تجمع حوامل وامهات قطر لشهر ذي الحجة لعام 1431 ه؛ الموافق لشهر نوفمبر لعام 2010 م

لافندر ،،
من صجج اسبووع عشرة صانتي ؟؟؟؟؟

مااالت علييهم ،، شينطرون ؟؟

حسبنا الله و نعم الوكيييل

والله فجر اسيوع 10 سانتي وهي اصلا 8 ومن الثامن هي رايحة رادة غ المستشفي

الحمدلله هاي امر الله الله يصبرها

يا عمري عليهاااا ،، الله يصبرها و يآجرها و يخلف عليهااا بالذرية الصالحة ،،

يبونا نولد عمرنا ،،،

لي متى يعني ؟؟ محد يحااسبهم ؟؟ هذا أمر الله ،، و لكن بعد لازم نآخذ بالأسباب

أم شيوخ

فديتج تسلمين ماقصرتي



دحدوووح

أي قآلت لي اليوم بنعطيج 10 أيام زياده لو مآربيتي تسلمييين فديت قلبج



فجووور

حبيبتي شخبآآآرج وحشتيني :)


لافندرا

مسكينه الّل? يصبرهآ ان شآء الّل? ويمسح على قلبهآآآ :( شسالفتهم ذيلا مستشفى حمد مجزززززره صآآآآرت حسبي الّل? عليييهم وعلى كل واحد يكون سبب في وفآه طفل وتعب مريضه عندهم :@


بخصوص المنجآ مع الخروع أنا سألت الدكتوره يوم كنت رآيحه الطوارئ قآلت لي تحممممملي تشربين لأن الّل? يسلمكم هآي يحمي الطلق بس مب زين للبكريه لآن مايكون مفتوح العنق ويخلي البيبي يسوي بوش بوش بوش حق عمره بس مافي مجال يفتح الرحم لأنه سميييك وقلب آلياهل يضعف ويسبب وفاته :( تحلف لي تقول 6 حالات جآتني أطفال ميتين في بطون أمهآتهم والسبه الخروع واشتكوآ على العيادات الخاصه ان ينصحون الناس بالخروع وهم مآيعرفون أخطاره
وقالت لي إشربي بس دآرسين وأكلي تمر وأحسن بعد الرطب بس مب وقته الحين للأسف ماعندنا إلا المثلج :(
الحمدلله اليوم رحت الموعد وكل شيء تمام وقالت لي بما ان يوم الثلاثا موعد ولادتج تعالي سوي تخطيط لو مآولدتي لين ذاك اليوم عطتني الثلاثا والخميس مواعيد تخطيط ?الّل? يستر ان شاء الّل? لو مأولدت بتعطيينني 10 أيام لين 10 /12 ان شاء الّل? آربي قبل 30 دعوآآآآآتكم

وترآآ يغآر بخير وتسلم عليكم كلكم اليوم مريت عليها فديت رؤووحهآآآ

قموور ،،
فدييتج و آنا أكثر ،، بخصوص الخرع ،، أكييد تقصد عدنان ،، لأن هو قايل حق رفيجتي انه يسوي تجارب على الخروع ،، و قالها تشربه عشان تربي ،، هي شربته مع منجاا و الحمدلله ربي يسرها لها و ربت ،، بس الخوف ان ما يصلح للكل ،، الأنانااس واايد زين و التمر ،، و اقري سورة البقرة ،،
يغار شلونها اللحين ؟؟ عسى دمها ارتفع شوي ؟؟

السلام عليكم

شخباركم

حبيت أبشركم دلوعة حبيبي ??. و
Miss_Qatar
ولدو وجابو احلا بنوتين ^^

مرحبا
دشيت على البشاره
حمدالله على سلامتهم دلوعه ومس قطر

تسلمين حرمان على الخبر الحلو
عقبال الباقين

ماميز
جاني خبر حلو
يغار طلعت من العنايه والحمدلله هي بخير
وحطوها في غرفه خاصه

لافندر
حمدلله على سلامة بنت خالتج
والله يصبرها ويعوضها خير ويكون شفيع لهم في الجنه
في حديث للرسول صلى الله عليه وسلم ان السقط يجر امه الى الجنه جر
ربي يرحمها برحمته
ومن كان له سقط دخل الجنه _____انا عندي 3 سقطات يارب اني احتسبهم عندك

لحون ،،

الله يرزقنا و يااج أعالي الجنان و يعينا على الطاعة

صباح الليل





قمور
لا تشربين ولا شي
انا ماشربت ولا شي الا فنجان ماي ورد
عشان يبين اذا غازات والا طلق
بس بعد ماشربت ولا شي





لافندر
عظم الله اجركم
الله يصبرها ويمسح على قلبها
ويعوضها يارب من فضله ونعمه
مدري اشفيهم الولاده مستخفين
والله المستشفى يجيبون زباله من الدول المجاوره والاجنبيه <<بنطق
ويقولون احنا دكاتره
والله حتى لو دكتور وبروفسور مب عيب يقول ماعرف
يعني محد يطلع من بطن امه يعرف كل شي



