19 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو الحجه

nanoo99;13762316:
ام بودى

هى الكريمه البانى الطريقه بتاعتك مقاديره ايه يعنى قد ايه لبن وذبده وكده

اه وكمان لما عملتى تورته نانى عملتها فى صنيه مقاس كامممم؟؟؟؟؟؟؟؟

اصل هغامر واعمل انا تورته عيد ميلادى

كلاكيت تانى مره ياام بودى

الكريمة الباني دي عمري ما عملتها في البيت و تورته ناني عملتها في صينيه 24 و جربي ان شاء الله حتعجبك بجد حلوة جدا

ام عمر افندى;13761793:
نانى معقووووله حد مش بياكل فته ورقاق يلا ملهمش فى الطيب نصيب ههههههههههه ابقى روحى لماما احسن برضوا بالنسبه للمقادير تمام كده هجربها النهارده واقولك وفعلا حاسه ان العدس ملهوش غير كده بس مبيطلعش ملزق شويه كده زى بتاع كشرى التحرير مش معجن لا تحسى انه مستوى زى الرز لما بتغرفيه فاهمانى وقوليلى صحيح ايه نوع الميكرويف ولو كينود ايه الموديل بتاعه
نورمااا تسلميلى بس مش العدش المفروض لما يغلى يترمى ميه اول غليه دى وتغيرى الميه ولا اييه انا بعمل كده بخليه ياخد غلوة وارمى الميه واحط ميه تانيه يكمل سوا فيها

انتي خلتيني اعمل كشري على فكرة وعملته واكلناه كمان وطلع حلو اوي

المايكرويف بتاعي كينود موديله MW786
Microwave oven

at2ota;13761967:
بنات نفسي في بصارة ومعاها بصل اخضر ونفسي في كشري بعدس اصفر و معاة بتنجان مخلل انا بعرف اخلل البتنجان بس عايزة حد يتبرع و يقولي طريقة جامدة للكشري الاصفر و البصارة

الكشري الاصفر

انا بعمل كوب رز عليه نص كوب عدس

بغسلهم

وبحط معلقتين زيت في الحلة وعليهم الرز وبفضل اقلبه كويس عشان يبقى مفلفل وبعدين عليه العدس وملح وفلفل اسود وكمون وميه سخنه بس كدة واسيبه يستوي زي الرز العادي

في ناس بتحط معاهم شعريه بس انا بحبه من غير شعريه

Boody we zady;13762151:
هو ده الأفترا بعينه هههههههههههههههههههه و الله مفيش بعد سابليه و مستر بيكر يا رب أروح الكويت تاني هههههههههههههه ههههههههههههههههه

حأشوفلك موضوع الشرا من النت ده

احنا كمان عندنا مستر بيكر ههههههههههههه بس بصراحة عندنا حاجات تانيه اجمد منه بكتيررررررر

دة انتوا يا ام بودي عندكوا حته محل حلواني في اسكندريه عمري ماكلت تورته زي بتعته ابدا تحفة

اسمه كلاسيك فظيع للاسف مش موجود في القاهرة

ايمان و الله من قبل ما أجيب الكريمةة كنت بعمل صوص البيكاتا ب لبن و دقيق و حته زبده و جوزي كان بيعجبه جدا و كمان أهل جوزي

انا ااقصد دى ياام بودى

at2ota;13761967:
بنات نفسي في بصارة ومعاها بصل اخضر ونفسي في كشري بعدس اصفر و معاة بتنجان مخلل انا بعرف اخلل البتنجان بس عايزة حد يتبرع و يقولي طريقة جامدة للكشري الاصفر و البصارة

