شات منتظرات الحمل قريب بإذن الله (احلى بنات فى مصر )وامهات المستقبل القريب

بت يا دينا انتي عاوزه تكسير الدماغ

روحي لعثمان واخلصي بقالنا سنه بنقنعك انا و نور

التقرير حالا هيتبعت

هى بعتهالى فى رساله يانيمو مش لينك هبعتلك الرساله بس بجد تحفه طعمها جميييييييييييييييييييييييييييل

المقادير
كوب لبن
كوب سكر
كوب الا ربع سمن بلدى
2 كوب سميد ناعم(اللى هو دقيق البسبوسه)
ربع معلقه بيكنج بودر

السيرب(عباره عن كوب و نصف ماء و 2 كوب الا ربع سكر و 2 نقطه ليمون و فانيليا) علشان يبقىسيرب خفيف
وهنحط كل السيرب على البسبوسه متخافيش هتشربها

الطريقه
هنحط اللبن مع السكر و السمن على النار حتى تمام الغليان
ثم نطفى النار و نضع السميد و البيكنج بودر
و نقلب و نضعهم فى صنيه متوسطه
وندخله الفرن على 170 لغايه ما تتحمر كويس و نطفى الفرن
و نكون عاملين السيرب و يكون سخن و البسبوسه سخنه علشان تطلع طريه
و نحط كل السيرب عليها هيبقى كتير متخافيش حطى كله
و دخلى الصنيه تانى الفرن و هو مطفى لمده 10 دقائق علشان البسبوسه تشرب السيرب

وبالف هنا وشفا يا حبيبتى
هى دى يانيمو سهله اوووووووووووى وبسيطه

و نعم بالله تعرفى و اللهى يا نور بجد انا الأول لما عرفت كنت على طول عياط و هم و زعل و بعدين مرة كدة و انا قاعدة اقلب فى التليفزيون كل ما جيب قناة الاقى حد بيتكلم عن الصبر و تفويض الامر لله و احتساب الجر عند لله و قصص حولين المعنى دة سبحان الله من يومها كل ما احس انى متضايقة استغفر ربنا و ادعى "اللهم اجرني في مصيبتي و اخلف لي خيرا منها" و اللهى القى نفسي هديت و دايما ماما تقولى "ضاقت فلما استحكمت حلقاتها فرجت و كنت اظنها لن تفرج" بس الواحد غصب عنه ساعات بيحس انه مخنوق و محتاج يفضفض
و اللهى انا واثقة فى كرم ربنا و عارفة انه هيسهلها من عنده طالما استخرناه و هو هدانا لحاجة يبقى مش هيضيعنا أبدا
بجد ربنا كريم و كل واحدة ربنا كاتبلها حاجة هتشوفها فى وقتها الحمد لله على كل حال يا رب صبرنا

ان شاء الله اجربها


موني عسل انت ولله لا و فعلا الكيس اصيل اسم الله عليه ههههههههههههههه ربنا يشفيكي و يعفي عنك يا قمر

الحمد لله يانيمو انا بخير

ازيك وازاى حلا عامل ايه

امانه بوسهالى بوسه كبيرررررررره

وياريت عضه فى خدها كمان

ياحرام انا لو مسكت طفل صغير بفضل اغضعض فيه لحد ميزهق منى ويعيط
ههههههههههههههه

دينا بصي يا سيتي

انا محبتش عثمان ده خالص كشري شويه هو بس ده كان في الاول بعد كده بقي بيهزر بس هو هزاره رخم عموما ههههههههههههههههههههه

بس انتي مالك انتي هتتجوزيه هو شاطر و انتي عنده هتحسي انه فاهم كده و واثق من نفسه بياخد وقته في الكشف و في السونار و بيطلب تحاليل وافيه

هتبقي مرتاحه وانتي قاعده قدامه و هيديكي امل كده ان الموضوع بسيط و ليه حل ان شاء الله



مضيعيش وقت و فلوس و تلفي علي دكاتره تانيه قصري علي نفسك وروحيله

هههههههههههههههههههههههههه

هو انا من عنيا هعضها بس من غيظي منها البت السرير بيشوكها حاجه غلب ههههههههههههههههههه

بالنسبة للبنات اللى بتخس بتعملوا حاجة معينة و لا كل واحدة ماشية مع نفسها اصل انا عايزة اخس بردو انا مش تخينة خالص بس بقالى كدة بتاع سنة حاسة ان جسمى بقى مفشكل و بقالى بطن يشعة و هانش بشعة مع إنى مكنش عندي بطن و لا هانش لدرجة ان واحدة صاحبتى كنت بقالى كتير مشفتهاش شفتها من كام يوم و كانت فاكرانى حامل :(

