أنتم الصديقات اللي صفا لي ودادهم وانتم العزيزات اللي لهم القلب يرتاح>> ربات منزل

بنات عالم حواء مايفتح انتم مثلي اووووف طفشت منه؟

دخول مع اني نعسانة بس النت مغغغغري
قلت خليني نجرب نغير تنسيق خطي وتوقيعي

التنسيق طلع بس التوقيع لا
ليش؟؟

روز ههههه ضحكتيني والله
حتى انا نحس اني زي البطة اللي وراها عيالها خخخخ
ربي يحفظهم لنا وينولنا برهم
وكوامن نحس قصدها مش مسالة تخليهم والا لا
مسالة هل تعود زوجها انه ما يشاركها المسؤولية من هالناحية ؟؟
يعني السؤال يخص الزوج وليس الاطفال والحرمة حسب فهمي

هموسه نفس الشئ موراضي يفتح معاي

روووووز هههههه بالعكس حلوييييين البطه وبطاتهاااا

الحمد لله ريحتوني الله يريح بالكم

تدرون!! بكتب يومياتي..

قمت الصبح الساعة حدعش وخمسين دقيقة..:clock:

سويت لي كوبتشينو.. وقعدت بالكونسيرفتي.. وسكرت على نفسي الباب..

وروقت..وتلذذت بكوبي الى اخر لحسة للرغوة..:010:

خذت نفس عميق.. وقمت زليت قهوتي اللي كنت مقصرة عليها..

و سويت لزوجي قهوة امريكية.. وخذت قهوتي العربية وطلعت فيها لزوجي.. لقيته قايم وقالي انزل فيها..

تقهوينا..وسويت له ساندويتش بيض..كلهاوطلع يجيب النواقص..:064:

وانا هجمت عالمجلس.. تمسيح وترتيب..وكنس.. ونظفت الحمام-تكرمون-..وكنست السيب..:068:

وتوعدت بناتي..ياويل اللي بيروح للمجلس..:034:

ودخلت المطبخ فرغت غسالة المواعين.. ورتبت المطبخ..وطلعت الباقي من دجاجتنا اللي امس..

ونتفتها ونتفتها ليييين قالت: توبه ما اعودها..

وكشنت بصل وثوم وفلفل بارد وحيت عليه الدجاج المنتف..ملحته وذريت عليه ورق زعتر..وفرمت بقدونس وحطيته عليها..وخليهم يذبلون..

وحشيتهم بتورتيلا ممممم لذيذة..

تغديناها.. وغسلت المواعين.. وسويت شاي لبعلي..

ورتبت الاغراض..ريحت شوي..ثم عسكرت بالمطبخ..

قطعت درزن بصل.. شي للحم وشي للكشنة وشي للخضار..

كشنتهم بوقت واحد.. و..<<عجزة اقولكم التفاصيل..:rolleyes:

المهم اني بَلَشْت بالرز كثيييير وقدري صغير.. وطلع خانس.. بس بكيفه..

كنت حاطة القهوة بالمجلس.. وزوجي هو اللي جايب الرجال<<ما عندهم سيارة

وكان قبل يطلع مشغل المدخنه اللي كنت مجهزتها مع معمول..بس شال المعمول وحط عود..

ولقيته بعد مشغل الفاير بليس ومطفي اللمبات..طلع الجو رومنسي!!! بغيت اقعد..خخخخخ:worn_out:

المهم..جهزت الصينية بالسلطة والملاعق ملفوفة بمناديل..والسماط..

جا خذهن بعد ما تقهوو.. وفرشهن بالمجلس..

وكان العشى عبارة عن كبسة لحم ومرقة خضار..وسلطة..

وحلا عشى جاهز.. سوفليه ..وفاكهة..وكولا و سفن..

حطيت لبناتي عشى..وانا ما اشتهي<<الطباخ يسده البواخ..

غسلت مواعيني..وكنست الارضية.. وجاب زوجي السفرة بعد ما خلصو..

وكنت مجهزة الشاي..خذه وراح للمجلس.. وانا قعدت احوس بمطبخي..

وبناتي لما خلصو رقو فوق وتوعدتهم ينزلون ثانية..او يطلع لهم حس.:034:. ونامو..:075:

وقعدت مع الصغيره محجورين بالمقلط..وانا حصرانة :hysterical:خخخخخخ

خلصت من المطبخ خذت الترمس وفنجال وقعدت اتقهوى..بعدين ماش..مااعرف اروق وقدامي بداد!!

شغلت المكنسة وكنست الرز اللي ملا الارض..:068:

ومسحت الطاولة..وعطيت بنتي رضعة.. ومخمخت عالقهوة.. ثم خذت لي سوفليه..

ودخلت الكونسيرفتي.. واكلتها بهدوووووووء.. يا زين الروقان..:095:

طلعت..ولقيت بنتي نايمة.. وانا محبوسة..وش اسوي ؟!!

فتحت طاولة الكوي..وجبت السله..وكوي كوي كوي..

ودخل علي زوجي يقول لي انهم طالعين..وانا كملت الكوي لين خلصت..

دخلت المجلس باخذ الشاي..وكان مكتوووووووووم.. اتظح لي ان زوجي ناسي يفتح فتحة التهوية حقة الفاير بليس!!!:-o

زين ما انكتمو وماتو علي..:|

شغلت غسالة المواعين..ورقيت بنتي لفراشها..

و انا تمددت عالسرير..بعدين فرشت اسناني:028:..ومسحت وجهي بمسحة طبية..

وقطو..

حياكم شرفوني في موضوعي

http://forums.3roos.com/showthread.p...8#post14020358

اهلين ينات اشتقت لكم

بناتي زهره حياتي ::

الولد عمره 4 سنين ونص
والبنت عمرها 3 سنين

احبك الهي ::

خذي حبوب الوحم بتريحك مره

وبما انكم تتكلمون عن كلام الناس للي ماعندهم الابنات
بقولكم على قصه حقيقيه وشوف النهايه سبحان الله

هذي وحده عندها ولدين وتزوجو اول ولد جابت زوجته عيال بس

ثاني ولد جابت زوجته بنات بس

وطبعاً اهل الزوج فرحانين ان ولدهم الكبير ذريته

كلهم عيال وامهم مخلينها الكل في الكل ام فلان وام فلان والشور لام فلان ويقدرونها ويحترمونها

اما مرت الولد الثاني الي ذريتها كلهم بنات بس ينادونها اهل زوجها ياأم

البنات ويحقرونها وبس يهزئونها ايه انتي ماعندك الا هل بنات ماوراك سند بكرة كل وحده تبي تروح مع رجلها ويتركونك لحالك

ويلحون على ولدهم علشان يتزوج غيرها علشان يجيب ولد

ومرت الولد الاول بس تتمسخر على مرت عمهم ام البنات وتقولها الحمدلله ربي مارزقني بنات ماوراهم الا الهم

ومرت الايام والسنين وماتو اهل الزوج الام والابو

وكبرو عيال العيال الاولاد والبنات وكلهم تزوجو

والامهات جلسو لحالهم ام العيال وام البنات كل وحده في بيتها

ام العيال عيالها يجون يزورونها ساعه اواقل كل فتره وفتره
وجالسه وحيده

اما ام البنات
بيتها مليان مايفضى ابد هذي بنتها جايه عندها نفاسيه وهذي جايه عندها زوجها مسافر وهذي جايه عندها زوجها طالع مع اصدقائه وماتخلص وحده نفاسها الا جتيها الثانيه نفاس
وبيتها عامر بصوت بناتها وعيال بناتها

مرت العم الاول جت عند مرت العم الثاني

وقالتلها تذكرين يوم اقولك الحمدلله ان ربي مارزقني بنات

انا الان اتمنى ان السنين ترجع وربي يرزقني بدال العيال بنات

مااستفدت شي من العيال كل واحد مع زوجته وماشوفهم الاكل فترة بس يشربون فنجالهم ويروحون

وإذا ماعند كم مانع ابصير اجيكم كل يوم اقعد معكم وانبسط

لاني مليت وانا قاعده لحالي

وقالولها الله يحيك في اي وقت


يومياتي ::

غسلت الحوش ( اخيراً خلصت منه الحمدلله )

ونظفت المطبخ طاولاته والفر ن والمجلى وغسلت الارضيه بصابون وماء وشطفته بماء وديتول

وغسلت الملابس دورتين ونشرتهم

ونظفت المغاسل والحمامات بصابون وكلوركس

وسلامتكم

wafa_redrose;14061667:
كوكو برايي انك تعودي زوجك على انه يشيل معك المسؤولية
الجنوبي بالذااااات لا تفوتي فرصة ابدا انه يساعدك ويكون له دور والا رح تندمي لانه خلااااص رح يتعود
وهذا عن تجربة
وعن تجربة كمان بامكانك تغيري كثيييير في الجنوبي وتخلي عنده احساس بالمسؤولية بس مش بالزن
لا
بالطلب المباشر بحيث تكوني متوقعة الموافقة
ولا تناقشي وتلومي وتعيدي وتزيدي
بالعكس قولي كلامك بحزم وحب وفيه شيء من المرح والمشاغبة
والجنوبي يحب اللي ينفخه ويمدح فيه ويحسسه ان الحياة ماهي ماشية الا بيه بعد الله
وكثري من جملة من لي غيرك بعد الله يابوفلان كثري كثري وعلى مسؤوليتي
الله يسخره لك ويوفقك
.....

يسعد قلبك يا فوفو ع الرد وهذا اللي شاغل بالي أني أعوده يتحمل معي المسؤولية .. اللحين أنا أخليهم معه في السيارة كل واحد في مثبت في كرسي السيارة حقه وأنا أنزل أتقضى وارجع بس لما صار يطلب مني أخلي الحرمة معهم عرفت أنه طفش ووده يتسحب من المسؤلية
لسى ندماااانه قد شعر راسي أني مره وحده مره وحده بس سمحت له أنه يوديني المستشفى مع عيالي وما ينزل معنا وليومك كل روحاتي للمستشفى بدونه ومرات لوحدي ومرات آخذ الحرمه معي تساعدني !!!
ومرات تكون مواعيد مهمه وخطيره وما يروح معي مو لأنه ما يحبهم لا لأنه يحب راحته أكثر !!
والمشكلة كمان أن عنده عقدة الخوف من سيطرة الحرمه كل ما قلت له شي قال تبغين تسوين فيني مثل ما تسوي فلانه لفلان >> زوجة أخوه في أخوه !!!
بالله هالفكر كيف يتعدل ؟؟ الله يعييييييييين

..R O S E..;14062063:


كوامن.. بصراحه انا ما ادري ليه مصعبه السالفة!!!

سبق واقترحت عليك انك تشتري عربية للتوائم..

بدل ما تخلين واحد مع زوجك..وبالسيارة!!!

انا زوجي دايم ينزل معي للسوق.. وما اعرف اتسوق الا اذا خلاني بروحي..

وش تبين فيه !!؟ اهم شي يعطيك مبلغ..وهذي هي مسؤليته..

يصرف عليك.يوديك ويجيبك.. اما يفر معك السوق!!! مالها داعي..

اذا تبينه يمسك معك مسؤلية..خليه يمسك عيالك بالبيت.. لما تكوني مشغولة..

غير كذا دلعي نفسك يختي.. وخلي عيالك عند هالحرمة..لو مو كل مره..

خلود.. ليه حسيتي بتأنيب ضمير..يوم تعشيتي بمطعم وعيالك عند اهلك ؟!!!!

يعني ما يحق لك تروقين مع زوجك ولو مرة وحدة؟!!!!



اااااااخ منكم ياللي يحصل لكم تخلون عيالكم عند احد.. وما تسوونها!!!

انا حلمي اني اسكن الرياض..بس عشان اخلي بناتي عند امي..

مو كل ما اروح سوق ..وراي..:099:

موعد..وراي.. :099:

عزيمة..وراي..:099:

قسم كني بطة!!!!!!! الله يصلحهن ويخليهن لي..

وقطو..

هلا وغلا فيك رووز
حبيبتي أنا عندي عربية التوأم من كان عمرهم 7 شهور بس اللحين خلاص مالي قدره عليها صار خلاص وزنهم ثقيييل ومتعبين وما يبغون ينحبسون ما أقدر أسيطر عليهم أبد
وإذا قصدك أنه زوجي اللي يدف العربية هذي من سابع المستحيلات وخلاص فقدت الأمل أصلاً !! يعتبرها عيب
لكن ماعلينا خلاص مو مهمه اللحين العربية إلا فيما ندر
وأنا كمان أفضل أكون لحالي في السوق آخذ راحت .. ولو كانوا أهلي عندي كان أرتحت أشوي ع الأقل أحطهم عند أمي بعض الأوقات
تدرين لو كانوا أهلي عندي كان أمسك العصا من النص مرات أخليهم عند أهلي ومرات إذا بغيته يتحمل مسؤلية أقول أهلي اليوم تعبانين أو مو موجودين أمسكهم أنت أو ننزل السوق مع بعض مع توأمي
بس هذي المشكلة ما حولي أحد ربي لا يحرمني منهم
والله يسعد قلبك على ردك يا قمر

همس28;14062095:

كوامن دلعي عمرك وبناتك دام تثقين بالحرمه اش فيها انتي موكل يوم بالسوق استودعيهم الله وروحي تسوقي وروقي ياقمر

مشكورة هموسه ع الرد أنا نفسي أخليها عندهم بعض الأيام -والله أيام نفسي أخرج حتى لو بالسيارة كذا أفرفر وارجع !! - لكن أخاف أتورط ويتعود زوجي هذا كل خوووفي

wafa_redrose;14062185:

وكوامن نحس قصدها مش مسالة تخليهم والا لا
مسالة هل تعود زوجها انه ما يشاركها المسؤولية من هالناحية ؟؟
يعني السؤال يخص الزوج وليس الاطفال والحرمة حسب فهمي

صحح عليك هذا قصدي الله يسعد قلبك

خلود ريح العود;14062896:

كوامن ,,

على قولة روز إشتري العربه حقت التوائم وخليهم معك ,,

صدقيني يمكن يغثونك بس تحسين براحه نفسيه ,,

,,,,,,,,,,,,,,,,,,,,,,,,,,,,,,,

أما يغثون فهم يغثون خخخخخ الله يصلحهم
عندي العربية بس مثل ما قلت لروز ماااا لي قدرة عليهم اللحين .. صارو كبار مو مثل أول أسيطر عليهم
الله يصلحهم ويهديهم ومشكورة حبيبتي ع الرد

نفسي أحصل أسلوب أو طريقة بحيث أني لو أضطريت أخليها معهم في البيت وأنزل براحتي لكن بشرط أنه زوجي يفهم أن هالشغله مو دايم
لأن عندي إحساس لو سويتها مره راح يضغط علي ويخليها كل مره
أحس أني لسى ما عرف لزوجي كثييير لسى أجهل بعض أمور التعامل معه !!

الله يسخر لنا ولكم
وسامحوني أزعجتكم معي

وبالنسبة لعالم حواء
من البارح وهو مقلوب فوق تحب
الظاهر صار فيه هكر وإختراقات
الله يعين

مشكوره حبيبتي جوجو ع الرد الله يجزاك الفردوس
ويعين ع الجنوبي رغم طيبته وحنانه إلا أن فيه أمور تتطلعني من طوووري وترفع أبو الضغط
الله يسخر لنا ولكم
--------


>>>>>> جالسه أحاول أنسق النص من لوحة التحكم لا تشرهون علي بغثكم شويتين خخخخ

كيفكم يا حلوات ...
اشتقت لكم .... ربي لا يحرمني منكم ..

دخولي على السريع ... الاتصال مقطوووع ما ادري وش فيه ...والحين اخذ من الجيران هههههههههه... وبس يقطع الله يعين ..

قلت ادخل اشوف يومياتكم واخباركم ... واطمنكم علي :) ...


الخميس ...

الصباح صحيت الفجر ؟؟؟ افطرت ... وجلست على النت ... شوي وعلى 9 رحت السوق ... ومرين بنده تقضيت .. ورجعت ابيت ونمت الظهر ... وصحيت المغرب وبديت اتجهز للزواج ...
استشورت شعري وكويت فستاني ... وجهزت الميك اب ...

رحت الفرح ... وانبسطت ورجعت 3 .. ونمت الفجر ... وصحيت على الجمعه ... ورجعت نمت >>>امس ما اخذت كفايتي من النوم ... ههههههه

وصحيت ولقيت عند جدتي ضيوف.... بنت اختها... وعمتي ومرت اخوووي ...
اكلت لي خفايف وع المطبخ غسلت الصحووون ونظفته واتجهزت وطلعت عندهم ... وجاب اخوي العشاء ... وتعشيت ... وراحوا على الساعة 11 طبعا النت خرباااااااااان مو راضي يشبك مره انقهرت اشتقت لكم هلللللبه ..< :)
المهم من الطفش جلست اقرأ في كتابي ... ونمت

السبت صحيت الفجر ... وسويت الفطووور واخواتي راحو المدرسه ... ورجعت نمت عشان برووح عند الدكتووورة الحساسية مطفشتني ... المهم رحت على الساعة 5 العصر ...
واخذت رقم وما شاء الله ززززززززززززززحمه رقمي 21 جاء الساعة 9 ..>>يا سااااااااااااتر

المهم اعطتني صااابونه وجل ... وقالت لي راجعيني بعد اسبوعين ...

ورجعت البيت وخلصت اشغالي وطبقت الملابس ... وواخذت كتاب الانجليزي وجلست اقرأ >>احس اني نسيت كل شي هههههههههه اول انا واختي قبل تتزوج نتكلم مع بعض الحين ما عندي احد اتكلم معااااه خخخخخخخخخ فنعدمت المحادثة .. >>>اخواتي مالهم فالانجلش الا شويااااات ...

الاحد ..

صحيت الفجر وصحيت ماما واخواتي ... وافطرنا ... واحاول فالنت مو راضي ... المهم رجعت اقرأ فالكتااب وطفشت ... نزلت اسولف مع اختي واتفقنا نروح عند بنت عمتي ... المهم ارسلت لها رسالة .... وردت اعتذرت تقول خلوها بكره على اليوم وقلت ممااااااااااااااشي >>اختي سهرااانه وما ناااامت قالت الحمدلله انها بكره اجل بشبع نوووم ههههههههه
ونمت بعد الظهر قيلوله >> وصحيت المغرب ... تغديت وغسلت المواعين ... وارتحت شوي وبعدها غسلت دفعة من الملابس .. واخوي جاب العشاء ... وتعشينا ...
وكلمنا اختي على المسن صوت وصووورة ... عشان ولدها يا ربي يخليه لها ... جلسنا نلاعبه ... واخوي كل شوي يقول رووحوو عن الكاااااام ... >> :)

مشيت نص ساعة والنوم يداعب اجفاني ..... :) :) طلعت غرفتي ... وطبعا دهنت جسمي بزبدة الكاكو... ونمت بعد ما قريت الاذكااار ..

وصحيت الفجريييييه ... مع صوت الحق ... وكالعادة صحيت وافطرت مع اخواتي وجلست اعلق علللليهم ونضحكـ ... ولمن راحو غسلت الفرن ... ولبسته بالقصدير ... ومسحت البلاط ... وكنست المطبخ ...

والحين دخلت لكم .... :)

برجع اقرأ ردودكم ... قريت نصها وقلت ارد قبل ينقطع الاتصال ..

والحين بعتمد قبل يطير .. :(


واعذروني لو ما دخلت ... وادعولي ... :)

حنين >>>>يا زييينكـ يا بوح حبيييييتك من جوات البي ..

وكاااااااااااااااات

انثى ربي يتمم لك على خير .. استانست لمن قريت ردكـ >>>> اموووت انا فاللي يسوي نفسة مو داري هههههههههههههههههههه ربي يخليكم لبعض ويسعدكم

وما شاء الله تبارك الله على ولدكـ ... ربي يخليه لكـ تشوفيه دكتووور اد الدنيا ...

مهاااوي يا عسل يومكـ مضغوووط الله يعييينك واكره شي عندي اسوي شي مو متهيأه نفسي له .. :) وبوسي لي ميياااار ...

وفاء .>>ربي يخليك جدكـ .. فعلا وجودهم بالدنيا له طعم ثاني .. ربي يخليه لكـ ..

جداويا ... خلود .... روز .... رايقة ... كوامن ..... شذاوي .... احبكـ الهي ... بناتي ... عروووس ... دانه ... روحي تحبكـ .شروق ..بوح . بسومه >>>>>>>>>>لكم حبي
واعذروني اني ما رديت على كل وحده ... او نسيت احد ...

وخفو بالصفحااااات ارحمو اللي يدخل كل اسبوع مره ههههههههه...


وكاااااااااااااااااااااااااااااااااات......