جربتي ايه و عجبك ؟ و جربتيه ايه و طلع مش حلو؟ يللا تعالي قوللي

ام فارس لا بيبقى نفس الطعم والله بس ممكن بيفرق ف الحلويات طبعا


كات لولو الكل بيشكر فى باراشوت هاتيه وان شاء الله هيبقى حلو مع انى باين جبت كريم باراشوت ده بس ابيض ف اسود من هنا وطلع وحش مش عارفه ؟؟؟

.









علي فكرة يا بنات انا جربت طحينة سبينس وطعمها غريب اوي ماعجبتنيش والكاتشاب بتاعهم حلووو


وفيه نوع كاتشاب جديد اسمه durra حلو اوووووووووي وكان نازل عليه عرض واحد حجم كبير اوي عليه واحد صغير سبايس وكان جديد عليا الكاتشاب السبايسي دة وعجبني اوي

hoobie;13777310:
يابنات زيت الكانولا ده نلاقيه فين وهو النوع اسمه كده وللا ايه ؟؟ انا برضه مش بطيخ نهائي بسمنه على فكره ولا بشتريها اصلا بطبخ بزيت درة وبحمر في زيت عباد ..واحيانا لو عاوزة طعم الزبده بحط حتة زبدة صغيره مع زيت وبقالي سنين ماشيه كده الحمدلله

اللي جربته من يومين وطل طعمة حلو اوي موسلي بولندي اسمه sante حلو اوي اوي للي بيحب الموسلي وفيه فواكه مجففه وزبيب وأكلت منه محمد ابني شويه وعجبوه بس بصراحه بيحب الكورن فليكس اكتر

سؤال بقى الى سووووسي ..قوليلي ياقمر جبتي منين باراشوت الهندي لاني نزلت النهارده دورت على الهندي ومش لاقياه خالص وشكلي هشتريه من التاجرات اللي على فتكات اللي بيجيبوه من السعوديه بيبعوا الكبير ب35 ..فكنت عاوزة اعرف بيبتباع هنا فين واشوف فرق السعر

والله يا هوبي بجيبه كل مرة من مكان مختلف وكلهم هند بس اخر واحد كمان ماكنتش جايباه من صيدلية كنت جايباه من فتح الله اللي عند شيراتون المنتزة دة وب 30 ممكن نخلي ام بودي تسألنا :p
طيب انتي شوفتي في العزبي او سيف او علي ايمدج وكدة ؟؟؟؟

cat lolo;13779820:
هو كريم باراشوت احسن ولا كازانوفا ؟
انا عايزة اشترى كريم بس محتاره بين الاتنين انا شعرى جاف

بصي يا لولو انا الاول كنت بستخدم كازانوفا علي طول كان حلو معايا اوي وفي مرة جربت باراشوت بالصدفة فعجبني اكتر وغيرت بقي علي طول بقالي 3 سنين اهو او اكتر
بعد ماجربت باراشوت حسيت انه كازانوفا كان تقيييل اوي علي الشعر وبيلزقه عن دة وكمان باراشوت ريحته احلي









.

.رورو باراشوت الابيض في اسود ة بإيه ؟؟؟





.

سوسي انا سألت في العزبي وفي سيف وملقتش غير الصناعة المصري ..جبته مؤقتا بس مش لاقيه خالص الهندي

ام فارس2010;13777410:
بس ياجماعه هو الاكل هيبقى نفس التعم؟؟؟؟متهيالى هيبقى ماسخ كدا

لا ياقمر خالص بالعكس ده بيبقى طعم جدا وزياده على كده خفيف على معدتك متحسيش انك اكلتي بقى وتقلتي كده

hoobie;13780464:
سوسي انا سألت في العزبي وفي سيف وملقتش غير الصناعة المصري ..جبته مؤقتا بس مش لاقيه خالص الهندي

طيب بصي يا هوبي انا بتاعي لسة مخلصاة من يومين وبإذن الله هاجيب واحد تاني في اقرب وقت انزل فيه ان شاء الله لو لقيته هاقوللك فين علي طووول يارب الاقيه بس واضح كدة انه اختفي ربنا يستر

lifedrop;13769958:
انا جبت حمام كريم فاشكول حلو
بوناويل بالمشمش ريحته حلوة اوى
احسنهم بقى معايا جربته مرة واحدة وكان خطير
لا كارتيه بجد تحفة
بس مش عارفة على طول ولا فى الاول بس


الينسيز انا بستخدم بوكس من بوش اند لومب فيها 3 كل واحدة بتقعد من 3 ل 4 شهور ب130 تقريبا

جبت برفيوم لجوزى من اورفيليم اللى هوا جلاسير ريحته مش ثابتة بتاتا البتة
دة مؤقتا لحد ما اعمل ريفريش للذاكرة ان شاء الله

