التجمع الثالث لحوامل شهر فبراير 2011

ببنااات احس الرفسات في كل مكان اكثر من قبل و وصلت الرفسات الى فوق هههه احس لو اكلت اي شي وحصلت رفسه يطلع الاكل
بس مازال بطني نازل على تحت وشكلة نفس الجحه هههه

والحين ,, تقريري المفصل عن موعدي اليوم
إحــــم إحـــــم

طبعاً مو عدي اليوم ماكان من الصبح , كان الساعـه 11:15
رحت قبل الموعد بربع ساعه وكان قسم الرعاية شبه فاضي , اخذت فايلي من عند الكاتبة ودخلت على القابله قاست الضغط والوزن وجيكت البول - عزكم الله -
والحمد لله كل شي تمام واني عيوني تبصبص ع الفايل ابي اشوف نتيجة تحليل السكر , بعدين قالت لي روحي المختبر جيكي الإتش بي
اني كنت خايفه انه نازل لأني بصراحه يوم آخذ الدوا واسبوع لأ ,, بس الحمد لله طلع الإتش بي 12

بعدين رحت للدكتوره , وقامت تطالع في الفايل , قالت لي كل شي تمام
الوزن والضغط والأبوال ونتيجة السكـــر اوكي وانتي الحين الاسبوع 30 تقريبا
يالله قومي عالسرير
وبعدين دخلت علينا دكتوره ثانيه وقامت تسولف وياها عن تحويلي وإني لازم أتحول على السلمانية لأني طارحه ووالده قيصري
فتحت الستاره وقلت لها انهم كانوا يبون يحولوني من بداية الحمل بس اني ما رضيت
قالت لي لا لازم تتحولين هناك
انتين عندج جرح في الرحم ونخاف تكون في مضاعفات ,, عند البعض ينفتح الجرح من كثر الضغط
ان شاء الله ما عليج شر , بس لازم يشوفونش الاخصائيات

عقب هالنقاش جيكت على الدبة وسمعتني نبض النونو , وكل شي عال العال
بعدين عطوني موعد للسلمانيه واقرب معد كان 27 / 12
وبنشوف وش يصير

هنوف : اكيد بكشخ
وفصلت لي فستان ناعم , لونه ازرق مثل قوطي البيبسي << لون جديد ما لبسته من قبل

جمال الزهره \\ الحمد الله تطمنتين
اني موعدي لتحليل السكر باجر \\ وان شاء الله اقدر اشرب الا يعطوني اياه ويتم كلشي على خير يااااارب ادعوو ليي

عن لون افستاان اييي حليو هاذا الون واجد عجبني اول ما نزلت موضته وصار خاطري اسوي ليي بس ماعدنا احد بيعرس ههههههه

لاااا كلش مافيني شدة تحويل ولا يعديون لي التحليل
ان شاء الله يااارب مافيني شيي

اني كنت خايفه من نتيجة السكر لان في فترة اللي سويته كنت آكل كاكو واجد

الله لا يحوجكم للتحويل ,,
المراكز الصحيه افضل من السلمانية

السلمانية اخصائيات بالاسم بس
يعني بحملي بهدوي كنت على زينب الجفيري , الله وكيلكم ما شفت رقعة وجها
كل مرة اروح ادخل على دكتورة غير .. وحتى في الولادة ما شفتها
خو ولدت في جدحفص من جذي ما تشرفت بشوفتها
بنشوف هالمره تتكرم وتدخلني عليها لو ادخل على الدكاترة اللي تحتها كالعاده

يعني الوحده لااااااااازم تروح خاص عشان تطمن
لأني عارفه نظامهم حازبه هالمره من الروحه

موجة غرام : يا هلا فيج بينــا حبيبـتــي
الحين بضيفج عاللستــه

أمون























17/2/2011

































[/COLOR]

:thumbs_up: صرتين ويـه من نوادر العرب

مراااحب كرشرش

شخباركم


وي فشله من شوي طلعت من المكتب رحت الكافتيريا اشتري ايس كريم سندويش كالعاده خخخ

وانا راجعه المكتب كنت امشي في الممر وعاد خبركم شلون المشيه الحين جني بطه

حسيت بنفس النغزه في ظهري فمسكت ظهري ومانتبهت ان في احد وراي

الا واحد مسكين يقولي اختي تبين اجيب لج ويل جير (كرسي متحرك ) خخخ

والله تفشلت حسيت نفسي عيوز مغبره كح كح كح

سقانـــي : :lol: عادي حبيبتي
تحدث في احسن العائلات ,, اليوم في المستشفى لما جيت عندالصيدليه كان زحمه وشافني رجال كان واقف بالصف وقال لي تفضلي ,, يبي يخليني اوقف بالصف قدامه عشان اخلص بسرعه
شكلي كسرت خاطره
شاف المشية بطه والدبـة كوره
والحاله شنعــه :-#

بخصوص التوزيعات بعترف لكم بجريمتي الشنعاء خخخ

انا زوجي مدمن شي اسمه عود

غرامه العود سواء خشب ولا دهن ولا حتى عطر وكريم

مايهمه كم السعر اذا كان عود عادي بيدفع وانا انقهر اقوله بس استخدم اول اللي عندك

ف تخبرون التوزيعات اللي قلت لكم دهن عود

الله يسلمكم هو ماخذ غرشه كبيره ماعرف وش يسمونها يعني مادري كم توله

وخاشها على قولته تتعتق يقول كل ما طالت مدته كل ما صار احسن

ف من ايام انا فتحت الكبت وشفته قلت حرام بيتم جي خل استفيد منه

رحت السوق وخذت غراش فاضيه حلوه اشكالهم وعبيتهم منه

الغرشه الوحده فيها ربع توله تقريبا

وحطيتهم في بوكس وخشيتهم للحين ماقلت له

انطر وقت اجازته لما يكون رايق عشان اصدمه اذا عطاني القرين لايت بعدل فيهم وبحط بطايق

واذا مارضى بشوف لي شي ثاني

شرايكم فيني خطيره صح :)