اتفضلى يا جميل الطريقه اهى كنت قولتها لام بودى قبل كده
بصى يا حبيبي هقولك بنعملها ازاى
الفول المدشوش تنقيه وتغسليه والخضرة تنضفيها وتنقعيها فى الميا والخل وتشطفيها
بعد كده قطعى الخضرة وحطى عليها الفول وحطى الميا عليهم وعلى النار وسيبيهم يغلوا لحد ما يطروا ويستوا سيبيها تبرد وبعد كده عنك اختيارين يا اما تضربيها فى الخلاط وده الاحسن او تصفيها وبعدين تركنيهم خلاص كده بعد كده هتعملى التقليه بتاعتهم توم بصل فى زيت وبعد ما يتحمروا حطى عليهم البصاره ضيفى بقى الملح والكمون واحنا ساعات بنحط شويه شطه و وبعدين صبيها وسيبيها تجمد وبالهنا والشفاF: ممكن تحطى على وشها بصل مقلى بقى

ناني فيبس;13762353:
انتي خلتيني اعمل كشري على فكرة وعملته واكلناه كمان وطلع حلو اوي

المايكرويف بتاعي كينود موديله MW786
Microwave oven



الكشري الاصفر

انا بعمل كوب رز عليه نص كوب عدس

بغسلهم

وبحط معلقتين زيت في الحلة وعليهم الرز وبفضل اقلبه كويس عشان يبقى مفلفل وبعدين عليه العدس وملح وفلفل اسود وكمون وميه سخنه بس كدة واسيبه يستوي زي الرز العادي

في ناس بتحط معاهم شعريه بس انا بحبه من غير شعريه



احنا كمان عندنا مستر بيكر ههههههههههههه بس بصراحة عندنا حاجات تانيه اجمد منه بكتيررررررر

دة انتوا يا ام بودي عندكوا حته محل حلواني في اسكندريه عمري ماكلت تورته زي بتعته ابدا تحفة

اسمه كلاسيك فظيع للاسف مش موجود في القاهرة

ايوة طبعا عارفاه جوزي جابلي منه تورته اللي جابها لما اتقدملي و اتصل بيا قبلها و قاللي عايز أكل منها ههههههه احنا كنا جايبين جاتوه من تريانون ماما الله يرحمها حطت الأتنين هههههههههههه

هههههههههههههههه والله يابنات مش حكاية انى مش عايزة ااكلها انا ببقى عايزة حاجات سريعه لبنتى لان جسمى بحسه مكسر والله ومش بقدر اقف ف المطبخ بجد حسه انى هبطاااااااااااااااانة اوووى
ياريت تقولولى اكلات سريعه للاطفال ومتنوعه وكتييييييييييييييييييييير ههههههههههههههههه عشان كل يوم اعملها اكله واغذيها ههههههههههههههه او اكل انا هههههههههههه

قطقوطه استنى اما نتغدى وانا اقولك الكشرى لانى عاملاه النهارده اما ادوقه هقولك انتى زيى انا برده بحب الاكله دى كتر خيرها شوشو فكريتنى بيه

ازيكم كللللللللكم
عاملين ايه
وحشتونى مدخلتش من قبل العيد

نانى فيس
ازيك يا حبيبتى عامله ايه
حمد لله علىسلامتك من قطر

نانى انا عملت المولتن بتاعك كان حلو اوى بس انا غلط فى حاجات
بصى انا عملته فى قالب الكريم كراميل لان معنديش قالب مفتوح من النص اوكيه

وحطيته فى الفرن شويه و شفيت ريحه انه اتحرق
خفت يكون اتحرق من تحت فطلعته و حطيت القالبين بتوع الكريم كراميل دول فى صنيه عاديه بدون ماء و لا حاجه تمام

بعد الربع ساعه لقتهم عالين حطيت خله اختبار لقتها طالعه فيها عجين
فسبتهم تانى فى الفرن

حوالى نصف ساعه كده

و فى الاخر طلع ناشف من الجوانب و طرى من جوه


فايه رائيك فى الموضوع ده؟
كده صح و لا غلطت

nanoo99;13762359:
انا ااقصد دى ياام بودى

ايوة دي عادي يا نانو بدوب حته زبده صغيره و أدوب دقيق كويس في اللبن و بعد كده أحطه علي النار و لو حسيته تقيل بخففه بلبن و أحط ملح و فلفل يعني شبه البشامل بس طعمه مع الأكل غير

