ساعدووني مشكلتي عويصه الله العالم بالحال ..

لاحول و لا قوة الا بالله العلي العظيم

ما ادري كيف اساعدك :( :(

بس مالي غير دعوة صادقة لك

الله يسخر لك زوجك ويهدي النفوس , ويريح بالك ويسعدك يا أختي

الله يفرج همك وهم كل مهموم
ونتظري وان شاء الله كل تأخيره فيها خيره وان شاء الله البيبي يجي ويقرب الموده والرحمه بينكم يارب

لاحول ولاقوه الا بالله

الله يسخره لج

حزنتيني والله

السمسم;13647665:

والله يا اختى نقرا فى كلامك ودمى يغلى منك ... سامحينى على صراحتى

يعنى انتى شغلتى كل قوتك وقدراتك فى خلق مشاكل وثم تعقيدها الى الاسوء
مشكلتك انك مسويه بدل الغلطة الف
عدم اطاعة اهلك .. اهانة زوجك .. اهانه اهله ... شكوى ضد زوجك فى المخفر ..ووووو
يعنى وين كان عقلك وانتى تسوى كل هالشى
المهم .... انتى تريدى نصيحة لا عتاب بس كان لازم منه
اختى الكريمة لو اللى سويتيه فى اهله سواته مرت اخوك فيك وفى اخوك واهله كيف يكون ردك عليه
انا متاكده انكم لن تقبلوها بينكم وانك ستطلبيين من اخوك ان تعتدر لامك وابوك والا لا يرجعهها
لهدا انتى اخطاتى وخطا كبير وانتى معترفه به وعليك تصحيحه
اعتدرى من امه وابوه ولا تتوقعى يوم ان يترك اهله ويغضبهم على شانك لان الله لن يبارك لكم فى حياتكم
اتركى الامور حتى تهدا قليلا ثم ادهبى وراضى اهله وتعلمى كظم غيضك وصون لسانك وطاعة زوجك واحترام اهله وتدكرى انتى حامل والدنيا دواره
وكما تدين تدان اليوم انتى مع اهله .. وغدا كنتك معاك

ازرعى خيرا لتحصدى خيرا

:thumbs_up::thumbs_up:انا مع راي اختي والله يهدي سرك ويهديك ويهدينااا ويستر علينا ياااارب

السلام عليكم اختى الكريمة اولا ادعو الله لك ان يجعل لكى مخرجا مما اوقعت نفسك فية من مشاكل ولكن لكى تحل اى مشكلة لابد ان نعرف اسبابها من الواضح انك لا تتحكمين فى اقوالك بشكل جيد وهذا سيوقعك فى كثير من المشاكل فحاذرى يااختاة من فلتات ا للسان وحلا لموضوعك انصحك بالبحث فى عائلة زوجك عن انسان ن ذو حكمه وعقل يتدخل بالخير بينك وبين اهل زوجك مع تعهدك امامهم بأن تحسنى معاملتهم مستقبلا هدانا الله واياك لما فية خير دنيانا وصلاح اخرتناF:

هلا فيك يالغاليه

اولا" وأهم نقطه ركزت عليها بمشكلتك هي

معنى قبل ما اخذه كنت احبه واموت فيه واحترمه بس لما ارتبطنه جفت اهله يعاملونه كانه ياهل عمره 10 سنين والمعنى اهو اكبر واحد البجر ....المشكله اهو عودهم على هتصرف ..



يعني اهله يعاملونه على انه طفل وما يعطونه اعتبار تقومين انتي تسسوين مثلهم واكثر بعد


هذا بدال ماتعزينه وترزينه ويحس بقيمته على يدك ويحس انك غير الناس وانك انتي الوحيده اللي ضاربه له الف اعتبار وكل شي الا هو

؟؟؟؟


غريبه تقومين عليه بالمشاكل !!!!


طيب ليه


ما ارمي الوم كله عليك لأ ن ممكن فترة حملك مسسببه لك ضغط نفسي زهالشي لازم يؤخذ بعين الاعتبار لكن يا اختي وشوله هذا كله الي وصلكم لهالإهانات بينكم وشؤرطه وقضايا وقذف وغيره

انتوا زوجين والزوجين الله سبحانه ينزل بينهم المودة والرحمه لكن انتوا تركتوا المجال للشيطان بينكم

عمرك صار مشكله وتعوذت من الشيطان ورحتي لزوجك وبوستي راسه وقلتي حقك علي حبيبي ( حتى لو هو الغلطان ) جربي مره وحده بس وشوفي ردة فعله اذا صارت مشكله بينكم

أبسألك رفعتي يدك لله ودعيتيه اللهم ياملين الحديد لين قلب زوجي علي

اللهم اجعل المشاكل بيني وبين زوجي برد وسلام كما جعلت النار على سيدنا ابراهيم بردا" وسلاما"

اللهم حنن قلبه علي وحنن قلبي عليه

اللهم ابعد عنا الشيطان ودروبه واعوانه ونعوذ بك منهم ,,,


طبيعي يصير بين كل الازواج مشاكل

لكن

( كبريها تكبر صغريها تصغر )

كله بيدك

هذا زوجك واختيارك رغم رفض الكل وتجين تعاملينه بهالطريقه تروحين تشبين فيه اول ما يدش غرفة نومه راحته وهو يقابلك تقومين تقلبينها هوووشه وصراخ

ممكن انتي مضغوطه بسبب حملك لكن مع احترامي اختي وصولكم لهالدرجه يقلل من احترام الحياه الزوجيه وهو الاساس فيها حتى قبل الحب


معليش لا تزعلين من صراحتي بس ابي تعرفين اشياء يمكن غابت عن تفكيرك

نصيحتي لك

احمدي ربك وصلي لله وادعيه يفرج كربتك ويرد لك زوجك يارب ويلين قلبه وقلب اهله عليك

ثانيا"زوجك عزيه ورزيه وحطيه شيء حتى لو هو مو بشي بنظر الكل انتي الاساس ترى معاملتك له تنعكس داخليا" عليه وراح يفرق بين معاملتك له ومعاملة اهله له


وهذا يحببه فيك اكثر

خذي عهد على نفسك مع نفسك انك تغيرين وضعك مع زوجك تماما" وتقدرين النعمه اللي انتي فيها اللي لو فقدتيها عرفتي قيمتها

الحل بيدك يالغاليه اتجهي لله اولا" واخيرا" ادعيه اطلبيه توسلي اليه

وادعيه يفرج همك وكربك

والله سبحانه راح يفرج همك بقدرته

واذكري الله دوما" فاليسر يذكرك فالعسر


تقبلي مروري ومشاركتي البسيطه لكِ


دمتي بود وبحفظ المولى

شوفي حبيبتي كل مشكلة و لها حل بأذن الله أول شي أستهدي بالله و تعوذي من الشيطان و ثاني شي الصراحة الغلط كلة منج و أنتي
خليتي حياتج مفتوحة للأولي و التالي !!!!! ليش كل هذي التصرفات و المشاكل أشدعوة وين عايشين عمرها المشاكل ما تنحل بالهواش
و الزعيق و صدقيني أنتي عطيتي اللي حواليج مجال أنهم أيتدخلون في حياتج مع الأسف ...
الحين اللي عليج أنج أتسوينة أذا فعلاً أنتي شارية زوجك و حياتج زوري أهله و حبي راس أمه و أستسمحي منها على كل اللي بدر منج
أثبتي لزوجك أنج فعلاً تغيرتي و كل شي بينصلح و السالفة مع الزمن بينسونها بس أهم شي أنج تتغيرين و لا أتخلين أحد أيتدخل في حياتكم
و مشاكلكم حلوها بنفسكم ( أعرف وحدة أوصلت بها و بزوجها إلى المحاكم و أم زوجها سنوات ما تكلمها و ألحين هي أم عياله و علاقتها باهلة
وايد زينة و بالعكس أيحبونها و يحبون عيالها ) فتلاحقي نفسج و صلحي الأمور اللي خربتيها ...أن شالله نسمع عنج الأخبار الطيبة:thumbs_up:

أختى صاحبه المشكله ..
مشكلتك أنتى التى خلقتها وأنتى التى ستعيدى إصلاحها
ولكن بدايه لابد أن تضعى يدك على مراكز الضعف وتقويها
ومراكز القوه وتعززيها
أنتى مده زواجك قصيره جدا ورغم هذا كميه من المشاكل تشابكت وتعقدت وصعب معها الوصول إلى حل
علاقاتك مع من حولك تحتاج منك إلى نظره منك
بدايه زوجك..
إعلمى أختى أن الإحترام بين الزوجين من أهم شروط نجاح الحياه الزوجيه وأن فقد الإحترام فقدت معه كل الأشياء الأخرىمن موده ورحمه وحب ورغم أنك تحبينه كما تقولين إلا أن تصرفاتك لا تدل على ذلك وإن كان زوجك يتقبل منك أسلوبك المسئ له فإعلمى أن غدا قريب وسياتى يوم لا يسمع منك كلمه واحده ضده تهينه او تسئ له
أهل الزوج
المعامله الطيبه بينك وبينهم بدون تدخل والقيل والقال ولا داعى للدخول فىمواضيع تجر عليكم المشاكل ووصول الحال لما هو عليه
نصيحه منى لك اختى إحفظى زوجك وحافظى عليه
لا داعى للغضب والتهاوش لأن هذا مدخل من مداخل الشيطان
ليعكر عليكم صفو حياتكم وينزع من البيت السكينه والطمانينه
إلزمى الهدوء فى علاج اى مشكله وحكمى عقلك فى اى تصرف تبادرى به
وربى يعينك على زوجك وحملك ونفسك ..

ياحلاتي حدي كلاسي;13647401:

السلام عليكم ورحمة الله وبركاته

انا متزوجة تقريبا من شهر 7 يعني صار لي 5 شهور وانا حامل بشهر الرابع ... للعلم انا كنت ساكنه في بيت اهله ..
متزوجة عن طريق خطبه وصار حب .. لاني خذيته واهلي ماكانوا راضين بس لاني انا كنت ابيه بالغصب اقبلواا ...
معنى في اختلافات بالتقاليد بس .. يعني من يوم اللي تقدموا لي فيه واحنه كله هواش اهلي يبون شي واهله مصرين على شي ... وبعد عناء طويل ارتبطنه ...
غلطتي يمكن كنت اسمع الكلام اللي يعور القلب واحطه بقلبي واطلع الحره بزوجي ... وريلي الله يحفظه متحمل صراخي عليه لانه يحبني ومشكلتي ماكنت اقدر هشي ...
معنى قبل ما اخذه كنت احبه واموت فيه واحترمه بس لما ارتبطنه جفت اهله يعاملونه كانه ياهل عمره 10 سنين والمعنى اهو اكبر واحد البجر ....المشكله اهو عودهم على هتصرف ..

الحين راح ابتدي مشكلتي وابي حل .. مثل ما انا ذكرت في اختلافات بالتقاليد يعني مو بسرعه راح اتاقلم وانا وحده ماتاقلم بسرعه يبيلي شهور حتى اتاقلم .. كنت اسمع انتقادات من اهله وكنت احط بقلبي جدامهم ومن ندخل غرفة النوم مسكين ريلي يسمع التحلطم الي يعور القلب ومسكين كان متحملني ...مشكلتي كنت ايمع بقلبي و انترس وبعدين افور مثل البركان مافي شي يوقفني ...
وغير جذي امي عرفت عن ريلي شي مو عدل (ما ابي افضح وقامت تصرخ اتصلت في امه وتمت تصرخ وقطت كلام مو عدل وسبت مقهوره لانه ام ريلي يوم يات تخطب قالت ولدي لا له وله عليه ماعنده الا الجقاره وبعدين طلعت في بلاوي معنى احنه متعودين اذا امي راحت تخطب تقول عن خواني وشنو بلاويهم) عاد امي درت وسبت في امه وهزئتها وقالت لها خشيتي علي وكفايه ماسويتو حفلة عرس وانا اللي بسوي حفلة الحنه انتوا شسويتوا ويعني كلامهم كله وهم في وهم اوالله العالم ظروف ..

اخر مره تهاوشت على شي سخيف ..تهاوشت معاه على النت ^.^"
ادري سالفه تافه كنه متفقين على شي ولقيته بدون مايقولي عطه اخته .. انا كنت معترضه لانه ليش ماخبرني معنه اهو اللي كان قايل لا تعطين اي احد ..وانا كنت خاطري احس انه عندي ممتلكاتي الخاصه مو كل شي مشترك كفايه اني متحمله بعض لاشياء ..
مشكلتي لساني طويل ومتبري مني .. ماطول عليكم صرخت وقتله قوم ودني بيتنه ما ابيك وله ابي اتم هني (في بيتهم) قتله قوم ودني بيتنه ...
تهاوشنه عند باب البيت اهلي انا كنت واقفه ما ابي ادش واهو مصر الا يدخلني البيت ... انا كنت ما ابي ادخل لانه اهلي كانوا قايلين لي اذا خذتيه لاتين في يوم من الايام تردين تقولين تبين تهدينه لانهم بالاصل مايبونه بس عشاني كانوا راضين وانا كنت اقول بتحمل كل شي عشانه ,,بس للاسف طلعت مااقدر اتحمل :'(...

اتصلت فيه وقتله يب لي اغراضي وانا اصرخ , واتصلت في امه وانا معصبه وحدي محتره و قتلها سوالف عن ريلي اهو كان مسويها من فتره وانا على ذمته سوالف شوي تسود الويه:badly: ... وقتلها خل يطلقني ماابيه ....بعدها اتصلي وكان عنده اختيارات اول شي يا طيحن الياهل:confused: ونتطلق او نروح المحكمه وتتنازلين عن الياهل او اخر حل انا ابيج بس ترجعين وتبوسين ريل امي!! وتحبين راس ابوي واختي!!! ^.^"
وانا شمسويه عشان ابوس ريلها وراسهم واتصلت حق الشيخ نفسه االلي زوجنه ....
وقتله قالي لايجوز حرام تطيحين الياهل هذي جريمه و قتله يبيني ابوس ريل امه وابوس الخ قالي هذي همانه قالي يعني المفروض مايرضى عليج ...

وثاني يوم ياب لي الاغراض حسيته ماعطل خبر ادري انا اللي قايله له يب الاغراض :( ..
بس عصبت و تهاوشنه كنت ابي اخذ من عنده اغراض ماكان يبي يعطيني اياهم جان يصير الهواش اهو ايودني ويقطني على الكرسي عشان ما اقوم وللعلم انا حامل و كنت بوقتها صايره انحس ما خلق الله ومستحمقه قمت نتفت ثيابه وسبيته وسبيت امه وسبيت اهله.:mad:.. لاني كنت سامعه سوالف تسود الويه من اخته الصغيره (يعني اخته كانت كل مره تقولي سوالف او فضايح معنى انا ماطلبت منها وانا كنت احط بقلبي كنت غلطانه ماقتله من قبل حتى يوقفها عند حدها :mad:) يعني طلع امزع وقتله بشتكي عليك لانه يبي يطيح الياهل و دزني على الكرسي وانا حامل .. طبعا الشر بويهي وشيطان كان بوقتها راكب راسي ,ماعطلت خبر اتصلت مركز الشرطة وبلغت و محد من اهلي يبي يتدخل اتصلت في مرت اخويومرت اخوي ماعطلت خبر يات تركض وودتني حتى اككد البلاغ ورحت المركز اشتكيت عليه و رجعت البيت لانه المركز الصحي كان مسكر وكنت ابي احد من اهلي يوديني لاني كنت واايد تعبانه وجفت الكل ضدي كانوا يقولون لي دام خذتيه احنه قلنه لج تحملي مايج واللي تسوينه مالنه خص .. عيني دمعت وطلعت من البيت امشي مادري وين اطق براسي مادري وين اروح :'(..

وانا امشي اهلي يتصلون مارديت عليهم ..
وبعدها ياني رقم غريب وشلته طلع ريلي قالي انا بالمركز و المركز يبونج تعالي قتله ما اقدر ايي ماعندي احد ايبني وانا بالشارع امشي مادري وين اروح , قالي المركز يبونج امرج قتله اوك ومرني ورحنه مع بعض .. قبل ما ننزل المركز قالي خل نتفاهم وتفاهمنه و لقيته مشتكي علي سب وقذف و تهجم يقولي وحده بوحده يقولي تنازلي عشان اتنازل:!!: عشان ماتصير فضايح واذا تبين باجر اروح المحكمه ونتطلق .. او تبين تتنازلين وانا اتنازل ونرجع انا للحين ابيج في مجال تحاولين تصلحين الامور ..

رجعنه لكن كل واحد في بيت اهله ,,اهله مايبوني واهلي مايبون يتدخلون وانا مادري شاسوي ..
والمشكله ريلي حالته ماتسمح انه نطلع في بيت بروحنه وغير جذي ريلي اول ماخذاني باع سيارته يعني ماعندنه شي ..
الله كريم انا راضيه ارجع باي شي بس ابي حل ادري واايد غلطت
واللي يسلمكم ابي حل ..وريلي يقولي اهلي مايرضون بسهوله يقولي امي تقول اذا ردت مرتك اانا بطلع من البيت يعني يا انا يا اهي وابوه يقول بيكسر ارايلي ..

اه ادري الحين ماينفع الندم واللي يسلمكم ابي حل اذا في احد يقدر يساعدني ..

انا احب ريلي وادري ماكنت مقدره النعمه اللي بيدي معنى ريلي على قد حاله بس كنت اللي ابيه ايبه لي ...

ساعدوني الله يفرج همكم ويسر لكم امركم ويصلح لكم اموركم ..
الموضوع تقريبا صار له اسبوع تقريبا الهوشه كانت تاريخ 31-10
.. خليت امي بعد 3 ايام تكلم امه :thumbs_down:ولكن امه قالت لا ريلي ولا بناتي يبونها بالبيت ...
وريلي يقولي نطري شهر تهدى النفوس وان شاء الله يرجع كل شي ..
ساعدوني الله يفرج همكم:badly:..

شوفي اختي اول شي ربي يسر حملك وولادتك

ثاني شغله انتي صارت امور وايد على حسب الكلام الي قلتيه اولها رفض اهلك وثاني شي وضع ريلك عند اهله وثالث شي اخت ريلك وامه وعدم تاقلمك مع اطباعهم بس الحين ماانقعد نتكلم على امور انتهت وراحت انتي قصيتي الحق من نفسك وذكرتي كذا مره لنا انك غلطانه وانك انتي السبب انه انتي, وانتي ماحطيتي اللوم كله على اهل ريلك او ريلك او اهلك وهاذا الشي ايجابي ويساعد بحل المشكله طيب يااختي الي يغلط ويعترف بغلطه حتى لو انه بينه وبين ربه ماعليه يتسامح من الي غلط بحقهم


ريلك ابو طفلك الجاي والانسان الي اخترتيه وحبيتيه بغض النظر عن معاملت اهله او طريقته او الي يسويه او الخرابيط الي سمعتيها من اخته او الفاضيح الي امك سمعتها وراحت سبت وشتمت مع انه موصحيح الي سوته بس اهي تبي تبرد حرتها ...
لزم تعرفين انك غلطتي بحقه وانا عاذرتك صعب تتاقلمين على الوضع او صعب تتحملين كلام ينقال عليك لكن اهو شنو ذنبه بالعكس كان ممكن انك تتحملين عشانه وتكون نقطه حلوه بحقك عند الله سبحانه وتعالى قبل ريلك وتعاملينه عكس الي يعاملونه اهله .

الحل انك تقعدين معاه قعده صلح قعده زوج وزوجه حبيب وحبيبه قعده لاتذكرين فيها قالت وله صار وله وله قوليله انا اعتذر منك والمفروض ماتوصل الامور لهاذا الحد وانا كنت بفتره نساة وحاولي تعدلين الصوره شويه مني مناك رقعي السالفه وانتي شفتي وجربتي صارت لك مشكله اهلك حتى ماوصلوك للمكان الي تبينه بصراحه ومن غير زعل يعني اهلك كلش شايلين ايدهم يعني المفروض امك تقعد معاك تهديك تقولك انتي الحين حامل وبتصيرين ام ومايصير الي تسوينه وتحاول تصلح ويدخلون ريلك للبيت ويقعدون معاكم ويشوفون شنو مشكلتكم ويصلحون بينكم هاذا المفروض يصير لاتتبعين الي يصفقلك حبيبتي مرت اخوك يت تركظ بس قلتي لها ابي ابلغ المفروض تهديك موتطير فيك للمغفر ....

انا يمكن كتبت كلام ويد ويمكن ماوضحت الفكره الفكره ياقلبي شفتي بعينك محد بيفيدك ياقلبي وانتي قلتي من الاول ريلي يحبني وتحملني وانتي لاتخسرينه وقعدي معاه وفهميه انه الي صار كله من الحمل ونفسيتك تعبانه وماعليه روحي لامه واعتذريلها ولابوه يكفي تبوسين راسهم وحاولي انك ماتكبتين بقلبك ويمكن اهم هاذا اسلوبهم يعني اهم يعاملون ولدهم 10 سنين بعد شتبين يعاملونك عاادي طنشي يمكن اهم هاذا تفكيرهم احيانا نقول فلان قلبه ابيظ بس لسانه مخرب عليه حاولي تتقربين منهم وتاقلمين حياتك معاهم واكيد بتكتشفين فيهم اشياء حلوه واسفه شكل طولت وااااايد عليك بس بصراحه كسرتي خاطري وزعلتيني ربي يسر امورك ويسهل عليك ويهدي ريلك واهله

الله يفرج همك و تنحل الامور

مابضيف شي على كلام الاخوات اسلوبج كان غلط بالتعامل مع زوجج هو بعد انسان لازم تحترمينه ماادري شقول حاولي ماتكبرين الامور وتهدمي بيتج

قريت مشكلتج في منتدى ثاني
واتمنى انج لقيتي حل مناسب لج

والله يسهل عليج

الله يهديك :(

ويهدي زوجك واهله واهلك ي رب وتتيسر امورك

عليك ب الدعاء والتوبه الصادقه ب الأيام هذيَ

والله يتقبل :(

خمس شهور بس وكل هدا صار ,,,معلش اختي بس انتي عصبية و
زيااااااااادة , يعني انتي لسا عروس ويطلع منك كل هالشي وفأول خمس شهور ..

لازم تتخلصي من عصبيتك .والا بتندمي مع الايام للاسف

بل ! هانت علّي حالتي ،، يوم قريت مشاكلج ..

من الصدمة ماقادرة اعطيج حل .. الله يكون بعونج ..

الله يفرج عليكِ أختي بس لازم تصلحين غلطتك بإيدك

زواجك له فترة بسيطة وكان لازم ما تكبر الأامور لهدرجة لأنه من الطبيعي بهالفترة يمر الزوجين بيشويه منوشات

لانها حياة جديدة عليهم .. الله يهدي الأمور ويخترلك يلي فيه كل الخير

الله يفرج همج البنات ما قصرو