استفسارات وتساؤلات الامهات عن كل شيئ)الجزء السادس(

بنات انتو بتتكلمو عن سعر نان فى مصر العلبة الصغير ولا الكبيرة .... الكبيرة عندى بجيبها بحاجة وستين درهم يعنى فى حدود 100 جنيه والصغيرة حاجة وتلاتين يعنى بتاع 50 جنيه مصري .... هوا مش ريحته وحشة ولا حاجة انا شايفاها طبيعية وبالنسبة للكلكعة ممكن عشان الميه سقعه دفيها ورجي كويس

مشكورررة حبيتي على ردك وعدم تجاهلك ..

الله يسعدك يارب دنيا وآخرة ..

انا حفظت اسم الكتاب عندي وبنزل ان شاءالله في اقرب وقت اشتريه ..

اشكرك مرة تانيه F:

العفو حبيبتى ان شاء الله تستفيدي ...

اه قعديه ودربيه على القعاد كدا من 4 ل 6 شهور ان شاء الله يقعد فى الفتره د

وقصيله ضوافره دايما مش هيعور نفسه

انا بقعده بس مش كتير يعني وقت التكريع بحسه بيتكرع اسرع لما بيقعد وبسند ضهره وراسه بايدي .... طيب ليه كلهم بيقولو من خمس شهور يا ام ياسين ؟

وبالنسبة لضوافره بقصها بس ما شاء الله بتكبر بسرعة وحتى لو مقصوصة... طول النهار حاطط ايده يا على وشه او فى بقه ههههههههه

رجائي رضا ربــــي;13888496:
انا بقعده بس مش كتير يعني وقت التكريع بحسه بيتكرع اسرع لما بيقعد وبسند ضهره وراسه بايدي .... طيب ليه كلهم بيقولو من خمس شهور يا ام ياسين ؟

وبالنسبة لضوافره بقصها بس ما شاء الله بتكبر بسرعة وحتى لو مقصوصة... طول النهار حاطط ايده يا على وشه او فى بقه ههههههههه

يا جميل مينفعشي يقعد قبل 4 شهور ابنك في التيكر مكتوب لنه لسه مش كمل الأربع شهور صح؟

أكيد بسبس مخدتش بالها من التيكر بتاعك

رجائي رضا ربــــي;13888474:
بنات انتو بتتكلمو عن سعر نان فى مصر العلبة الصغير ولا الكبيرة .... الكبيرة عندى بجيبها بحاجة وستين درهم يعنى فى حدود 100 جنيه والصغيرة حاجة وتلاتين يعنى بتاع 50 جنيه مصري .... هوا مش ريحته وحشة ولا حاجة انا شايفاها طبيعية وبالنسبة للكلكعة ممكن عشان الميه سقعه دفيها ورجي كويس

ايه ده هو فيه منه حجمين هنا مشوفتش غير حجم واحد اللي زي الابتاميل بالظبط ب 37.5

بس هما بيتكلموا عن 26 s دلوقتي مش نان، وهجرب كده ادفيها واشوف العيب من المية ولا منه، اصلي متعودة ابتاميل بعمله بالمية الفاترة دي عادي جدا

صوت العيون ʚϊɞ ام سندس ʚϊɞ;13881367:
من بعد 8 شهور ان شاء الله بدخلى لحمه مفرومه بس
السمك مشوى من بعد 6 شهور

أجمل ايام العمر;13881432:
انا الدكتور قاللي السمك بعد التامن و اللحمة لما تكمل سنة و عملت كدة الحمد لله

lيرسى ليكو يا بنات على اهتمامكو و ردكم

ههههههههههههه لحمه واستيك كمان هههههههههه

لما يتم السنه عشان اقل من سنه ممكن تجيبله عفونه فى بطنه بس كبد الفراخ من 6 شهور وصدر فرخه مسلوق كمان

عفونه فى بطنه؟؟
لاااااااااا بلاها اللحمه بس انا كنت بسال عن السمك مش الاستيك يا ام ياسين واضح ان الحال من بعضه النظر راح خلاص:D:study:
ميرسى على ردك يا قمر

