أنتم الصديقات اللي صفا لي ودادهم وانتم العزيزات اللي لهم القلب يرتاح>> ربات منزل

بنات
جو الرياض غباااااااااااااار فضيع
لا حول ولا قوة الا بالله
اشوف الدنيا ظلام واقوم للشباك قلت اكيد مطر
ياالله الدنيا ظلام جو كئيب
اللهم اني اسألك من خيرها وخير ماارسلت به
واعوذ بك من شرها وشر ماارسلت به..
.......................

قريت يومياتكم توسع الصدر بس بروح اتغدا او افطر بمعني اصح وارجع ارد عليكم واكتب يومياتي :)

مساء الخير..والمطر اللي يخر خرير..

اخباركم..

__________________

يومياتي..

اليوم قمت الساعة ثمان الا ربع.. جهزت اللنش بكس..

ورقيت اقوم بناتي.. لقيت الكبيرة تشكي من راسها..

حبيتها من جبهتها<<اقيس الحرارة

لقيتها شوي دافية..خليتها تكمل نومها.. ولا فكرت اقوم المزعجة لولو..

رجعت لحبيب قلبي..السرير..واندس فيه واكمل نومي.:019:.مع اني كنت شبعانة!!!

قمت عشر..ركبت عالقهوة..وسويت فول..وطفيت عنه وحطيت القهوة عند الفاير بليس :088:

جا الطالب النجيب ومعه دروسه..تقهوينا.. ثم افطرنا..

ظفيت السفرة وكنست الارض..ونظفت بقع الشكولاتة اللي عالموكيت..عقب الصغيرة الله يصلحها..

طلعت المواعين من الغسالة..وحطيت مواعين الفطور..

طلعت لحم يذوب..و رتبت المطبخ ومسحت الكاونتر..

الحين الصغيرة تتسلقني وهي تبكي تبي رضعة..

بقوم اسوي لها..

قطو..

وفاااااااااااااااء..هلا بك.. اشوفك تحت..

عساك استقريتي؟

سلام يا حلواات
وحشتوني
وغيابي عنكم لاسباب صحية ..
وكمان عندنا ظرف
تتذكرون جارتي تبع الرز اياه اللي حكيت لكم عنها
الخميس الماضي دخلت علي الظهر وعيونها دموووع ومتورمة ..زوجها عمل حادث بالسيارة المسكين وفي العناية المركزة عنده نزيف داخلي وكسور في الجمجمة وللان في غيبوبة ربي يرفع عنه يااااارب ..والله حالها هي وعيالها يقطع القلب وولده ماصار ره 3 شهور مولود يااارب يشوف ابوه ويربيه ياااارب...
وانا اشغلت معاها ماقدرتش نخليها نجي للبيت سريع نطبخ وننظف مع اني تعبااانة ومريضة بس ضاغطة على نفسي ..و نطلع لها نوقف جنبها..
دعواتكم حبيباتي والله هالدنيا ما تفرح ابدا..كانت زعلانة منه وواصلة بينهم ..ولما سمعت بالخبر تقول بس يعيش والله ما نبي من الدنيا حاجة ...لا حول ولا قوة الا بالله

يارب اشفى زوجها شفاء لا يغادر سقما

والله المفروض نكون استقريت بس تعبي ومرضي والظروف اللي حكيت لكم عنها اخرت الاستقرار شوي حتى اقاربي يبوا يزوروني اجلوا زياراتهم لين تتحسن الظروف وكلهم تعاطفوا مع جارتي ..
وانتوا تنوروا والله ..وانا كنت ناوية ناخذ لكم لقطات من بعض الاماكن علشان تعرفوا ذوقي ولمساتي بس للان ماروقت ..خيرها في غيرها ان شاء الله

وفاء.. الله يشفي زوج جارتك ويخليه لهم..

الله يكفينا شر هالدنيا..

هذا اكثر شي اخاف منه.. ويخليني دايم ابي اكمل دراستي واتوظف..