ربنايخيلكى ياام بودى

بنات الحقوني
انا عملت البيكاتا بس طلعت معجنه
ههههههههههههههههههه
بجد مش عارفه شكلها مش شكل بتاعتكو اللي شفتها ف الصور مش عارفه ليه وطعمها حاساها تقيله كده
مش عارفه انا عملت ايه غلط
يمكن اكون كترت الكريمه ؟
انا حطيت نص كباية لبن وعليها مكعب كيري دوبته فيها وشوية دقيق صغننين اوي

حد يقول لي حل
خايفه من جوزي هيتغدى اييييييييييييييييييييييه
انا هعيط

جوووووووووووووووووزي جه
هقوم احضر الاكل وادعولي البيكاتا تعجبه هههههههههههههههههه

ان معاذ زودى حبه لبن عشان تخفيفيها شويه
نانى بالف هنا وشفا انا بعد ما عملته جوزى بيقولى بلاش تاكلى انت مش ناقصه قلتله يعنى اقف واعمل ومكلش عشان بطنى لاااااا مش مشكله هاكل وخلاص وهيه كده كده مقلوبه من غير حاجه اساسا بس اكلته من غير تقليه بصل ودقه بصلصه بس قلت نص العما ولا العما كله ههههه وعملت العدس بطريقه احلى شويه من المسلوق دا بصى انا كنت ناقعاه من امبارح رميت ميه النقع دى وحطيت ميه تانيه وخليته ياخد ياادوب غلوة اول لما حسيته بقا تلات تربع سوا كده صفيته وشطفته وجبت معلقه بصل من اللى عملته على معلقه زيت من بتاع البصل وحطيتهم على العدس وقعدت اقلب شويه مع شويه ملح وكمون وبعدين حطيت اقل من ربع كوبايه ميه وخليته يكمل سوا كان طعمه احلى من المسلوق بس كده وميرسى يا قمر على الميكروويف
البنوته اللى بتسال على كشرى العدس الاصفر انا بعمله زى نانى بالظبط والصاره مليش فيها
والبنوته اللى عيد ميلاد جوزها والله احلى هديه تعمليهاله انك تولدى يوم عيد ميلاده ههههههههههه بجد هتبقا حلوة اووووى ههههه ربنا يسهلك يااارب

اييييييييمى انا كترتى الدقيق اكيد مستحيل تعمل كدا الا لو الدقيق كتير
حطلها شوية لبن او شوية شوربة

بنات انا فعلا زودت لها شوية شوربه وكانت جميله وعجبت جوزو الحمدلله
بس انا مازلت حاساها تقيله وماقدرتش اكل منها غير نص قطعه بس
يمكن عشان الحمل بس كان طعمها جميل والاهم طبعا انها عجبت جوزو اللي مش بيعجبه حاجه ههههههههههههههههه

دي صورتها بس هي غريبه شوية هههههههههههههههههه

miramiro;13762697:
ازيكم كللللللللكم
عاملين ايه
وحشتونى مدخلتش من قبل العيد

نانى فيس
ازيك يا حبيبتى عامله ايه
حمد لله علىسلامتك من قطر

نانى انا عملت المولتن بتاعك كان حلو اوى بس انا غلط فى حاجات
بصى انا عملته فى قالب الكريم كراميل لان معنديش قالب مفتوح من النص اوكيه

وحطيته فى الفرن شويه و شفيت ريحه انه اتحرق
خفت يكون اتحرق من تحت فطلعته و حطيت القالبين بتوع الكريم كراميل دول فى صنيه عاديه بدون ماء و لا حاجه تمام

بعد الربع ساعه لقتهم عالين حطيت خله اختبار لقتها طالعه فيها عجين
فسبتهم تانى فى الفرن

حوالى نصف ساعه كده

و فى الاخر طلع ناشف من الجوانب و طرى من جوه


فايه رائيك فى الموضوع ده؟
كده صح و لا غلطت

ميرا ولكم باك يا حبيبتي يارب تكوني شفتي الموزة ههههههههه دة انا صورتها مخصوص عشانك


