شات منتظرات الحمل قريب بإذن الله (احلى بنات فى مصر )وامهات المستقبل القريب

لحظةحب;13852231:
يا بنات يا راغين كفياكم لك..الشاب اللطيف جيه ومش عارفه الك معاكم
مون صحيح لو معادك فى جنين على 11 وله 12 سيبك منهم وروحى على 8 الصبح لانك لو روحتى على 12 مش هتخشى قبل 6 اسالينى جربت لطعتهم
لكن لو روحتى الصبح ان شاء الله تدخلى بدرى بس متتاخريش عن 8 بعد كده هيبقى دورك برده متاخر..وطبعا موصكيش على الفلوس

هو بالنسبة للفلوس انا عارفة و عاملة حسابى وهناخد معانا ألفين جنيه و غير الفيزا ولا انتى قصدك ادى فلوس للبنات علشان يهتموا

اصل انا بتكسف موووت من الموضوع دة و واحدة صاحبتى قالتلى لما كنت رايحة لأبو الغار فى العيادة بردو ادى البنات حاجة بس جيت هناك و ضربت لخمة و كان فى كذا واحدة و قلت مش هدى حد حاجة و اتلطعت لطعة سودة بردو

معلش سؤال تانى لأنى عارفة لطعة الدكاترة هو ينفع اروح اخد دور و امشي و ارجع تانى ولا إيه أصل انا على طول بعمل كدة مع الدكتور بتاعى

nemonamanemo;13852298:
حلو قووي كملي كده انتي بس لو قليلتي الحلويات هتبقي تمام


انتي شغاله ايه

انا web designer
و متقوليليش قللى الحلويات مبقدرش بجد بحس إنها إدمان دانا يا بنتى ساعات بنزل جوزى يا عينى يجيبلى حاجة حلوة الساعة 12 بالليل و مهما أحاول مقدرش طيب امبارح كنت عند ماما و مكنش فى حاجة حلوة قمت جبت جبنة كريمة و حطيت عليها مربى توت و على توست مع كوباية نسكافيه اصلى الاختراع دة بجيبه من محل فى المعادي بس طبعا شتان اللى انا عملته طلع كمين بس بردو كلته :)

nemonamanemo;13852198:
لا اتفائلي براحتك يا اختي لسه منزلتش لوزني قبل الحمل هههههههههههههههههههه

بس طبعا ديه امكانيات شخصيه ... و واحده معصعصه زيك اكيد هتخس (امثالك بيتلككوا عشان يخسوا اصلا هههههههههههههههههه)

اما انا ما شاء الله بنت عز من يومي هههههههههههههههههه التخن حالف ميسيبني زي الكيس بتاع موني كده

ههههههههههههههههههههههههههههه
فطستينى من الضحك بجد ههههههههههههههه
انا ليا واحده صاحبتى تقولى انا كفايه ابص للاكل بس علشان اتخن هههههههه

حاجات حلوه زي ايه طيب

جاتو و حلويات شرقيه و كده ولا قصدك ايه

كل انواع الحلويات بلا استثناء بس على حسب المزاج يعنى احيانا تبقى طالبة معايا شرقى اوقات جاتوه ساعات تشيز كيك او شيكولاته او بسكوتات بالشيكولاته و ساعات عادى جدا سندوتش حلاوة بالفستق او كريب نوتيلا لا مفيش حاجة بقولها نو بس على حسب المزاج

على فكرة انا بردو من النوع اللى بيبص للأكل يتخن دا كمان ممكن افكر فى الاكل اتخن بس انا بعمل حاجة هى غلط طبعا بس علشان الخسائر متبقاش فادحة بما إنى لازم الحلويات يوميا فمش بهتم بالاكل العادى خالص يعنى ممكن افطر ساندوتش جبنة و اتغدى معلقتين خضار او سلطة مع حتة فراخ صغيرة علشان الحلو ياخد حقه :)

ازيك ياسحر عامله ايه

وكيف الغربه معاكى ياترى مبسوطه ولا حاسه بالوحده

mooney608;13852290:
بصى صاحبتى فى منتدى تانى كان معدها اصلا 8 الصبح و راحت 7.30 و انا معادى واحدة الظهر و فكرت جديا أعمل كدة بس خايفة يطلعوا سخفة و يغلسوا و يقولولى اجى فى معادى تفتكرى اروح 7.30فعلا من نفسي كدة و لا بلاش