ما شاء الله الموضوع جميل ومفيد
انا لى سؤال بنتى عندها سنه و8شهور وغالبا باكلها زبادى فى الفطار والعشا واواقات بضيف لها بسكويت مش عارفه ازاى انوع لها فى الاكل وخاصة انها مش بترتاح فى البيض ولا النستو وكمان انا لسه فطماها من شهر تقريبا
وكمان حاجه معلش انا عايزه اعودها على التواليت"ربنا يعزكم" وجبت لها القاعده بتاعت الاطفال ومش عارفه اعمل معاها ايه بصراحه لانى بتمنى انها تقلل لبس الحفاضة شويه

أم رفيدة .... دى تجربة أم نقلتها ليكي من النت عجبتنى جدا واستفدت منها



أولا وقبل اى شئ تربيه الأطفال هى صبر صبر صبر فى المقام الأول وقبل ذلك الأستعانه بالله فى أن يهون علينا كل صعب



فليكن شعارك



التوكل على الله والصبر



ثانيا عندما تتخذى قرار بتدريب طفلك عالحمام عليكى اتخاذ قرار اخر وهو الابتعاد كليا وجزئيا عن أسلوب الضرب والصريخ فى وجه طفلك لأن هذه الأساليب لن تفيد بالعكس سترجعك للخلف



ثالثا يفضل التدريب فى نهايه الشتاء حتى يتعلم الطفل الجلوس والتحكم


وعندما يحل الصيف يكون الطفل تخلص نهائيا من الحفاض ان شاء الله



تجربتى مع نور الهدى

بدأت معهاوعمرها تقريبا سنه و10 شهور

عباره عن ثلاث مراحل



الأولى
مرحله البوتى




بدايه بدأت اعلمها رموز وأشارات معينه للدلاله على التواليت زى كلمه بى وكى


بى خاصه بالبول


وال كى خاصه بالتبرز


اذن فهى عرفت ان كل كلمه خاصه بشئ معين ودايما لما كنت اغير لها الحفاض اقول لها ده كى وده بى فاتعلمت ولله الحمد



ثانيا كنت اصطحبها معى للحمام حتى ترانى وتتعلم وظيفه مقعد التواليت



نأتى الان للجلوس على كرسى الحمام


هناك شيئان قمت بشرائهم


1- حفاض بامبرز للتدريب على الحمام واسمه (كيلوت النشاط)


وهو عباره عن حفاض على شكل كيلوت وده مهم جدا وعملى لأن ممكن تنزليه زى الكيلوت قبل التواليت ويرفع بعد التواليت بدون فكه وده شكله



سؤال لماذا لم اتخلص من الحفاض مباشره واستخدم غيارات قطن؟؟؟؟؟؟؟؟


الاجابه لا تنسى عزيزتى الأم ان الطفل لا زال فى مرحله التدريب وممكن يعمل مره فى التواليت وعده مرات فى الحفاض


وهذا نضافه للطفل طبعا وايضا تدريبه على شئ الا وهو انه حتى لو لابس حفاض فيجب عمل الأخراج فى مكان اخر و


هو الحمام



2- استعنت بالبوتى وتوجد فى عده اشكال وموديلات لجذب الطفل ودى اشكالها











هناك اوقات معينه يقوم الطفل فيها بعمليه الأخراج مثل


عند الاستيقاظ


و


بعد تناوله للطعام وهكذا


بدأت مع نور فى هذه الأوقات لمده أسبوعين مثلا


عند الاستيقاظ وبعد كل وجبه


ثم زودت الأوقات وحاولت كل ربع ساعه اجلسها عالبوتى


وراعى عزيزتى الأم ان تكون البوتى فى الحمام وليست فى مكان اخر لكى يتعود طفلك عالدخول فى هذا المكان قبل الانتقال لمرحله اخرى



اسلوب التهليل والفرحه استخدمته معها مع كل مره تقوم بالعمليه فى البوتى وهى كانت تفرح بنفسها جدا لان مهم احسسها انها عملت شئ ممتاز وكنت بكافئها على ذلك


