تجمع حوامل وامهات قطر لشهر ذي الحجة لعام 1431 ه؛ الموافق لشهر نوفمبر لعام 2010 م

قمر مالج الا المشي هاليومين وتعرفين لين جاج ان شالله الطلق شربي عصير اناناس فرش بدون سكر او اي اضافه وعليج بالتمر...شربي كوب او اقل دارسين واذا تبين اكلي قفشة عسل هاي كل الطرق الي تسهل الولاده...بس انا عندي الانانس وايد زين وحار انا نزل عندي الماي بسرعه يوم كنت بجر غير هاي التمر اكلي قد ماتقدرين يقويج وقت الطلق....اول ماتحسين الطلق جاج خروعيها مع عصير منجا حطي وايد ....

تعرفين بعد تسبحي بماي داااافي انا يوم جاني بداية الطلق وقالولي طلق رحت البيت وصبيت نص الغرشه خروع مع منجا وشربتها والا تقولون جذابه راح عني الويع ونمت نومه الللي هاي الي يسمونه هدوء قبل العاصفه بعدين طلعت انا واختي مشينا لين البتيل الي في محطتنا خخخخ والخضار ويوم اذن المغرب رحنا مشي المسجد وصلينا ورجعنا البيت يعني قولو مشيت ساعه ونص وتسبحت والا رجع علي اقوى الطلق والا خالتي جابتلي الاناناس شربته والا نزل الماي ....طولت عليكم ..

انا عندي احلى شي وقت الطلق <<<<------- وحدنه نساتها كريييييييهه وثقيل اتنسى في كل شي ووقت الطلق تبي الفكه..خخخخخ

واخيرا الله يقومج بالسلامه ان شالله

قمر :
يعطونج 10 ايام زيادة
انا اذكر اني طفت موعدي و فوقه ال10 ايام و كانوا كاتبين لي دخول يوم الاحد
بس ربيت يوم الاربعا اللي قبل مادري من الخرعة ولا من شنو خخخخ ان شاء الله تربين قبل موعدج و ربي ييسر ولادتج ..

أم شيوخ :
الخروع و الدارسين ما يصلحون للكل و مب زينين بعد ..
أأيدج في المشي و الأناناس و التمر .. وبس

كاميليا


وين هالاستشاري بآي مستشفى ..؟
وشنو العلاج اللي عطاج اياه ..



آحلى بنوته

اطلبي من النت ،، ماراح تلقين هني شي عدل خاصه التدخيله
اما جلابيات النفاس انا سويتها عند عام 2000 في الريان وبعد جنبه كم واحد ..



قموره

فديت قلبج ،، الله يهون عليييج

عن جلابيات النفاس انا خذت من محلات الي مجابل سوق الجبر والله وحده شافت روب الولاده عباله من السلام انا ما ابالغ بس حزات يجيبون اشيا وايد حلوه وبعد عندج محل لمسات نيره الي في الغرافه وايد وايد حلوه جلابيات النفاس خذت من عندهم كم روب وجلابيات وغسليهم ولا يختربون

بسووم ،،
ع خيير ان شااء الله ،،

قممور ،،
هلاا هلااا ،،

يزووي ،،
أخاااف تشتغلين في إذاعة الفريج fm ،،،، !!!!!!

بناات ،،

اليوم صار موقف ،،

أمس كنت أسال وحدة من ربعي متى موعد و لاادتج ؟؟؟ تمت تضحك ،، قالت ولااادتي؟؟ أخاف أقولج و تنضليني ،، هي ما شاء الله بطنها صغيير و ما يبين عليهااا ،،، الموهييم ان ما قالت لي ،،

عاد قبل شوي ،،
أرسلت لي وسائط ،فيها صورة بيبي ، كاتبة موعد و لادتي الأثنين 8-11 ،، من أمس و آنا استعرض قدامكم ،، محد لا حظ ،، أدري انكم ما تحبوني ،،، أهي أهي ،،

ربت و احنا مادرينااا ،، و لا وحدة من الشلة لاحظت ان كرشتها اختفت ،نع ان احنا مع بعض على طوول ، يحليلهاااا عندهاا صبر ،، أنا مستحيل أربي و ما أعلم احد ،، بتم ألووولوووش ،،

مساء الخير


كامي

انا عطيتها يوم ونص



اطايب

حج مبرور وذنب مغفور ان شاء الله



دوحانية

تستاهلون سلامة الوالدة



قمر

الله يهون عليج وتولدين بالسلامة ان شاء الله

فجر :
ممكن ما اعلم حد الا امي اذا فيني ويع ( مع ان صار العكس الله يخليهم لي كلهم دروا عني ) لكن لما اربي ابي الكل يفرح لي و معاااي !


بدور :
قريت يوم تكتبين عن ولدج ذاك اليوم .. عاد من كم يوم اقرى في عروس قطر أظن وحدة ولدها نفس الشي و هي بعد تاخذ ياسمين



نور :
الله يسلمج :)

فجر انا بس يجيني الطلق الكل يتخابر وتشوفين حتى اهلي بالبحرين وربعي الي يدرسون بره دروا ولو عليهم كلهم جاوا المستشفى معاي فديتهم.....في خليفه رحت الفجر وقلت لا بربي وبعدين بدق حق امي لنه كانت 3ونص وخفت اقعدها من النوم واتعبها عاد ويييين حماتي خافت اتصلت في امي على طول خخخخخخخخخخ وانا كله ابي امي ابي امي خخخخ
اصلن الوحده في هالوقت تبي الكل معاها يفرح

دح دح ،،
نفسي ،، يوم جاني الطلق ماقلت الا لأمي ،، و عقب ما ربيت الكل درى ،، بس احنا ربعهاا،،و من كم يوم رحنا مع بعض الكافتيريا و قعدنا و سولفنا ،، شلون استحملت انها ما تقول ؟؟ لو انا مستجيل أمسك نفسي ،، بقوول،، هيييه ترى انا ربيت و لا حد لاحظ ،،

دوحانيه

بس أنا ما ارضعه فديته ،، بس في الاربعين
كنت ارضعه ..

السلام علييكم


اليوم انفجعت بخبر ماساوي

بنت خاالتي ولدت اليوم بسبب نفص الماي على البيبي والله اختارة طير من طيوووور الجنة

اسبوووع واصلة 10 سانتي والشيوح مب راضيين يولدونها الله يصير قلبها وقلب يغار تذكرت يعار وقلبي عورني