تجمع حوامل وامهات قطر لشهر ذي الحجة لعام 1431 ه؛ الموافق لشهر نوفمبر لعام 2010 م

اي اقصد مرافقه شخصيه تكون معاي وين ماطلع اروح زياره لاحد او السوق تكون معاي كمحرم ماطلع مع الدريول بروحي
افضلها
جنسيه عربيه
وابيها في قطر طبعا

وبخصوص انا وين فيه انا في جنوب روسيا وش موديني هناك قضاء الله وقدره
وبرد وموتن احمر

بخصوص التطعيم

ودي معاج البطاقه الخضراء وبطاقه السمع وبطاقه النظر بعد
والايام ماعرف الصراحه اتصلي فيهم واسئلي

السلام عليكم ورحمة الله وبركاته


اشلونـــــــــــــــــكم كلكم يا حلويين

عيدكم مبارك

اللي ولدت : حمدا لله على سلامتك ومبروك ما جاك

واللي حامل : مبروك والله ينقلج اياه لين تمامه

واللي راح الحج : حج مبرور وذنب مغفور وسعي مشكور .. وين الصوغه :D

ما تشوف شر يغار ...

رجعت كم صفحة ودريت عنها ...

الله يتمم شفاءها .. ويعوضها خير

سلامي للجميع

مساء الورد

عيدكم مبااارك وكل عام وانتوا بخير ولو انها متاخره
بس انشغلت مع الترتيب ورشود وعقب سافرت وامس توني واااصله ..


لولو

عاااادي انا اكثر من وحده اعرفهم بين عيالهم فرق 4 او 5 سنين
وعلاقتهم زينه ببعض ،، اهم شي لاتفكرين وااايد لان العامل النفسي مهم لهالسالفه
انا عكسج وقفت حبوووب ياسمين خلت النفسيه دااااون من قلب ولا ركبت لولب ولا شي
واموووت من التفكير لين تجيني الدوره ،، شوفي محد مرتااااح



دوحانيه

انا عن نفسي ناس بودي لهم ذباح
ورفيجتي بودي لها مجموعه عطور عربيه وفرنسيه
وممكن سلت شوكلت او ورد او طقم دلال واستكانات



لولوه قطريه

الحمدلله على سلامتج حبيبتي
وتتربى بعزكم ان شاء الله ،،


قطريه

الحمدلله على سلامتج حبيبتي ..



يغار

اللهم ارحم ضعفها واجبر كسرها .. اللهم اشفها من عندك شفاءا تاما لا يغادر سقما .. اشفها برحمتك وانت أرحم الراحمين .. اشفها بقدرتك إنك على كل شيء قدير .. اشفها بأمرك ألا لك الخلق والأمر تباركت يا رب العالمين .. اللهم عوضها وأبدلها بخير مما فقدت وجازها على صبرها خيرا يا رب العالمين .. اللهم امسح على قلبها بالصبر والرضا بما قدرته لها يا رب العالمين وآجرها على صبرها برحمتك يا أرحم الراحمين ..

وااااايد تاثرت لما قريت الخبر ،، الله يعوضج خير يارب
ويصبرج ويمسح على قلبج ..
ماتشوفين شر يالغاليه :(

الاماكن
شكله ولدج فيه اكزيما الاطفال واعتقد تروح من نفسها على عمر سنة ونص
بس انصحج بزيت الزيتون الطبيعي
٣-٥ مرات في اليوم
يمتصه الجسم بسرعة

الحمد لله على سلامة يغار
وعقبال ما ترجع لبيتها واهلها وعيالها

فــجر الــحياة;13738842:

لحوون ،،


طلبج غريييب ،، !! ما تحسيين انها ممكن تتدخل في خصوصيااتج ؟؟ أو تقيد حركتج ؟؟ أحس هالشي مب داارج واايد عندنااا ،، يعني مثلا اذا رحتي زيارة لحد وين بتقعد ؟؟ معااكم ؟؟ و الا في السيارة ؟؟ و بتقدمينها للناس بصفتها شنو ؟؟ ع العموم انا أعرف بنات عربيات ،، بشووفهم لج ،،انتي تبينها تكون مشتغلة هالشغلة من قبل ؟؟

فجور ياختي هو مب دارج ادري بس مب غريب والله
انا ابي وحده تساعدني مع بناتي لطلعت وكلها شهرين بقعدها في قطر وين اطلب خدامه عرفتي؟؟؟
مرافقه بتساعدني في طلعاتي وعادي بتقعد معانا
وبقدمها للناس بصفه مرافقه لي مافيها شي

Farfalla Qatar;13738962:
الاماكن
شكله ولدج فيه اكزيما الاطفال واعتقد تروح من نفسها على عمر سنة ونص
بس انصحج بزيت الزيتون الطبيعي
٣-٥ مرات في اليوم
يمتصه الجسم بسرعة

تسلمين ياام عزيز صح والا انا غلطانه قال لي بتروح بس مسكين يكسر خاطري مع هالتحكك..:D

دوحانيه هاذي المعصاره كتبها غازي لي ويروح بس لين وقفت ترجع :(

بنتي صادها
فديتها تقطع وجهها من الحكة في خدودها وحنجها
قد ما اقدر انشفه من الماي والريري ينزل على حنجها

الفيوسذين مضاد موضعي
عشان جذي يروح

الله ايصبر ايغار و يمسح على قلبها .. و الله انها كاسره خاطري
الله ايعوضها خير انشالله

يسلموووو يالغالياات
ماقصرتوا والله يسلمكم ويسلم عيالكم من الشر :)

لحوون وام حمد
جزاكم الله خير
الله يقومها بالسلامه ويمسح على قلبها ويعوضها الف خير يارب




انا هاي بدر الدين ماشفته في حياتي شفت مرته بعد دكتوره بس ما حبيتها لانها فشلتني وكانت تقدر تقول لي الشي باسلوب ثاني ..
وبدر الدين ربيعتي اتابع عنده وتوها طرحت بعد كان لها 5 اسابيع




قطريه اتش
نورتي البلاد



البنات اللي نورونا بطلتهم عقب القطاعه
منورين حبيباتي
الله لايحرمنا هالطله ويجمعنا دوم على خير




الاماكن
الفيوسيدين مايسوي شي للاكزيما اللي اذا كانت مجرحه
لازم لازم لازم ترطبين له جسمه
عندج كريمات الترطيب من بيوديرما او اذا تروحين عياده خاصه لانه في كريمات تنفع مع ولدج بس فيها نسبه كورتيزون يعني لازم تستعملينها بامر الدكتور وحسب مايقول اسن لج وله
ولازم بعد تعطين ولدج زيرتك عشان يوقف الحكه

الماي مايأثر عالتحليل

المهم اي شي فيه سعرات ممنوع
احيانا كنا نسال الحوامل يقولون شربتا فنيال قهوة بدون سويت
عادي كنا نكمل التحليل
بس مو تركش ولا ننيسكافيه