ومن ضمن مكافأتى لها هو لزق استيكرز نجوم واشكال كرتونيه على يدها وكانت بتفرح جدا ولما يرجع بابى من الشغل كانت توريهاله وهى مبسوطه انها عملت شئ كويس



ستقابلك مشكله عزيزتى الأم وهى



ممكن طفلك يجلس عالبوتى فتره ولا يقوم بالعمليه وعند ارتدائه للحفاض يعمل فى الحفاض


عادى عزيزتى لا تضربيه ولا تصرخى فى وجهه قابلى فعلته بمنتهى الهدوء مع التعبير له عن فرحتك لو كان قد قام بها فى الحفاض


ومع الصبر واسلوب المكافأه ان شاء الله سيعتاد على البوتى بعد ذلك






المرحله الثانيه



الأنتقال من البوتى ل



مقعد الحمام الكبير



مرحله مهمه تحتاج لتحفيز منك لطفلك وتسميعه كلمات مثل


أنت الأن كبير وجميل ولازم تقعد زى بابا وماما والبوتى دى سنعطيها لفلان


(اذكرى اسم طفل فى عائلتك او من الأصدقاء يكون لازل بيبى صغير أصغر من ابنك)


هذه الكلمات تشجيعيه وتحفيزيه كنت استخدمها لنور وكانت بتفرح لما بقول لها أنتى كبيره وجميله فلازم تعملى زى مامى


وايضا كنت بشجعها تأتى لى وتخبرنى عندما تنوى عمل التواليت


طبعا قاعده التواليت كبيره على طفلك وهنا يمكنك الأستعانه ب


( السيت تواليت )


وده شكله ويباع فى محلات مستلزمات الطفل ونصيحتى استخدمى النوع الأسفنجى حتى يريح طفلك فى الجلوس


وده شكله








الأن ساعدى طفلك عالجلوس عالقاعده وكونى بجانبه وعلميه ان قبل كل شئ يجب شد السيفون قبل الجلوس وبعده


واجعليه يقوم بهذه العمليه فهى مفرحه للأطفال


شطفى طفلك جيدا بعد الأنتهاء من التواليت وأعيدى تلبيسه للحفاض


استمرى على هذا النحو ولا تنسى شئ مهم جدا فى هذه المرحله


يجب ان تدخلى طفلك الحمامات العامه فى المولات مثلا او المطاعم حتى يعتاد



وهذه العمليه تكون



ثلاث مرات



مره اول ماتدخلى المطعم او المول او اى مكان


مره اثناء التجول يعنى بعد مرور نصف الوقت تقريبا


مره عند الخروج من المول


حتى يعتاد الطفل


ولا تنسى انها حمامات عامه ولذلك احرصى على وجود هذه الاشياء فى شنطتك دائما



ديتول لرش قاعده التواليت







سيت تواليت ورقى ويباع فى الصيدليات


وهو للاستخدام مره واحده








او هناك نوع اخر يفرد ويثنى مره اخرى وده شكله







واخيرا مناديل معطره لطفلك







وفى نهايه هذه المرحله كان قد حل فصل الصيف


قمت بالتخلص من الحفاض فى فتره وجودنا فى المنزل والاستعانه بغيارات قطنيه وكنت الجأ للحفاض مع نور فى حالات معينه


النوم ليلا


الخروج من المنزل


تعرض نور للأعياء والأسهال مثلا لا قدر الله



المرحله الأخيره








مرحله التخلص نهائيا من الحفاض



مرحله سهله للغااااااااااااااااااايه وهى نتاج المرحلتان السابقتان


لا تلجأى لها عزيزتى الأم الا بعد أن تتأكدى جيدا ان طفلك اعتاد عالحمام واصبح يطلب منك الذهاب والقيام بعمليه الاخراج





توكلى على رب العالمين واعقدى العزم على عدم ارتداء طفلك للحفاض اثناء الخروج والفسح





قبل نزولك من المنزل وعلى اخر لحظات اجلسى طفلك عالحمام وان شاء الله سيقوم بالعمليه قبل النزول