غريبه ده جوزى مدمن جلاسير دى وبتثبت فى الهدوم حتى لما بتتغسل

ناني فيبس;13776298:
نطبخ بزيت الزيتون او الكانولا زي ما مكتوب في المقال

وفعلا نستخدم السمنه او الزبدة في اضيق الحدود زي ما ام عمر قالت بالظبط لكن مش كل يوم ومش نحط مغرفه لا يادوب نص معلقة مثلا

ويا جماعه الزيوت من قال انها ما يطبخش بيها وانها تستخدم باردة بس ازاي يعني

لا طبعا بيطبخ بيها لكن مثلا مايتقليش بيها ومع ذلك في انواع مخصصه من زيت الكانولا للقلي

وزيت الزيتون غير البكر ودرجة اولى نقدر نستخدمه على السخن عادي جدا

انا تهت منك يا نانى يعنى استخدم ايه للقى والطبخ استخدم ايه وبالذات الرز وايه على البارد وايه على السخن والكانولا ده القيه فين وزيت الزيتون البكر لايه واللى مش بكر ههههههههههههه لايه انزلى بتقرير بقى من تقاريرك الجامده

ازيك يا بنااااااااااااات

موضوع جميل

انا عندي كريم بارشوت الازرق في ابيض هو حلو بس بحس ان ريحته جامده قوي
فا لو حد هيجربه يجيب الصغير احسن

انا بقي بفضل الزيوت اصلا بحس ان شعري بيكون احسن معاها وبستخدم زيت املا بالياسمين وعجبني قوي ورحته جميله مش زي املا العادي
وبستخدم شامبو وبلسم ترسمي حلو قوي قوي
وجبت حمام كريم بزيت الحيه حلوه قوي قوي مش فاكره اسمه بالظبط تقريبا جود ليف

انا فعلا سمعت علي زيت الكانولا ده بس مجربتوش
هو الاحسن لما اجي مثلا احمر شويه بصل للطبيخ احط البصل قبل مايسخن
انا فهمت كده من كلمكم صح كده ولا ايه

لا القصد ياميرو انك تحطى زيت زتون مثلا على البصل ف الطاسه قبل ماتحطيه ع النار وبعد كده حطى ع النار بقى وقلبى فهمانى يعنى زيت الزتون لا يقدح وانا افضل اى زيت مايتقدحش اصلا الا للقلى بس طبعا

سوسى هشوفلك اصل اديته لاختى ؟؟ بس مش حلو يمكن الازرق ده الللى بتقوله عليه حلو

هى بصراحة مسألة السمن و الزيت دى فعلا مشكلة بس انا ماما بيجيلها زبدة بلدى قوالب كدة بتسيحها و تعمل منها سمنة و بناخد منها انا و اخواتى و انا بحب أخد قالب زبدة بعمل بيه الاكل بدل السمن لان مرة دكتور قاللى هاتى الزبدة الفلاحى القوالب اطبخى بيها بلاش تسيحييها خالص كدة اخف و صحية اكتر بس هى المشكلة انها لازم تحطوها فى الفريزر لانها بتبوظ فى التلاجة بسرعة
بالنسبة لزيت الزيتون انا بستعمله كتير و سمعت عن زيت الرز كمان بس هو غالى اوى الربع لتر ب 17 جنيه هو زيت الكانولا بكام يا جماعة؟؟

سؤال للبنات اللى بتستعمل العدسات الملونة اجيبها منين فى المهندسين او الدقى و ايه افضل ماركة للى مجربين
و فى حد قال عن عدسات ملونة 3 مع بعض بيقعدوا 3 شهور منين دى و ماركتها إيه لانى نفسى اجيبها بس عايزة حد مجرب يدلنى و جزاكم الله خير

موون
اللى قالت على العدسات هوبي قالت انهم ماركة جونسون بس بطلو ينزلو

انا كنت بجيب من مركز الصياد للعيون في فرع في المهندسين

وبعدين جبت من المرة الاخيرة من مركز في الاسكندرية اسمة كتراكت حلوة اوى احسن مرة جبت فيها لسنسز بجد

انا جربت كريمات و زيوت للشعر و خلطات اشكال و الوان و مفيش اى حاجة عجبتنى مشكلتى ان شعري ناشف اوى اوى و الزيوت بتنشفه اكتر و بديل الزيت اول ما بحطه حلو بس اول ما شعري ينشف بيبقى كأنى حاطة جيل اللى كان نوعا ما كويس كان زيرو فريز بس الدكتور قاللى بيوقع الشعر :(
حد شعره ناشف و مجعد جرب حاجة و طلعت كويسة

طيب يا أم مايا كانت نوعها إيه و فيها الوان حلوة و هل ممكن نجربها قبل ما نشتريها علشان نشوف اللون لايق علينا و لا لأ

يسمة الإسلام هو السيرم اللى انتى بتقولى عليه اسمه Tress مش Trees صح و هو عامل زى الزيت مش تقيل زى السيرم اصلى جربته بردو على فكرة نفس الشركة عاملة شامبو و لوشن أسمه Rego الشامبو حلو اوي للقشر و مش يبنشف و ريحته حلوة و اللوشن محسيتوش فرق معايا و لا السيرم بس السيرم بيخلى الشعر مزيت اوى و بينشفلى شعري لان انا أى زيت يبخلى شعري زى السلك المواعين بالظبط و لاالأرايل اللى بتبقى طالعة من كل حتة نفسى الاقى حاجة تنيمهم و تهديهم و تنعمه شوية انا زمان كان شعري حلو مش عارفة إيه اللى جراله

زيت الكانولا هوا اسمه كده زيت كانولا زى ما زيت الدره اسمه كده وزيت عباد ماشى بس فى منه انواااع بقا يعنى انا هنا بجيب بتاع زيت جنان اسم الشركه يعنى فهمتونى ولا ايه
هوبى ايه هوا الموسلى دا

ام مـايا;13783095:
موون
اللى قالت على العدسات هوبي قالت انهم ماركة جونسون بس بطلو ينزلو

انا كنت بجيب من مركز الصياد للعيون في فرع في المهندسين

وبعدين جبت من المرة الاخيرة من مركز في الاسكندرية اسمة كتراكت حلوة اوى احسن مرة جبت فيها لسنسز بجد

ام مايا المركز اللي في اسكندرية فين ؟؟ في ميامي؟؟؟و كان العدسات سعرها كام ؟

كنت عايزه اسأل البنات اللي جربوا العدسات هي فعلا مش ينفع تقفي في المطبخ بيها يعني درجات الحراره العاليه بتخليها تأثر علي العين بشكل سلبي ولاإيه ياريت اللي بيستخدموهابشكل دائم يقولولنا

§نورهان§;13785435:
كنت عايزه اسأل البنات اللي جربوا العدسات هي فعلا مش ينفع تقفي في المطبخ بيها يعني درجات الحراره العاليه بتخليها تأثر علي العين بشكل سلبي ولاإيه ياريت اللي بيستخدموهابشكل دائم يقولولنا

ممنووووووووووووووووووع تمااااااااااااام لان انتي عارفه ان ده بلاستك ولو ساح هتبقا مشكله طبعا هوا بلاستك مقوي بس قابل ان يدوب
انا سمعتها قبل كده وحصلت ادامي واحده في كوافير لابسه لانسس وبتعمل شعرها من حراره السشوار اللنسس اتكرمشت في عنها الحمد الله انها مسحاتش علي عنهاااااا
وانا مره نسيت ودخلت بيها المطبخ اجيب حاجه من الفرن والحراره طلعت علي وشي حسيت الدنيا مشبره وجررررري وقلعتها
انما لو هتتطبخي عادي ولازم تلبسيها حولي قدر الامكان تبعدي وشك عن دخان سخن او حراره ويستحسن بلاششش خالص

موون
انا بصراحة مش فاكرة الماركة نهائي
بس المراكز الكبيرة زى دى بينفع تجربي اللون بيكونو حاطين واحد تستر كدة بس انا مش بحب اجرب بصراحة

مانيا المركز لية كذا فرع بس الفرع اللى اقصدة في وش الاكاديمية البحرية اللى في عبد الناصر
جنب ابو ربيع وراديو شاك والكلام دة
مش عارفة سعرها بالتحديد لان جوزى اللى دفع وقتها وهو مبداة مش بيقول دفع كام ههههه بس في حوالي 200 وشوية

انا كمان مستنية جوزى يجى علشان نسافر اليكس واجيب واحدة لون تانى ابدل فيهم

money608 السيرم tress انا حلو معايا انا عشان فى فتره علاج كمان بحطه كل يوم الدكتوره قالتلى كده هو اه بيزيت الشعر بس انتى متحاوليش تكترى ولو شعرك بينشف من الزيت خليكى فى الكريمات احسن وهاتى حمامين الكريم اللى كنت كتبتهم حلوين اوى وهيطرو الشعر
بنات انا جبت كريم اصاله بتاع الشعر اللى هو بيتحط بعد مانشيل الشعر بالسويت هو بنبات السعد وانا بصراحه جربت حاجات اصاله حلوه بس لسه مجربتش الكريم ده ساعه السويت بتاع الجواز هقولكم فاضل بتاع شهر ونص ههههههههه استنونى بقي