شافني تروووووع قال هاااااه بتولدي ...قلت لا ..بس كنت امشي ..وشجعني ومشى معي ..وقام يكلم بطني....هههههههه( طلعت فضايحنا... قال لبطني اطلع يا بابا خلنا نشوفك...امكم تحس فيك لانك ببطنها اما انا لا..

رديت عليه اخده...قال هاااااااااه...

قلت له بطني اخده شوي ريحني شوي وحس فيه وبعدين رجعه...قام يضحك..وانا كنت اتكلم جد.هسترت من التعب>>>

ثاني يوم قمت مشيت كثير وكان يوم الخميس
...ولما جت الساعه 12 رحت انام...

قبل ما انام تحميله الالتهاب ما دخلت حاولت كذا مره وما فاد... طنشت وما خليت الامر ببالي
الساعه 2 ونص حسيت بحراراه ..فرحت الحمام وانتوا بكرامه..فلقيت دم نزل علي...وكان فيني وجع زي وجع الدوره خفيف ببدايته... المهم قعدت زوجي قلت له بولد.... قال لي طيب ورجع نام...استلقيت على السرير..فز بعد 5 دقايق قال ايش... قلت له نزل دم بولد خلاص..

ورجع نام... ورد قعد بعد شوي قال ايش يعني اعمل لك حليب بالزعفران عشان يحمي الطلق قلت له ايه..قال اكيد..قلت له ايه
((((((هههههههههه تعقد مو مصدق اني بولد)
المهم قلت خلنا نروح بيت ابوي اقرب للمستشفى وكانت الساعه3 وربع نزلنا الدرج شفنا اخوه قاعد تحت اخذ منه مفتاح السياره...واخوه متروع يطالعني...يتسائل
بخاطره...( هههههههه عاد انا كان فيني الم بسيط زي بدايه الدوره.. وكنت اكل نازله وبيدي جوافه)

ههههههههه يوم شفت اخوه خبيتها وبعدين يوم لاحظت انه مو منتبهه رميتها... انحرجت وحده بتولد وقاعده تاكل! وسويت روحي تعبانه..هههههههههه ارقع الفشيله

وصلنا بيت الوالد..ودخلنا...حس الوالد بحركه استيقظ...وسألنا ايش صاير..قلت نام ما فيه شي بس بولد!

الوالده صحت من نومها.. و زوجه اخوي انا بعثت لها مسج نزلت تحت و قعدت معي ....تجمعوا معي بغرفه..قلت لهم يا ناس ما فيني شي لسه روحوا ناموا...خخخخخ قعد تهم كلهم من النوم وبعدين قلت ليهم روحوا ناموا نصااااابه.. قعدوا معي

للساعه4 ونص نسولف وبعدين كل واحد راح ينام...انا يومها ما نمت المهم اختي اتصلت لي لاني كنت باعثه لها مسج( ههههههه مزعجه ما بقى احد ما خليته يتروع)

وظلت تتكلم والصبح زوجي راح جابها.. والكل يطالع فيني يبون الطلق يشتد ويسالون فيك وجع اقول لهم لسه

تمشيت ...بنت عمتي قامت تتصل كل شوي واقول لها ساعه يروح الطلق وساعه يجي وهي كانت تتصل بحماتها تسالها عن الفتره الا ما بين الطلق والطلق...

المهم بيتنا من زود ما همهم مستعجلين عاملين لي دلال بعضها فيها حليب بزعفران..حليب بالسمسم.. وبعضها زعفران بس...

ويالله يا فلانه اشربي...هههههه محل تجارب الاهل صرت... المهم...

مليت من المشي قلت لاختي قومي بروح الصالون... امي مسكتني وين بتروحين!!

قلت لها بحف ...حالتي لله.. وعشان اتمشى...امي مو راضيه..قلت لها لا تخافي ما فيني طلق شديد..

رحت الصالون و تعدلت((( عارفه اني متفرغه))

وبعدين رحت اتسوق شوي ..و رجعت البيت ..