موني انتي بقالك قد ايه متجوزه


وانا ان شاء الله هبدأ رجيم بعد اسبوع ممكن نبتدي سوا

نيمو عايزه اشوف حلااااااا
ونفسى اشوف والله كل البنات بتوع القاهره
عارفه لما روحت لعثمان كان نفسى اشوف امنيه وفضلت اتخيل اننا هنعرف بعض صدفه وفى الاخر اكتشفت انها بتروح المستشفى وانا العياده ههههههههههههههههه

نيمو هو انتى منزلتيش فى الوزن بعد الولاده
اصل انا دلوقتى وصلت لوزنى المناسب لطولى خايفه اخس تانى هههههههههههههه
قوليلى خلينى اتفائل

ههههههههههههههههههههههههههه عملتي زي كنت بروح المستشفي و انتي العياده و كمان ساعه الجزار كنت بقعد ادور عليكي

هي امنيه بقيت تروحله كويس برافو عليها بس هو شخصها حمل عنقودي ولا ايه ؟؟؟؟

و ياتري هيعمل معاها زي ما عمل ما هدي




ان شاء الله هصورها معلش انا كسوله والله هي ليها صور بس مش حلوه

لا اتفائلي براحتك يا اختي لسه منزلتش لوزني قبل الحمل هههههههههههههههههههه

بس طبعا ديه امكانيات شخصيه ... و واحده معصعصه زيك اكيد هتخس (امثالك بيتلككوا عشان يخسوا اصلا هههههههههههههههههه)

اما انا ما شاء الله بنت عز من يومي هههههههههههههههههه التخن حالف ميسيبني زي الكيس بتاع موني كده

هي بوسي فين مدخلتش انهارده

وعليا و شوشو و بقيت العيال فين

ياعيال انا هستغل فرصه ان حلا مدروخه و هقوم جري انتشر في الشقه اكروتها و اللم الدود من علي الوش و اجي

يا بنات يا راغين كفياكم لك..الشاب اللطيف جيه ومش عارفه الك معاكم
مون صحيح لو معادك فى جنين على 11 وله 12 سيبك منهم وروحى على 8 الصبح لانك لو روحتى على 12 مش هتخشى قبل 6 اسالينى جربت لطعتهم
لكن لو روحتى الصبح ان شاء الله تدخلى بدرى بس متتاخريش عن 8 بعد كده هيبقى دورك برده متاخر..وطبعا موصكيش على الفلوس

nemonamanemo;13852138:
موني انتي بقالك قد ايه متجوزه


وانا ان شاء الله هبدأ رجيم بعد اسبوع ممكن نبتدي سوا

انا بقالى سنة و شهرين متجوزة
انا بقالي حوالى 10 أيام محترمة نفسي و مقلله شوية فى الأكل مع إنى و الله مش أكيلة خالص بس نقطة ضعفى و مشكلتى الحلويات مينفعش يعدى يوم ماكلش حاجة حلوة
و بقيت أروح الشغل و ارجع مشي اصل الشغل قريب هى تلت ساعة رايح و تلت ساعة راجع حلو اوى واشترينا مشاية كهربا و اليوم اللى بضطر أخد العربية و انا رايحة الشغل بمشى نص ساعة و مقضياها فى الشغل شاى اخضر و قرفة بالزنجبيل

nemonamanemo;13852138:
موني انتي بقالك قد ايه متجوزه


وانا ان شاء الله هبدأ رجيم بعد اسبوع ممكن نبتدي سوا

لحظةحب;13852231:
يا بنات يا راغين كفياكم لك..الشاب اللطيف جيه ومش عارفه الك معاكم
مون صحيح لو معادك فى جنين على 11 وله 12 سيبك منهم وروحى على 8 الصبح لانك لو روحتى على 12 مش هتخشى قبل 6 اسالينى جربت لطعتهم
لكن لو روحتى الصبح ان شاء الله تدخلى بدرى بس متتاخريش عن 8 بعد كده هيبقى دورك برده متاخر..وطبعا موصكيش على الفلوس

بصى صاحبتى فى منتدى تانى كان معدها اصلا 8 الصبح و راحت 7.30 و انا معادى واحدة الظهر و فكرت جديا أعمل كدة بس خايفة يطلعوا سخفة و يغلسوا و يقولولى اجى فى معادى تفتكرى اروح 7.30فعلا من نفسي كدة و لا بلاش

حلو قووي كملي كده انتي بس لو قليلتي الحلويات هتبقي تمام


انتي شغاله ايه