Angel Heart 89;13743757:
ملكة،،،،صحيتي يا عسولة هلبة ايه حاجزة في مرياج لكن شاشاتهم صغيرة ما تباينش زعما داروا جديدة؟ لان اني حجزت عندهم من اول اسبوع فتحوا فيه وعربون مارفعتاش اني من يومها معاش مشيت توا نتصل بيهم نسألهم غدوة،،،،وكبيرة صالة انديرها في وحدة من تراكين هههه وعلي منظف مصران هلبة شكرووه ليا بناخد نجربه وفكرة بلاي ستايشن حلوة بس خليها في مناسبة تانية راس سنة انحسها حاجة انتي تصنعيها زي كيكة واديرله زي movie بصوركم وتهاني علي سنة جديدة لانها مش مناسبة هدايا او اول يوم في سنة جديدة ابعتيله صبح باقة ورد
دلوووعة،،،،تعرفي كلمتني اخت خطيبي حكيتلها اللي صارلي مشي قتلي علي ربيعة وحكتلي علي بروجكتر امدايرته لوحدة بصراحة جوووو وحلو افكاره بالك اختك ههههههه اخديت رقمهم وكلمتهم غدوة بنمشيلهم كان سخر ربي مع انه نعتة مافهمتهاش قتلها نقرب لنوفليين نكلمك......
والله ما نحساب عرس هكي تخميم وحالة خلاص بنشيب حتى قراية معاش ملحقة ومن توا نومي ناقص نخمم يارب يسهل علينا واعراسنا عرايس منتدى اتجي حلوة
---------------------------------------------------------
سؤال مخالفة:
وين نلقا بروشات شعر كريستال ،،،، وكريستال اللي يلبسوا فيه للكنادر حتى هوا وين نلقاه؟ وسؤال تاني وين احسن مكان يدير مانكيير وباديكيير للعروسة؟F:
جواب مخالفة
خلاص تمام ممكن في عيد الحب امالا هههه !!!
وبالنسبة للكريستال فيه محل نازل بجنب مونسون بتع بن عاشور .... وبالنسبة لوين تلقيهم عند الدغري كل شي هالخركات هادي
حبيبا بالنسبة للباديكور والمنايكور انا شوفت ايدين ماما ورجليها دارتهم في لادونا في سراج
بس كان غالي فوق المعقول .. الايدين بس ب 55 جنيه :-# انا الي دارتلي في بيان تجيني في الحوش باديكور ومانيكور ب 50 جنيه لكن تركيب هو الي غالي كان بتركبي ...!!!
وفيه الي فوق النايك بتع قرقارش حتي هو يشكروا فيه بس نصيحة ((( ارفعي ديتولك وكحولك وداواتك معاك )) وين ماتمشي
سوال مخالفة
حبيبتي انجل .. لما تمشي للمرا هادي باللهي عليك اسئلي علي تفاصيل البروجيكتر !!! بقداش وكم صورة وهكي ... مع شاشة ومن غير شاشة؟