أنتم الصديقات اللي صفا لي ودادهم وانتم العزيزات اللي لهم القلب يرتاح>> ربات منزل

شذا سلامتك وماتشوفين شر يالغلا الله يقومك بالسلامه

صباح الخير ..
وكل عام وانتم بخير ...
سنه هجرية جديده ... ربي يكتب لنا فيها الخير والسعااادة ..

شذاوي ... سلامتكـ ما تشوفين شر وربي يشاافيكـ ...


من امس المغرب رتبت فوق دولاب المطبخ .. وسويت شاااااي لي وللعاااائلة ... جلست لين الساعة 9 رتبت غرفتي وغسلت الحماااااام (تكرمون )..

جلست شوي على النت.. وتعشيت شاورما ... ونمت على الساعة 11 ...


روز يمي يمي ماشاء الله عليكـ شكله مشهي للغاية هههههههههههه..


وفاء ~>... يا هلا والله نور الملف ... ياليتكـ جنبي ارسلكـ قدر كاااامل رز ... ههههههههههههه وجارتكـ ما قصرت وثاني مره قولي لها الحقيقة هههههههههههه عشان تحسبكـ ...
الجوع كافر ... :)


البقية لكم حبي ...

بطلع بشوف لي شغلة اسويها ...~

شوشو سلامتك الف سلامة حبيبتي وطار الشر ان شاء الله
وتعرفي والله حتى انا نزلت دمعتي من خوفي عليك ومن تخيلي للموقف
ربي يحميك حبيبتي انتبهي على نفسك وكان المفروض انك رحتي للمستشفى افضل

وفاء لسه ما استقريتي في بيتك الجديد ؟؟؟
الله يعينك تخيلت وضعك النفسي مع عدم الاستقرار وكمان وضعك الترتيبي للبيت
صعب مع العيال والبرد

بسومة هلا بهالطلة حبيبتي

عروس نجدية ربي يجمع شملك انت وزوجك في اقرب وقت وما يفرقكم عن بعض ثاني ابدا
ونورتي حبوبة

يومي بالصحة عليك الماسك والتشقير والتلميع والبسبوسة يمممممممممممممي اموت على شئ اسمه بسبوسة

سوسو والله كويس انهم يتغدوا عن اهل زوجك ويوفروا عليك التعب
بس سؤال ثاني ( ما تخلص الاسئلة )
انت ايش تتغذي يعني يبعثوا لك غذاء او تتغذي في المدرسة او كيف بالضبط
وبيت اهل زوجك قريب منكم او بعيد
خلاص خلص الاستجواب

حنين ( ما اقلد ) حاولي انك تشربي سحلب كويس للعظام واطحني معاه سمسم روعة
لان السمسم والسحلب غنيين بالكالسيوم
على الاقل شئ يعوضك عن الحليب وفوائده
انا عن نفسي امنيتي ان زوجي يشتري لي بقرة اربيها في البلكونة
عشان اشرب حليب براحتي (مدمنة حليب بالاخص حليب البقر احبه حب غريب واعشقه وما اتخيل الدنيا من غير طعم الحليب:adore: )

روز اممممم الصورة تفتح النفس على الاكل ( على اساس كانت مسدودة )

وجونة ربي يرجع لك النت بسرعة ويكون سريع زي البرق
وما تغيبي علينا ثاني والله فقدناك

بوح اغلب الرجال كدا ما يقدروا على قعدة البيت مثل الحريم
وزوجي اولهم تجي ايام ما اشوفه الا واحنا جالسين على وجبة الغذاء بس
يتغذى وعلى طول يقوم يغسل ايديه ويلبس ويطلع ثاني وانا لسه ما شلت المواعين وبنته تشتاق له وتصير تبكي
وتعودت على الوضع

خوخة هل طمني ايش صار في الشئ اللي قلتي لنا ندعو لك عشانه
كونان مش بايدي الفضول قاتلني

روحي طمنينا عن زوجك وصحتك
ان شاء الله صار احسن

جوجو شن اخر مقالب بنتك الوسطية مع الصغيرونة

لمسة امي هلا وغلا

ذكرني رد حنين بالسنة الهجرية الجديدة
كل سنة وانتم بخير حبيباتي ويارب تكون سنة خير على الجميع

الانسة ربي يرزقها بعريس ابن حلال يخاف الله فيها ويسعدها ويهنيها
والمتزوجة ربي يسخر لها زوجها ويحلي ايامهم
واللي عندها عيال ربي يهديهم ويعقلهم ويكبرهم ويبعد عنهم الشر
واللي ماعندهم عيال ربي يرزقهم بالذرية الصالحة السليمة المعافاة بدون زيادة او نقصان في اقرب وقت
والحوامل ربي يقومهم بالسلامة
والنوافس ربي يشيل عنهم الدهون والكيلوغرامات الزائدة
والدارسات ربي يعينهم ويوفقهم وينجهم وما يضيع لهم تعب ويحصدوا ثمار جهدهم
واللي عندها شغالة ربي يعينها على شغالتها ويصلح حالها
واللي ماعندها ربي يعينها على شغل بيتها وطلبات اهل بيتها
واللي ساكنة في شقة ربي يرزقها ببيت كبير وفيه حوش
واللي ساكنة مع اهل زوجها ربي يرزقها ببيت ملك ومستقل وكبير وكمان فيه حوش




المهم ان شاء الله تكون سنة خير للجميع

F:مساء الخير ع الغوالي
عاااااااااااااام جديد وعمر مديد بطاعة الرحمن يارب والله لايفرقنا ويخلي لنا احبابنا يارب:L:
شذى الف سلامه باعمري ماتشوفي شر والله لايحوجك للمستشفى يارب وتخفي بسلامه وعااافيه
جداويا اخبار العرايس وحلو الاهتمام انا استخدم ملح الحليب مع الترويش
واتدهن بعد الدش بزيت الاطفال من جونسون وجهزت علبه حطيت فيها مسك القرشي مبشور احط شويه منه مع الزيت
ووجهي لسى ماستخدمت له شي بس ببالي شوفان وحليب
روززززززز امممممممم بالعااافيه الغدا شكله مشهي
الحمد لله امس اول يوم دايت عساني استمر طل ليلي ويومي احوس بالمطبخ كني بسه جووووعانه مره كوب زنجبيل مره قهوه مره جزره ومره سلطه خخخخخخ ابغى اسد الجوع باشياء ماتاثر عساني استمر يارب مرررره زايده واحس قومتي متعبه خصوصا لما اكون جالسه ع الكنب الارضي خخخخخ شغله :o
سلخير لاتفكري تتركي الوظيفه ربك بيسرها وحلو تكسبي شهادة خبره تنفعك بالترسيم باذن الله:thumbs_up:
ابتسامه بدلع الله يشرح صدرك ويسعدك لاتقعدين للتفكير والوساوس اشغلي وقتك على طول ولا راح زوجك العمل روحي لاهلك عشان القعده بروحك تخليك تفكرين وربي يعوضك كلنا مرينا بنفس الشي والحمد لله الان معي 3 الله يحفظهم والاول يارب يكون شفيع لي ولابوه ويرزقني براخوانه يارب ويرزقك ويرزق كل بنات التجمع ومن تمنى الذريه الصالحه
وجونه مرت من هنا اخباررررك وعلومك ياقمر
وتر الحنين الله يحرصك تعجبني يومياتك الله يرزقك الصحه والعافيه ويحفظ لكم الماما ويطول بعمرها ويرزقك الزوج الصالح الي يعيشك ملكه:adore:
مهاوي سبحان الله انا عكسك ماتخيل اشرب حليب بقر او حليب نياااق يادوب حليب عاااادي وحتى اللبن بالقوه انسيني عند البيبسي والسفن والميرندا امووووووووووووت عليها :cool:بس بحاول اودعها مع الريجيم
البااااقين لكم حبي
هموسه مررررررررررررررت قبل شوي ماتقلد:L:
ماعندي جديد الا ان الاولاد بدت فيهم الانفلونزا:sick:
واليوم غيبت بدر والله يعين ع امراض الشتاء

شذو \
سلامتك والله تخيلت الموقف ووجعني قلبي - ويا قلبي على ولدك حزني - وحاولي تروحين المستشفى أفضل بكثيييير

سلخير \
مشكورة على ردك بخصوص المجفف الله يجزاك خير - ويعينك على التدريس ويبارك في وقتك

روووز\
مممممممم شكله يشهي الطبق عليكم بالعافية - ويا قلبي ع اللي تتقضى وتتمشى بالعربية عطيها بوووسه مني

وفاء\
الله يعينك أختي وتستقرون وانتو بصحة وسلامه ويسهل عليك كل صعب - ويا رب تكوني استفدتي من طريقتي في الحاجز - وعلى فكرة ترا أحب الخييياطه مرررررره ومن فترة أفكر أشتري ماكينة خياطه بس خلينا نشتري غسالة ملابس أول خخخخخخخ الله يعين

وجونه\
يا هلا فيك فقدناك يا حلوه

وتر الحنين\
ماشاء الله عليك سنعه ماشاء الله تعجبني يومياتك

خلووود\
سلامتة زوجك وما يشوف شر الله يشفيه ولا يوريكم فيه مكروه - أما ينبع حتى أنا نفسي أروحها هي مره وحده اللي رحتها لما كنت في الإبتدائي وبس - أخوي راحها قبل شهرين يمكن يقول مرررررره حلوه

مهاوي \
مشكووووووووورة ع الدعوات اللي ترد في الروح والله يستجيب ويجعل هالعام خير وبركه وعز للإسلام والمسلمين
وهالدعوة حبيتها

واللي ساكنة في شقة ربي يرزقها ببيت كبير وفيه حوش

=)
وطلعتي مثلي أحب اللبن حق البقر مرررررررره لذييييذ مممممم و حليب النياق كمان أشربه بس اللي عاجبني أكثر لبن البقر له طعم خرافي - ما كنت أدري عنه أول لكن جابولنا من الطايف وخلاص طحت في غرامه

أطفالي المزعجين صحيو بروح أطلعهم من أسرتهم
وبكتب يومياتي بعدين

صباح الخير وكل عام وانتك بخير..

شذى.. اسم الله عليك الرحمن الرحيم..عساك سميتي يوم طحتي!!

ما تشوفين شر.. يا حياتي وليدك خنقتني العبرة يوم قلتي جاب لك مويه وهو ينتفظ..

خلود..سلامة ابو عيالك ما يشوف شر.. جبسو يده ؟

وفاء.. يا حياتي..يوووه ياشين موقفك..بكره نفسي لو كنت مكانك وببكي!!!

جوجو.. يا حبي لك بس..

كوامن..انا اكتشفت بعد ما تزوجت اني استمتع بالخياطة.. وانا اللي كنت احسبني احب الرسم!!!!

خيطت ستارة لحمام الضيوف..الفتره اللي كنت اخيط فيها كانت من اروق واحلا الفترات..

والحين تعلمت الكروشيه..جدا ممتعة.. انصحك فيها..انا تعلمتها من عالم حواء..

البقية.. عساكم عالقوة.. اشتقت لطلة ما يمدحني لقب.. اتمنى تكون تصالحت مع اهلها ياااااارب تصفي القلوب..

_____________________

يومياتي..

امس.. قعدت اكروش..ثم سولفت ماسن..

وبناتي قلبو المقلط وحاسوه..وانا ما فكرت اسوي فيه شي..لأن دوامي خلص..

وهذا وقتي الخاص.. نزل زوجي يتابع برنامج عالـTV..وانا قاعدة عالمسن<<اول مره!!!

دايم اسكره اذا جاء..

وكملت السهرة عالمسن..والبنات نامو..

عالثنعش..سكرت النت وقمت حطيت بنتي بفراشها..

وفرشت اسناني:028:..واخذت مناديل تنظيف الوجه ومسحت وجهي ويديني واكواعي..

لبست بجامتي..ودهنت يديني بمرطب..حاطته بكومدينتي عشان دايم ادهن قبل انام..والحمد لله محافظه على هالعادة..

ونمت:019:..واليوم قمت على صياح الصغيره ثم على الساعة ..

فرشت اسناني:028:وغسلت وجهي..و قومت بناتي..بعد ما سويت رضعة للصغيرة..

طبعا لولو شغلت اسطوانتها الصباحية "انا تعبانة ما ابي اروح للمدرسة واااااااا"

افطرو ولبسو ومشطتهم وطلعنا نمشي على مهلنا..الارض مثلجة..وتزلق..

سبحان الله..ما نزل ثلج بس الدنيا بيضاء من الصقيع!!

كنت احسب السنو هو اللي يخلي الدنيا بيضاء.. طلع الصقيع هو الاساس!!!

كاننا نمشي وسط فريزر..شفتي كيف الثلج يتكون على الفريز...زي كذا هنا..سبحان الله..

دخلت البنات المدرسة..ورجعت للبيت.. سويت للصغيرة رضعة ولي كوب قهوة:010:

وروقت عند الـTV.. من زمااان عنه!!!من الخميس اللي فات!!!

ثم بديت اكروش..عند الفاير بليس..وجيتكم..

بقوم اظف حوسة امس الحين بدأ دوامي.. ثم بغسل المواعين.. ويمكن احط دفعة غسيل..

وقطو..

هلا فيكم ....~

الحمدلله سويت انجاز عظيم هاليوم غسلت دفعة من الملابس اللي كل يوم اغمض عيوني عنها ..... :(
وبالمره قلت ليه ما امسح الغسالة فضاوة يعني هههههههههه
وبعدها خلصت من حف جسمي ... عشان بكره الزواج ما ابي اسوي بكره شي غير الاستشوار ههههههههه

والحين سويت لي كابتشينو <<لاول مره .. ومعاه قطعة بسكوت ... >>>لزوم الدايت ههههههه

شوفوووه ..




يعني طعمه حلو بس ما اعجبني مره... مشكلتي ما اتقبل اي شي ... وما كملت الكوب ههههههههههههه

جداويا حلو اننا نذكر عنايتنا لان اول شي واهم شي هي نفسكـ لازم نهتم فيها ولها حق علينا ....>>>وانا معااااااااااااااكـ

وبالنسبة للحليب يا قلبي ما اقدر من الصغر وانا ما اشربه من كان عمري سنتين ...فما اعرف طعمة وما استسيغه وما حاولت اشربه بتاتا .والاسنان والعظام حالتها حاله لكن بداوم على السمسم على قولة مهاوي الحلوة فيه كالسيوم ...

اليوم بما اني خلصت من الحلاوة ...>>راح اسوي قناع لوجهي ... وافرك جسمي بالصنفرة .. وملح الحليب ..
واسوي بودي كير لايدي ورجولي .. ان شاء الله ..



هموسه ومهاوي تسلمون على الدعوات الحلوة مثلكم ... ويسعدكم ربي ... ويفرج همكم ...

خلود الف سلامة على زوجك ما يشوف شر ...


البقية لكم حبي ...

http://go.3roos.com/zemtpciydaa

شذاااااااا الحمد لله على سلامتك خفت وتخيلت شكل الطيحه وانا اناضر قطعه زل قدامي .......طمنينا عنك الحين


خلود سلامة زوجك الله يخليه لكم عطيه حلبه كثير بسرعه تتجبر

رووووز وش هالزين وش هالطبخ ماتنلامين بنت نجد :) وانتي رايحه للمدرسه كسري الثلج واستمتعي بصوته <<<<<<وش تحس فيه

كوامن انا عندي مجفف ويربول 13 كيلو له 3سنوات عندي من راحت الشغاله حلوووو مره وفيه سرعات الحراراه ودرجاتها وفيه درج يجمع فيه الوبر يعني مايحتاج تكنسين كل شوي بس فرغي الدرج وخلاص وفيه نضام كوي بس انا مايضبط معي ابد الكوي يمكن ماعرفت له خوذي ويربول فضيعه او ميتاج او جينرال اهم شي خوذي امريكي لانه يعيش معك

وفاء ياقلبي رحمتك وبنفس الوقت ضحكت هههههههههههههههه ومره ثانيه قولي مشتهين طبخ يدينك .......ههههههههههههههههههههه ماودي اضحك

فاقده انوثه وينها عسى لمانع خير يارب ياحبي لها


وتوره هالايام طايحه بالكفي عشان المذاكره شكلي اخر شي بقلب حبه قهوه محمصه .........
روح ياهلا بالطله اخيرا عرفتك سار لي فتره اقول من هي بوح طلعتي روح وبوح اخبارك عيالك باول انا ولدي باول بعد

يمكن بعض البنات ماعرفوني انا كنت معكم بعالم حواء واسمي روعه الصمت كنت اشارك معكم قلييييييييييييييييل جدا لان وقتها كنت اجيب شغالات باول الايام خفت احد يعرفني من اللي مابيهم بس الحين عاااادي ولا علي من احد >>>>>>>وش بلاها عصبت خخخخخخخخخ


مها وش دراك ان اكره شي عندي قومي ذاكري بس زماااان كانت تغثني الحين عيالي ارحمهم مايحبون اقول بروح اذاكر ماما بتذاكرين اقول ايه ماما لاتطولين :( حسيتني ناسيتهم مره لاني اجيب ترمس قهووه واقفل الباب بالمجلس وافتح الاب واذاكر وهو يكسورن الباب وتطيح مساميره من الطق ولا افتح لهم :(
بس اعوضهم باليل والضهر الليل لازم حكايه ونفرش بطانيه كبر قريح بالارض كلهم يبون بحضني ولا تكفي اسرتهم واحط واحد يمين وواحد يسار والصغير فوقي منبطح واذا سرت متعشيه يغفص بطني والضهر لازم اذاكر لهم والعبهم بس العصر والمغرب ينسووووني كاني مو بالبيت :(

جداويا
خخخخخخخخخخ زين نبهتيني والله ماشاء الله ما اميز بين البنات احسب بس وتوره بنوته

رجعت لكم
بعد ردي الأخير فططرت عيالي وحطيت دفعة غسيل وبعد العصر جلست مع كتاكيتي شوي وأكلتهم وكملت نشر الملابس وعلى 5 عطيتهم رضاعاتهم ونامو وريحت شوي منهم
أخذت ساندويش البيك وسويت عصير مانجو وبالحليب وفتحت اللاب آكل وأتصفح النت
ع المغرب صحي زوجي صليت المغرب وسويت لنا قهوة تركي -

وبخصوص الإهتمام بالبشرة أنا دايم قبل لا أنام حاطه عندي كريم جليسوليد مرررره أحبه أدهن رجولي ويديني والحمد لله مستمره على كذا
وأحط شوي فازلين على شفايفي
وأمس كنت أقرأ فوائد الشاي الأخضر للبشرة سوو بحث في قوقل وشوفو
فأخذت الباقي من الكوب اللي شربته ومسحت فيه وجهي وناويه أستمر على هالحركة وإن شاء لله تفيييد

وكمان لما أقوم الصبح لازم اشرب كوب مويه ع الريق ومرات أضيف له ملعقة عسل ودايم أسوي هالمشروب مررررره حلو ومفيد والرسول صلى الله عليه وسلم كان يحبه
وكمان مرات أشرب ملعقة زيت زيتون أصلي بس وععععععععع ما أحب طعمه بس أشرب وراه على طول كاس مويه عشان ما أحس بطعمه
وكمان مرات آخذ 7 حبات حبة سوداء واشرب وراها مويه أو عسل ومويه
وبس هذا اللي عندي

سلام..
بنات ضايق صدري امس رحت للسوق اكمل باقي اغراضي
ويوم رجعت كنه سكين دخلت فيني وصررخت من قوته وطوول الليل يتحجر
بطني وطلووق ونزلت على مويه شوي
واليوم ظهري مقسووم من الوجع ومعي شوي مويه
شورو علي مابي اروح للمستشفى اولا اخاف من الكشف ثانيا اخاف ينفتح الرحم وانا توي باقي اسبوع على التاسع؟؟