التجمع الثالث لحوامل شهر فبراير 2011

وعن الهدايا .. زوجي شهر 9 عيد ميلاده وقتها حامل وحالتي حاله بس ماضيعته .. شريت له جوتي لانه يعشق الجواتي ويحتاجهم للشغل .. وبوك ماركه مع غرشة عطر ديور ريحته تصلح للشتاء .. حاليا يستخدمه حدهاا روعه الريحه .. الجوتي كان في علبه بروحه نفسها علبه الجوتي بس وديتها محل يغلفونها تغليف عاادي مع شريطه حمرااء اما البوك والعطر فخليتهم في بوكس على شكل قلب وحطيت داخله ورد مجفف اخدته من لايف ستايل رحته واو .. وكتبت له بطاقه رميتها بين الورد وغلفته في محل مع الجوتي في جد علي بس نسيت اسمه .. جهزت طاوله وحطيت شرشف ابيض وورد احمر فوقه وسويت له عشااء صنع ايدي مع عصير ومقبلات كلهاا يحبهاا عدل .. لبست فستان وردي قصير ماكان بطني يبين عدل هههه خفيف حده .. ورحت الصالون قصيت قصه جديده لانه شعري كان تعبان ويحتاج قص وسويته عادي مع بف خفيف .. وحطيت ميك اب بنك على بيربل في البيت .. وبس ..هدرت واجد ادري ههه

الفرقد 23;13844142:
زيين استوو \\ يا الله عاد جيبيهم ورواوينا >> نبي نشوف تجهيزات احد !!
ان شاء الله حليوين صاروو

ولا احد منكم خلى تجهيزاته ..

اني للحين ما استوى الفراش هههههه فراش عروس مو فراش بيبي صااار

انا رحت سويت الاوردر تاريخ 20 -11 .. الشنطه خديتها من بره حاولت اركب الثيم على الفراش وباقي الاغراض .. انا ترى تقريبا كملت اغراضي بس زوجي نحيس مايرضى احد يشوف اغراض ولده بس بحاول احطهم ان شااء الله :lol:

يالقلادين انا بعد عيد ميلاد زوجي شهر 2


اخر 2 يعني بكون مربيه وفي بيت اهلي ان شاء الله

بس كالعاده ماعرف وش اخذ له

قلت بشتري له هديه وبخلي احد يحطها في الكبت كل مناسبه اسوي هالحركه خخخ احط الهديه في الكبت لما يطلع ثيابه يتفاجا


وبطلب له كيكه بخليهم يوصلونها له البيت وبسوي روحي ماعرف شي خخخخخخ


بجوف هالايام اذا قدرت اطلع باخذ له


بس محتاره شاخذ

ههههههههههههههه \\ شدعوة عاااد ما يرضى

اني يوم اوصي على الفراش في الشهر الرابع والحين اني في السادس وللحين ما استوى
الان شغل ايد ..

ههههههه عجبتني فكرة الكبت !!

اخر مرة شريت له بوك من قيس وفوانيل من الكوت خفاف حلوين للصيف ..
فكرت اخذ له جاكيت بعد هالمرة جاكيتاته صارو قديمين يبي له جدد
شكلي باخذ نضاره وجاكيت بكنسل على العطر هههههه

الفرقد 23;13844206:
ههههههههههههههه \\ شدعوة عاااد ما يرضى

اني يوم اوصي على الفراش في الشهر الرابع والحين اني في السادس وللحين ما استوى
الان شغل ايد ..

بس اجيبهم بحط صورهم ولا يهمج .. وين سويتي المفرش .. ؟

بنات خلص مفرشي اخيرا

عاد الحين انطر احد يروح البحرين يجيبه لي :(

اول ما يطرشون لي صورته براويكم

سويته عند وحده في عالي مو معروفه اهي واجد بس مال عالي ازيد شي اشوف يسوون عندهاا
يمكن الانها غاليه شوي

سويت عندها بعد غطى للمرضعه

و وديت لها لحاف وقبعه عشان تسوي مثل الفراش يعني يصيرون طقم شي جدي يعني خخخ

هههههه سقاني بجيبه افا عليش خخخخخ

بجم سوته اليش ؟؟!! مثل السعر الا قلتين عنه ؟!

