تجمع حوامل وامهات قطر لشهر ذي الحجة لعام 1431 ه؛ الموافق لشهر نوفمبر لعام 2010 م

مرحبا ماميز وكروشات


معليش اكتب بسرعه لاني بالدوام ومشغوله

بس حبيت اطمنكم
يغار الحلى الحمدلله استقرت حالتها واليوم بتطلع غرفه بروحها ان شاء الله
والعصر بازورها بإذن الله



برررب يا حلوات

اول شي ((الاماكن كلها))
حبيبتي فهد الباكر واااايد زين وبعد في نفس الوقت في اكل مايناسب الي عندهم اكزيما مثل الحوامض انتي شوفي اي نوع اكل اول ماتعطينه تهيج عنده الحساسيه اما الكريم الي حطيتيه هاي فيه كورتيزون مب زين دايما كيو في وايد زين انا ولدي وديته عند فهد والحمدالله اوكي وقالي حتى اقدر استخدمله سيباميد او حتى دوف لنه يرطب اما جونسن يحسس منه بسرعه...

بنات امس رحت بيتي المستقبلي خخخخخخخ وايد حسيته على قد ماهو بسيط بس حلو وملموم الحين افكر بالاثاث ياربي شلون وحق اليهال شوروا علي....احنا حتى الباب الخارجي ريلي سواه عادي قال لين بعدين بنسويه نفس البيبان الالومينيوم طقم يعني نفس دخلت البيت ....والله هالايام كللللشي غالي الواحد لو عنده همجه بيخلص واهو مرتاح البال...

شوروا علي بنات الي عندها صور او اي محل اثاثه راقي وحلو وعملي تقولي...
شرايكم في خرابيط ايكيا والي استخدمها حلوه ؟!!!
بنات اي احسن دكتور اسنان ميته ابي اروح بس اخاف وبنفس الوقت لازم اروح ضروسي ذابحتني

LavenderA;13737510:
هلا نور الدنيا حيااااج بينا

مشكورة فديتج .. تسلمين ..

شخباركم خواتي .. وشخبار يغار .. ام الشيوخ عظم الله اجرج .. انا اليوم تعبانه وايد متضايقه اكثر .. فما اعرف شاكتب اصلا .. الله كريم ..

حبيبتي نور الدنيا شفيج فديتج فضفضي هني كلمن معاج....
طمنونا على يغار والله لو علي جان رحتلها بس استحي ماعرفها شخصيا

ام حمد
ماتقصرين على الاخبار الي تطمن

ام شيوخ مبروك المنزل الجديد تهنيتوا فيه انشالله
ترا تاثيث البيت مايكمل الى بالتدريج
واذا تبين اشياء رخصيه وحلوه عندج هوم سنتر ودوحه سيتي

نور الدنيا
حياج اختي وسلامتج من الضيقه

لحوون ،،
كنت بقوولج شوفي وحدة من اللي يضيفون في الأعراس ،،،مواليد قطر ،، زيين لقيتي ،،

أم شيووخ ،،
و الله البيت عباالة ،، من الليحن أقول نبي نجمع لنا حق البنيان و الأثاث ،،، شكله بنبني و احنا ما جمعنا شي ،، الله يسر لكم ،، و يرزقكم من حيث لا تحتسبون ،،،

أم حمد ،،
سلمي عليهااا وااايد ،، و الله يشفيهااا ،،

السلام عليكم


تونى قبل يومين راجعه من الحج والله يتقبل منا ان شاء الله

اقول للي ماحجت تحج مدامها شباب وفيها شدة للمشي ولحد اياجل ويقول توى الناس انا تمنيت لو اني حاجة من زمان بس الحمدلله على كل شي


لولو الف مبروك البنوته وتتربى بعزكم ان شاء الله والله يجعلها من الذرية الصالحة


يغار الله يعوض عليج ان شاء الله وتقومين بالسلامة يارب

فجر
تسلمين فديتج
الي حصلتها شكلها حليوه لاني كلمتها وصوتها مبين انها مؤدبه مادري مب قويه يعني

اعرف وحده حق تضيف الاعراس بس تدرين مافكرت اسئلها اذا تقدر تشتغل مرافقه بكلمها وبشوف
شكرا على الفكره

الورد99
حج مبرور وذنب مغفور
حمدلله على سلامت الوصول

صباح الخير

الله يصبر يغار ويعضوها خير ان شاء الله





حجيه الورد
حج مبرور وذنب مغفور وسعي مشكور .. والحمدالله على سلامتج ..

فجر
الهندي الي في الحي الثقافي وايد يمدحونه خاطري اجربه ..

الورد ،،
أمس انتي وموزان كنتوا في بالي ،، قلت مدري ارجعوا والا لالاااا ،،
تقبل الله طااعتج ،،، و حج مبرور وذنب مغفور و سعي مشكور

فــجر الــحياة;13747883:

بناااااااات ،،،،

اقترحوا علي مطعم حلو - هندي أو شامي- للغدا ،، ويكون فيه مكان عائلات و يفضل لو كبااين ،

غير المجلس و الخيمة ،

شوفي المطعم الهندي الي حذا نادي الدانه نسيت اسمه :o

عندج مطعم هندي روعه اسمه رويال جاردنز اكلهم روعه

هتان قطر وانتي الصاجه هني مب كل مكان يجيب شي عدل واذا جاب مب لين هناك....
عن هوم سنتر ودوحه ستي لا ماحب اثاثهم انا ابي شي راقي وبنفس الوقت عملي اذا حق مكان يهال ...احنا للحين ما نزلنا بس رحت شفت مخلصين كل شي باقي البيبان الخشب الداخليه واكسوارات الحمام اما الحوش بليتاته خلص خلاص اي وبعد احنا للحين ماسوينا المطبخ الخارجي...يعني بعد يبيلنا شوي انا افكر اروح الخبر والدمام اعرف محلاتهم وايد حلوه واحسن من هني وارخص من هالحراميه...والله حزات افكر اذا خذت سلفه قليله مب وايد طبعا عشان نخلص بس مادري والله لنه اذا عندنا الحين كاش نخلص بسرعه وننقل ونتم بروحنا احسن بس للحين ما ادري شوروا علي

فجر
لتقولين شيش اللحين ريلي مابيوديني:'(

الهندي الي في الماريوت حلو ..

فجر
ايه بخارى مادري شلون طار الاسم من راسي

ام شيوخ
الله يكون في عونكم -اذا تقدرين تاخذين سلفيه اخذي وافتكي عشان تخلصون بسرعه