لمة الليبيات لشهر ذو الحجه1431 ه

مافيش وحدة منكم شجعتني انخش عليه عصبان مع انه حاولت العيد اللي فات وماقدرتش
ما ناكلش فيه بس خاطري عزم يقوى ونتعلمه

والقرقوش نمووت فيه :adore:

اعطي فيريرو روشيه ايطاليه برضو ههههه

خودى الفواكه وقطعيها مربعات متوسطة وبعدين فيه كريمة الايس كريم يبيعو فيها وقبل ما تحطى الفواكه فى الكاسات حطى قطرة ليمون لو فيه تفاح اوموز باش لا يسود وخود ملعقة عسل طبيعى او 2 حسب مقدار الفواكه ورشة من القرفة وبعدين حطى السلاطة وخودى القالب امتع الكريمة وشكليه على الفواكة تم خودى اى شوكلاتة حتى سعيد ابشريها على الكاسات وخود الملعقة العسل ودير بيها خيوط من العسل

ملوكة يا انجل مهنيين عليها من لما شفت تطييبها في رمضان بسم الله ماشاء الله البنت فالحة عيني ما تضرها ..وهي واخذة توا بردة المفروض تهتم بروحها بس والاكل يجيها واتي

ملكة خلاص متت قهرا من تسفيه ع ماكلة :adore:

دلوعة بيشو،،،،،،،،،،اهلاااااااااااااااااااا بيك خيرك مسكتة لوطة تعالي شاركي في حديت

انا اندير فيه عادي العصبان سااااااااااااااااهل


انا عمري مسمعت عصيدة عالبارد البازين صح في عالبارد بس عصيده لا

ايه حق عندها بردة نسيتهااااا خلاص امالا اسقدي وخودي من فيراندا ومطعم طلياني

انجل ياعمري كنت نقرا في اللي فات هدا وين وصلت على فكرة انى اندير فالعصبان بسرعة تعلمته مش واعر على فكرة غر يشد اليد بس

اني نحب ناكل المصارين بس
الكرشة مستحيلللللل

و القرقوش نحبه طازة و كله هبر لو ليه مدة وتكتل عليه الشحم ما ناكلاش

عروسة ضياء،،،،،،مجربة لما تخليه في فريز نص طياب ولو تبي اطيبيه طلعيه عادي؟

ههههههههههههههههههههههههههههههههههههههههههه
مورينا يعطيهالك ... شهادتك نعتز بيها الحق .. مع اني
مش هديكا الفلاحة ... مزال ماشوفتي ماما لما تنوي تخش
للكوجينة
وبالنسبة للمرض من سمعت ان اهل خطيبي بيجو
بدي دماع يفكر ويجيب ويرفع هههههههههههههههههههه
وصحيتي لانك خايفة عليا
بالنسبة للعصبان ساهل انك تحشيه وتخطيه بس صعب
انك تنضيف هو والبطن وووووووووووووووووووووووووووووك
حاشا النعمة مش عارفه الناس كيف تاكل فيه

والقرقورش ماما تبي اديره علي خاطر الحمام ولا شنو
هههههههههههههههههههههههههههههههههههههههه
ناوية الشر سنة هادي .. بس باين بيجي علي راسي

ما ناكلش الا لحمة هبرا وقرقوش هبرا وباقي كله مستحيل نجي جهته

دلوعة،،،،شجعتيني ناوية نخش عليه العيد هدا لكن تمرميده هلبة في اول ويمرض المشكلة بس في لقطة اولى بعدين عادي

ملكه اعطي شكلاطه في الاول وريحي روحك من التخميم

دلوعه بيشو !!! شنو اخر اخبارك ..
كملتي قراية شيتات الي فاتو
ولا مزال ههههههههههههههههه

والله الله مش عارفه من قالي
عصيدة علي بارد ... توا البازين
زبطته .. نعجن فيه واندير زي خبزة
شعير المدورة وندير فيه بالشكوه
نقبات
وانطه في مية ملاينة مية مغلية وملح
وزيت ... وانحطهم
لما انحسه طاب ... نصفيها ونقعد
نعجن فيها في طنجرة ... ومرقتها ساهلة
بس العصيدة واااااااااااااااااااااااااااااااااااعرة

والله حتى اني الدماغ يرفع ويجيب من جية امالي السموح لكن عادي تو غدوة ندير خطة التقديم هههه

حقا انجل نصيحة من وخيتك في متل يقول داري على شمعتك تأييد فهمتيني
تصدقي انى لي توا مافي حد يعرف على خطيبي حاجة حتى العيلة خلاتي وبنات خلاتي وعندي صاحبتي كل ماتقولي شن جوكم نقوله حلو وجابلي وجابلي ومانسكتش نصكر منها يكلمني ايدرلي عركة على لبسي ولا حجابي ولا اي شي نسمع منه ماكتب ربي
توا وليت تقولي شن جوكم نقوله زي الزفت متعاركين هههههههههههه
تصدقي نزيد من الشعر بيت احنى عرس اختي اول عرس انديروه والحمدلله صرفنا هلبا وماخلينا مادرنا تعرفي بعد العرس بأسبوع بس ضربني فقر مش عادي هههههههههه
والله ندوي بجد الناس تحسدك في دم وجهك ردي بالك الناس ولت يالطيف

ام ميــــــــــــــــــــــــــــمي
عيينا من شكلاطة وعصير ديما ديما ديما
هههههههههههههههههههههههههههههه
خاطري نغير مرة هادي ممكن اندير
ميني كرواسون بالشكلاطة ولا شنو
قالت ام ميمي

يا بنات خطيبي قاللي انه صاحبه دار حادث قوي وتوا في المستشفى بالله عليكم تدعوله مسيكين

وتوا تصبحوا على الف خيرررررررر الساعة الثالثة يلا ننوا فيسع انتي وهي

أجرى الفنان حميد الشاعري صباح الأربعاء 10 نوفمبر/ تشرين الثاني، جراحة ناجحة في القلب في ليبيا، بعد تعرضه لذبحة صدرية قبل أيام.

وقال وليد الشاعري شقيق الفنان، إن العملية الجراحية كانت عبارة عن تركيب دعامتين في شرايين القلب.

وأضاف أنه اطمأن على أخيه الذي يحمل الجنسيتين الليبية والمصرية هاتفيًّا فور استيقاظه من التخدير.

وقالت مصادر مقربة إن الشاعري قد اعتذر عن عدم قبول عرض من وزارة الصحة الليبية بالسفر للعلاج في ألمانيا؛ ثقة منه بالطبيب الليبي؛ حيث أجرى العملية في مركز القلب ببنغازي.

من جانبهم، قال محبو الفنان حميد الشاعري في صفحته على "فيس بوك" إن الجراحة أجريت بنجاح.

وكانت الآلام قد فاجأت الشاعري أو "كابو" كما يطلق عليه محبوه أثناء تحضير بعض الأعمال الفنية في منزله بمدينة الرحاب بالقاهرة، فقام بالاتصال بشقيقه الذي يسكن بالقرب منه لنجدته.

ومن المتوقع عودة الشاعري إلى القاهرة بعد عيد الأضحى.

ووُلدَ حميد الشاعري لأب ليبي وأم مصرية، وينسب إليه الفضل في إطلاق الموسيقى الحديثة التي راجت في مصر خلال العقدين الماضيين.

ولحَّن الشاعري للعديد من النجوم المصريين، مثل محمد منير، وعمرو دياب، وهشام عباس، ومصطفى قمر، وإيهاب توفيق. (ام بي سي. نت)

ربي ينوضه بالسلامة يارب ... وانتي من اهلو يا مورينا ... انا معنديش نوم مزال .. منو بيسهر معاي ؟