ساعدووني مشكلتي عويصه الله العالم بالحال ..

دقات قلبFي;13647993:
هلا فيك يالغاليه

اولا" وأهم نقطه ركزت عليها بمشكلتك هي

معنى قبل ما اخذه كنت احبه واموت فيه واحترمه بس لما ارتبطنه جفت اهله يعاملونه كانه ياهل عمره 10 سنين والمعنى اهو اكبر واحد البجر ....المشكله اهو عودهم على هتصرف ..



يعني اهله يعاملونه على انه طفل وما يعطونه اعتبار تقومين انتي تسسوين مثلهم واكثر بعد


هذا بدال ماتعزينه وترزينه ويحس بقيمته على يدك ويحس انك غير الناس وانك انتي الوحيده اللي ضاربه له الف اعتبار وكل شي الا هو

؟؟؟؟


غريبه تقومين عليه بالمشاكل !!!!


طيب ليه


ما ارمي الوم كله عليك لأ ن ممكن فترة حملك مسسببه لك ضغط نفسي زهالشي لازم يؤخذ بعين الاعتبار لكن يا اختي وشوله هذا كله الي وصلكم لهالإهانات بينكم وشؤرطه وقضايا وقذف وغيره

انتوا زوجين والزوجين الله سبحانه ينزل بينهم المودة والرحمه لكن انتوا تركتوا المجال للشيطان بينكم

عمرك صار مشكله وتعوذت من الشيطان ورحتي لزوجك وبوستي راسه وقلتي حقك علي حبيبي ( حتى لو هو الغلطان ) جربي مره وحده بس وشوفي ردة فعله اذا صارت مشكله بينكم

أبسألك رفعتي يدك لله ودعيتيه اللهم ياملين الحديد لين قلب زوجي علي

اللهم اجعل المشاكل بيني وبين زوجي برد وسلام كما جعلت النار على سيدنا ابراهيم بردا" وسلاما"

اللهم حنن قلبه علي وحنن قلبي عليه

اللهم ابعد عنا الشيطان ودروبه واعوانه ونعوذ بك منهم ,,,


طبيعي يصير بين كل الازواج مشاكل

لكن

( كبريها تكبر صغريها تصغر )

كله بيدك

هذا زوجك واختيارك رغم رفض الكل وتجين تعاملينه بهالطريقه تروحين تشبين فيه اول ما يدش غرفة نومه راحته وهو يقابلك تقومين تقلبينها هوووشه وصراخ

ممكن انتي مضغوطه بسبب حملك لكن مع احترامي اختي وصولكم لهالدرجه يقلل من احترام الحياه الزوجيه وهو الاساس فيها حتى قبل الحب


معليش لا تزعلين من صراحتي بس ابي تعرفين اشياء يمكن غابت عن تفكيرك

نصيحتي لك

احمدي ربك وصلي لله وادعيه يفرج كربتك ويرد لك زوجك يارب ويلين قلبه وقلب اهله عليك

ثانيا"زوجك عزيه ورزيه وحطيه شيء حتى لو هو مو بشي بنظر الكل انتي الاساس ترى معاملتك له تنعكس داخليا" عليه وراح يفرق بين معاملتك له ومعاملة اهله له


وهذا يحببه فيك اكثر

خذي عهد على نفسك مع نفسك انك تغيرين وضعك مع زوجك تماما" وتقدرين النعمه اللي انتي فيها اللي لو فقدتيها عرفتي قيمتها

الحل بيدك يالغاليه اتجهي لله اولا" واخيرا" ادعيه اطلبيه توسلي اليه

وادعيه يفرج همك وكربك

والله سبحانه راح يفرج همك بقدرته

واذكري الله دوما" فاليسر يذكرك فالعسر


تقبلي مروري ومشاركتي البسيطه لكِ


دمتي بود وبحفظ المولى

:thumbs_up::thumbs_up::thumbs_up:انا معاها بكل كلمة قالتها لج والبنات بعد ماقصرو قالو كل الي كنت ابا اقوله لج

السمسم;13647665:

والله يا اختى نقرا فى كلامك ودمى يغلى منك ... سامحينى على صراحتى

يعنى انتى شغلتى كل قوتك وقدراتك فى خلق مشاكل وثم تعقيدها الى الاسوء
مشكلتك انك مسويه بدل الغلطة الف
عدم اطاعة اهلك .. اهانة زوجك .. اهانه اهله ... شكوى ضد زوجك فى المخفر ..ووووو
يعنى وين كان عقلك وانتى تسوى كل هالشى
المهم .... انتى تريدى نصيحة لا عتاب بس كان لازم منه
اختى الكريمة لو اللى سويتيه فى اهله سواته مرت اخوك فيك وفى اخوك واهله كيف يكون ردك عليه
انا متاكده انكم لن تقبلوها بينكم وانك ستطلبيين من اخوك ان تعتدر لامك وابوك والا لا يرجعهها
لهدا انتى اخطاتى وخطا كبير وانتى معترفه به وعليك تصحيحه
اعتدرى من امه وابوه ولا تتوقعى يوم ان يترك اهله ويغضبهم على شانك لان الله لن يبارك لكم فى حياتكم
اتركى الامور حتى تهدا قليلا ثم ادهبى وراضى اهله وتعلمى كظم غيضك وصون لسانك وطاعة زوجك واحترام اهله وتدكرى انتى حامل والدنيا دواره
وكما تدين تدان اليوم انتى مع اهله .. وغدا كنتك معاك

ازرعى خيرا لتحصدى خيرا

:thumbs_up:انا كمان مع هذا الراى وربنا يهديكى ويوفقك فى حياتك

انتي اصلا اسميحلي اللي سويتي كل المشااااكل

وماتعرفين شي اسمة السنر بين الزوج وزوجها يعني كانت تطلع منه اشياااء تسترين عليية وماتعارينة فيها قدام هلها

وبعجين بنفسج قايلة تجطين حرتج فية وهو يسكت مايرد علييج

كان شاريج وانتي اللي بعتبة

كبري عقلج وفكري

انتي اللي سويتي المشاااكل وماتعارفين شي اسمة اقعد افكر بروية واتكلم بهدووء مشكلتج تحلين امورج بالصراخ والحكم السريع

وللاسف خربتي حياة عائلة بالسانج الطوويل

راح الووومج والووومج

اصبري في بيت هلج لين تهدى النفس وحاولي تغيرين من نفسج وتمسكين نفسج

يمكن لين تربين الياهل يرجع الميااة لمجاريهاااا

والله يصلح الامور والنفوووس

الله يكون في عونج

هذه العصبية وعواقبها

عودي نفسج وحاولي قد ماتقدرين تمسكين اعصابج وتتجاهلين لانج مجبورة تعيشين معاهم مو عشانهم عشان ريلج لان صار ماصار هو اكثر واحد راح يتضرر ويكون بين نارين .. زوجته والا اهله ونادرا ماتلقين واحد يبيع اهله عشان زوجته ومثل مايقولون الزوجه تروح وحده تجي مكانها وحده ثانيه بس الاهل مايتعوضون

قد ماتقدرين حاولي تكسبين ريلج يمج لانج مثل ماقلتي اهلج شايلين يدهم من الموضوع يعني ماكو جدامج الا هو

الحين مايفيد الندم واللي صار صار سوي مثل ماقال ريلج نطري النفوس تهدأ وان شاء الله كل شي راح يكون بخير وترجع الامور مثل قبل واحسن

الله يسخر لك زوجك ويهدي النفوس

الله يسامحك قبلتي رغم رفض اهلك لكن الحين دم اهلك تخلوا عنك وين تروحين قالوالك قبل لاعاد تجين والحين متورطه بنونو انتظري على قولته شهر واذا رحتي اعتذري منهم حتى لوكان قلبك مغلي عليهم لأنه خلاص طاح الفاس بالراس وبعدها خلي علقتك بهم رسميه يااختي اكتشفت الناس اللي مايعطيهم الواحد وجه يحترمونه واللي يعطيهم وجه يرمونه وما يعبرونه

جميله وبس;13656675:
الله يسامحك قبلتي رغم رفض اهلك لكن الحين دم اهلك تخلوا عنك وين تروحين قالوالك قبل لاعاد تجين والحين متورطه بنونو انتظري على قولته شهر واذا رحتي اعتذري منهم حتى لوكان قلبك مغلي عليهم لأنه خلاص طاح الفاس بالراس وبعدها خلي علقتك بهم رسميه يااختي اكتشفت الناس اللي مايعطيهم الواحد وجه يحترمونه واللي يعطيهم وجه يرمونه وما يعبرونه

قريت كلام البنات ومااحب أزيّد عليك وأغثك

المهم الحين تمي في بيت أهلك

لكن خلي زوجك يدور لكم بيت لو حتى غرفه ومطبخ وحمام

وخلي علاقتك بأهله رسميه جدا جدا وزيارات معدوده في السنه

لحد مااتصلح الأمور

وهدي نفسك وحاولي تهذبينها

لأن العصبيه احنا اللي نتحمل نتايجها

وتذكري قول الرسول الكريم صلى الله عليه وسلم (( لاتغضب))

الله يهديك ويجمع بينكم

انتين الغلطانة حبيبتي من الأساس يوم قبلتين وأصريتين تاخذينه من غير رضى أهلش

تره الأهل مو في كل وقت يكونون غلطانين مهما كان هم ليهم خبرة في الحياة ويحبون مصلحتش ولو صبرتين أكيد بجيش الأحسن..بس يلا صار اللي صار الحين وانتين حامل ففكري بواقعية شوي هدي عنش العاطفة والكرامة..
انتين لو تخافين على نفسش وعلى كرامتش جان من الاساس ما أسأتين الادب مع زوجش..
الحين ما عليش الا الصبر والدعاء وقعدي ويه زوجش وحطوا النقاط على الحروف واتفقي وياه على كل شي
الطلاق مو حل خصوصا الجاهل ما ليه ذنب يعيش محروم من ابوه ويعيش من بداية حياته في اسرة منفصلة ومشاكل..

كلمي زوجش بكل هدوء وطيبة وقولي ليه اني الحين حامل ومو مستعدة اطيح البيبي وانته ما اظن تقدر تربيه بروحك ولا اني اقدر اربيه بروحي فلابد من انه يعيش وسطنه..
فأنسب حل انك تتصرف وتخليني اعيش في شقة بروحي حتى لو عقب فترة م الزمن..
جمع مبلغ وخلنه نطلع..او الحل الثاني تحارسين تهدأ النفوس وتردين تعيشين في بيت اهل زوجش وترضين بكل كلمة تنقط عليش وانتين ساكته لحد ما هم يحقرونش وما يردون يحاجونش..
وش اقول ليش يا اختي انتين بسبب لسانش ضيعتين علي كل شي

الله يهديكي ويصلحك
اللي سوتيه ما يمسحه حتى الاعتذار
ادعي ربك يسخر لك قلب زوجك واهله

لآ حــول و لآ قوة الا بالله ..


الله يهدااج اختي الي سويتيه مو شوي ..!



الله يهديكم ان شاء الله ..

ياحلاتي حدي كلاسي;13667444:

شكرا للكل ..والله يهدي الجميع والله يفرجها علي..

انا ما انكر اني غلطانه وانا قلت ابي اصلح .. لكن اهله مايبون ..وريلي يقولي نطري ...

بس الصراحه مادري والله شاسوي .. اليوم زوجي كلمنيي وقالي انا احبج واموت فيج وابيج ومستحيل اتخلى عنج!!!

اقوله وامس وكلامك يقولي كنت معصب ...
يقولي مالي غنه عنج انا مااقدر اهدج وله انتي و حرام الياهل يضيع :|
سكت ...
قتله انا احبك لكنك يننتني قالي انا احاول اقنع اهلي انا ابيج تردين ..
قتله صدقني انا مافي بيدي شي غير اعتذر وادعي ربي و لكن كل شي بيدك انت ممكن تغير شي ممكن تقنعهم..

وقالي ابي اقعد معاج شرايج ادشجج بيت اهلي بالليل بدون مايدرون :|
وانا الصراحه خايفه اروح خايفه منهم لانهم خشنين مايتفاهمون!! :|
مادري الصراحه صرت اخاف منه .. كل يوم له كلام.. الله كريم والله سلمت امري الى الله ..

مادري انا ضايعه :(

السمسم;13667863:

لا اختى انتبهى تروحى بدون مايدرى عنك احد بالليل انتم مازال ماتراضيتوش

اختى سامحنى بنقل خوفى لكى بس بصراحة اعتقد ان مافيش راجل فى الدنيا يحصل معاه اللى سويتيه مع زوجك وبعدها على طول يتصل بيك ويقولك احبك وووووو
وقبل يوم كان يبى يسجنك وينزل البيبي
\وبعدين ايقولك اريد ان تاتى بيت اهلى ليلا دون علم احد

انا رائى ان لاتدهبى حتى تصفى الامور وبعلم اهلك واهله وفى عز النهار

انتي ما خليت لي الطيب مكان
يس اصيري لما راح تولدي راح ترجع المويه لي مجاريه صدقيني لما يشوفوا ولد ولدهم راح يتغيررروا
بس انتي لغلظانه

بدون زغل هناك ناس بارعين ف حل المشكلات بطريقه سهله وبسيطه وناس بارعين ف خلق المشكله من لا مشكله