لا هما مش هيرخموا عليكى ويقولوا تعالى فى ميعادك لان اصلا لما بتروحى 1 هتاخدى دور ممكن دورك بقا يجى على 6 او 7 بالليل انتى ونصيبك... فعادى روحى الصبح انا اول مره معادى كان 2 الظهر روحت 11 وعادى متكلميتش معايا بس بعد كده لما بقا يقولولى تعالى 11 او 12 بروح 8 بالكتير وفى علمك شوفى بروح بدرى ازاى وبكون رقم 5 او 6 يا بنتى فى ناس بتروح من 6 الصبح جنين اكتر عيب فيه الزحمه..

mooney608;13852315:
هو بالنسبة للفلوس انا عارفة و عاملة حسابى وهناخد معانا ألفين جنيه و غير الفيزا ولا انتى قصدك ادى فلوس للبنات علشان يهتموا

اصل انا بتكسف موووت من الموضوع دة و واحدة صاحبتى قالتلى لما كنت رايحة لأبو الغار فى العيادة بردو ادى البنات حاجة بس جيت هناك و ضربت لخمة و كان فى كذا واحدة و قلت مش هدى حد حاجة و اتلطعت لطعة سودة بردو

معلش سؤال تانى لأنى عارفة لطعة الدكاترة هو ينفع اروح اخد دور و امشي و ارجع تانى ولا إيه أصل انا على طول بعمل كدة مع الدكتور بتاعى

بصى عموما الكشف اول مره والسونار 400 ده اساسى وممكن يقرر يشفطلك الكيس فى نفس اليوم اصل دكتور حسام جاهز علطول او يطلب منك تحاليل فده حسب ميقرر بس كويس الفين وان شاء الله بس يكون اول مره الكشف..بس انا بكلمك عموما انا حسام غالى فى الحقن والادويه وكده..
اما بقا للفلوس اللى هتديها للبنات فديه انا معملتهاش لانى برده بضرب لخمه وهما هناك ماشين بنظام الرسبتش بياخد اسمك ويدخل الملف بعدين على المنسقه بعدين يروح للعياده فموضوع انك تدخلى قبل دورك ده انسييييييه..
والله انتى اللى هتشوفى يعنى انا ولا مره روحت اخدت رقم ومشيت لانى علطول بروح بدرى وكمان هما متعرفيش هيندهوا عليكى امتى انتى ممكن تسالى الرسبشن قدامى قد ايه وبعدين لو قالتك مثلا قدامك عدد كتير امشى وارجعى تانى ..
وربنا يكرمك يا موت ويجعل دكتور حسام سبب فى الحمل

mooney608;13852114:
بالنسبة للبنات اللى بتخس بتعملوا حاجة معينة و لا كل واحدة ماشية مع نفسها اصل انا عايزة اخس بردو انا مش تخينة خالص بس بقالى كدة بتاع سنة حاسة ان جسمى بقى مفشكل و بقالى بطن يشعة و هانش بشعة مع إنى مكنش عندي بطن و لا هانش لدرجة ان واحدة صاحبتى كنت بقالى كتير مشفتهاش شفتها من كام يوم و كانت فاكرانى حامل :(

موني انا زيك بظبط مش تخينة بس ظهرت حاجات بعد الجواز والناس كانوا فاكرين اللي انا حامل ومخبيه وخصوصا اللي انا مش بتاعت اكل انا مدمنة حلويات
جاتو تورتة حلويات مشكله شيكولاتة ولازم البيبسي اللتر اساسي عندي ههههههههههههه
طبعا عملت واقفة وقررت اخس كنت 70 بقيت 62
وانا ماشية مع دكتورة وانا هدفي ان شاء الله 55 ولو موصلتش 55 يبقي كفاية 58 او 95

mooney608;13852278:
انا بقالى سنة و شهرين متجوزة
انا بقالي حوالى 10 أيام محترمة نفسي و مقلله شوية فى الأكل مع إنى و الله مش أكيلة خالص بس نقطة ضعفى و مشكلتى الحلويات مينفعش يعدى يوم ماكلش حاجة حلوة
و بقيت أروح الشغل و ارجع مشي اصل الشغل قريب هى تلت ساعة رايح و تلت ساعة راجع حلو اوى واشترينا مشاية كهربا و اليوم اللى بضطر أخد العربية و انا رايحة الشغل بمشى نص ساعة و مقضياها فى الشغل شاى اخضر و قرفة بالزنجبيل