بصي المولتن كيك لازم يبقى سايح من جوا امال هو مولتن ازاي

هو مش بياخد في الفرن اكتر من 10 دقايق

هو مش كيكه لازم تبقى كلها ناشفه لا لا هو لازم يكون سايح من جوا

وهو مش محتاج قالب مفتوح من النص بالعكس دة عايز مثلا صينيه كب كيك او اطباق صغيرة زي اللى انا كنت عامله فيها

يلا معلش المرة الجايا يطلع حلو






ام معاذ

تسلم ايدك شكلها حلو البكاتا

بس هي فعلا لما بيتحطلها دقيق بتبقى تقيله لكن من غير دقيق مع الكريمة بتبقى تحفة المرة الجايا جربيها بكريمه بس



ام عمر

بالهنا والشفا وحلوة طريقة العدس هبقى اجربها ان شاء الله

ايمي شكلها حلو مالها بالهنا والشفا
تسلم ايديكي يا عسل


بسررررررعة قولوولي بتعملو شاورما اللحم اازاااااااااااي

ftft70;13761483:
يا جماعه انا جبت مايكرويف و عاوزه اسال هوا بيسوى الجلاش و المكزونه بالبشاميل

ftft70;13761515:
بس ده مكتوب عليه انو بيسوى

فتفت يا قمر زي ماقالتلك بسبس بالظبط هو انواع وانواع انا عندي دايوو مكتوب عليه انه بيسوي بس مش بيسوي للأسف
احسن حاجة انك تجربي في مرة وتشوفي هايعمل ايه

على طريق العرس;13761917:
يا شيفات مصر
عندى ليكم سؤال سالته للبنات برضه فى التجمع بس حابه اخد رأيكم انتم كمان

جوزى عيد ميلاده ان شاء الله الاسبوع الجاى وده اول عيد ميلاد له واحنا سوا من يوم ما اتخطبنا من سنين كتيره كده ههههههههههههههههه
عايزه اعمل حاجه بقى واجيب هديه بس مش عارفه اعمل ايه ولا اجيب هديه ازاى لانى مش بخرج غير معاه وبسسسسسسسسسس

وعشان منساش كمان انا عندى تورته من العيد لسه مخلصتش لحد دلوقتى :)
يالا بقى اقترحو عليا وده طبعا لو مولدتش قبل عيد ميلاده :)

كل سنة وهو طيب يا سمسمة انا عندي نفس مشكلتك اني مابنزلش غير معاه فمش هاقدر افيدك بس انا شايفة انك تعملي تورتاية بنفسك هاتفرح اكتر واللي عندك خليها في الفريزر مش هايجرالها حاجة
وربنا يقومك بالسلامة يارب ويكتبلك ولادة سهلة آمين يارب

تسلمي يا ناني ع المجامله الحلوة زيك دي

ان شاء الله المره الجايه اجربها بالكريمه بقى لاني امبارح مش لقيتها

ايمي تسلم ايدك البيكاتا شكلها حلو والمرة الجاية ان شاء الله تظبط اكتر ابقي هاتي كريمة

رووفة;13763901:
ايمي شكلها حلو مالها بالهنا والشفا
تسلم ايديكي يا عسل


بسررررررعة قولوولي بتعملو شاورما اللحم اازاااااااااااي

تسلمي يا روفه يا قمر



انا بتبل الشاورما ببصل مقطع جوانح وفلفل الوان جوانح برضو
وعلبة زبادي وشوية خل مش كتير وملح وفلفل وبهارات طبعا
وسيبيها ف التتبيله شوية وبعد كده بحطها كلها ع النار بقى وسيبيها لحد ما تنشف خااااااااالص براحتها وتستوي ولو نشفت من غير ما تستوي زودي لها شوية ميه صغننين ووطي عليها لحد ما تنشف تاني وهتلاقيها استوت

وطبعا تكوني مقطعه اللحمه قطع صغيره بالطول