ولو كنتى عند اصدقاء او فى اى مكان اعرضى كل شويه على طفلك الذهاب للحمام


انا كنت دايما اقول لنور


ها يا نور فى بى جايه ؟؟؟؟؟؟؟؟؟؟؟؟؟؟


او فى كى جايه؟؟؟؟؟؟؟؟؟؟؟؟؟؟؟؟؟؟؟


ولو وجدت الفتره طولت ونور لم تطلب الذهاب كنت من نفسى اذهب بها للحمام رغم اعتراضها وبمجرد جلوسها كانت ولله الحمد تقوم بالعمليه


لأن الأطفال للأسف بينسوا كل شئ وبينشغلوا باللعب


وكافأى طفلك على قدرته عالتحكم وعدم الأخراج فى ملابسه الداخليه بل فى التواليت وشجعيه دائما






واحرصى على تغيير الغيار عده مرات فى اليوم ولا تقولى


الغيار لازال نظيفا ولم يبتل


حتى لو لم يكن مبلل علمى طفلك خلعه وارتداء غيره عده مرات وهذه امان لنظافته


طبعا جاء وقت النوم بدون حفاض





عند الليل وقبل النوم احرصى الا يشرب طفلك عصير او حليب او مياه الا قبل النوم بساعه مثلا وعند الذهاب للنوم اجلسيه عالتواليت وشطفيه وينام





انا استمريت شهر تقريبا انيم نور وبعد ساعات ايقظها تعمل فى التواليت وتكمل نومها ولما تصحى تعمل تواليت تانى


وبعد الشهر هى اعتادت ولله الحمد انها تعمل قبل النوم وبعد الاستيقاظ واحيانا تقوم من النور مفزوعه وتصرخ لاذهب بها للحمام فورا


طبعا ممكن يوم عارض تعمل فيه تواليت على نفسها


فلم اكن انزعجك لأن اكيد الخطأ خطأى انا


لربما شربت كتير اى سوائل قبل النوم مباشره


او نسيت ادخلها التواليت قبل النوم


ولله الحمد نجحت التجربه تماما وساعدنى على ذلك ان نور بتروح الروضه واتفقت مع الداده على نفس اسلوبى مع نور


ان شاء الله تكونوا استفدتم من تجربتى ولا تنسى عزيزتى الأم ما ذكرته فى بدايه كلامى


الأستعانه بالله والتوكل عليه


والصبر ثم الصبر







كمان فيه جدول لتعويد البيبي على التواليت حفظته من النت كل لما تعمل تحطى لها نجمة

تسلمى يا رجائى معلومات مفيده قووووووووووى وربنا معانا فى تربية اولادنا

ما هو انفصال المشيمة المفاجئ؟
إن انفصال المشيمة المفاجئ هو حالة خطيرة تنفصل فيها المشيمة جزئياً أو كلياً عن بطانة الرحم قبل أن يولد طفلك.

يتجمع الدم أثناء انفصال المشيمة المفاجئ خلف الجزء المنفصل من المشيمة ويدفعها بعيداً أكثر عن الرحم. ويمكن أن تحرم هذه العملية طفلك من الأوكسيجين والمواد الغذائية، كما قد تؤدي إلى حدوث نزيف حاد يشكل خطراً على كليكما معاً. ويزيد انفصال المشيمة المفاجئ من خطر تعرض طفلك لمشاكل في النمو (إذا كان الانفصال صغيراً لم تتم ملاحظته)، أو ولادته قبل الأوان، أو حتى الموت داخل الرحم لا سمح الله.
يحدث انفصال المشيمة المفاجئ في حالة واحدة من بين 200 حالة حمل. وهي أكثر شيوعاً في المرحلة الثالثة من الحمل، لكن قد يقع الأمر في أي وقت بعد الاسبوع 20.


ما الذي يسبّب انفصال المشيمة المفاجئ؟
لا أحد يعرف بالتحديد ما هي أسباب انفصال المشيمة، لكنها حالة تظهر أكثر لدى النساء اللاتي:

• مررن بحالة انفصال المشمية المفاجئ في حمل سابق • لديهن ارتفاع في ضغط الدم • لديهن تسمّم حمل • انفجر لديهن كيس الماء مبكراً • لديهن فائض في السائل الأمنيوسي • يدخّن • لديهن الكثير من الاطفال، أو هنّ كبيرات في السنّ (فالخطر يزداد تدريجياً مع العمر) • لديهن طفل واحد على الأقل مولود بجراحة قيصرية


كيف أعرف أن لدي انفصال مفاجئ في المشيمة؟
عادة سترين نزيفاً مهبلياً (4 حالات من أصل 5)، يتفاوت ما بين كمية قليلة من الدم ودفق مفاجئ وواضح. يكون النزيف عادة داكن اللون ومن دون كتل أو دم متخثّر. مع ذلك، يبقى الدم أحياناً في الرحم خلف المشيمة، لذا قد لا تلاحظين أي نزيف على الإطلاق. على الأرجح أنك ستشعرين بألم شديد في البطن أو الظهر وسيكون رحمك يابساً.

إذا كان لديك أي علامات على الإصابة بانفصال المشيمة المفاجئ، ستحتاجين إلى الذهاب إلى المستشفى كي يتمّ فحصك وفحص طفلك.
سارعي على الفور إلى الاتصال بطبيبتك أو بجناح الولادة في المستشفى إذا ظهرت لديك أي من الأعراض التالية:
• نزيف مهبلي أو نزول دم، أو إذا انفجر كيس الدم وظهر دم في السائل • انقباضات، ويبوسة في الرحم، وألم في البطن، أو ألم في الظهر • انقباضات متكررة جداً على فترات قصيرة أو انقباضات لا تنتهي • لا يتحرك طفلك كثيراً كما كان يفعل من قبل




كيف يتمّ تشخيص انفصال المشمية المفاجئ؟
عندما تصلين إلى المستشفى، سيتم مراقبة معدل نبضات طفلك وقد تخضعين لجلسة تصوير بالموجات ما فوق الصوتية. لا يستطيع هذا التصوير دائماً اكتشاف الانفصال الصغير، لكنه يتمكن أحياناً من اكتشاف كتلة دم خلف المشيمة ويستبعد وجود هبوط في المشيمة، وهو سبب آخر محتمل للنزيف في الرحم.

بما أن النزيف لديك قد لا يأتي من الرحم، فإن طبيبتك ستفحص مهبلك وعنق رحمك لترى إذا كان سبب النزيف هو التهاب، أو جرح متمزق، أو ورم غير خبيث في عنق الرحم، أو سبب آخر. كما سترى إذا كان عنق الرحم يتوسع لديك، والذي قد يقطع بعض شرايين الدم الصغيرة ويؤدي إلى بعض النزيف.
إذا كانت فئة دمك من الريسوس السلبي ولديك نزيف مهبلي في المرحلة الثانية او الثالثة من الحمل، ستحتاجين إلى حقنة المضاد دي immunoglobin ، إلا إذا كانت فئة دم زوجك من الريسوس السلبي ايضاً.



ماذا سيحدث إذا أصبت بانفصال المشيمة المفاجئ؟
إذا كنت قد اقتربت من موعد ولادتك المتوقع، سيحتاج طفلك إلى أن يولد على الفور، حتى لو كان الانفصال صغيراً، ذلك أن المشمية يمكن أن تنفصل أكثر في أي وقت. وفي معظم الحالات ستخضعين لجراحة قيصرية. وإذا كان الانفصال حاداً، ربما تكونين قد خسرت كمية كبيرة من الدم. وسوف تُعطين الأوكسيجين ومزيد من السوائل وتخضعين لعملية نقل دم من خلال المصل أو التنقيط عبر الوريد.

مع ذلك، قد يسمح لك بالذهاب إلى المخاض الطبيعي لو كان النزيف لديك خفيفاً واعتقدت الطبيبة أن سببه انفصال صغير في المشمية وكنت أنت وطفلك بخير.
أما إذا شكّت طبيبتك في أن لديك انفصالاً صغيراً وكان طفلك خديجاً (مبتسراً) جداً، ربما تستطيعين تأجيل الولادة قليلاً طالما أنك وطفلك بخير ولا يستمر النزيف الفعلي. في هذه الحالة، ستوازنين أنت وطبيبتك ما بين خطر تحول الانفصال إلى أسوأ وبين خطر الولادة المبكرة.
قد يتم إعطاؤك السترويد (كورتيزون) لتعجيل نضوج رئتي طفلك تفادياً لمشاكل معينة ترتبط بولادة الطفل في وقت مبكر. سيتطلب الأمر ملازمتك المستشفى ومراقبتك باستمرار بحيث يستطيع الفريق الطبي إخراج طفلك مع أي علامة تبين أن وضع انفصال المشمية يسوء، أو أنك أنت أو طفلك لم تعودا بخير.


لقد أصبت بانفصال في المشيمة خلال حملي الأول، فهل هناك ما أفعله لتجنب حدوث ذلك مرة أخرى؟
مع الأسف، لا يوجد هناك ما تقومين به لتجنب التعرض لانفصال في المشيمة، لكن هناك خطوات يمكنك اتباعها لتخفيف خطر تكرار حدوث الحالة معك.

• أبقي ارتفاع ضغط الدم تحت السيطرة. احرصي على حضور جميع مواعيدك الطبية قبل الولادة. وربما توصف لك أدوية لتخفيض ارتفاع الدم، وهذه لا تؤذي طفلك.
• لا تدخني، لأن التدخين يزيد خطر تعرضك لانفصال في المشمية وغيرها من مضاعفات الحمل.
• اربطي حزام المقعد دائماً، فحتى الحوادث على سرعة خفيفة يمكن أن تسبب لك مشاكل.
عافانا وعافاكم الله

الف شكرا رجائى على هذه المعلومات الرائعه وربنا يجعله فى ميزان حسناتك

طيب انا بقعد حلا في الكار سيت ايه النظام بقي كده بردوا غلط ولا ايه

nemonamanemo;13890632:
طيب انا بقعد حلا في الكار سيت ايه النظام بقي كده بردوا غلط ولا ايه

الكارسيت مش بيخلي الظهر متني زي القعدة لنه مايل ونايمن انتي ابقي شيلي القاعدة بتاعته نفسها وخليها في وضع الهزاز لأنه كده بيبقي نايم اكتر عشان ظهرها بردو

ياجماعه انا خلاص تعبت فارس يومه مقلوب بيصحى الساعه 2 الظهر وينام تانى على 5 او سته ويصحى 9 ويرجع ينام 11 او 12 وساعه او نص ساعه ويقوم ويفضل صاحى 4 او 5 الفجر وهو بقاله بس اربع ايام على كدا مكنش كدا لما خلااااااااااص انا تعبت

ام فارس2010;13891159:
ياجماعه انا خلاص تعبت فارس يومه مقلوب بيصحى الساعه 2 الظهر وينام تانى على 5 او سته ويصحى 9 ويرجع ينام 11 او 12 وساعه او نص ساعه ويقوم ويفضل صاحى 4 او 5 الفجر وهو بقاله بس اربع ايام على كدا مكنش كدا لما خلااااااااااص انا تعبت

ازيك يا ام فارس ربنا يباركلك فيه نفس الي بتقوليه حسام بيعملو معايا من يوم ماتولد ومش عارفه احل اموضوع ده ازااااااي ربنا يهديهم انا فعلا تعبت نفسي انام:lol:

المشكله اني جربت معاه حلول كتير بس نومه متقطع يلا ربنا يهديهم ويخليهم لينا

انا جبت الكلام دا من النت طيب انا كنت بقعده يعنى لدقيقة مثلا وانا شفت فى كتاب طريقة التكريع والبيبي قاعد طيب دا غلط ؟ وكمان لاحظت الحمد لله بدأ يسند راسه

رجائي رضا ربــــي;13892981:



انا جبت الكلام دا من النت طيب انا كنت بقعده يعنى لدقيقة مثلا وانا شفت فى كتاب طريقة التكريع والبيبي قاعد طيب دا غلط ؟ وكمان لاحظت الحمد لله بدأ يسند راسه

يا جميل انت بتقولي تقعديه يعني زي اللي بيقعد علي الكرسي و ده غير اللي مكتوب هنا !! مكتوب انه ضهره يكون مستقييييييم علي جسمك كده و رجليه مدلدله يعني مش زي الطفل اللي في الصورة فهمتي قصدي ايه ؟