حرماني
بالمبارك ماجاهم
عقبال ماتبشرينا بملجتج ان شالله
سؤال اي دلوعه ..؟؟





بنات بقولكم شي
الخروع مايحمي الطلق ولا شي
الخروع ينشرب عشان يمشي البطن وينظفه
مب عشان يحمي الطلق
واذا العيادات الخاصه عندهم انه الخروع يحمي الطلق فهم غلطانين






وووووو نسيت بعد على من ابي ارد

فجووره
@@ شدعوه رايحين الكافتيريا ولا قالت
بالعكس مفروض دامكم وايد وياها تطرش لكم مسج لما تولد
استغرب من البنات اللي جي @@
لول الله يحفظ لها البيبي


لآفندرآ
آيــه عليها :( حمييير والله هالعلل اللي فمستشفى الولاده
الله يصبر قلبها
=( لين متى جي ياناس حاطين لنا بقر فالمستشفى



لحووون
الحمدلله ع سلآمة يغار خطآآآهآ الشررر




الحمدلله ع سلآمة اللي ربووا هاليومين
يتربوون فعز اهاليييهم البيبييييززز

حيوووره
يسلمو عالوصفه ياقميله

السلام عليكم
مبااارك لكل اللي ربوا
وعقبال الحمل
الله يتمم لهم على خير

بنات<< عشان تستانسون خ خ خ
من يومين بدت عندي الدورة للمرة الثانية بعد الولادة
والمرة الاولى يادوب لون احمر خفيييييف
لمدة &#1640;-&#1641; ايام لانها مانزلت عدل
ومن يومين قريت اللي كاتبينه عن حليب بالدارسين والفلفل الاسود والزنجبيل والمسمار
المهم سويت لي دلة وشربتها اول يوم
قلت ان شاالله تنزل وماتكون مثل اول مرة
وما شاالله هدّت علي واليوم &#1635; يوم وكأنه اول يوم
كم يوم اشرب حليب الدارسين

شهالاخبار.. الحلووه

مبروك ماجا دلوعه ومس وناعمه ويتربون بعزهم

والحمدالله ع سلامة يغار


فجووره

حراام كسرت خاطري حسيت انها من النوع الحساس اللي يحب الناس سالون عنها <-- قلبت فوزيه دريع هع
وسؤال فني دوامت وهي انفااس .!!<-- هذا اللي فهمته من كلامج


نصووفه

بنتي مالها تطعيم الا بالسنه اروح لهم ولا شسووي !!


واخبااركم عزيزاتي

نصوفه
عني انا مب مطعمه بنوتي
ان شالله ماعليها شر <<وحده تخاف من كثر التطعيم





فرفله
اتوقع بس اول يومين عشان تنزل عدل
بس خلاص لا تشربين بروحهم قالوا انه يحرق الجوف ..





الحمدالله ع سلامه يغار فديتها ربي يقومها بالسلامه ويرجعها بيتها بصحه وعافيه ان شالله

ما شاء الله شهالأخبار الحلوة ..
الحمدلله على سلامة الأمهات و الله يبارك في المواليد ..

والحمدلله على سلامة يغاار حبيبتي .. :)



لافندر :
لاحول ولا قوة الا بالله ..
الله يمسح على قلبها و يعوضها خير
هالمستشفى يبي لهم من يقاضيهم ياكثر أخطائهم و أرواح الناس مب لعبة ..!



فارفالا :
انا اشربه مرة وحدة في اليوم بس نسيت كم يوم .. يمكن 3 ايام ..
و ان شاء الله ماتضر اذا شربتيها طول أيام الدورة زينة تنظف الرحم ..



نصوفه :
ما لي نية على التطعيم ..




ماميز :
باقول لكم عن ولدي مادري شسالفة بطنه ..؟ يوم يسهله و اقول اسهال و اليوم الثاني يكون عادي بعد كم يوم يرد الاسهال ولا يصير بس غازات مب عادية .. مادري من شنو ..
قال لي الدكتور امس غيري الحليب عطيه بروجرس و انا اخاف من التغيير , الحين اعطيه نوفولاك 3 مرتين في اليوم و قبل كم شهر كنت اعطيه سيميلاك 3 بس ما كان يشربه كلش ..
و المراعي ماناسبه كلش ..
تمللت من هالسالفة ..

مساء الخيرات بنوتات

شخباركم

بنات انا صايره احس برعب مب طبيعي وخاصة مع العد التنازلي

مابقى لي الا 3 اسابيع

شي خارج عن ارادتي رجولي ترتجف ويديني

حتى الدكتورة اليوم تقولي خذي نفس عميق موتره البيبي مرة ودقات قلبه مثلك :'(

سامحوني ماعرف من ولد ومن حج

بس اقول للي حجوا حج مبرور وذنب مغفور ان شاء الله وربي يتقبل

واللي ولدوا الف الحمدالله على السلامة F: