لمة الليبيات لشهر ذو الحجه1431 ه

وخيتي حياة حلوة تسلمو وبارك الله فيك ومبروك ما عولتي وتديريه اكبر عرس ان شاء الله

هيا القصة مش غي الخطبة لاني سبق وانخبطت ودرت بيان كبير وجو سوابيت وزحمة واتفركست وماصرش نصيب وكنت موتيلتها ليتا شهور لكن هدي تلبيسة فيسع ياعني الحوسة كلها كلها في خمس ايام ولا اسبوع بس لاني مش في ليبيا ومانبيش الحق في بيان ولا خطبة كبيرة وانا اللي كان راي ندير تلبيسة بس ..هدا لشا مافيهاش سوابيت ولا زحمة فهمتي عليا ....لكن هيا صح علي قولتك قفطان يجي احلي يكون سميبل لين خلاص لانه لو شريته انا ولا هو مش فارقة لانه مش حيجي في سبات... وفي مازال قصة العشاء انتي لتي درت موالح وعشي ...العشي ينع عادي متلا يندار كسكسي ولا رز بالبصلة قعاد عاديات ومعاها مسير وسلاطة وخلاص ولا يقولو شن هدا؟؟؟ هههههههههه والله انعرف في تلبيسات انا في البيان الاول درنا عشاء رز ومعاه مشقشاقاته لكن لانه تبيسة ومافيها حج هدا لاش سالت وحايرة الحق

طولت عليكم لكن الحق حايرة لاني عمري ماحضرت تلبيسة خفيفة وفي نفس الوقت ماينبش يقولو امالي شن هدا ؟

دكتورة ارماني و اميرة

عيل النفسية زي ماقلتو واله مافي خير من المشي

علااااااااااااااااااااااااج مافيش منه لما نتعفلق والله كان نقولكم كم كيلو نمشي علي رجليا ماتصدقوش .....يفسرو فيها انه طاقة الاعصاب تتحول من الجسم لسالبية الارض وتطلع من الجسم بمجرد تبديل الخطوات هدا علميا لكن منطقيا صح ومجربة نحط السماعات في وداني

او لو معندكش مسافة تمشي فيها نكتي لحوش وغيري ديكور حاجة معينة وحتعجبك لما تشوفي التغيير اللي درتيه انا نسمي فيها اني ندير off set للدماغ ههههههه لازم تغيير جدري

ويسلمو مزاجكم من الاعصاب

راهي ماهي مستاهلة

اميرة تسلمي يارب

والله ماحصلت مها الشهدرة غير حرق الاعصاب وامتي العرس بس هههههههههه وانا لحق معاش نتفاؤل بيهم السوابيت شكلي تعقدت منهم

هدا لاش نسال في نفس الوقت باش امي ماتتعصبش وتقول خيرني مش زي الناس ندير بيان هكي كبره واماليه هو مايقولوش خيره صغير بكل كانهم عليا نلبسها حت يبروحي انا واياه غير باش مايبوش يعارضو بس ويطلعو في علل

حياة حلوة جابولك سوابيت؟؟؟؟ مش قلتني تلببيسة خفيفة ماتهبلنيش تربحي

ياعني حتي لو تلبيسة خفيفة لازم يجيبو سوابيت ؟؟؟

باهي ايسدش الوقت شن بيشرو ولا بيحطو في السوابيت ؟؟؟تي هما معارضين علي جيانا والتلبيسة من اساسه قالو كيف تلبيسة مافيها شي وانا نشوف فيه كان بيان ياعني بياخد وقت طوييييييييييييييييييييل با شترتب وتدبر الف حاجة من بينها السوابيت ؟؟؟ باهي سوابيتك فيهم زي السوابيت ابيان الكبير؟؟ياعني هلبة ولا شوية وحاجات العرس فيهم ولا كيف ؟؟

زدت حرت <_<

هما الناس كملوهم العقد خلاص

والله حايره بجد

اميرة لا لا انا ليبية غير قاعدة في فرنسا مواليدي مش صغيره هلبة هههههههه 28 عام بس


حق قالو الدنيا عجاج؟؟ خطرتي عليا القديد :( :( :(

بنات دكتورة اماني حامل هيا؟؟؟ ممكن من الحمل ....لكن لو هكي تغيير جوها باي حاجة ..البين اجم لو يتعب نفسيته ويصدق انه تاعب تزيد تاعب لازم انتي من الداخل تقولي لا نفسيتي ماتغلبنيش .... والله في مواقف يخلوك من النكد لين قريب تخشي فيالحيط لكن الواحد يساير ويغلب علي روحه لانه الدنيا ماهي واقفة عل ينكدي انا تعبت نفسيتي ادمرت فرحت اتعفلقت الدنيا ماشية والوقت ماهو واقف انا نتغير من لداخل .....

حياة حلوة ....عل يالتقعيد الله يخليك الراقي شوفت حاجاته ف يالموقع لقيتهم حلوات بس لو ف يالتليسة امي تطيب شن تدير ماتطيبش هما زوز نسيوينات نقعدلهم من الراقي <_<..... بس رز ولا كسكسي الله اعلم بس شكلي استقرت علي التقعيد لانه حلو غير ماكت شمتشجعة لبة خفتهم يبدو يعلقو قلتهم نبي في العرس تقعيد ناضو كلم يتكلمو في اسبوع العيل كانك جبتي ديري ماتبي والله لين خنقوني خلوني بعبرتي

:(