وشنو وياه ؟

امم انا مهددتني زوجة خالي على التجهيزات قالت لي لا تاخدين شيء كل شيء باخده لج .. هديه عااد واهي من عالي بس ماقالت لي عن هل وحده .. مسكنه زوجة خالي طيبه حدهاا وموتها الهدايا والاغراض الكشخه حالها حال مال عالي ههه

سوته ب 100 دينار

مفرش الام

وقبعه وبدله ومهاد للبيبي

وغطا للمرضعه

والمرقد اللي يحطون عليه البيبي

ومدس

وجلابيه حقي

ههههههههههه \\ الله يخليها اليش ..
اني بالعكس مارضيت احد يتدخل في اغراضي او بالاحرى ما احب احد يتدخل ..
حتى امي ما تدري شنو شريت وشنو بشتري ههه مع اني اول بنت واول بيبي بجيبه اليهم
المفروض احد يساعدني بس ما احس ان ضروري

هههههههههههه ضحكتيني نفس مال عالي >> خخخخ معروفين مال عالي بأغراضنا الكشخه خخخخخ

قلت بعد ابي اخذ فراش نااااااعم ومافيه شي ولا ابيه غالي واجد عشان البيت يعني ..
وذاك بخليه للطلعات وللكشخه هيك يعني !!

سقااااني \\ واااااااااجد زين ب100 دينار ..
عليش بالعافيه انتي والبيبيييي ..

ان شاء الله من تجيبينه تراوينا اياه هههه

ماشاااء الله كلكم متفقيييييين على شهرر 2 عجل عشاان يصير بعيد ميلاد ازوااجكم ولا بالصددددددفة

اني مو بالصدفة لاني كنت امبي اولد هالشهر :)

يالله موجة حطي لنا صوورة فرااشش خلنا نشوووف

اني سويت وااحد بس لحد الحين اسبووع الجااي يجهزز صار له شهر

والثااني للحين مارحت اخترررت احارس الاولي يستوي واشووف شكله ويش عشان اقرر للثاني وما انصم :)

ههههه \\ اني ما ادري صراحه من الله جت جدي شهر 2

ايي انتضري الاولي شوفيه بعدين قرري من وين تاخذين الثاني

اني الثانيه ابيه حده نااااااااااعم حده \\ قلت بروح النجم الجميل بشوف شنو عندهم !!

موجة وينه يصير اشراق رضيع؟

العروس الناعمه وينه سويتين الفراش ؟!

هههه اييي \\ حليو جدي تحصلين اليش ناس يساعدونش

اني كلش ما رضيت احد يتدخل \\ بس خالتي عطتني سرير بنتها وقلت اليها ترى بغير الفراش الا فيه وجدي
ولا قلت حق احد شنو فيني بنيه لو صبي خخخخ
ما ادري احس اني ابي اشتري على راحتي وعلى ذوقي
بعدين بيشوفون كلشي

هاذا السايت خيوو \\
ننتضر الصور

http://forums.3roos.com/uploader.php

اشراقة رضيع انا ماكنت اعرفه بس البنات تبع المنتدى وايد تكلمو عنه في مواضيع قديمه في فرعين واحد في جد علي وواحد منامه .. وشفت شغلهم عند وحده من اهلي شنطة ولدهاا عجبتني وسالتها من وين قالت من عندهم رحت وزوجي كان معصب وقتها .. لاني ماكنت ادل المكان وهو مايحب اشتري اغراض للبيبي ومعاي احد ماادري ليش !! وكانت معاي بنت خالتي .. وقتها ماكنت بسوي لاني احترت وايد بس لانه معصب قلت اسوي احسن لي لا يعصب زياده ههه

اني الفضيحه زوجة عمي تحلم بكل وحده من العائله اول ماتحمل الوحده وتعرف شنو بتجيب والله اختي الفرقد يات لي واني توني دريت اني حامل ومحد يدري بعده وقالت لي انتي حامل وبتجيبين ولد قدام الكل .. وقالت ابي هديتي لاني قبل المستشفى وقبلش عرفت شنو بتجيبين ... ساعات اقص عليهم اقول بنيه واشتريت وردي وهل سوالف محد يصدق .. بس فراش السرير خديت اثنين واحد بيج وواحد ازرق مادركير الدب البيج والسيارات الازرق اتوقع تعرفونهم ..

اييي اني اسمع عنه بس ما ادري عنه وينه يصير \\ ما اعرف محلات البيبياات كلش

اني بعد ما احب اروح مكان ما ادليه اتملل واعصب بسرعه خخخخ

والشنطات الا يجون اطقم ويا الفراشات وجدي ما احبهم ما ادري اليش ..
مع ان اشوف عند الناس حلوين ..
بس كلش ما استلطفهم .. احس ابي شي غير ما ادري شنو ..