زوجي من زود ما هوخايف طلع الصبح من بعد ما وصل اختي ..شرد وبس كان يتصل فيني

المهم ...رحت المستشفى الساعه 1 الظهر يوم الجمعه( بعد انتظار دام 12 ساعة)

قالت لي متوسعه فقط 1 سم..رجعت البيت وانتظرت للساعه 11 بالليل وحسيت ان الوجع زاد كثير (بعد انتظار دام22ساعة)

.. زوجه اخوي لما شافتني اتوجع شردت..خافت لانها حامل ..المهم رحت المستشفى وقالت لي اني متوسعه فقط 2سم وقالت لي ..ابقي بالمستشفى.. لبسوني رداء الولاده...ورحت داخل الجناح...حسيت بخوف ورهبه.. ما كان هناك الا فقط وحده بتولد بغرفه ثانيه..وكانت متوسعه 3سم دخلوني الغرفه ...قعدت اطالع فيها...اشوف اشياء غريبه وتخوف..مقصات وسكاكين و قضيب واشياااااء ..

سالوني بعض الاسئله...وحطوا جهاز على بطني...

تعبت قلت لهم يشلون الجهاز وشالوه ...

راحت القابله ..قالت لي بولد متاخر كثير الصبح او الظهر..!

انا قعدت ادعي للبنات وللاحباب...

زاد الوجع ما بقيت احس بشي ..اناديهم وكانت الساعه 2 ..وكنت متوسعه 2 سم ما زاد التوسع

الساعه 3 تقريبا ولدت الحامل الا كانت هناك...سمعت صراخها وتروعت ..

ولما سمعت صوت ولدها قعدت اضحك رغم اني ميته من الوجع...ناديتهم قلت لهم متوجعه...قاسوه ليه قالوا اني متوسعه 2 فقط...حط علي الجهاز طلع ان فيني طلق شديد ..ولفتره طويله لكن ما اتوسع بسرعه...

ظليت ائن وادعي ...جت الساعه 4 وقمت استفرغ وينزل علي دم كثير..وصادني اسهال هههههه خذا كله من فعايل اهلي فيني ومن دلال الحليب وغيره ...وهذي حالتي اروح الحمام

اغير ملابس واظل هناك..يقوموا يطلعوني يخافون اولد بالحمام...

لما وصلت الغرفه كنت اهلوس لوحدي..اقول لهم لما اشتد الطلق كثير ما بولد امزح ..رجعوني البيت..لسه باقي علي كثير...

وساعه ثانيه اقول لهم شقوا بطني تعبت...وكل شوي استفرغ ويبدلون ملابس...

كانوا بيقسون لي كم توسعت ما رضيت تعبت من الوجع...

راحوا عني ..قمت ادعي لربي واهلوس واتشهد...

وخلا ل هذي الفتره اكثر من 4 حوامل ولدوا ...كلهم يجون يولدون وهم عقبي جاين وانا لسه....

الا اسمعها تسب هناك... والا ترفس الممرضه ووووو...

ولما بيدفعون الطفل..اسمعهم يقولون ما اقدر ادفع...انا بغرفه بعيده بس اسمع..اقعد اتكلم مع نفسي..ادفعي ادفعي ما باقي عليش شي..انا الا لسه ما بولد...كل وحده تجي تولد وتطلع الا انا..(
متحسره على حالي) قمت اصيح :)
شلت حالي وبروح الحمام بستفرغ للمره المليون..
من قبل كنت البس روب المستشفى ..اثنين

عشان يغطيني لكن لما اشتد الطلق اختكم ما تدري ..ما عليها... مين يدخل ومين يطلع..صرت سينما..

وصلت الساعه 5 وصار الوجع كل 5 دقائق وانا اصارخ ابي احد يدخل لي يشوفني.. الممرضات مو مصدقيني قمت اكذب قلت لهم اني بدفع الطفل..ركضوا لي بسرعه

وطلعت متوسعه 7 سم .. عطوني ابره عشان يسرع الطلق...

