الـبـدره;13819884:
مساء الورد يا بنات
فديتكم اللي سألتو عني
انا بخير والثقل زايد ودوام وابي اخلص شغلي بسرعه قبل الاجازة
واحاااااااااااااااااتي فحص الدكتورة للرحم وايد خايفه :(
وموعدي هالاربعا وان شاء الله خير
:
يلا بنات خلصو تجهيزاتكم ماباقي شي
اهلين البدره ان شاء الله كل امورج بخير اهم شي تطمنينا عليج
وعلى التوسع ما جربتها ولا مره
تذكر يوم;13820036:
سلام عليكممممم كروششششششات
غبت عنكم امسسسس اودري ماعندي سالفه
امس كان عندي موعد في السلمانيه فما رحت الجامعه رحت من صباحة الله خير وووودخلت على الدكتوره وقالت لي الالتراساوند اوكي حجم البيبي يعني الفرق اسبوع ولا اسبوعين ما تاثر
وسالتني اذا سويت فحص السكر من بعد الفحص الثاني قلت لها لا الا تقول لي عيل لازم نعطيج علشان نشوف السكر عندج اللحين شلون
تمللت بصراحه من تحاليل السكر
المهم قالت بتعطيني تحليل فاطر صائم بس من خلال بحثي في النت فهمت انه اصوم وياخذون مني دم وبعدين اكل اكل عادي وووووياخذون مني دم بعد الاكل يعني ما يعطوني جلوكوز صح اللي فهمته ولا انا غلطانه ؟!
المهم بعدين قلت لها مدام انه البيبي بخير ليش ما ترديني على المركز الا تقول لي انتي كلها اسبوع او اسبوعين وبتولدين وفرضنا انج تاخرتي على ولادتج بيحولونج على السلمانيه فما له داعي انج تردين اللحين المركز
وثاني شي اهني عندنا نسوي تحاليل للسكر اكثر وجي
يعني الاهتمام اكثر
مع اني ماشوف هالشي منهم
المهم مارضت تعطيني فايلي او تحولني
وووووزعلت وايد من هالشي لاني تمللت من روحة السلمانيه كلششششششششش موب حابتها ومادري شلون الناس اتابع من بداية الحمل هناك او نص الحمل لا اسلوب لا تعامل وووولا شي فيه شي عدل
المهم اللحين انا باجر بسوي تحليل السكر وادعولي ان شاء الله كل شي تمام
وبعد ما رجعت من المستشفى طبعا تهاوشت مع ريلي في السياره حطيت الحره فيه خخخخخخخخخخ بدون سبب
ورجعت البيت من القهر قعدت اغسل لثياب وباقي ثياب البيبي لييييي الساعه وحده ونص
وووووانسدحت اريح بعدها ويه زوجي من الدوام
ووووتغديت وووورجعت غرفتي ونمت ليييي الساعه سبع خخخخخخخخخخخخخخخخخخخخ "" حاله نفسيه ""
وقعدت الساعه سبع وصليت وجابلت التلفزيون اطالع مباراه كاس الخليج خخخخ
وكملت على الساعه تسع وتعشيت وووووقلت لريلي يوديني الممشى
ورحت الممشى بس هالمره ما مشيت نص ساعه بس ربع ساعه
لانه يوم كملت الكيلووو اممممممممم الا صايدني شد عند خاصرتي وموب قادررره امشي
ريحت شوي وابي امشي بعدها موب قادره الالم موب راضي يروح عني
خليت ريلي يكمل الجرييييي
وانا انتظرررت على الكرسي ليما خلص اهوه ورديت البيت على الساعه 11 الا
وووتسبحت ووونمت ووووووصحيت الصبح على الجامعه وتوني راده من شوي صليت وييتكم
هاي اخبارررررري .. وتوقعت يعني يوصلني مسج ولاده شي مني مناك
ابد لا حياه لمن تنادي خخخخخخخخخخخخخخخخخخخخخخخخخخ
يالله هانت ما بقى شي الله يسهل عليكم جميعا
وانا من جم يوم شريت لدلال وصواني التقديم والستكانات والفناجين ووووكل شي وافتكيت
بقى علي بس اشتري لي انا ثياب حق البيت
واغراض الصيدلية ووووبرزت ثياب الياهل حق الشنطه بقى علي ارتبهم حق الشنطه
ايه وعلى هالاسبوع ان شاء الله بوصي حق المعجنات والكاكووو امممممم
والله يسهل علينا جميعا
وعليكم السلام اهم شي كل شي بخير والله يسهله
ايه خلاصي امورج لان الوحده لان ما تعرف شنو راح يصير معها مع الايام
وعلى المشي امشي ربع ساعه ومن بعده زايدي واذا حسيتي بي اي الم او شد ارتاحي
والتحاليل انج تصوم 12 ساعه او 10 ومن بعده ياخذون تحاليل ويخلونج تفطرين
بس تحالصين الوجبه تحسبين الوقت لمدة ساعتين وترجعين تسوين التحاليل مره ثانيه
هذا اهو التحاليل
روح المعالي;13822323:
السلام عليكم
شخباركم؟؟؟؟
امس كان عندي موعد الحمدلله كل شي زين وسمعتني صوت المشيمه الحمدلله زينه وعطتني موعد يوم الأحد الجاي
5-12 للطلق الصناعي تقول لي مابخليج اكثر حتى ماتتكرر قصة ولادتج الأخيره بجنين متوفى
انه متحمسه بفتك من الثقل وبشوف بنوتي نور عيني وخايفة اني اطول واحتاج اكثر من تحميله
دعواتكم
الحمد الله انه امورج كله بخير كيف سمعتي صوت المشيمه جديده على هذي
الله يسهله عيج يارب ويساعدج على الطلق الصناعي
وتشوفي البنوته في حضنج يارب