أنتم الصديقات اللي صفا لي ودادهم وانتم العزيزات اللي لهم القلب يرتاح>> ربات منزل

جوجو شايفتك تحت يللا نزلي ردك قبل نطلع

جوجو وكوكو وهموسة واروما
اروما وينك مختفية ماصار الشرف وتعرفنا

وفاء\
سمعت صلاة المغرب في التلفزيون وياليتها ع الطبيعه .. ويا رب يكتب لنا النقل لمكه ويفرح قلبي بهالأمنية
واسأل الله أن ييسر لك زيارة البيت الحرام في أقرب وقت بكل يسر وسهوله

وفاء انتي مواليد كم ؟؟>> سؤال بايخ أدري بس جا في بالي ^^
وباقي مستمره ع الحفظ ولا لا ؟؟

يوووووووووووه

مدري وش صاير في عالم حواء
الدنيا مخبوووووووووووصه خبص !!!!!!!!!!!!!!!

السلام عليكم
اخباركم ياحبي لكم شذو وبوح يسعدكم يومياتكم تهبلللللللللللل استمتع بقراءتها ولا يهون الباقين ;)روحي تحبك كلهم كذا الرجال زوجي شاف كم لبس لعيالي طايح ع الارض منهم الله يصلحهم قال شيكي ع الغرفه وهي تلق مافيها الا هالملابس:mad:
اليوم قمت الظهر صليت وسخنت مكرونه لبدوري غداء ولا بوه معاه تغدوا وخليت القدر والصحون وغيرت ملابس سارونه وبعدين غسلتها اذن العصر وصليت ونمت الى اذان المغرب قمت صليت وطلعت كيس لحم يذوب عشان اعمل مضغوط لحم بديت فيه العشاء وقطعت سلطه زبادي وتبوله لي تعشينا وقمت غسلت المواعين ع طوووول ونظفت المطبخ ومسحته بداك
واخذت جاكيتات الاولاد وغسلتها وغسلت كم قطعه لنا ونشرتها
بعدها اخذت بخاخ القزاز ومسحت مرايه الممر ورفوف الصاله والتسريحه:thumbs_up: طبعا استغليت طلعت عيالي وابوهم السوبر ماركت ونوم سارونه ودخلت دوره المياه غسلتها سريع
والحمد لله البيت يفتح النفس F: كافاءت نفسي بدلة قهوه وقطعتين تمريه امممممم اعشق التمريه
تقهويت وجاء زوجي اخذ فنجان ودخل يذاكر الله يوفقه مابقى شي ع اختباراته وانا قلت اطل ع الحبايب واشوف يومياتهم الشيقه :L:

يا قلبي يا فوفو
هذا جدك ؟؟
ماشاء الله
الله يحفظة ويخليه لكم
له وقار واااضح الله يطول عمره ويصلح عمله يا رب

بنات حبيت أستشيركم في شغله
ويا ليت تعطوني وجهة نظركم
عندنا وحده حرمه كبيرة وأم عيال اكبر عيالها عمرها 16 .. بعض الأحيان أناديها تساعدني في البيت وأعطيها المقسوم
ومرات لما أرح المستشفى مع واحد من عيالي أخليها تجلس مع الثاني في البيت وصراحه هي أمينه وتخاف الله أعرفها من تزوجت
وأهل زوجي يعرفونها من زماااان فأأمنها على عيالي
ومرات آخذها معي المستشفى تساعدني بهم ..
المهم أن بعض الأحيان لما أبغى أروح مشوار خصوصاً السوق .. يقول زوجي خلي أم فلان تجلس مع العيال وانتي أنزلي براحتك
لكن ما أوافقه وأصر أني آخذهم معي وأخليهم معه في السيارة وأقضي بسرعه وارجع
مرات نفسي أناديها وأخليها معهم عشان آخذ راحتي بالسوق لكن أخاف ما توفق مع اثنين
ويتعود زوجي أنه ما يشيل مسؤليتهم >> طبعاً زوجي وأعرف طبعه زييييين
ومرات أقول وش يعني عادي أخليهم وساعتين وأنا راجعه ومرات أتردد !!
وترا لو خليتهم معها في البيت مو ناوي زوجي ينزل معي يعني وده يرتاح مني ومنهم !!

والله ماعاد أقدر أشتري لي شي ولا أعرف أركز وآخذ كل شي بعجله وسرعة
وفي نفس الوقت أحزن على عيالي ما أبغى أتركهم ..
وكمان أخاف أعوده على شي واندم بعدين لأن ما أبغى أنلدغ مرتين

إن شاء الله تكون وصلت لكم المعلومه وفهتوني

و وش رأيكم ؟؟
ترا رأيكم جميعاً يهمني
يا ليت ما تتركوني محتاره تكفون

كوكو برايي انك تعودي زوجك على انه يشيل معك المسؤولية
الجنوبي بالذااااات لا تفوتي فرصة ابدا انه يساعدك ويكون له دور والا رح تندمي لانه خلااااص رح يتعود
وهذا عن تجربة
وعن تجربة كمان بامكانك تغيري كثيييير في الجنوبي وتخلي عنده احساس بالمسؤولية بس مش بالزن
لا
بالطلب المباشر بحيث تكوني متوقعة الموافقة
ولا تناقشي وتلومي وتعيدي وتزيدي
بالعكس قولي كلامك بحزم وحب وفيه شيء من المرح والمشاغبة
والجنوبي يحب اللي ينفخه ويمدح فيه ويحسسه ان الحياة ماهي ماشية الا بيه بعد الله
وكثري من جملة من لي غيرك بعد الله يابوفلان كثري كثري وعلى مسؤوليتي
الله يسخره لك ويوفقك
.....
وبالنسبة لعمري يا حلوة باواخر العشرينات ااااه ليت الزمان يعود يوما
مشتااااقة لوفاء لما كان عمرها 17
كنت غيييير شكلا وجوهرا وطموحا وحماسا وعذوبة ونقاااااءا
وبالنسبة للحفظ الحمد لله مستمرة بس من لما نقلت اخذت اجازة لظروف النقل وبعدها ظروف جارتي وللان مارجعت لان الدي اس ال مارجع الله يرده لي ردا جميلا
ومشكورة على دعواتك لجدي انتي وبسومة العسولة

كرستالة 15 سؤال
انتي كرستالة اللي بعالم حواء والا غيرها ؟؟

فوفو الله يحفظ لكم جدك ويخليه بركه الكبار سبحان الله
اروووما تلحلحي يابنت ورتبي غرفتك وفرحي ميمتك وشوتي الكسل عنك
حطيت قناع ترمس وزبادي ع بشرتي ودهنت شعري بزيت السمسم باقي ادهن ايديني ورجولي بفازلين وبثث

مساء الخير..

اخباركم.. ماشاء الله الصفحات طارت بعدي!!!

ماعاد فيه وقت اكتب يومياتي..لكن برد على كم وحدة..

وفااء.. الله يطول بعمر جدك.. ويرزقك عمرة وحجة باقرب وقت..

كوامن.. بصراحه انا ما ادري ليه مصعبه السالفة!!!

سبق واقترحت عليك انك تشتري عربية للتوائم..

بدل ما تخلين واحد مع زوجك..وبالسيارة!!!

انا زوجي دايم ينزل معي للسوق.. وما اعرف اتسوق الا اذا خلاني بروحي..

وش تبين فيه !!؟ اهم شي يعطيك مبلغ..وهذي هي مسؤليته..

يصرف عليك.يوديك ويجيبك.. اما يفر معك السوق!!! مالها داعي..

اذا تبينه يمسك معك مسؤلية..خليه يمسك عيالك بالبيت.. لما تكوني مشغولة..

غير كذا دلعي نفسك يختي.. وخلي عيالك عند هالحرمة..لو مو كل مره..

خلود.. ليه حسيتي بتأنيب ضمير..يوم تعشيتي بمطعم وعيالك عند اهلك ؟!!!!

يعني ما يحق لك تروقين مع زوجك ولو مرة وحدة؟!!!!



اااااااخ منكم ياللي يحصل لكم تخلون عيالكم عند احد.. وما تسوونها!!!

انا حلمي اني اسكن الرياض..بس عشان اخلي بناتي عند امي..

مو كل ما اروح سوق ..وراي..:099:

موعد..وراي.. :099:

عزيمة..وراي..:099:

قسم كني بطة!!!!!!! الله يصلحهن ويخليهن لي..

وقطو..

خخخخخخخخخخخ يسعدك ياروز الله يحفظهم لك هالبطات وتشوفينهم عرايس
كوامن دلعي عمرك وبناتك دام تثقين بالحرمه اش فيها انتي موكل يوم بالسوق استودعيهم الله وروحي تسوقي وروقي ياقمر

اذكرني اذا شفتهن!!