لأن الدنيا تخوف..

سلام سريع عليكم حبايب قلبي قرلت اسلم عليكم ردودكم تفتح النفس شوي عن الغلقه اللي عندي ........كلكم قريت يومياتكم وكلكم اتفاعل معكم الله يوفقكم سي يو

وفاء

الله يكون بعون جارتكـ .. ويشفي زوجهاا ويفرح قلب زوجته وعياله بعافيته

ويقويكـ ويجزاك خير على ماتسوينه علشانها .. وذكريهاا بالله وبالصدقه

والله يدفع البلاء عنا وعن الجميع

..

يومياتي
صحيت الساعه 11 ونص على ازعاج ريوووون مارح الروضه .. الفجر لبسته وجهزته وجلس يصيح بالدرج وعيا يروح :(

سويت فطور لعيالي وكوب نسكافيه لي ومخمخت عليه وفطرت عيالي

وقمت عبيت الغساله وحطيت الملابس البيضاء مع صابون تايد والوزير

وجلست افتش النشاف ولقيت مسدود بشرابه جبت معلاق وعقطته وحاولت وحاولت لين طلعت الشرابه اخيرن
لي فتره اتسأل ليه النشاف خربااااان خخخ

رحت للمطبخ عبيت الحوض وحطيت فيه اشوي كلوركس ونقعت المواعين اللي لي يومين اجمعهاا لاني لي يومين اتعشاء عند اهلي ولا اسوي غدا يعني كاسات ومواعين خفيفه

فتحت الشبابيك ورتبت البيت ع السريع
غيرت ملابس الصغير .. وصليت الظهر والتفت القى الدرايش برتقاليه وريحة غبار واركض اسكر الدرايش
سبحان الله اول ماقمت الجوو غيم وجنااااان

غسلت المواعين ونقعت الفرن وعيون الفرن وشبوكه بالمويه اللي عقب المواعين

ورتبت المطبخ ومسحته وجلست افرك الفرن بصابون الوزير وطلع يلمع
وكل اشوي اشوف الغساله

اذن العصر وقطعت فاكهه لزوجي
جاء زوجي وجلسنا نتفكهه معه
بعدين قمت وصليت ونزلت عيالي تحت عند جدتهم
وابوهم دخل ينام
انا كملت شغلي بالمطبخ من فرك عيون الفرن وشبوكه
وجلست ع النت لين المغرب
قمت وصليت وشبيت على قهوتي وسويت معها قشد
صحيت زوجي وتقهويناا وسويت له كاسة شاهي
وطلعت لحمه لاني ابسوي مطازيز العشاء مع هـ البرد اللهي هجم علينااا
وجلست ع النت وقمت اسوي العشاء على الساعه 8
وصليت العشاء
ودخلت المنشر من السطح وحطيته بالغرفه الكبيره ونشرت الملابس
والعشاء جهز ع الساعه 9 ونص
عشيت عيالي ونام ريون ع الساعه 10
شغلت الكويه وكويت شماغ زوجي وثوب شتوي وكم قطعه ملابس داخليه

وصلوحي اللحين منسجم مع الدمى الحمرا في براعم خخخخ

وسلالالالالالالالامي للجميع <<:)

روحي تحبك

من ناحية الانتماء لاهل الزوج عادي مااحس اني تابع لهم ولا شي

زوجي مخليني على راحتي

حتى هم احسهم مايهتمون بهـ الشي يجيون جيرانهم ويروحون وضيوفهم وانا مادري الا من زوجي او اذا راحووو

احس اني مهمشه ولا لي قيمه عندهم

مع اني حاشمتهم واعتبرهم مثل اهلي

اختي تقولي احسن لك لانها تعاني من فرضية زوجهاا لحضورهاا لعزايمه وتبعيتهاا لام زوجهااا خخخخ

فاقده جدوايا ...~ ان شاء الله تكون بخير ..