ايوة انا بقعده زى ما قلتى يا ام بودى دا غلط عليه ؟ انا قصدى مش زى الصورة يعنى بيقعد على رجلى وبيكون ضهره وراسه مسنودين بايدي ورجليه مدلدلة

صوت العيون ʚϊɞ ام سندس ʚϊɞ;13881017:
لا مش ماشيه على دايت ولا حاجه
ونفسى اخس فعلا
اصلى شفتك كاته الهدف قلت يمكن

الاب توب شفته فى التوحيد والنور
وممكن بيانو يا بيبو

هو بكام الترمومتر دا
وبتقيسى بيه منين

اصل سندس كل شويه تسخن خصوصا ايديها
ودره الحرارة الطبيعى بتكون كام وكدا للنونو ان شاء الله

ميرسى يا مورو
الترمومتر با كان ب30 او 40 مش فاكرة
واى ترمومتر ديجيتال بيتقاس بيه من تحت اللسان او اندر ارمز او فتحة الكيكى بس احسن اندر ارمز
ولحد 37 و3 شرط عادى عشان جسمهم بيبقى اسخن مننا
لو لقيتيها 37 و4 شرط هويها شوية وقيسيلها بعد شوية وشوفى
اكتر من كده تبقى تعبانة بعد الشر عليها

اعلى الجنان;13881269:
ممكن تقوليلى كنت بتستخدمى لبن اية ف ال6 شهور الاولى لان بنتى بعد شهر ان شاء الله هتكمل 6 شهور وبستخدم نان 1 ومحتارة اغير لنان 2 ولا بروميل جولد وياريت تقوليلى سعر بروميل

اول ست شهور جربت نان ماريحنيش خالص وكان بيعمل امساك
وبعدين جربت بيبيلاك اى سى الدكتور قالى عليه لان الانتفاخ عندها كان زايد عن الطبيعى فده للاطفال المعرضين للمغص اكتر من غيرهم
وبعدين على 4 شهور تقريبا الدكتور غيرلها اللبن واداها اس 26 بتاع الارتجاع عشان الارتجاع عندها كان زايد قوى وكان وزنها مش بيزيد بس ده اكتر نوع الحمد لله استريحت عليه ما شاء الله لا بيعمل امساك ولا ارتجاع ولا مغص
ولما عدت الست شهور كتبلها على المرحلة التانية من اس 26 اسمه بروميل جولد
البروميل بـ37 ونص ده العلبة الصغيرة والعلبة الكبيرة بسبعين او 75 مش فاكرة

أجمل ايام العمر;13881395:
بصي يا بيبو الموبايل اكيد اتفشفش عشان مكنش غالي .. انا بجيب لبيللا اللعب من فن دايز اولا ابقى مطمنة من اللعبة و من البلاستيك المصنوعة منه تاني حاجة تكون مناسبة لسنها تالت حاجة بقى الغالي تمنه فيه انا كنت جايبة اللاب توب ب 120 و الموبايل شيكو ب 110 و بيللا ساحلاهم والله بتلعب بعنف جدا و ما شاء الله كانك لسه شارياهم .. انا بجيبلها كل عيد بعيدياتها لعبة لانها طبعا مش فاهمة الفلوس و كل سنة هعمل كدة ان شاء الله .. و ابتداء من عيد ميلادها الجاي ان شاء الله مش هعمل عيد ميلاد و بفلوس العيد ميلاد اجيبلها هدية كبيرة ان شاء الله

معاكى حق فى كل كلمة قولتيها :lol: فو فعلا الموبايل كان رخيص خالص ب2.5 لما لقيته قدامى بالصدفة عجبنى قولت اجيبه ماكنتش نازلاله مخصوص يعنى :D وماستحملش كام يوم واتفشفش
لكن عندها لعب تانية من فيشربرايس ما شاء الله زى الفل ماحصلهمش حاجة
طيب تعرفى فروع فن دايز؟؟

Ameerah55;13881496:

مرحبا
ياريت تساعدوني لأني أم لأول مرة
بنتي عمرها شهر ونص وعندها مغص وغازات على طول ولما يجيها المغص
تصارخ بشكل فضيع وما أعرف شسوي ليها وبطنها ما يمشي الا كل أربعة أو خمسة أيام مرة
عطيتها ماي الحلوة والينسون ومرقدوش والنعناع وعلى طول أعطيها ماء ولا شي نفع
حتى الدواء الي من المتشفى مانفع معاها
وتعبانة ما أنام اتم معاها كل يوم من 8 الى الصبح بسبب المغص
ما تقدر تنام ولا ترضع

اولا يا قمر ماتقلقيش كل الاطفال كده على طول عندهم انتفاخ ومغص دى حاجة طبيعية لان معدتهم وقولونهم لسة مابقوش بكفائتهم
لحد 3 شهور المغص بيبقى موجود بعد 3 شهور المغص بيقل شوية وعلى اربع شهور ان شاء الله مش هيجيلها مغص تانى
كذلك الامساك من الاعراض الطبيعية فى سنها
اولا لازم تكرعيها كويس بعد كل رضعة وممكن تنيميها على بطنها شوية وتخلى بالك منها على التنفس
وتديها دوا للانتفاخ زى ماء غريب او نوع تانى وممكن يبقى فى نوع هى ماتستريحش عليه وتستريح على نوع تانى عادى
وطبيعى ان طول ماهى عندها انتفاخ ومغص ماتقدرش تاكل

الامساك لو قعدت يومين ماعملتش اديها لبوس جلسرين عشان تعمل
وممكن تديها زيت لوز من الصيدلية طبعا مش من العطار عشر نقط فى اليوم ممكن مرة او مرتين بس ابدأى الاول بمرة واحدة فى اليوم هتلاقى انه بينظم حركة الامعاء وهتعمل بشكل منتظم ان شاء الله
لو زيت اللوز مامشيش معاها بعد اسبوع ممكن تديها دوا خلى الدكتور يكتبلك عليه عشان الامساك

CuTie KaTkOoTa;13881677:

تصدقي ممكن منه فعلا انا قلت من الاكل، بس فعلا لاحظت انها عندها امساك خفيف عن باقي الايام قبلها، يعني هو منه؟
ولا مصادفة عشان طبيعة الاكل بس

ممكن من الاكل فعلا وممكن من اللبن
:worn_out:

رجائي رضا ربــــي;13884560:
ازيكم يا حبايبي ... امتى البيبي يتسند عشان يقعد لان ابنى بيحب اوى انى اقعده بسنده شوية بايدي واقعده دا غلط ؟

العصبية زايدة عنده :mad: بيمسك وشه خربشة ودا كتر الحبوب فى وشه كمان حاولت احطله جاونت عيط اعمله ايييه وشه كله خربشة :|

على اربع شهور ممكن تقعديه على رجليكى وتبقى ساندة ظهره كويس قوى على خمس شهور او 6 كده ممكن تقعديه وتسنديه بمخدات
الحركة للى بتعمليها انك تقعديه وتسنديه شوية عشان تكرعيه هى فعلا اسهل فى التكريع انا كنت بعملها برضه بس ماتطوليش فى القعدة يدوب يتكرع ويقوم

الظوافر نفس مآساتى وشها كله خراشيم حتى لما ببقى لسة قصالها ظوافرها كويس مفيش فايدة مش عارفة ايه الحل :thumbs_down:

om_hienar;13885433:
انا جبت s26 اللى انتو قلتو عليه بس لاقيت انه مكيال على 60 ملل بس ريحته حتى اوحش من نان انتو متأكدين انه مابيعملش امساك؟

ايوة هو مكياله اكبر عشان كده المكيال على 60 مش 30
وبعدين يا جماعة انتوا مالكوا بالريحة ؟ الحاجات دى معمولة من شركات كبيرة وتحت اشراف دكاترة كبار مش لعب عيال زى عندنا واس 26 ده من انظف الانواع اللى موجودة.. ريحته حلوة بقى ولا وحشة المهم انه مفيد
ومش بيعمل امساك ماتقلقيش

انا جربت السيريالز بتاعت هيرو بيبى ماعجبتش جودى خاااالص :thumbs_down: