أنتم الصديقات اللي صفا لي ودادهم وانتم العزيزات اللي لهم القلب يرتاح>> ربات منزل

يا قلبي عليكـ يا ابتسااامه ...

ان شاء الله تصيرين احسن واحسن ...
وتاكدي انه في غيركـ اسؤ من حالتكـ وانه هذا ابتلاء من ربكـ ... دايم رددي الحمدلله على كل حااااااال وربي قاااااااااااااااااادر انه يرزقكـ بذرية صالحة تفرحي فيهم ... سبحااااانه ما ارحمه ...


لكن غيري نفسيتكـ وارتاااحي عشان صحتكـ ... يا قمر ... اخرجي واذا عند هوايات سويها لا تتسلمين لوسواس الشيطان ... تغلبي عليه ...

راح اقولكـ عن اختي ولدت بكريتها بنت ... وجلست ثلاث ايام وتوفت لانها ولدتها بالشهر السادس ... لكن شافتها وضمتها وبعدها بيومين ماتت الله يرحمها ... وان شاء الله تكون شفيعه لها ولاابوها ...

كلنا حزنا عليها لكن حاولنا قدر المستطاع انو ما يأثر عليها ... سبحان الله كتمت مشاعر حزنها ... صح جلست فترة تبكي ونفسيتها تأثرت لكن بعد ما طلعت من النفاس داومت لشغلها وتغيرت الحمدلله ...

وبعدها بسنة حملت وجابت صبي روح خالتوووو <<<ربي يحفظه لها صبرت وربي عوضها ... الحين عمره 3 سنين طولت العمر ان شاء الله ...

والقصص غيرها كثيييير لكن ربي سبحانه اعلم بكل اللي يصير لنا .. وكاتبة لنا قبل ما نولد ...

:) :) ...

ربي يرزقكـ بالذريه الصالحة وتفرحي فيهم يارب ...

إبتسامه بدلع
خليك قويه يااختي ليش الكدر والضيق والله الدنيا ماتسوى
احمدري ربك انه جنين مابعد كبر اجل لو كان كبير وعاش معك؟وش تسوين؟؟؟
اللي صاير لك امتحان وابتلاء من ربي سبحانه يشوف مدى صبرك ورضاك بالقضاء والقدر..
انا فقدت بكري مرتين والحمد لله ربي سبحانه عوضني
من اللحظه هذي قومي وسمي بالله وغيري في شكلك وتكشخي والتنظيف لاحقه عليه..
وش ذنب زوجك يشوفك كذا قولي الحمد لله على قضائه وقدره اللهم آجرني في مصيبتي واخلف لي خيرا منها
خليك قويه بإيمانك وصبرك واحتسابك ورضاك باللي قدره ربي
وكثري من الاستغفار
ورددي دايم ربي لا تذرني فردا وانت خير الوارثين
من بكره نبي نشوف يومياتك معنا يلا ياشاطره
لا تستسلمين للحزن والهم والغم والكدر واليأس..
وكل شي من رب العالمين له فيه حكمه
الله يعوضك عاجلا غير أجل
صديقتي توأم روحي من اسبوعين عزيتها بولدها الثاني توفى عمره 4 سنوات
وقبله من 3 سنوات ولدها عمره 8 سنوات توفى
والله وانا اكلمها ماشاء الله صابره محتسبه راضيه بالقضاء والقدر
لدرجة بكيت اول ماجاني الخبر وكلمت اختها وقلت ماابي اكلمها وقالت كلميها عادي راضيه ومحتسبه
الحين حامل ادعو ربي يعوضها عن عيالها الاثنين اللي فقدتهم.
.....................................

خلود يارب يارب يارب يصير اللي انتي تبينه ...

:) :) :)>>>كالعادة ما نمت الظهر ... >>>حالف النوم انه ما يجيني ...8o|

تقلبت وتقلبت وتقلب :mad:... وبعدين رحت اتغدى مع العائلة الكريمة ...

ورجعت وكمان مو راضي يجيني نوم .. :badly:>>>ياذا النوم وربي مدري وش فيني صايرة ما انام كثييير اصحى الفجر وعليها الين 10 او 11فالليل <<<ونوم مقطع طبعا كل بعد ساعة اصحى .. :thumbs_down:

واحس اني متضايقة .. وما فيه سبب .. وقلت امكن من اللي علي (جاكيت _ خف ) وفسختهم .. واوووه تنفست الصعداء .. حسيت اني مرتااااحة ... رغم البرد >>>برد المدينه يجي فالعظام .. وكمان انا ابرد بسرعه وطول الوقت بالجاكيييييت وووووو الشراريب ..

المهم اثر فيني كلام بووووح <<< وعلى الجمييييع طبعا ...
(بوح لازم كل يوم تدخلين فاهمة )ههههههههههههههههههههه ربي يسعدكـ يا عسل ...

ورحت اتكلم مع نفسي براحة وايجابيه ... واذكر المميزات والمحاااسن ... هع ...
وحسيت بنشاط وحيويه .. اذن العصر تعوذت من ابليس .. وصليت ... وبعدها قمت وعلى السير ومشيت ربع ساعة ... الين تعبت ...

والحين اكتب لكم احداثي الشيييقة... لهذا اليوم ..... .~~.~~.



وفاء ~> وحشني اللون الاحمر F:
ربي يكون فعوووونكـ ...


وووكاااااااااااااااااات...:biggrin:

وانا مافي احد فقد تواجدي خخخخ !!:|

خوخه\
الله ييسر أمرك ويحقق ما تتمنينه يا رب ويجعلك لك فيه الخير والصلاح

وتر الحنين \
طيب أهم شي نامي في الليل وحلو لو تنامين من 9 أو 10 بالليل .. يجي الفجر وانتي شبعااانه نوم وما يحتاج قيلوله


وجونه \
وينك عساك بخير طلي علينا

رووز \
بالعافية عليكم الجو الحلو .. نفسي أطلع بريطانيا أو كندا من غير شر - بس ليه ؟؟ مدري !! كذا شعور دايم أفكر فيه ههههههه

روحي تحبك \
سلامتة زوجك ما يشوف شر ... وعليك بالعافية القهوة

مهاوي \
ترا الخياطة جداً سهله ما يبغالها شي حاولي تجربين وخيطيلك مفرش وسويه لميوره
ومبروك رجوعك للوظيفه - متى رجعتي ؟؟
أما القهوة التركي سويتها وضبطت معي بس ما كيفت عليها كثير رجعت للكابتشينو ما أقدر أقاومه رغم أنهم يقولون أنه مضر وكله صبغات

جداويا \
خلاص قدمتي أوراقك للأبتعاث
واتبهي على نفسك وصحتك أهم شي
بسألك تعرفين طبيبة نساء وولاده ممتازة وقد جربتيها وفين ؟؟

ابتسامه
يا قلبي لا تخلين الشيطان يفرح بتكدير خاطرك - تعوذي منه وخليك مؤمنة بقضاء الله وقدرة - والله يعوضك خير يا رب

--------------------------

بنااااات سألتكم من أول عن المجفف حق الملابس وما رد علي إلا رووز

تكفون أنا أفكر وبجديه أشتريه لأني تعبت وأناأنشر في المجلس صار كأنه محل ملابس !!!
المشكلة ما عندي مجال لتصريف الهواء من النشاف وسمعت أن فيه موديلات تجمع الهواء الخارج وتحوله لماء وأنا بعدين أشيل صندوق الماء وأكبه
نفسي أعرف وش الماركات أحسن شي نفسي أعرف قبل لا أنزل السوق
لأن نزلتي مررره صعبه مع عيالي - أمس نزلت وفشلوني وتعبونا وأبوهم عصب وصارت نفسه طرف خشمه وانا ساكته واتصبر لا أطلع كلمه تجيب العيد *.* وما أقدر أخليهم عند أهل زوجي لأنه ما يرضى !!!

السلام عليكم ورحمة الله وبركاتة

مها عبدو
تسلمين حبيبتي على الترحيب

جداويا
الله يحييك حبيبتي وبعرفكم على نفسي

انا متزوجة وام لطفلين ولد عمرة 4 سنين ونص وبنت عمرها 3 سنين
ساكنة في دور علوي
بس بيتي مااعجبني ابداً والسبب متباعد يعني كل غرفة بعيدة عن الثانية وفية ممرات كثيرة غير الحوش الي كلة حمام مزعجني وانتم بكرامة يوصخون في الحوش يعني اغسل الحوش وإذا وصلت اخر الحوش القى اولة توصخ من الحمام تعقدت منهم هذا غير بيضهم الي يرمونة في الحوش انا ماادري يوم مايبون عيال ليش يجيبون
والمشكلة هذا الحمام سائب وعددهم كثير
وانا اهلي في بلد ثاني
يعني تقدرون تقولون بيتوتية ماطلع من البيت ابداً الا كل اسبوعين لاهل زوجي او إذا اهل زوجي نادوني قبل رحت لهم وكل فترة اروح عند اهلي هو المتنفس عندي انبسط وينبسطون عيالي