موني انا زيك بظبط مش تخينة بس ظهرت حاجات بعد الجواز وخصوصا اللي انا مش بتاعت اكل انا مدمنة حلويات
جاتو تورتة حلويات مشكله شيكولاتة ولازم البيبسي اللتر اساسي عندي ههههههههههههه
طبعا عملت واقفة وقررت اخس كنت 70 بقيت 62
وانا ماشية مع دكتورة وانا هدفي ان شاء الله 55 ولو موصلتش 55 يبقي كفاية 58 او 95

احسن حاجة تمشي مع دكتورة مش مع نفسك عشان متمليش من الاكل وكده بي الاهم بلاش زيت وسمنه بلاش حلوياااااااااااااااااااااااااات:'(
ولو عايزة زيت يبقي زيت زيتون الصراحة انا مش بستعمله انا مقضيها بيض مسلوق او جبنه قريش في الفطار
الغدا سمك او جمبري او فراخ او لحمة كله مشوي مع السلطة
العشا تفاحة
وعليكي علي المياه كتيرررررررررررررررررررررررررررررررررررررررر

لحظةحب;13852231:
يا بنات يا راغين كفياكم لك..الشاب اللطيف جيه ومش عارفه الك معاكم
مون صحيح لو معادك فى جنين على 11 وله 12 سيبك منهم وروحى على 8 الصبح لانك لو روحتى على 12 مش هتخشى قبل 6 اسالينى جربت لطعتهم
لكن لو روحتى الصبح ان شاء الله تدخلى بدرى بس متتاخريش عن 8 بعد كده هيبقى دورك برده متاخر..وطبعا موصكيش على الفلوس

ياسمين الحقن المجهري عايزة عدد الحيوانات قد ايه
والسليم قد ايه بليز التفصيل
يعني ممكن جوزي وهو عنده دواللي نعمل حقن والعدد بتاعة قليل ولا ايه

زوجى كل حياتى;13852446:

سلام علي كل الموجودىن انا سحر كنت معاكم من شهر وسبتكم علشان السفر ها فاكرينى ولا لا

عموما انتو كلكو وحشتونى مووووووووووت فرح وميرا ودينا وودعه وكل الموجودين والله

ازيك ياقمر

ريـري;13853152:


ياسمين الحقن المجهري عايزة عدد الحيوانات قد ايه
والسليم قد ايه بليز التفصيل
يعني ممكن جوزي وهو عنده دواللي نعمل حقن والعدد بتاعة قليل ولا ايه

عادى يا ريرى اصلا الحقن مش بيحتاج عدد المهم يكون فيه سليم ان شاء الله حيوان واحد..يعنى انا جوزى العدد عنده مبيكملش مليون ونسبة التشوه عاليه وواللى بيعيشوا اقل من 30 % والحمد لله بيطلع اجنه عندى درجه اولى ..مفتقلقيش خالص

لحظةحب;13853391:
عادى يا ريرى اصلا الحقن مش بيحتاج عدد المهم يكون فيه سليم ان شاء الله حيوان واحد..يعنى انا جوزى العدد عنده مبيكملش مليون ونسبة التشوه عاليه وواللى بيعيشوا اقل من 30 % والحمد لله بيطلع اجنه عندى درجه اولى ..مفتقلقيش خالص

طيب ياياسمين الرسبشن اداني تفاصيل الحقن المحاولة والاتنين والاتالته بالادوية والتحاليل والمنظار وكله حاجة شامله كل حاجة
انا حسبت اللي تالت محاولات لقيتها 15 الف
ممكن يحتاجو فلوس تاني ولا ايه

mooney608;13850048:
السلام عليكم و رحمة الله و بركاته ازيكم يا بنات الحمد لله على كل حال امر المؤمن كله خير بإذن الله الكيس زى ما هو بل يمكن يكون كبر شوية كمان بس كلام الدكتور مريحنيش خالص قاللى اجيله بعد اسبوعين علشان نناقش و نتفق هنعمل إيه قلتله طيب هنعمل إيه قاللى الكيس لازم يتشال قلتله منظار تانى قاللى لأ انا برجح فتح بطن قلتله ليه كدة قاللى هنستأصل الكيس طله وجزء من المبيض و نحاول نحافظ على أكبر جزء ممكن من المبيض و بعدها نعمل حقن مجهري لان مع وجود الكيس حتى لو شفطناه بس مع المنشطات الكتيرة ممكن يكبر و كأننا معملناش حاجة او ممكن يأثر على الحقن لانه بيكون لسة موجود طبعا انا معجبنيش الكلام دة قاللى عموما استمري على الدوا و تعالةىبعد اسبوعبن نتفق------- شكله عايز يستشير حد مش عارفة طبعا نزلت متنحة و محبطة و جوزى بيحاول يهدى فيا و يقوللى تعالى نخرج شوية بس كنت مصدعة و متضايقة و فضلت ادعى و استغفر ربنا و قررت باتوكل على الله و كلمت جنين امبارح و حجزت معاد الاسبوع اللى جاي و ربنا يكرم

الف سلامة عليكى يا حبيبتى ان شاء الله خير بس خدى راى دكتور تانى لان موضوع فتح البطن كبير و ممكن الحكاية تكون مش مستاهلة

miramiro;13847555:
السلام عليكم
ازيكم كلللكم هاو ار يوووو

ميويه
ازيك ياحبيبتى عامله ايه واخبار النت يارب يكون اضبط
وقررتى تروحى لدكتور ولا لسه
ويارب الظروف اللى كانت مضيقاكى تكون خلصت يارب

ازيك يا ميرا النت لسه انا شغالة باليو اس بى و مقرفة بصراحة انا مش عارفة و الله مش اخدت اى قرار الهانم شرفت امبارح و الدكتور مش هيعملى اى حاجة الا لما اعمل اشعة الصبغة و الموضوع ده تقيل على قلبى اوووووى فوق ما تتصورى مع انه قاللى هيدينى بنج و مش هحس بحاجة ربنا يسهل بقى

ريري أنا مشكلتي إن مش بقدر أتابع ريجيم مع دكتور أبدا بالعكس أنا مع نفسي بخس أكتر من أي نظام دكتور لأني مش بالتزم أبدا ب كلامهم وأنا عارفة إيه اللي بقدر أبطله و إيه اللي مش بقدر و إيه اللي بيتخني و إيه لا

ياسمين أنا انشاء الله هاروح ٧.٣٠ الصبح إتفقت مع جوزي على كدة
أ
انتم يا بنات ف أي مرحلة من الحقن و إيه المشكلة عندكو معلش اصلى مش متابعة من الأول

أنا برضو يا ريري سمعت عن المحاولات دول بس اللي أعرفه إنو الدكتور هو اللي بيقولك إيه أحسن حاجة ليكي ولا إيه و أنا أعتقد إنو التلات محاولة بتعدي ال١٥٠٠٠
أنا ربنا يسهل هشوف المحاولتين و من ناحية الفلوس هحاول اقنع جوزي يشتغل سايس بعد الظهر حتى نضمن الفلوس متقصرش معانا هى اضمن شغلانة اليومين دول

الله اية دة انا شايفة محبة تحت اهى ازيك يا قمر اخبارك اية
اكيد مش فاكرنى ومش عرفانى كمان ههههههههههههه

انا ملك حياتى لو تفتكرى اخبارك اية وازى دينا حمدى اخبارها اية وعيون حمودى ابقى سلميلى عليهم وعلى جرين ابل انا حاسة انى ناسية ناس كتير بس اعذورنى انا نادر لما بادخل المنتدى

ياااااااااااه ملك
ازيك عاملة ايييييييييييه

ههههههههههههههه
طبعا فاكراكى يا بنتى
اخبارك ايه والنونو بتاعك عامل ايييه

؟؟؟؟

السلام عليكم

ازيكو يا بنات

اخباركو ايه

وحشتوونى

:)

noor1984;13851902:
دينا
يادينا
يادينا توكلى على الله وروحى لدكتور محمد متتاخريش خلاص صلى استخاره وروحى
انا حسه ان مشكلتك زى مفهاش حاجه وبسيطه وتتحل باذن الله
او اقولك الدكتور اللى بعتتتنى ليه هدى ده لما بحثت على النت لقيت كتير عندهم اجهاضات وبيشكرو فيه اسمه عبد المنعم فرج
لو تحاليل عثمان غاليه اوى روحى جربى الدكتور ده
بس بصراحه انا عثمان راى فيه انه شااااااااااااااااااااااااااااااااااااااطر جدا وفاهم بيعمل ايه اوى انما الدكتور ده مجربتهوش ومعرفشى حاجه لسه
انما مونى راى تروحح لجنين احسن عثمان معاها هيعمل نفس اللى هيعمله المركز بفارق خمس اضعاف فى الفلوس
انما انتى ان شاء الله الموضوع كله هيبقى دوستنكس وبرونتوجيست واخلصى
يارب ربنا يرزقكم كلكم يااااااااااااااااااااارب ويكملى بخير يارب

نعم نعم
حاضر هروح والله
انتى عارفة انا فعلا صليت استخارة ومرتاحة له الحمد لله
انا برضو حساه شاطر وسبحان الله مرتاحة انى اروحله
معظم الدكاترة اللى روحت لهم بسمع انهم شاطرين بس ببقى رايحة مقلقة منهم ومش ببقى واثقة فى كلامهم اوى مش عارفة ليه لكن ده لا سبحان الله
ربنا يكن يجعله سبب فى حملى وولادتى يارب

بس سؤال بقى ايه الفرق بين المستشفى وبين العيادة
ونفس السعر
وايه اخبار المواعيد فى الاتنين
اه وكمان عنوان العيادة فين انا اعرف ان المستشفى فى المعادى
ومعلش سؤال كمان ليكى يانور ونيمو
لو انا هكشف بس والتحاليل هعملها بره اعمل حسابى على كام

nemonamanemo;13852028:
بت يا دينا انتي عاوزه تكسير الدماغ

روحي لعثمان واخلصي بقالنا سنه بنقنعك انا و نور

التقرير حالا هيتبعت

:oحاضر يانيمو هروحله بإذن الله:o

nemonamanemo;13852093:
دينا بصي يا سيتي

انا محبتش عثمان ده خالص كشري شويه هو بس ده كان في الاول بعد كده بقي بيهزر بس هو هزاره رخم عموما ههههههههههههههههههههه

بس انتي مالك انتي هتتجوزيه هو شاطر و انتي عنده هتحسي انه فاهم كده و واثق من نفسه بياخد وقته في الكشف و في السونار و بيطلب تحاليل وافيه

هتبقي مرتاحه وانتي قاعده قدامه و هيديكي امل كده ان الموضوع بسيط و ليه حل ان شاء الله



مضيعيش وقت و فلوس و تلفي علي دكاتره تانيه قصري علي نفسك وروحيله

ماهى نور برضو بتقول انه كشرى
طيب يعنى انا بخاف ههههههه
وممكن انسى انا هساله على ايه
ممممممممممم لا مش هتجوزه طبعا:lol: بس على الاقل احبه احم احم قصدى يعنى ارتاحله احم يادى النيلة :o
قصدى ابقى مرتاحة نفسيا ومطمنة
كده كويس.....:)

nemonamanemo;13852138:
موني انتي بقالك قد ايه متجوزه


وانا ان شاء الله هبدأ رجيم بعد اسبوع ممكن نبتدي سوا

وانا وانا ابدا معاكو الله يخليكو

زوجى كل حياتى;13852446:

سلام علي كل الموجودىن انا سحر كنت معاكم من شهر وسبتكم علشان السفر ها فاكرينى ولا لا

عموما انتو كلكو وحشتونى مووووووووووت فرح وميرا ودينا وودعه وكل الموجودين والله

سحورة اهلا ياقمر طبعا فاكرينك ياقمر حمد لله على السلامة

عرووس الدلتا;13854829:
الله اية دة انا شايفة محبة تحت اهى ازيك يا قمر اخبارك اية
اكيد مش فاكرنى ومش عرفانى كمان ههههههههههههه

انا ملك حياتى لو تفتكرى اخبارك اية وازى دينا حمدى اخبارها اية وعيون حمودى ابقى سلميلى عليهم وعلى جرين ابل انا حاسة انى ناسية ناس كتير بس اعذورنى انا نادر لما بادخل المنتدى

ملوكة ازيك ياحبى
وازى النونو ايه الغيبة دى كلهاااااااااااا:adore:

ازيكم يا بنات