لمة الليبيات لشهر ذو الحجه1431 ه

sarabooo;13811476:

من انا صحيتي بارك الله فيك

بس بنسالك قفطان سواريه يكون سيمبل هلبة عادي؟ وعلي البدلة قصدت تكون بدلة بس تحتها سورية ستان او بدي فيه المعة حلو ؟؟ ماهو مش كبير وانا علي قولتك نازلة اسبوع بس بتصير التلبيسة وبنجي ياعني الحشو مافيه حد الا حني وعيلته بس !!!! وسمعت انه يديرو في عشاء

sarabooo;13811620:

وخيتي حياة حلوة تسلمو وبارك الله فيك ومبروك ما عولتي وتديريه اكبر عرس ان شاء الله

هيا القصة مش غي الخطبة لاني سبق وانخبطت ودرت بيان كبير وجو سوابيت وزحمة واتفركست وماصرش نصيب وكنت موتيلتها ليتا شهور لكن هدي تلبيسة فيسع ياعني الحوسة كلها كلها في خمس ايام ولا اسبوع بس لاني مش في ليبيا ومانبيش الحق في بيان ولا خطبة كبيرة وانا اللي كان راي ندير تلبيسة بس ..هدا لشا مافيهاش سوابيت ولا زحمة فهمتي عليا ....لكن هيا صح علي قولتك قفطان يجي احلي يكون سميبل لين خلاص لانه لو شريته انا ولا هو مش فارقة لانه مش حيجي في سبات... وفي مازال قصة العشاء انتي لتي درت موالح وعشي ...العشي ينع عادي متلا يندار كسكسي ولا رز بالبصلة قعاد عاديات ومعاها مسير وسلاطة وخلاص ولا يقولو شن هدا؟؟؟ هههههههههه والله انعرف في تلبيسات انا في البيان الاول درنا عشاء رز ومعاه مشقشاقاته لكن لانه تبيسة ومافيها حج هدا لاش سالت وحايرة الحق

طولت عليكم لكن الحق حايرة لاني عمري ماحضرت تلبيسة خفيفة وفي نفس الوقت ماينبش يقولو امالي شن هدا ؟

حياة حلوة;13811658:
دكتوره ان شاء الله خير اكيد تبعه شوي من الحمل ان شاء الله تنوضي بسلامه انتي واليببي وان شاء الله لاباس عليك


امممممممممممم بنسبه العشي نقولك ديري صواني احسن موالح ومعهم رز بخلطه او مكرونه شعريه بالخلطه
احسن من وجبه مبوخ
والف مبروك عليك مقدما

** حي صار اني حاله خاصه هههههه جابولي سوابيت *_* هههههه

sarabooo;13811871:

ياعني مانديرش مسقي ؟؟؟؟؟ حيه حيه كيف ماكان خاطري فيه

قهوه الصباح;13811919:
من انا شن جو التلج عندكم تعرفي اول يوم روح راجلي من الحج قالي مانشستر ما فيها وهانا عندنا يعني جانا قبلكم

sarabooo;13811856:

دكتورة اماني .... هدو صغارك اللي في الصورة ...ربي يحفظها لو بنتك هدي شن سماها سماحين يجديدة في المنتدي ومانعرفش اخبار علي العضوات

بعدين قلتي ماكليتي شي من الجمعة ...سامحين يبس ماتعرفيش انه حرام لانه ف يبطنك روح مسؤولة عليها لعند ماربي يأذنلها وتطلع للدنيا ؟ نفسيتيك تعبانه حتتعدل انتي ماتزيديهاش اطلعي من اللي انتي فيه.. ماكلة تغصبي علي روحك بالسيف وتاكلي

نقولك حاجة انا ممكن الل يييصيرلي هني لو ف يمكاني اي حد مايتحملاش عدت عليا اوقات مايعلم بيها الاربي المهم مشيت عاينت لان يانضريت في نفسيتي وتعبت هلبة الدكتور كاتبلي مهدي اعصاب ومعاها فيتاميات وهدرزنا شوية وقالي راهي الماكلة في جهة ونفسيتك في جهة مش عارف ليش انتو العرب تخلطو فيا في كل شي لما تاكلي خلايا الدماغ تنشط وتقدري تفكري في حل لنفسيتك وكيف تقدري تطلعي من القوقعة اللي انتي فيها وحايسة بيها وقالي متل بسيط الفرق بين انك تسمعي وتتكلمي كل حاجة مسؤالة عليها خلاياها نفس الشي في الاعاصب والمعدة .... الجهاز العصبي بروحه والهضمي بروحه .... المهم كبرلي القصة لين في النهاية طلعت انا المسؤلة علي حالتي النفسية لاني مالقيتسش حل باش نطلع فيه من اللي انا فيه

دكتورة سامحيني تكلمت هلبة بس شوفي انتي شن الل يمحيرك واللي متعبك وهدرزي فيه مش هني مع اي حد اكتبي ورقة وتكلمي بعد ما تكلمي احرقيها علي الغاز ماتضحكيش عليا انا هكي ندير تبدا عندي مشكلة نكتب نكتب نكتب ونجي فوق الغاز ونحرقها بالنار ونرتاح هلبة او ننزل نمشي علي رجليا لين ندهش نرجع ندوش ونرقد

سامحيني طولت بس نبي نساعدك

اميرة عرائس ليبيا;13811866:
دكتور اامانى من شنو متبيش تاكلى كثرى من الاستغفار معنديش مانقولك اانا بروحى تنكدت زيادة سمعت على واحد توفى قلت خزى ع الدنيا نحروا فى جرتها وهذه اخرتها