استفسارات وتساؤلات الامهات عن كل شيئ)الجزء السادس(

المفروض لحد الأربعين كل ساعتين يا جميل و بعد كده كل 3 ساعات

بنات هوا في حد سمع قبل كده عن ان زيت النخيل اللي موجود في اللبن الصناعي بيكسر الكالسيوم في الدم او مش بيخلي الجسم يمتص كل الكالسيوم

Boody we zady;13766551:
المفروض لحد الأربعين كل ساعتين يا جميل و بعد كده كل 3 ساعات

ايه ده تاتا هتتم الاربعين بعد بكره يبقي كل 3 ساعات بقي

وااسيبها تعيط مع نفسها بين كل تلات ساعات براحتها

بنات انا بنتى عندها 4شهور و24يوم والدكتور بتاعة رافض انى ااكلها قبل ماتتم 6شهور وهى ضعيفة اوى وانا عايزة ااكلها ممكن حد يقولى ااكلها اية وكام مرة فى اليوم والمفروض تاخد كام رضعة فى اليوم وتكون كام مللى هى بترضع صناعى

بنات النت قاطع بقاله 3 ايام حاسه اني في حته مقطوعه من غيركم
:'(:'(:'(
سؤال بقي بس بجد مهم اووووووووووووووووي ويارب يارب يارب يكرم اللي هاترد عليا وينولها اللي في بالها
عاوزه نمره تليفون المصل واللقاح اللي في نادي الشمس ضروررررررررررري؟وينفع ياخد التطعيم باليل؟
ينفع يوسف ياخد جرعه تطعيم الروتا وجرعه بكتيريه في نفس اليوم؟
وااقل وقت ينفع بين جرعتين روتا؟يعني لو بكره هياخد اول جرعه ياخد التانيه امتي ان شاء الله؟

بصي يا أم تايا لو هيا بترضع كويس و بتشبع يبقي كل ساعتين و نص الي 3 ساعات بس لو بتتدلع حتكون متعبه

القمر الي سألت عن بنتها اديها بسكويت مدوب في كروايه دافيه حلو قوي و كمان في سيريلاك رز بيتعمل علي ميه جربيه حلو و خفيف للي في سنها

لا ف الواقع هى متعبه جدااااااااااااا

أجمل ايام العمر;13765637:
بسبوسة الجرعة مش كتير و لا حاجة لان اصلا السيتال ده ضعيف قوي ان شاء الله التطعيم يعدي على خير..‏
انا جبت لبيللا طبق بغطا و معاه معلقة حمرا و لونها بيتحول اصفر لو الاكل سخن.. كنت جايباهم من لفلي ب 37 جنيه‎

شكرا ياجميل على ردك طمنتيني على الجرعه الحمد لله وبالنسبه للطبق انا شفته في لفلي بس الصراحه حسيته غالي:D انا كنت عايزة طبق يكون سعره اقل من كده لاني عايزاه عادي مش يدخل مكرويف ولا حاجه او في مؤشر حرارة ولا حاجه وكمان الطبق ده بمعلقه وانا الحمد لله جبتلها 3معالق مع بعض ماركة نوبي ب19جنيه من لفلي برده فاضلي بقى الطبق:)

بسبوسةميدو;13768588:
شكرا ياجميل على ردك طمنتيني على الجرعه الحمد لله وبالنسبه للطبق انا شفته في لفلي بس الصراحه حسيته غالي:D انا كنت عايزة طبق يكون سعره اقل من كده لاني عايزاه عادي مش يدخل مكرويف ولا حاجه او في مؤشر حرارة ولا حاجه وكمان الطبق ده بمعلقه وانا الحمد لله جبتلها 3معالق مع بعض ماركة نوبي ب19جنيه من لفلي برده فاضلي بقى الطبق:)

طيب ماتشوفي بيبي جونيور بلاقيها في صيدليات جنب البيت وشكلها مش غاليه خالص انا بفكر اجيب واحد كمان اغير فيه مع التاني او اشوف الاستهلاك يعني

dr_hienar;13766215:

الماميهات اللى بيقولوا نظمى الرضاعة يعنى كل كام ساعة يعنى؟

في الاول بتبقي كل ساعة ونص لغاية ما يتعودوا شوية وبعدين تبقي كل ساعتين وبعدها بفترة بردو تبقي كل 3 وبس كده.

sweetylolla85;13767481:
بنات النت قاطع بقاله 3 ايام حاسه اني في حته مقطوعه من غيركم
:'(:'(:'(
سؤال بقي بس بجد مهم اووووووووووووووووي ويارب يارب يارب يكرم اللي هاترد عليا وينولها اللي في بالها
عاوزه نمره تليفون المصل واللقاح اللي في نادي الشمس ضروررررررررررري؟وينفع ياخد التطعيم باليل؟
ينفع يوسف ياخد جرعه تطعيم الروتا وجرعه بكتيريه في نفس اليوم؟
وااقل وقت ينفع بين جرعتين روتا؟يعني لو بكره هياخد اول جرعه ياخد التانيه امتي ان شاء الله؟

هبعتلك رقم النادي نفسه تتصلي وتسأليهم علي مواعيدهم اوكييييز، ومظنش انه بيشتغل بالليل لما بعدي مش بلاقي اي حاجة من بره كده بس مسألتش قبل كده.

sweetylolla85;13767481:
بنات النت قاطع بقاله 3 ايام حاسه اني في حته مقطوعه من غيركم
:'(:'(:'(
سؤال بقي بس بجد مهم اووووووووووووووووي ويارب يارب يارب يكرم اللي هاترد عليا وينولها اللي في بالها
عاوزه نمره تليفون المصل واللقاح اللي في نادي الشمس ضروررررررررررري؟وينفع ياخد التطعيم باليل؟
ينفع يوسف ياخد جرعه تطعيم الروتا وجرعه بكتيريه في نفس اليوم؟
وااقل وقت ينفع بين جرعتين روتا؟يعني لو بكره هياخد اول جرعه ياخد التانيه امتي ان شاء الله؟

انا هارد على اللى اعرفه و يارب يبقالى نصيب فى دعوتك الحلوة:D
نمرة التليفون للاسف مش عارفاها بس ممكن تجيبيها من الدليل و خلى بالك نادى الشمس عندهم التطعيمات الخارجية بس لكن فرع المهندسين فى كل التطعيمات
و فرع المهندسين 24 ساعة المفروض و هو انضف من نادى الشمس
و عادى بياخد التطعيمين مع بعض فى نفس اليوم
و الجرعات انا اديت جودى عند 3 شهور الروتا و الانفلونزا البكتيرية و 5 شهور البكتيرية تانى بس للاسف هنا ملقتش الروتا و عندها اخر جرعة اللى هى بتاعة ال 7 شهور و فى جرعة انفلونزا بكتيرية منشطة عند سنة و نص

ام تايا و هينار
انا رحت للدكتورة و انا منهارة و جودى عندها حوالى 35 يوم و كان فعلى شكلى زى المدمنين و مكنتش بركز خالص من قلة النوم و البنت كنت اشيلها تقع من ايدى و كانت حالتى كرب قالتلى الاتى
ترضع من كل برسيت تلت او نص ساعة بالكتير وده كتير كمان يعنى حطيها ناحية تلت ساعة و التانية تلت ساعة و بعدها خلاااااااااص ترضعيها كمان ساعتين و لو عيطتت اديها التيتينة مينفعش تعمل سدرك تيتينة كده هيدخلها هوا جامد و يعملها مغص وده اللى كان حاصل لجودى و قالتلى لو نايمة سيبيها متصحيهاش تاكل النوم مفيد ده الرضاعة
نيجى للنوم
عارفين ام مومو جزاها الله خيرا كانت قايلالى نصايح كتير مفيدة جداا اللى فاكراه
حاولى تصحيها فى خلال النهار و هم اكتر حاجة تفوقهم لما تغيريلهم انا بقى جودى اثناء النهار كنا اغيرلها و انا بلبسها البامبرز تنام تانى ههههههههههه بس معلش مرة فى مرة و الصبح بقى افتحى التلفزيون و عليه شوية عشان تعرف ان الليل سكون معلش ولاعيبها و فوقيها هتتعبى اوى معلش بس هتريحك باذن الله بعد كده مع انهم بردو لحد ما يكبرو بيبقو بغزالة كده و ميرضوش ينامو انا بردو جودى ارقانى لحد دلوقتى حتى بقولها و انتى صغيرة كان ليكى عزرك و لسة مولودة دلوقتى مالك بقى هههههههههههه وربنا يهديهم عاجلا غير اجل و يفرحنا بيهم
الرضاعة برة ابقى رضعيها فى العربية يا ستى و حطى ساتر الرضاعة او روحى النادى و ادخلى الحمام رضعيها لازم تغيرى جو لانك طول ما انتى نفسيتك وحشة هى هتبقى اسوء لانها بتحس بيكى
وربنا يهيديهم

بنات بليز آدم اتطعم ثالث يوم الولادة نقط كده و حقنة.. فيه تطعيم ثاني علي سن شهر ولا شهرين علي طول؟ كمان بليز اللي ولدوا قيصري اللوب ينفع عادي بعد الأربعين ولا لا؟ اخت جوزي بتقولي الدكتور بتاعها قالها لازم تأخذ حبوب جينيرا ٣ شهور لأن اللوب مش ينفع مع الجرح بتاع القيصري الا بعد ٣ شهور وهنا لولا ربنا يكرمها قالت انها ركبته بعد الأربعين علي طول.. حد الدكتور بتاعه قاله كده؟

ازيكم يا قمرات ....

ابنى الايام دى بدأ يمسك ايده ياكل فيها قلت يمكن جوع ولقيته برضو لما يكون شبعان ماسكها وعاملها تيتنه بقوم شايلاها من بقه وحطاله التيتينه
ممكن تعرفونى ليه حكاية انه يحط ايده فى بقه دى ؟

بالنسبة لحكاية الغربة والمغتربات زى حالاتى انا يعتبر حبسه ابنى ومفيش خروج الا يوم الجمعة ومفيش غيري فى وشه طول النهار هل لو استمريت على كدا مش هيكون اجتماعى ؟ الحكاية دى مخوفانى اوى

أم جودى فعلا الله يكون فى عون اللى عندهم توأم .... والله انا بقول طالما عيسى بيرضع صناعي بفكر فى الحمل تاني بس ارجع واقول عما يخف مصاريف اللبن والبامبرز شوية افكر تاني ان شاء الله

معلش سؤال كمان امتى البيبي يمسك الكوباية بتاعة أفنت دى ؟

توكي ياقمر ربنا معاكي ومعانا كلنا.. الدكتورة بتاعت آدم لما قلتلها ان آدم يفضل يعيط لحد ما يأخذ صدري و دقيقتين وينام اشيله يصحي يعيط قالتلي يبقي مش جعان.. بس هي رافضة موضوع التيتينة خالص أنا بقي صممت أديهاله حتي بقي يزقها احطهاله ثاني رخامه.. بس المفروض تكوني عرفتي نوع العياط.. يعني الجوع غير النوم مثلا عياط النوم ذن و قريفه كده.. المهم الدكتورة قالتلي رضعيه و غيريله وأديلو دوا المغص و دفيه عاوز يعيط بقي سيبك منه.. بعمل كده بس ساعات تقلب معاه صريخ ودموع ونفسه يروح يصعب عليا بس خدي بالك ساعات بيكونوا عاوزين يناموا مش عارفين آدم بيعمل كده ولما اشيله واهزه شويه ينام ماما وحماتي عودوه علي كده.. بالنسبة للنوم بقي كنت ذيك كده بس بدأت حسب كلام دكتور مدحت الزيات ارضعه رضعة محترمة قبل النوم ولما يصحي بالليل يأخذ بيبي درينك بس هو عادة بيصحي مرتين مثلا و الثالثة الساعة ٧ فأنا بديله مرة واحدة بيبي درينك بينام بعدها كويس الصبح يرضع كويس وبردو بينام كويس ماشاء الله.. كمان دكتور مدحت قال ان دي أول خطوة في انك تعودي البيبي علي النوم متواصل بالليل وكمان يساعدك لما تفطميه من رضاعة الليل دي.. كمان شوفي تايا بتحب تنام ازاي يعني أكثر وضع بيريحها في النوم يعني أنا ساعات كنت ارضع آدم بالليل احطه ع السرير يصحي وأنا هموت م التعب كنت باخذه في حضني وانام ع ظهري وهو نايم فوقي ع بطنه وننام سوا بس طبعا بكون في نص السرير احتياطي هي نومه متعبة بس اهو نوم حد طايل ههههههههه.. بالنسبة لموضوع السرير بتاع البيبي أنا نيمت آدم فيه بقاله يومين الحمدلله بس المهم أول ما تحطيه في السرير يكون المزاج رايق مش بيعيط ويكون نايم واحدة واحدة يأخذ عليه ويصحي يلاقي نفسه فيه وبيتعود.. رغيت كثير معلش هههههههه ربنا معانا

bosy_md;13772334:
بنات بليز آدم اتطعم ثالث يوم الولادة نقط كده و حقنة.. فيه تطعيم ثاني علي سن شهر ولا شهرين علي طول؟ كمان بليز اللي ولدوا قيصري اللوب ينفع عادي بعد الأربعين ولا لا؟ اخت جوزي بتقولي الدكتور بتاعها قالها لازم تأخذ حبوب جينيرا ٣ شهور لأن اللوب مش ينفع مع الجرح بتاع القيصري الا بعد ٣ شهور وهنا لولا ربنا يكرمها قالت انها ركبته بعد الأربعين علي طول.. حد الدكتور بتاعه قاله كده؟

التطعيم على سن شهرين واربعة وستة يعنى مش لما يبدأ الشهر التانى لا لما يتمه اصلى خدتها وهى شهر بدأت التناى اطعمها الدكتور قاللى هو اى حاجة وخلاص ههههههههههههه وهحاول اسمع نصايحك فى النوم

رجائى الصوباع ده عادى كل لاطفال كده انا جودى من و هى صغننة خالص كده عادى
و موضوع المغتربات ده معاكى حق فيه جداااااااااااااااا انا جودى لما حد بيجيلنا البيت تقعد تبصله يا عينى بتصعب عليا مش بتشوف غيرنا و فعلا الناس هنا قالولى البيبهات بيتاخرو فى الكلام ده حتى واحده اعرفها ابنها 3 سنين بيتكلم الجملة مكونة من الاتى
كلمة عربى + كلمة انجليش+ كلمة صينى و انتى افهمى بقى هههههههههه بجد بيعمل جمل كده و واحد تانى بنته 5 سنين بتروح مدرسة بتتكلم انجليش و صينى و العربى مكسر تخيلى مع انهم فى البيت بيتكلمو عربى عادى

هينار ربنا معانا والله أنا طول اليوم مابصدق يسكت دقايق أجري اخلص حاجة في البيت لما بالليل بنام وأنا قاعدة مع جوزي قدام التليفزيون.. اه أنا عارفه ان فيه تطعيم أول ما يتم شهرين بس حبيت اتأكد ان مفيش حاجة قبل كده..

ههههههههههه ضحكتينى يا بوسي ,,,, انا اللى لاحظته هنا فى الامارات ان الكل دلوقتى بيميل للانجليزى حتى فى المدارس كل المواد طبعا انجليزى وتلاقى الاولاد ,,, مش عارفين حاجة فى العربى .... ربنا يعينا على تربيتهم يارب

أجمل ايام العمر;13765785:
بصي يا توكي الكلام اللي هقولهولك ده ليكي انتي و هينار و عن تجربة مع بيللا حبيبتك.. ‏
انا كانت بيللا زي تيا عايزة تفضل على صدري ليل و نهار و طول النهار زن و صريخ لحد ما اخو جوزي شافها هو دكتور اطفال و قاللي اصلها فاضية مش وراها حاجة و انتي كدة هتبوظيها و قااللي لاااااازم انظم الرضاعة و مهما عملت مترضعش غير في ميعادها و قاللي متخافيش محدش بيموت من العياط انتي بس تبقي مدياها دوا المغص و متبقاش بردانة و ارميها في الكارسيت و متعبريهاش انا ماما كانت بتقول عليا مفترية عشان بسيب بيللا تعيط بالساعات بس دلوقتي بتقوللي انتي صح لان بيللا دلوقتي عارفة انها طول ماهي بتعيط عمري ما هعبرها مهما عملت الموضوع كله انك تقوي قلبك.. ربنا يقويكي و يهديهالك يا رب‎
‎

تماااااااام الكلام دا انا كمان والله كنت بعمل مع ياسين كدا

مكنتش بعبره بس طول ما هو كويس انما يا روحى لما بيبقى تعبان او فيه مغص مقدرش اسيبه

M!ss Tuky;13766012:
طب والله يا هدي انا بسيبها تعيط لدرجه انها صوتها اتنبح ف خفت ع الاحبال الصوتيه لحسن يجرالها حاجه دى نفسها بيروح مالعياط

انا عن نفسي بسيبها تعيط وجوزى يدخل من بره يقولى انتى جبارة ومفتريه كده قلبها يوجعها ويشيلها ويفضل يهز فيها شويه ويديهالى

ولا هو ولا حماتى يحبو يشوفوها بتعيط

انا بردو بفضل اقولهم دى اتعودت انها تتشال وعارفه انها لما تعيط هتتشال يشيلوها شويه يسكتوها ويدوهالى

انا قلبي جامد وبسيبها تعيط بس بعد مره قعدت تعيط ونفسها يروح لحد ما لقيت صوتها اتغير ف شيلتها انما غير كده بسيبها والله

بنتك لسه نونو خدى بالك لا يكون عندها مغص ودا اللى بيخليها تعيط كتير

طيب انتى مبدئيا لازم تعملى حاجتين عشان ترتاحى:

الاول تنظمى الرضاعه لان الرضاعه هتنظملك نومها وكل حياتها

وثانيا انك تتأكدى انها معندهاش مغص

قوليلى هى لما بتعيط بتحرك رجليها وترفس بيها كدا ولا عاديه ؟؟؟؟