أنتم الصديقات اللي صفا لي ودادهم وانتم العزيزات اللي لهم القلب يرتاح>> ربات منزل

http://go.3roos.com/pcshtih74j2

http://go.3roos.com/cf4mwjx9cyr

سلام عليكم
ااااخ يا بنات
جارنا انتقل الى رحمة الله
ااااخ قلبي واجعني ومتالمة بشدة توني جاية من العزا صلوا عليه العصر
اه يهالدنيا مالك اماااان ..لنا 5 سنين بابهم في بابنا ..صحيح اني مش شايفته كثير بحكم التغطي لكن دخلت بيته واكلت من رزقه وعيالي لعبوا مع عياله وزوجته كنت انا وياها اكثر من الخوات عششششرة والله العشرة ماتهون ..بيته تسكر والله اعلم هي رح ترجع له والا لا ؟ لانها مالها احد هنا كل اقاربهم في مدينة ثانية ..
سبحان الله في ظرف 5 ايام حياة اسرة تتغير وتنقلب راسا على عقب ..
البارح نمت وانا ندعيله وصليت الفجر ودعيت له ونمت والساعة 9 دق الباب ..قلت خلااااااص هذا خبر الوفاة ..
والله يابنات من كثر ما انا تاثرت بوضعها وكيف هي منهارة اغمى علي ومادريت الا امي حبيبتي عند راسي من سمعت الخبر جت على طول ...
ااااه ااااه اااه ...انا لله وانا اليه راجعون ...
والله هاليوم كان درس بمعنى الكلمة لكل من تعلق قلبه بهالدنيا الفانية
دنيا حقييييرة ما ينعمل منها راس مال
ايش نفعته فلوسه وصحته ومنصبه ...لقوه في سيارته ينزف والفلوس والعملة متناثرة حوله ...هل نفعته في هالموقف ..هل انقذته ..بالعكس جريه وراها وتركه لزوجته وبيته وهم في شوق دائم له من كثر السفر ..كله علشان الفلوس ..بس لللاسف الفلوس كانت سبب نهايته ..
الله يرحمه ويغفر له ويجعل مثواه الجنة ..ويجبر كسر زوجته وعياله والمولود اللي تيتم قبل يفتح عيونه عالدنيا ...
ادعوا له بالمغفرة ويانس وحشته الليلة اول ليلة له في القبر ...الله يرحمك يا جاري يا زوج صديقتي الله يرحمك

يالله ياااوفااااء
الله يرحم زوج جارتك ويجبر كسر قلبها ويعوضها خير
تاثررت مررره بحالتهم:'( االله لايفجعنا بغالي ويرحم امواتنا واموات المسلمين
ويمهل لنا على زياده عمل صالح ويجعل حياتنا زياده لنا في كل خيراللهم ااااااامين

لاحول ولا قوة الا بالله والله قلبي فز لما قرأت خبر وفاة زوج جارتك الله يرحمه ويصبر زوجته
ويجعل قبرة روضه من رياض الجنه

لاحول ولا قوة الا بالله
الله يغفر له ويرحمه ويتجاوز عن سيئاته
ويبدله دارا خيرا من داره واهلا خيرا من اهله
ويرزق زوجته وعياله الصبر والسلوان
تاثرت والله صدق دنيا حقيره
.......................

لا حول ولاقوة الابالله الله يرحمه ويصبر اهله يارب ويجعل مثواه الجنه انا لله وانا اليه راجعون فعلا الدنيا ماتسوى كل هالمراكض الله يرحمنا برحمته يارب

الله ياوفاء على جاركم وزوجته وعياله المساكين
والله ماني عارفة ايش اكتب تخيلت الموقف وتخيلت حال زوجته وحال عياله بالاخص البيبي الصغير لما يكبر وهو ما يعرف لا شكل ولا صوت ابوه وتخيلت الموقف لما لقوه ينزف في السيارة وبكيت لا حول ولا قوة الا بالله
فعلا دنيا فانية ومالها امان وتعرفي اليوم الصبح موظفة معانا توفى ابن خالتها بحادث والمسكين له اقل من سنتين متزوج والله خطر على بالي جاركم على طول

اللهم أغفر له وارحمه واعفوا عنه وأكرمه

اللهم وسع مدخله وادخله الجنة وغسله بالثلج والماء والبرد

اللهم طيب ثراه وأكرم مثواه واجعل الجنة مستقره و مأواه

اللهم نور مرقده وعطر مشهده وطيب مضجعه

اللهم آنس وحشته وارحم غربته وقه عذاب القبر وعذاب النار

اللهم فسح له في قبره واجعله روضة من رياض الجنة ولا تجعله حفرة من حفر النار

اللهم انقله من ضيق اللحود والقبور إلى سعة الدور والقصور مع الذين أنعمت عليهم من الصديقين و الصالحين والشهداء


اللهم كن له بعد الحبيب حبيبا و لدعاء من دعا له سامعا ومجيبا واجعل له من فضلك ورحمتك وجنتك حظا و نصيبا

واسكنه فسيح جناتك في الدجات العلى آمين

إنا لله وإنا إليه راجعون .. ولا حول ولا قوة إلا بالله العلي العظيم ..

الله يرحمه ويجعل قبره روضة من رياض الجنة

من الصبح ابغى ادخل المنتدى بس خايفه أشوف خبر الوفاة

وجلست ادعي ربي أنه يقوم بخير

ولكن قدر الله ما شاء فعل

يارب صبر زوجته وعياله و أهله

يارب أحفظ لي كل من أحب

الله يجزيكم الخير حبيباتي
والله اثلجتم صدري بدعواتكم والله ماني قادرة نشوف الشاشة من الدموع
الله يرحمه ويثبته يااااااارب

مساء الخير..

وفاااء.. لا حول ولا قوة الا بالله..انا لله وانا اليه راجعون..

الله يصبر زوجته ويربط على قلبها..ويخلف عليهم..

اللهم ثبته وانس وحشته..

الله يكفينا شر هالدنيا..الله يكفينا شر هالدنيا..

يا رب لا تفجعنا بمن نحب..
______________________

يومياتي..

بعد ردي.. تربعت قبال الفاير بليس..ومعي سنارتي..:088:

وما طرت علي اقوم ارتب البيت..يوم جت وحدة الا ربع..ويطق الباب!!!!

واناظر..:woo: اليوم عندي موعد نااااااسيته..او معنى اصح..احسبه الخميس..

وبسرعه البس والبس بنتي ونطلع.. وبيتي انوااااع الحوسة..

ما حبيت اطلع وهو كذا..بس للظرورة احكام..

بعد ساعة ونص رجعت للبيت.. رتبته بسرعة وغسلت المواعين وطلعت اجيب بناتي..

رجعنا وركبت عالغدا.. رز مع دجاج محمر..بس ما عندي رز..خخخخ

يوم ما بقى الا كب الرز..طفيت عنه..سويت لبناتي اندومي..

رقيت ولقيت الصغيرة مسوية ماسك بالفازلين للشبابيك:031:نظفتها ..

ومسحت يدين وخشة المجرمة..ورفعت الفازلين وغطاه ظايع!!

وبعد طول انتظار..جا زوجي..فتحت كيس الرز..وخذت منه وغسلته وكبيته على المرق بعد ما سخنته..

وكنت مجهزة القهوة..وقعدنا نتقهوى..

ثم حطيت العشى وتعشينا..ثم ظفيت السفرة وكنست حول الطاولة..

وغسلت المواعين..ولميت الزبايل -تكرمون-وطلعتها برا..

نومت بناتي..و بعد شوي بقوم اتروش..وابخر شعري..

وادهن جسمي بكريم جديد :G:واتعطر بعطره..

وقطو..