... بعدين فتحت الممرضه كيس الماء وتوسعت لــ 8
وظليت للساعه 7 الصبح و وصلت 10 ...بعدين قمت ادفع..القابله خوفتني قالت لي ان الطفل تعبان لازم ادفع بسرعه..وانا تعبانه ما فيني شده.. خلتني خلال 45 دقيقه ادفعه

شديت على نفسي كثير ..و ولدت 7 و 45 دقيقه...بس نتيجه هالدفع صار ت عروق الدم ظاهره بوجهي وجسمي...ولما طلع جابوه قبلته وكنت على وشك البكاء..لما بيطلعون المشيمه قعدت اسال بعد ادفع؟

ضحكت الممرضة قالت لا....طلعت المشيمه قلت لها وريني اياها ( وحده متفرغه ولادتي يومين وبدون نوم من 3 ليال وابغي اشوف المشيمه)

نسيت اقول يوم ولدت تحمدت لنفسي اني ولدت..ههههههههه:lol:

وبالنسبه للخياط ما قصرت فيني ..بس انا حاولت اني ما اركز على الوجع..

ظلت تخيط للساعة تقريبا 9..! اكثر من 12 غرزة...

مع ان طفلي صغير ...

وكنت افقد دم كثير وكل شوي تبدل قفا زاتها و المريله بسب كثر الدم الا نزفته..

هي تخيط وهي تهز راسها ..تقول لي الدم مو موقف... كانت بتنادي على الدكتوره..لكني دعيت ربي والحمد لله وقف دم الجرح...وقدرت تخيط...

طلعوني لاهلي انا والطفل ..


ام واب زوجي و زوجه اخوي وامي و ابوي كانوا هناك.. ولم شافوني تعبانه ما ارد على احد ولا ادري بالدنيا قاموا يبكون علي..

دخلوني غرفه العنايه المركزه..وكنت كل ما تغمض عيني من التعب اقعد بسرعه واطالع طفلي خايفه ينباق ..ههههههه بعد هالتعب..

كنت اطالعه لما اتوجع يعبس بوجهه..ولما ابتسم وانا اطالعه يضحك..شعور غريب سبحان الله...


الله يرزق الجميع يا رب...

ولدت قبل موعدي باسبوع و وزن طفلي 3 كيلو..

ومده الولاده تقريبا 33 ساعه ونص....

السيم ..( خياط) طاح مني لما تقريبا كملت الاربعين.وكنت ما اقدر اقعد او اتحرك لين ما وصلت لــ28 يوم

وصادتني مضاعفات كثير وكل مره بالمستشفى..

</B>

جوعتووووووووووني .. بقووم ادش المطبخ اسوي لي حلااااااااااااااااااااااااوة :)

هههههههههههههه اني بعد صار خاطري في كيكة

بعدين بطلع باخذ لي خخخخخ

الحين بقرا قصه فتون خخخخ

فرقد يوووووه عيوني ليش افاااااااااااا خديها نصها

هنوف حياش ذوقيها .. الله يغربل بليسك صار خاطري في السينابون
اول مره اسمع عن هذا المحل .. اذا فتح قول لي عشان اروح واجربه

العروسه حياش خدي قطعه ..ما فيني شده يصير في النونو شامه بسببي

العروسة الناعمة;14004563:
جوعتووووووووووني .. بقووم ادش المطبخ اسوي لي حلااااااااااااااااااااااااوة :)

ههههههههههههه يوووووووووه لا تحديني اقوم اسوي حلاوه متخيبه

الفرقد 23;14004585:
هههههههههههههه اني بعد صار خاطري في كيكة

بعدين بطلع باخذ لي خخخخخ

الحين بقرا قصه فتون خخخخ

خخخخخخخخ مسلسل طويل الله يعينك بس فيه اكشن