وسلامتك

يووووووووه

كتبت رد وش طوله وطار:mad:

لي باك بعدين نامت رجلي خخخخ:hysterical:

كوامن.. بالنسبه لتصريف الهوا..يكفي انك تحطي النشاف بغرفه فيها شباك وبس..

يو مي.. بالنسبه للحمام.. جيبي لك كيس زباله اسود..وقصصيه شرايح.. وربطيهن بالشبابيك..

وشيلي عشهم اللي تطولينه..وارميه.. وحطي عنده شريحة.. واربطيها بحيث تطير وتتحرك كل ما هب الهواء..

لأنه ببساطه يخاف من اي شي يتحرك..

روحي..بالعافية القهوة..

القهوة اللي دايم اسويها الصبح..قهوة امريكية "بلاك كوفي"

اما العربية ما اسويها الا اذا زوجي متواجد..

ابتسامة..ابتسمي يا حلوة..

وتفائلي بالخير تجديه.. وتراني انتظر يومياتك بكرة..

ابي اشوف ابتسامتك..

خلود.. انا تو كنت ابحث عن صورة للجاوني ولقيت وحده بموضوع يقول الكلام اللي قلتيه..

اللي انا اعرفه العكس تماما!!!!!

وه اكره وكالة يقولون..تتوه وتظيق الوسيعة!!!

وتر.. اكره المقيال..وما احب اللي يقيلون<<زوجي كاااان واحد منهم..

احسه مظيعه للوقت..دامك تنامين بدري وشوله نوم الظهر!!

وتر الحنين انت ما تنامي لانك مش نعسانة اساسا
احيانا تجي فترة على الانسان تزيد حاجته للنوم فيها واحيانا تقل حاجته للنوم
وبعدين النهار هالفترة قصير هلبة يعني لو نمت الظهر ما عاد ظل شئ في اليوم

جوجو + روحي تحبك
انا والله ما قصدت ابدا اني اشمت او اهزا على زوج روحي تحبك وعلى اكله
بس اللي صار اني حبيت حركتها في انها تعطيه فطوره معاه للشغل وحسيت كانها ام حنون وخايفة على ابنها
وشئ ثاني قلت بيني وبين نفسي نيالها لان زوجي مستحيل يرضى ياخذ معاه اكل من البيت للشغل تحت اي ظرف

روحي تحبك يارب ما تكوني زعلت من كلامي
ومش مها اللي تشمت في اي احد مهما كان

جوجو ارحمي نفسك وجسمك وما تشيلي الثقيل بهالفترة

روز راح اعتبرك عزمتيني رسمي ( من قالك اعملي نفسك كريمة وطيبة :D )
وراح ازورك واجيب بنتي معاي تعلم بناتك الشطانة والدوشة

خوختي مبارك عليكم السيارة حبيبتي
ومبروك عليكم الطلعة والفسحة وطمني كيف صاروا عيالك مع المرض
وشن هو النقرس
وياااااااااااااااااااااااااااااااارب يحقق لك اللي ببالك ويفرحك بالخير

بسومة استغفري ربك اختي وخلي ايمانك بالله وبالقضاء والقدر والنصيب كبير
وهذا كله من عمل الشيطان ياغالية انت فخليك اقوى منه
شوفي الامهات في فلسطين ومعاناتهم وكم ولد فقدوا وشعورهم الدائم بالخوف على عيالهم بانهم ممكن يطلعوا من البيت وماعاد يرجعوا او ان عيالهم يموتوا بين يديهم
بس ما شاء الله صابرين ومحتسبين الاجر
ربي ينصرهم ويقويهم على الاعداء
بانتظار يومياتك الحلوة وتغيير المزاج والنفسية للاحسن

شوشو وجعني قلبي على عيال صديقتك
ربي يصبرها ويعوضها خير عنهم والله مصيبتها كبيرة المسكينة

احبك الهي معقولة ما في حد فقدك اكيد كلنا فقدناك واشتقنا لك حبيبتي :L:
وين الغيبات

كوامن رجعت لوظيفتي يوم الخميس اللي فات والقهوة بس لانك مش متعودة عليها
انا احبها هلبة (طبعا في فترة الحمل والوحم اكره حتى ريحتها )
والمجفف سوري حبوبة ما عندي فكرة

يو مي الحمام مشكلته مشكلة انا كان معشش في شباك مكتبي وريحة المكتب منه فضيحة
بعدين جو تبع النظافة وشالوا الاعشاش وراح
واول ما يحس ان عنده فرصة يبني عش على شباك مكتبي يرجع ثاني ويجنني
فلازم انت كمان تحاربيه بانك ما تخليه يبني اعشاش وتجربي فكرة روز لاني حسيتها مفيدة

دفا الثلج دائما كل ما تكتبي لك كم كلمة اعملي تحديد الكل ونسخ عشان لو طار تقدري تنسخيه ثاني وما يضيع تعبك

وجونة عسى المانع خير
يارب تكوني بخير حبيبتي وينك

بعد ردي ....~

صليت المغرب ورحت لجدتي وسويت قهوة .. وتقهوينا واختي سوت بسبوسه ...

وانا اخذت لي قطعة من الكيكـ والباقي ارسلته لاخوي ... مثل ما قلت ههههههههه

وبعدين تفرجت على المباراة دقيقة معاها وعشره لا... <<<تفكيري يجي ويروح .......:)

طبعا ما نسيت المطبخ اخذت لي شوط فيه ههههههههههههههه ونظفت مطحنة البن زين .. وصارت يا سلام ..
والحين جيت اشوف ردودكم ...

وبسوي حلاوة >>>>>>عندي فرح الاربعاء فبجهز نفسي من الحين ...

روز و مهاوي ...>>>انا اصحى من الفجر واجلس لين للساعة 10 اتعب ... واصير كسلانه يعني لو اصحى 9 الصبح تمام ما يحتاج قيلوله ..
لاني اسوي مجهود فالصباح المشي نص ساعة .. من غير اللف والدوران فالبيت ... هههههههههههه
ومن قال اني انام كويس صح انام بدري بس نومي متقطع وكل شوي اصحى .. :( :( ان شاء الله فترة وتعدي الله يعين ..
احسني متلخبطة مدري وش فيني ...

ايه نسيت اقولكم .. لمن سويت الحلا ودخلت الكيكة الفرن انحرقت يدي شي بسيط وحطيت عليها عسل على طول والحين حمراء <<عندكم شي ما يخلي الاثر يعلّم ...

كوامن ما عندي فكرة عن المجفف ... وربي يخليلك اولادكـ ...

هلا بـ احبكـ الهي >>>منورة يا حلوة وشوفي الحلا ... :) صورته لكـ ..

يو مي >>الله يعينكـ على الحَمَااااااام شغلته شغلة ... فالتنظيف ....

ربي يخليلكـ ولدكـ وبنت ...


اشوووفكم على خير

وكااااااااااااات ....

وتر بالليل قبل ما تدخلي فراشك اشربي حليب دافئ بالسكر او العسل يرخي الاعصاب وينوم
وسلامة يدك وفي كريمات للحروق انا عن نفسي ما استعمل اي كريم
بس اول ما انحرق احط ثلج لفترة وبعده معجون اسنان ويخف احمرار الحرق

سلام قمورات
توني فاضيه اكتب يومياتي لليوم
الصبح بعد ماطلع ولدي وابوه رتبت الحوسه سريع سريع
ورجعت انوم قمت الظهر وركبت عالغداء وكنت ابي امسح ادراج المطبخ من برا
بس حولت على المجلس مانظفته من فتره طوووووووويله وزوجي شكله ناوي يعزم
صديقه جاي من استراليا >>وهنا سبب المشكله بيني وبينه مسوي حاتم الطائي
انا مو ضد العزايم والكرم بس ضد العزايم اللي مال ابوها داعي كل ماجاء احد من ديره عزمه وهذا دخل بيتنا كم مره ولاقد فكر يعزم زوجي
طيب اصبر لين تنتهي بعثته ويجي حط له ان بغيت ذبيحه
لا وناوي ينادي كل زملائه يبي طبخ بيت واشكال وانواع
وانا مابعد احس اني استقريت في حوستي وما عندي اي استعداد نفسي!!!
المهم محور حديثنا خخخخ
دخلت المجلس ومسحت التحف والمكتبه والتلفزيون وكلللل شي حتى الشبابيك
وشلت المفارش اللي على الكنب
وكنسته اول لانه مغبر ومسحته بكلوركس وديتول وبخرته وجففته وكنسته مره ثانيه
ورجعت المفارش والحمد لله جاهز تحسبا لاي طاري
كملت الغداء تغدينا وكنست الاسياب والمقلط وغرفة عيالي وبخرت بباقي الجمر
وغسلت الموعين
وقال لي ابو الشباب فيه مباراه جهزت الشاي وجلسنا عند المباراه زوجي يشجع وانا اقطف البقدونس
وعيالي يحوسون معي بالبقدونس
كنت مطلعه صدور دجاج باسوي شاورما قال زوجي مو مشتهيها قطعت الصدور صغار ورجعتها الفريزر
صلحت ساندوتشات بيض وجبن وتعشينا ولله الحمد
وغسلت الموعين وجيت
...................................

كوامن
في بالي من امس بارد عليك بس انسى اول شي ماشاء الله عليك فنانه
نفس مفارش عيالي يوم كانو صغار بس انا اشتريه جاهز
ويكون محشو باسفنج
انتي ماحشتيتيه بشي صح ؟
وبالنسبه للمجفف انصحك وبقووووووه تشترينه
هو ماركات انا اشتريت ويرلبول بس تصدقين
لي الحين ماعرفت له لان لوحته Eمو عربي واحسها صعبه
بس حقي احس فيه مشاكل يطلع الملابس الغامقه شهبا ء شوي
وبعض الملابس تشمر مدري المشكله منه والا مني؟؟؟ماعرفت استخدمه
عموما ينفع للي ساكنين بشقق البطانيات والمفارش يطلعها حااااااااره
واحيانا احط المخاد فيه
مايبي له تصريف انا حاطته بالبلكونه
يطلع شوي وبر تمسحينه من فتره لفتره
وقريبتي حاطته بالمطبخ اهو شي مكان فيه شباك..تهويه بس.
والمنشر استغنيت عنه الا لبعض الملابس الغاليه
وبلايزي حقت المناسبات مااحطها فيه
وبالتوووووووفيق
..............................
خوخه
تبين الجد شفتك بالحلم >>ماقلت لك مابقي احد ماحلمت فيه..خخخخخخخ
واثرنا موب بلحالنا اللي حروب بالسياره عشان الاكل
خصوصا لين شرى سياره غاااااااليه
يحرم عيالي حتى من لمس القزازه؟؟؟؟؟؟؟؟
اما صديقتي الله يعوضها ولدها الكبير كان فيه سرطان تقول غدد بالرقبه
وتنوم فتره وتوفي بالمستشفى كان بثاني ابتدائي
والمرض سبحان الله جاه فجأه
والثاني ياقلبي دايم تعبان من اول ماجابته ودايم تتنوم معاه
تخيلي تنومت معه سنتين بالتخصصي؟؟!!!
اعتقد فيه مرض بالدم
وخف التعب عليه ورجع ينتكس وتوفى اول يوم بعيد الاضحى
هالسنه بين يديها آآآآآه الله يعوضها فاضت روحه بين يديها
ويجعلهم شفيعين لها يوم القيامه.
....................................
احبك إلهي
اكيد افتقدناك ووجونه وبناتي زهرة حياتي وكوب نسكافيه
وام احلى بنيه وكل الغايبات.
....................................
روح المطر
ياكثر المقاريد عندي وعندك خير>>خخخخ
ماقلت لك لا تفتحين لي باب هههههههههه
.................................

السلام عليكم ورحمة الله وبركاته


اخباركم صبايا ان شاء الله بخير


مبروك فوفو البيت الله يعطيكم خيره ويكفيكم شره وتعيشي احلى ايامك فيه انتى وحبايبك

وتر للحرق اذا عندك بيضه اكسريها على الحرق بس خذي الزلال ورش عليها سكر عارفه بتقول سارت كيكه بس مجربتها اكيد


حتحسي بالم بس استحملى الين ماينشف البيض وسلامتك


تحياتى للجميع


استودعكم الله التى لاتضيع ودائعه